تعالو نسى كل مشكله عندنا ......كل واحده تدخل وتكتب ذكريات طفولتها

السلام عليكم

اكيد كلنا عندنا حاجه تعبانا اوشاغله تفكيرنا خلونا نسى كل مشكله قابلتنا نسى الى حبيناهم وغدروا واى حلم كنا نتمنى انه يتحق ومحصلش

يلا نرجع تانى بالفستان الى فوق الركبه وديل الحصان والى عايزه تمشى حافيه او تاكل تلج تعمل كده براحتها مفيش حد هيكلمنا ههههههههه

بنات اكتبو ذكرياتكم حتى لو مفيش حد هيقراء المهم نعمل مساج لعقلنا نرجع لاحلى عالم

انا طفولتى كلها كانت فى لبيا الى فى نظرى احلى مكان بعد مصر

بعشق كل حاجه بتفكرنى بيها الرمل الى كنت بلعب عليه انا واخويا وكتير كنت ارجع لماما وشعرى مليان رمل واخد علقه والقمر الى كنت بحسبه بيمشى معانا لما كنا نزور صحابنا ونطلع على الجبل والنخل كان عندنا نخلى فى حوش البيت (الجنينه)كنت بعلق على فروعها ملابس العرايس واحلى لعب كانت فى نظرى هى ادوات المطبخ لما تخرب عند ماما وتعطيهانى

احلى لحظه لما كنا نروح البحيره كانت عين ميه بعيد عن البيت شويه كنت ادرج انا واخويا على الجبل الى جمبها ونروح المزرعه الى جمبها ونرمى الشاشب فى الميه وتلف مع دوره الميه وترجع تانى ومره ضاع منى ومرجعش وروحت لهم حافيه ورجلى اتشوت من حراره الارض
:2kqfby1:

ولما كنا نروح الافراح اهم حاجه عنى هيه انى اخد كيس حنه رغم انها فى البيت اما بتاعت الفرح ليها احساس خاص تاكيس الصغير ابو فيونكا حمرا وكان عندى 5 سنين وبعرف ازغرد كانو يفتكرونى ست كبيره ويزغردو معايا

احلى حاجه لمابابا وماما يناما الظهر كنت انا واخويا نخرج فى ال ونطلع مئذنه الجامع الى قصاد البيت وندخل الجامع ونطلع على المنبر براحتنا ونروح البيت المهجور الى جمبنا كان فينا جرئه غريبه رغم ان البيت كان فيه بئر بس كنا بنحب الكراكيب اكتر من العب:010:

ولا ايام رمضان لما يجو يصلو التراويح كان يبقى فيه اكتر من200 سياره ومفتوحين كنا نلعب استغاميه احنا واصحبنا كان عندى اصحاب من كل الجنسيات تونسى وجزائرى ومغربى وشوام وعراقين وسودانين وهنود

ولما يجى العيد لازم البس يكون متجهز على السرير جمبى ونروح لكل الجران كنت بجمع كميه بنبون رهيبه :15_8_8[1]:

تعرفوا اكتر حاجه نفسى فيها هيه انى ارجع ليبيا بس خايفه الشوارع تكون اتغيرت والرسومات الى رسمناها على الحيطان تكون اتمسحت :009:

ياه كانت احلى ايام مكناش جربنا جرح فى قلبنا من حب حد ميستهلش ولا عرفنا الدنيا على حقيقتها

:11_1_207[1]: يلا كل واحده تنسى الدنيا وترجع بنىته صغيره تانى صدقونى احساس روعه:11_1_207[1]:

أدوات الموضوع
مشاهدة صفحة طباعة الموضوع أرسل هذا الموضوع إلى صديق