 |
  |
|
|
|
|
#1 |
|
:: كاتبة نشيطة :: |
كلي له وماملك قلبي غيرها
~*¤®§(*§ بسم اله ا لرحمن الرحيم§*)§®¤*~ˆ° `·.¸¸.·¯`··._.· (السلام عليكم ورحمة الله وبركاته) `·.¸¸.·¯`··._.· تبعثرت العبارات وانتشرت الكلمات وفاح عطر العبير في كون المنتديات لينشر معه روايتي بكل إشراقة وبهاء روايتاً انتظرها الكثير بكل شوق وحباً "]{}{}{}{}{وعبير}{}{}{}{} رواية يمتزج فيها الحب والوفاء والكرة والحزن والشوق والحنين ولألم والظلم وكل العبارت التي تنم عن مشاعر الأنسان اشرقت شمس جديدة في منتداكم وبدءت معه روايتي فها هي بين يديكم وها هي سطوري تعود إليكم برواية ثانية تحمل فيها مايبهجكم ويمتعكم وأتمنى أنا تحوز على رضاكم[ §¤°~^™ وكل عام وأنتم بألف خير™^~°¤§•·.·°¯`·.·• (ورمضان كريم) •·.·°¯`·.·• *************************** `•.¸¸.•¯`••._.• (الشخصيات) `•.¸¸.•¯`••._.• أبو أحمد الجد "صالح" وأم أحمد الجده"سلمى" عايشين في بيت لهم قريب من بيت أبو تركي رفضو يسكنو مع عيالهم وعندهم شغالين وخدم وسواقين خاصين فيهم***************** " عائلة أبو تركي" أبو تركي "أحمد"عمره 45 سنة رجل أعمال كبير لاكن شغله عمره ما أشغله عن بيته ولاعياله ودلوعته غلا بنته ****** أم تركي"نورة"عمرها 40سنة تحب زوجها وعيالها وخاصة تركي لاكن تحب الطلعات ماتجلس بيتها دايم ****** تركي عمره21 سنة طالب بالكلية تخصص هندسة حلو وسيم وعيونه عسلية وشعره بني ومطوله شوي وبشرته بيضاء جسمه رياضي ومغزلجي درجى أولى<< ركزو درجة اولى هههه ******** غلا عمرها سنة آخر سنة ثالث ثانوي أدبي شعرها يوصل تحت كتفها لونه بني وعيونها سود وبشرتها بيضاء حلوه وتحب بنت عمها زهور ودوم مع بعض وفي نفس في المدرسة والفصل وتحب الكشخه ******* رنا:عمرها 17سنة تدرس ثاني ثانوي علمي شطورة حلوة ونعومه شعرها لونها بني قاصته الشلال ويوصل لنص ظهرها بشرتها بيضاء ودوم خدودها حمراء إذا خجلت <<خجوله مره ومتواضعه حيل عكس خواتها الي فيهم شوية غرور ********* مها عمرها 15 سنة اولى ثانوي شعرها اسود يوصل لتحت كتفها قاصته مدرج وصابغته خصل اشقر طالع عليها حلو عيونها بنيه بشرتها بيضاء تحب بنت خالها حلا وهما مع بعض نفس المدرسة والفصل رجه درجة اولى ويحبو الأستهبال وماهمهم شي أسمه دراسة ********* وليد عمره 14 ثاني متوسط عيونه بنية وشعره اسود وناعم وبشرته بيضاء ويحب لعب الكورة والبلاستيشن وفيه رجه مثل اخته مها ودوم حرب وشطور في المدرسة مثل رنا وهو ولد خاله مازن دوم مع بعض [/COLOR] ********* عائلة أبو فارس أبو فارس"محمد"<<أخو أبو تركي >>عمره 47 سنة رجل اعمال كبير اهتمامه كثير في الشغل له شغله وشركاته الخاصه فيه ****** أم فارس "حنان"عمرها 37 سنة اسم على مسمى حنونه على عيالها حيل وتحب تشاركهم افراحهم واحزانهم وتشوف وش الي مضايقهم ام حنونه