أخاف أضيع في الوحده من الوحده على مابي!!
أخاف أضيع في الوحده من الوحده على مابي!!
سما خوف الكلام الي جرح هذا الحديث أنفاس
بقايا الصوت من ضيقة عتاب و غيبة أحبابي
.
سؤالٍ كل ما يطري يطير من الجفون نعاس
من الي قبل ما يرحل ترك فقده على بابي ؟!
،
،
،
.
متى صار التعب صوتي ؟! و هي هذي وجيه الناس
حضرت من التعب فيها و أنا الحاضر من غيابي
.
يا كل الفقد من بدري غصون المغفرة يبّاس
هنا الأصفر خذا شكل الملام و جفف عتابي
.
أحس إني وحيد أكثر من أية وحدة و إحساس
أخاف اضيع في الوحدة من الوحدة على ما بي
.
يا آخر صمت في صدري كأن الحزن له حرّاس
و كنّي لا تنهدتك يردونك و أنا مابي
.
كذا صار الوطن غربة من الغربة و لا يندّاس
أحد ماله أحد حتى ثيابي ماهي ثيابي
.
رحلت و ما رحل ليلٍ ملا هذا السهر وسواس
و لا ردوا مواويلي وهي توصل ل غيّابي
.
كثير من الوجع أبيض كثير من الخضار إفلاس
كثير الي بعد غابوا خطاويهم على ترابي
/
.
أنا لي حزن ما يفنى ورى هذا السؤال أنفاس
من الي قبل ما يرحل ترك فقده على بابي ؟!
/
تحيه معطره لأرواحكم :05:
|