 |
  |
|
|
|
|
#1 |
|
:: كاتبة نشيطة :: |
قصة رهيبة لا تفوتكم تفرقع ضحك..
مرحبا بنوتات جبت لكم قصة مره حلوة ان شاء الله انها تعجبكم....
يلا نبدأ بالقصة.. عاد الاحرف صايرة تناكل مدري ليش يعني اذا فيه كلمات مافهمتوها مشو ها؟ نبدأ بسم الله... أمس أو البارحة أذن المؤذن لصلاة الفجر .. رحت ألبي النداء للصلاة .. دخلت المسجد وأذن المؤذن لأقامة الصلاة .. كبر الأمام وكبرنا معاه .. بدأ الأمام يقرأ واحنا في خشوع .. فجأة !! لمحت صرصور أو صرصار ومو مرة الا مرات كثيرة وانواع واشكال صراصير (دبابات )حشرات اي شيء تتخيلونه ما إن لمحته حتى قلت في نفسي لاحول ... والله العظيم كأن الصرصور سمعني !! توقف الصرصور عن المشي في الجدار وحسيت كأنه التفت لي وهو يقول : وش تقول يابو ؟؟ وأنا لو أدري أن السالفه راح توصل لها المواصيل كنت صارخت بأعلى صوتي .. آسفين .. آسفين يابو الصراصير؟؟ طبعا ضاع الخشوع وضاعت السكينه وصارت عيني تراقب هالصرصور لأنه غير طريقه وبدأ يقترب مني مع إن المسافه الي شفتها فيه كانت بعيده كان هو في الجدار عند الصف الأول وأنا كنت في الصف الثاني جنب الجدار كان في مصلي جنب الجدار وانا كنت جنبه .. بدأ الصرصور يقترب وأنا أقول في نفسي (أنا داخل على الله ثم عليك إنك تبتعد ) ولا كن هيهات .. هيهات .. يارب يكمل مشواره ويروح قدام ولا كن للأسف حاط عينه علي جاء عندي وكان حجمه كبير يعني (عائلي) فري سايز وقف قدامي وأنا أناظر فيه راح مسرع دخل بين رجولي ( يعني كوبري ) وأنانزلت راسي أتابعه .. وكان جنبي واحد شايب نزل راسه بعد يتابع وين راح الصرصور وأنا مثله جالس أدور عليه .. قلت يا ولد شكله نشب في السروال ؟؟ وكل شوي أتحرك يمين .. يسار والشايب الي جنبي شك إن الصرصور دخل في ملابسه .. حسبي الله خبصنا الشايب تعقد آخر شي والتفت وراه وقطع صلاته بألتفاته الشايب .. بصراحه يوم ألتفت الشايب أنا ماقدرت أتمالك نفسي من الضحك بس .. شديت على نفسي شوي وسكت .. ركع الإمام قلت الحمد لله ركع خلني هالحين أخذ راحتي واشوف لو هو جالس تحتي ؟؟ طالعت مافي شي قلت أكيد دخل في جسمي .. رفع الإمام ورفعنا .. بدأت احك جسمي خلاص دخل الوسواس الخناس ؟؟؟ وكل شوي أنفض ملابسي سجد الإمام وسجدنا .. قام الإمام الركعه الثانيه وأنا والشايب محتاسين وجالسين ندور عالصرصور في اجسامنا .. فجأة ظهر الصرصور يتمشى من قدامنا كأنه يضحك علينا .. هنا أرتحنا وأرتحت خلاص هو قدامنا مو في جسمي .. ركع الإمام .. ركعنا وجاء الصرصور وقف قدام مكان السجود محل ماحط جبهتي للسجود (وكأنه يقول لو فيك خير أسجد هنا ).. أأشر له بيدي هش هش هش ..( وكأنه يقول أترك عنك بس ) رحت لصقت في الشايب الي جنبي وسجدت والصرصور قريب مني ما قدرت أسجد زي خلق الله عيوني تراقبه يمكن يسوي حركة غدره ويهجم علي .. حتى في السجود عيوني تراقبه والإمام كأنه كان حاس بمعاناتي مع الصرصور في السجود وطول الإمام في السجود وأنا نار على جمر .. رفع الإمام .. وجلسنا .. وسجد الإمام ثاني مره وأنا أقول .. هش .. هش بيدي بس يا جبل مايهزك ريح صامد هالصرصور جلست أقول ياربي وش هالمخلوق ؟؟ وأنا ساجد تحرك الصرصور صوبي طبعا ماعرفت ايش اسوي رفعت راسي شوي راح وقف جنب راسي .. رحت لصقت في الشايب أكثر رفع الإمام وأنا مرتفع ضغطي مليون من هالصرصور جلسنا للتشهد .. تحرك الصرصور للأما ومشى بسرعه للوراء وابتعد سلم الإمام وسلمنا .. عيوني بدأت تدور في الأرض ودي أنتقم من هالصرصور حسبي الله عليه عفس صلاتنا فوق تحت ... إلا ألتفت لي الشايب قال : عمى بعيونه عمى وش هالصرصور المحش؟؟ قلت محش والله ياهو اصحى مني ومنك .. الله يتقبل صلاتي .. كان قلبي وعقلي كله مع الصرصور والمشكله بعد ماهرب .. قمت أدور عليه .. نفسي أنتقم بس للأسف أختفى .. قلت ياولد لا يكون .... ؟؟ قزت وجري للبيت .. وكل خطوه تقول أنا أسرع .. وصلت البيت فتحت الباب .. وعلى طول فسخت ثوبي وجلست ألوح فيه ( مثل حركة المروحه ) جاء أخوي طالع فيني قال : (سلامات وش فيك مسجل هدف ) طالعت فيه هالخفيف الي جالس يستخف دمه عالفجريه قلت : لاوالله حسبوه تسل .. دورت في ثيابي مالقيته مشكله لو كانوا كل الصراصير يمكلون نفس عقلية هالصرصور ؟؟ مع إني والله يا أخوان علاقتي مع الصراصير رسمية اذا شفته أقوم أحتراما له وألحقه بالشبشب وطراخ بس انتهت وشرايكم انتظر التعليق... تحياتي لكم منقولة طبعا ................. |
|
|
#2 |
|
|
رد: قصة رهيبة لا تفوتكم تفرقع ضحك..
 |
|
|
#3 |
|
|
رد: قصة رهيبة لا تفوتكم تفرقع ضحك..
يسلمو حبيبتي عالرد فديتك
|
|
|
#4 |
|
|
رد: قصة رهيبة لا تفوتكم تفرقع ضحك..
هههههههههههههههههههههههههههههه هههههههههه
وربي قويه انا لو مكانه استغفرالله بقطع الصلاه مستحيل يكون قريب مني لهدرجه واثبت في مكاني |
|
|
#5 |
|
|
رد: قصة رهيبة لا تفوتكم تفرقع ضحك..
ههههههه اي والله من جد
يسلمو ع مرورك الرائع |