وطيبة الأم كلها فيها ماشاء الله ********* فارس عمره 21 سنة طالب في الكلية تخصص هندسة مع تركي ولد عمته حلو بالحيل وسيم شعره أسود وطويل وعيونه بنية ورموشه كثيفه وعنده غمازتين شكله جنان لما يضحك والبنات خاقات عليه وهو مغزلجي درجى ثانية<<ركزو أوكي واوقات يروح يداوم مع ابوه في الشركه لما يكون فاضي ********** دانة عمرها 19 سنو اول سنة جامعه تخصص لغة عربية بنت هادية شوي لاكن مع الاستهبال تقوم <<حلوه تقوم ههههههههه شعرها اسود لنص ظهرها وفيه خصل احمر وبشرتها بيضاء وعيونها سوداء وساع ********** حلا عمرها 15 سنة اولى ثانوي حلوة لاكن ماتحب تبين جمالها لأنها عربجية شعرها ولد<<بوي>> لاكنه ناعم وكثيف واسود تحب لبس البناطيل وماتحب تلبس غيرها كلامها عربجي مع الكل وتكره البنات المايعات لاكن عليها استهبال ودجه مع بنت عمها وتؤمها على قولتها مها وطبعاً ماتحب الدراسة ********** مازن عمره 14 سنة ثاني متوسط يحب الكورة مثل وليد ولعب البلاستيشن عيونه سوداء شعره اسود بشرته ماهي بيضاء ولاسمراء<<سموها أنتم ههههه لالا حنطيه صح كذا ههه وشطور بعد بالمدرسة ********** " عائلة أبو بدر" أبو بدر "سالم" أخو أبو تركي عمره 44 سنة مدرس لغة عربية في مدرسة المتوسطة له شركة وعقارات ماسكها ولده بدر وأهو إذا فضى راح لها أنسان حكيم وأغلب الأوقات يؤخذ برايها في امور العائلة مهتم في بيته وعياله وأمورهم ******** أم بدر"فوزيةعمرها 38"انسانه فيها كبر وغرور عكس زوجها وتكره زوجة ولدها بدر لأنه رفض يتزوج بنت أختها ***** بدر عمره 27 سنة متزوج من خارج العائلة اخت صديقه ماسك شركة ابوه وعقاراته وكل امور الشعل وساكن مع اهله في دور خاص له واصدقاء عمره فهد ولد عمه وزياد صديقه اخو زوجته **** مي زوجة بدر عمرها 23 سنة حلو شعرها يوصل ل ظهرها وصابغته هايلات بني وعليه اشقر محليها اكثر مع بشرتها البيضاء وعيونها البنية طيوبة حيل ودوم متحمله وصابرة على كلام عمتها<أم زوجها>ا الي ترمية عليها لما تشوفها عشان زوجها وعيالها عيال فهد ومي "معاذ عمره 3 سنوات يجنن ماشاء الله خدوده مورده وعيونه كبار ورموشه كثيفه وشعرها ناعم وكثيف ويغار من اخته ليان ليان سنة ونص شعرها لتحت اذنها وبني وكثيف مع عيونها البنية وبشرتها البيضاء وخدودها المورده وفمها الصغيرون ودوم هيا واخوها معاذ هواش " ************* نواف وزهوز تؤم نواف عمره سنة ثالث ثانوي علمي حلو وكول شعره بني وعيونه سوداء عيونه وساع ورموشة كثيفه وبشرته بيضاء يحب الدجه ودوم هو وطلال ولد عمه مع بعض في كل شي *********** زهور تؤم نواف زهور عمرها سنة ثالث ثانوي ادبي مع غلا صديقات الروح بالروح حلوه وشعرها اسود لنص ظهرها وبيضاء وعيونها سوداء مرحه مثل غلا وتحب شخص راح تعرفوه من احداث الرواية ************* رغد عمرها 17 سنة ثاني ثانوي ادبي رنا بنفس المدرسة عيونها بنية وشعرها اسود لنص ظهرها وبشرتها برونزيه لاكنها تغار من رنا بالحيل ومغرورة مثل أمها ******** رازان 12 سنة تدرس سادسة ابتدائي بنوته حلوه وتحب لميس بنت عمها ودوم مع بعض وحطو كل وحده في فصل وجلست تصيح ليما خلوهم بنفس الفصل ههههه ومسوين شله هيا ولميس ومازن وليد ويزن ********* "عائلة أبو فهد" أبو فهد "عبد العزيز" عمره 43 سنة اخوي أبو فارس وأبو بدر عنده شركات وأملاك مثل أخوانه ******* أم فهد"ندى" عمرها 39 سنة تحب تهتم في عيالها وحنونه عليهم وأمنيتها يرجع ولدها من السفر ويتزوج وتشوف عياله ******** فهد عمره 25 سنة يدرس بالخارج<< أمريكا >>وباقي له شهرين ويرجع يدرس طب بشرته برونزيه عيونه ناعسة وحلوة شعره بني كثيف يحب وحده بجنون راح تعرفوها بعدين ********* طلال عمره سنة آخر سنة ثانوي علمي ولد حلو وكول شعره مطوله ولونه اسود وعيونه بنية ورموشه كثيفه وعنده غمازه وحده محليته اكثر يحب وحده بجنون ومصرح بحبها قدام الكل ماهمه احد راح تعرفوها بعدين وجريئ مره <<شوفو التشويق ودوم مع ولد عمه نواف ******** دانة عمرها 15 سنة تدرس اولى ثانوي لاكن في مدرسة غير مدرسة مها وحلا حلوه وشعرها قاصتة الفراولة محليها بالحيل مع لونه البني والخصل الثلجيه وعيونها الواسعه ولونها الأسود وبشرتها البرونزيه ******** يزن عمره 13 سنة اولى متوسط حلو لاكن شوي دبدوب وهذي عقدته ويغار من وليد بتعرفون بعدين ليش ****** لميس عمرها 12 سنة تدرس سادس ابتدائي مع رازان حلوه ودوم هواش هيا ويزن ****************************** ******************** **************************** "عائلة أبو خالد" هذي عائلة غير ومختلفه كل الأختلاف عنهم أبوخالد"ناصر"رجل وش اقول عنه بس قاسي قلبه وطماع ويحب شي اسمه فلوس وسكير عمهر 48 سنة ويسمع كلام زوجته ويصدقها بكل الي تقوله ألآم خالد"سارة"مثل زوجها طماعه وقلبها قاسي وتموت على الفولس ودوم مع زوجها بالي يسويه وهي الي تخط له وتعلمه وين يروح وايش يسوي بعدين بتعرفون كيف <<لاتستعجلون ههههه مريم:عمرها 19 سنة تدرس اول سنة جامعه تخصص عربي مغروره وشايفه نفسها بس على شنو هيا شكلها عادي بشرتها سمراء عيونها لونها اسود وشعرها اسود لتحت كتفها وطولها متوسط انوار:عمرها سنة تدرس ثالث ثانوي ادبي حلوه شوي شعرها بني يوصل لنص ظهرها عيونه بنيه بشرتها حنطيه مابين الابض والاسمر مغرورة مثل اختها وتمشي ولاكنها شايفه احد وطالعه على امها بأطباعها خالد:عمره 12 سنة حلو وحنون شعره اسود بشرته بيضاء عيونها بنية يدرس سادس ابتدائي ومتفوق بدراسته ودلوع امه بس عكس اطباعه ابوه وامه ودوم يتضايق منهم وأخيراً بطلة روايتنا "جنى" جنى: عمرها 17 سنة ثاني ثانوي علمي شطورة ماشاء الله متفوقه بالدراسة "بنت حلوة بكل معنى الكلمة"إلي في المدرسة يغارون من جمالها ولها معجبات بس ماتعطيهم وجه شعرها لونه أسود يوصل لين آخر ظهرها وناعم حرير وفيه لمعه وعيونها شكلها حلو وعسلية وبشرتها بيضاء وصافيه وفيها غمازة على خدها الأيمن محليتها أكثر وشفايفها وردية وملينانه وخدودها متوردة لاكنها يتيمه وعائشة عند عمها أبو خالد لأنه عمها الوحيد وماعندها إلا خال واحد وعايش مع زوجته وبناته ولده الصغير في منطقه بعيده عنهم وماتعرف عنه شي هيا وحيدة أمها وأبوها توفو بحادث سيارة وكان وقتها عمرها 10 سنين وكانت بالمدرسة وامها وابوها كانو رايحين لموعد مراجعه لأمها بالمستشفى واعترضت طريقهم شاحنه وصار الي صار وقدهم واصلين المستشفى ماتو لأن امها كانت تعاني من القلب وأبوها الضربة جاته قوية وبعدها اخذها عمها وخلاها تعيش معاهم ولاكنها بعذاب بعدين بتعرفون قصتها أكثر [IMG][/IMG] **** **** **** **** مع إشراقة يوم جديد الساعه9:30 صباحاً جالسة على أرضية المطبخ وجالسة تمسحها اليوم عمتها معاقبتها منعتها تروح المدرسة عشان كسرت امس صحن "تقول غالي وقيمته ماتعدى 20 ريال"وهي تمسح دموعها تنزل على ارضية المطبخ الي صار يلمع مع صفاء دموعها البريئة جنى:يآربي تعبت وربي تبعت حرام عليهم انا وش سويت عشان كذا يعاملوني انا بشر مثلهم مو حيوانة ولا آله عشان أتحمل كل هذا ’ه وينك يمه يبه تعبت وربي تعبت تنهدت وقامت رفعت خصلات من شعرها كانت على وجهها وحطتها ورى أذنها وشالت المنشفه الي كانت تمسح فيها وغسلتها وعصرتها من الموية الي فيها ونشرتها والقت نظره اخيره على المطبخ الي شقفه متشقق وبويته المقشرة من أكثر من جانب تأكدت من أنها سوت كل شي عشان مرة عمها ماتعلق على أي شي وتحصل لها كم علقه تنهدت وطلعت من المطبخ وتوجهت للصالة ناظرت ماشفت احد وتوجهت بسرعه للدرج الي كانت ارضيته بلاط وطلعت جري لغرفتها عشان ماتشوف مره عمها ولابناتها ويمتحنوها بطلاباتهم الي ماتخلص توجهت لغرفتها وفتحتها دخلت وسكرت الباب وراحت توجهت لشنطتها الي كانت معلقتها بمسمار اخذتها وجلست على السرير وطلعت كتبها وجلست تذاكر وتحضر وتسترجع الي فاتها حق اليوم الي غابته "بوصف لكم غرفتها غرفه صغيره فيها سرير وخزانه صغيرة لملابسها ومراية نصفها مكسور لاصقه في الجدر "نخلي جنى شوي ونروح لبيت آخر يختلف بالأطباع والفخامه والرفاهية الي فيه عن هالناس "بيت أبو فارس" نزل من الدرج بكل هيبة وريحة عطره تسبقه كان متوجه للبا وبيطلع شاف امه جالسة بالصالة بروحها وتقهوة ماحب يطله بدون مايمر يسلم عليها دخل الصالة الي كان غالب عليها الون الاحمر والذهبي فارس دخل وباس راس امه وجلس :كيفكي الغالية أم فارس:بخير دامك بخير يمه اشوفك لابس وكاشخ وين طالع؟ فارس:فديتك يمه أنا دومي كشخه أم فارس:هههههههه اكيد يمه طالع علي فارس:ههههه أي يمه بطلع وبروح الشركة أمارس:اجل خلاص يمه مابي أعطلك فارس وهو يقوم:اجل يالله يمه مع السلامة أم فارس:بحفظ الرحمان يمه طلع لمواقف سيارتهم ركب سيارته الهمر وذي صورتها [IMG][/IMG] طلع من باب الفله وطلع جواله ودق على تركي تركي كان في دورة المياه<<الله يكرمكم طلع وهو ينشف وجه بالمنشفه شاف جواله يرن رفعه تركي:هلا فروس فارس:بدري كان نمت تركي يستخف دمه:تصدق توني قمت خلاص شبعت نوم فارس:هههه ماتضحك يالله انا قربت اوص الشركة عجل بنخلص شغلنا بسرعه وبنطلع بنروح النادي تركي:اوكي نص ساعه بالكثير فارس:نشوف بس ها بعد النادي وين تبينا نروح تركي بحماس وهو يروح للتسريحه وياخذ المشط ويمشط شعره :قالي علاوي امس مر من عند الكرونيش ياخي في بنات شي هناك وش رايك نروح نرقم فارس:اوكي صار بس لاتأخر عشان يمدينا نطلع ونروح البحر وعلى قولتك نقز وبعدها نروحللشباب الاستراحة تركي:أوكي يالله اقلب وجهك وسكر الخط وفارس انقهر منه مايحب احد يسكر في وجهه فارس:اوريك ياتركان ****************************** ***** في مكان ثاني في سوق الراشد الساعه 1 الظهر بعد طلعتهم من المدرسة مرو السوق <<ماشاء الله مافيهم تعب غلا:أي احلا هذاولاذا"وكانت تأشر على فستانين واحد لونه احمر واحد بنفسجي " زهور:امم مدري كلها حلوه غلا:اجل خلاص باخذها زهور:اوكي بسرعه حاسبي وانا بطلع بروح مكياجي اشوف وش عندهم جديد غلا:خلاص وانا لاحقتكي ودقي على هالمهبل مها وحلا وخليهم يجونا مكياجي زهور وهيا تطلع من المحل:اوكي طلعت وقفت جنب المحل ودقت على مها مها:أي وش تبين زهور:مهو وجع تعالي بسرعه انتي وهالخبله الي معاكي مكياجي مها:مغيرك الخبل خلاص لاتهذرين جاين وسكرت الخط<<ماعندها وقت اخوها تركي وطلعت وراحت مكياجي زهور:لو سمحت وش آخر شي نزل عندكم من نوعيات المكياج الموظف:هذا اختي الكتلوج وفيه كل شي جديد نزل عندنا زهور:اوكي وجلست تتصفح الكتلوج وتختار وشوي جات غلا وجلسو يختارون سوا خلو المحل برجتهم المعتاده مها:شوفي شوفي حلوي هالولد يجنن حلا:صح حلو بس مو مره فيه احلا مها:مالت عليكي امشي خلينا نشوف ذول المخبل مها جات من وراهم:ها وش تسون زهور:بسم الله الرحمن الرحيم حلا بدفاشتها المعتاده:جني شايفه لاشايفه جني مها:اقول فظحتونا انتي وياها ها هاكم الكتلوج اختارو وش تبون حلا:اقول شيليه عن وجهي غلا:اف معقدة حلا:اقول وربي هاليحن لو مانتطمين لاأدوس بطنك زهور:خلاص خلاص مها:هاتي انا بختار وأختارت وحاسبو وخلصو وطلعو لقيو سواق بيت أبو تركي ينتظرهم ركبو وصلو البنات بيتهم ورجعو بيتهم في بيت" أبو بدر" الساعه2 ظهراً مي جالسة بصالة جناحها دخلت ام بدر عليها أم بدر:وين بدر مي وقفت احترام لعمتها:موموجود عمتي طلع مشوار أم بدر:وانتي دومك متعبته بأشغالك روح وروح مي:لاواللهى خالتي هو راح يزور واحد من اصحابه بالمستشفى أم بدر:أي ه زين يالله روحي غيري لعيالك وضخو نفسهم بالرمل وهم لعبون في الحديقه وغديهم مي:انشاء الله عمتي ام بدر طنشتها وطلعت وهي تتحلطم ميتنهدت:ياربي الله يصبرني بس على هالعمه بعرف وش سويت لها الله يهديها بس وأخذت جلال وحطتها عليها احتياط لاتشوف بطريقها نواف نزلت بالدجرطلعت ونزلت بالدرج وهيا تنادي معاذ ليان جاء معاذ يجري وراه ليان معاذ:نعم ماما مي نزلت لمستواه وجلست تمسح على شعره ومسكت لينان من كتفها:يالله ماما انت وهيا عشان ابدل لكم ملابسكم واغديكم معاذ:لاماما مابي ابي الوح العب ليان:انا تمان بلعب :مي لاحبايبي خلاص لعبتو بما فيه الكفايه شفو كيف ملابسكم يالله بسرعه قبل لايجي بابا ويشوفكم كذا ويزعل a,d ,شوي ونزل نواف وهو لابس وشكله بيطلع:هلا والله بعيال اخوي فديتكم راح معاذ يجري ونواف شاله وقام يبوسه وهيا يضحك ليان تطلع على يدينها شوي شوي الدرج:انا انا نواف يضحك ونزل معاذ وشالها:فديتهالا الي تقول انا مي:هههههههه الله يعينك عليها نواف:هههههههه فديتهم وربي يهبلون مي:طالعين على أبوهم بدر وهو يحط يده على كتفها ا:وش فيه أبوهم مي:ههههههههه ولاشي بدر:أي الحين ولاشي نواف:هههه لاكان تمدح فيك تقول عيالك طالعين حلوين عليك بدر بغرور:أكيد مي ضربته على صدره:ياواثق لاعلي طالعين مو نواف نواف:اقول لاعليك ولاعليه علي طالعين صح ليونه لينا وهيا تهز راسها:تح نواف وهو يبوسها بقوة في خدها:فديتها التح وربي بدر:هي هي بنتي ذبحتها نواف:تجنن ياخي تجنن معاذ بزعل وهو ماد بوزه:وانا كمان عمو نواف اتن نواف:وانت بعد ياروح عمو نواف مع صديق روحه ولد عمه طلال طلع وركب سيارته وتوجه لبيت عمه فهد وصل دق الجرس فتحت له الخدامه الباب نواف:وين طلال سيتا الشغاله:في غرفه هو نواف:شوفي فيه أحد ولابطلع غرفته سيتا:لامافي تفضل دخل نواف وطلع الدرج وتوجه لغرفة طلال الي حافظ مكانها من كثر مايجيه دق الباب محد رد فتح البا ودخل شاف الغرفه باردة وظلام سكر البا واول شي سواه سكر المكيف فتح الستاير طلال وهو فاتح عين وحدهمن الضوء الي داخل من الشبك شاف نواف واقف على راسه:نوافو وجع سكر الشباك ولع المكيف واقلب وجهم بنام نواف:مالت عليك هذا استقبال تستقبلني فيه طلال وهو يجلس:لأنك جاي في وقت غلط نواف:ويجلس مقابله على السرير ماهمني قوم خلن نطلع نروح السوبر ماركت نتسوق حق الطلعه طلال بحماس:أي والله صح بكرة بنروح المزرعه نواف:اجل بسرعه قوم عشان يمدينا نمر الشباب في مقهى النت طلال:اوكي يالله قايم عندك التلفون دق اطلب من الخدامه تجيب لك شي تشربه نواف بأستهزاء:لافيك الخير توك تفكر تضيفني روح بس مابي شي ولو أبي ماني غريب بطلب من دون شورك طلال:هههههههه طيب وأخذ منشفته ودخل الحمام<<الله يكرمكم ويكرمن أجمعين نواف جلس يناظر في غرفته لفت نظره دفتر على الكومدينه اخذه وفتح آخر صفحة كان فيها القلم وكان مكتوب بخط عريض ومايل *********************** <<اشتاق لك في كل لحظه وساعه اشتاق للي لها القلب يشتاق>> وموقع بلقبه المجروح"" أبتسم ورجع الدفتر مكانه شوي طلع طلال ولبس وطلع مع نواف بسيارته راحو السوبر ماركت ماخلو شي ماخذوه من حق الطلعات بساكيت شبسات عصاير اغراض الشوي حلويات جاهزة ومنوعه من كيكات ومعاميل الخخخ"لأن البنات دوم ذالينهم يشترو ومايعطوهم إلا بعد ترجي لأن المزرعه حقتهم في مكان بعيد ماجنبه الا مزارع مافي بقالات الا بعد كم كيلو المهم وصارو هما المسؤلين عن اعراض الطلعه كل شهر لأنهم كل شهر يزورو المزرعه ويجتمعون كل العوائل يجمعهم الجد يحب يشوف عياله واحفاده دوم حوله ومدلع احفاده حيل ومايرضى عليهم لاكن وقت الجد جد"نروح لمكان ثاني ****************************** عند "تركي وفارس" السعه 5:30 العصر بعد ماطلعو من النادي كل واحد راح بيته وتكشخ وراحو الكرونيش في سيارة فارس الهمر كان فيها فارس وتركي وعلي وعبدالله اصحابهم قدام راكب فارس وتركي ورى علي وعبدالله علي:شوف شوف هذيك الي لابسة عباية فيها كريستا احمر عبدالله:اية الي لابسة لثمه علي:أي جالسة تناظرنا أنا مرقمها اليوم مرقمها والله لايعوقني بشر فارس:هههههههه أنزل لاتموت علينا ورينا مراجلك علي:بتشفون وفك باب السيارة ونزل بوصف لكم شكل علي "لابس بنطلون جينز وبلوزة كت لونها أبيض مكتوب عليها كتابات بالأنجليزي بالون الأزرق هو طويل شوي جسمه حجمه وسط اسمر شوي عيونه وساع شعره كثيف ومسويه كدش" علي قرب منها وهيا بس شافته لفت عنه بغرور علي:هلا والله بالحلو عطينا وجه البنت ورافعه حاجبها بغرور:وش تبي علي:يكفين الرقم يالحلوه وغمز لها البنت وكأنها تفكر أوكي بس بشرك علي وبعد تتشرط:قولي ياقلبي شنو البنت بدلع مايع وهيا تلعب الخاتم الي بيدها:تديني قبل رقم خويك ذاك وتأشر على السيارة علي:أقول طسي بس عاد من زينك تبي تكلمين وتكلمي خوي عيني عينك البنت:عاد من زينك روح بس وطنشته ومشت علي جلس يسبها في نفسه ومشى ورجع السيارة تركي:هابشر اعطتك الرقم علي بقهر وهو يلف وجهه:لا الحماره اقول لها اعطيني رقمك تقول اعطيك بس بشرط تعطيني رقم خويك ذاك تقصد فارس فارس بضحكه:ههههههههه وليه ماعطيتها علي:اقول اقلب وجهك عبدالله وهو يقلد علي :انا مرقمها اليوم مرقمها والله لايعوقني بشر الشباب معدا علي:ههههههههههههههههه *************************** الكل بدأ يستعد لطلعه المزرعه بشوق الي راح تكون بكرة من الصبح أنتهى ترقبوني غداً بارت جديد ومشوق أبي توقعاتكم |
|
|
#2 |
|
|
رد: كلي له وماملك قلبي غيرها
تشكرراتي حياتي
روعه قمه في الروعه مثل طلتك ياقلبي فديتك يسلمو قلبي انتظرابداعاتك |
|
|
#3 |
|
|
رد: كلي له وماملك قلبي غيرها
يسلموا يالغلا
|
|
|
#4 |
|
|
رد: كلي له وماملك قلبي غيرها
حلوه ياروحي
كملي |
|
|
#5 |
|
|
رد: كلي له وماملك قلبي غيرها
 |
