 |
  |
|
|
|
|
#1 |
|
:: كاتبة جديدة :: |
قولولي ليه بيكرهني ؟ مع إني بحبه
بسم الله الرحمن الرحيم اسمحولي احكي لكم قصة صديقة غاليه علي وهي طلبت مني ان أنشر هذه القصة لمعرفة رأي البنات والسيدات فيها وكذلك لأخذ العبره منها إليكم القصة أنا البنت الوحيدة عند أبي وأمي ولي ثلاث أخوان اتعلم لحد لما وصلت المرحلة الجامعية وانا بدرس في الجامعة اتعرفت على شاب وحبيته جدا وهو كمان حبني كنت بديله كل حاجه مشاعر حب اخلاص وحتى مصروفي اليومي وفي أخر اليوم لازم اعطيه تقرير مفصل عن اليوم مفصل تفصيل دقيق . المهم مرت الأيام وجاء ليخطبني بابا كان رافض لأنه أمه من جنسية تانية وخاف إنه يكون طباعه غير طباعنا لكن انا قولت لبابا انا انه كويس وافق بس عشان ما ازعلش زارونا هو وأمه وأخوانه بس لأنه باباه متوفي المهم اتفقنا على اليوم الي هنشتري فيه الشبكة وروحنا اشترينا الشبكة طبعا كنا متفقين على مبلغ معين لما اشترينا الشبكة المبلغ ده زاد 100 ريال وقامت العاصفة والكارثة دفع المية وبعدين امي وامه راحو البيت وانا وهو اتمشينا شويه وكان اسود يوم في حياتي تخيلوا يا بنات ضربني في ال وقالي احنا كنا متفقين على مبلغ معين انتي ليه اشترتي اكتر بكيت في اليوم الي كنت بحلم بيه طول عمري ومين الي بكاني حبيب عمري . عدى اليوم وصالحني وقالي انا اسف وطبعا سامحته بدأنا نتفق على حفلة الخطوبة قالوا احنا في بلدنا العروسه هي الي بتعمل حفلة الخطوبة على حسابها بابا اعترض طبعا في الاول بس وافق في الاخير عشان خاطري وكانت حفلة اكتر من ما كنت اتخيلها كانت جميلة جدا . ومرت الايام وسافرت لبابا لأن بابا بيشتغل في دولة من دول الخليج وانا عندي اقامة هناك ، طبعا انا كنت هتجنن واشوف خطيبي كنا متفقين انا وخطيبي اني اقنع بابا يخليه يسافر ويجي عندنا وبالفعل بابا جابه عندنا واتجوزت في الخليج وطبعا بابا الي عمل الفرح وكل التكاليف كانت عليه مع العلم لما جه يسافر بعت شبكتي علشان يقدر يصرف على السفر من حجز الطيران ومصاريف تخليص الأوراق وكل شيء ، يعني بعد خمس شهور من سفره كان متجوز وعنده سيارة وعنده شقة كاملة من كل شيء وافخم الفرش ، مع العلم كمان انه في الخمس شهور كان عايش معانا في نفس البيت بتاع بابا يعني ماكانش بيصرف اي حاجه ، اتجوزنا الحمد لله وفي تاني أسبوع من الجواز حلف عليا بالطلاق عارفين ليه عشان ماما كانت جايبالي أكل م عندها رمى الأكل يابنات في المجلس على الأرض تخيلوا وبدأ الصراخ انتي خلاص اتجوزتي انا مش عاوز حاجه من حد ، كان بيكره يروح عند اهلي لو سيرتهم جت قدامه كان يزعل ويضايق وكل يوم لازم شكل اذا اهلي كانوا عندي ما يقعد معاهم وكان ينزل ويسبهم معاي ولما اسئله يقولي عشان تقعدي براحتك ، كل راتبي باديهوله عشان يرضى عليا كل حاجه وفرتهاله جبتله احسن سيارة تخيلوا يابنات لحد لبس العيد كنت باأنزل اشتريه ليه من فلوسي وهو كان ينسى يقولي كل عام وانتي بخير ، كان لما يزعل مني اروح أصالحه يبعدني ويقولي سيبيني ، هو دا جزاء الاحسان ليه قولولي ليه بيعمل كده معايا لو عندنا ناس يضحك ويفرح معاهم واذا سمع صوتي الغضب كله يظهر على وجهه والله يابنات كنت بوس ايده كل يوم قبل ماينام وأقوله سامحني اذا زعلتك اليوم ولكن يكون رده عليا الصمت الرهيب يلف ويعطيني ظهره وينام انا ضحيت عشانه كتير قوي زلكن مش لاقيه مقابل التضحية ، فكرت كتير في الطلاق لكن اول لما بيضحك في وشي بانسى كل شيء وكمان بقى عندي طفل منه خايفه يتحرم من ابوه ، عارفه ان انا السبب في الي انا فيه لأني اتنازلت عن كل حاجه عشان خاطره لكن دلوقتي مش مستحمله النكد الي كل يوم انا كنت بنت دلوعه جدا وضحوكه جدا نساني الدلع والضحك . قولولي ليه بيكرهني مع اني قدمتله كل مميزات الحياة على طبق من دهب وحتى الان . قولولي ليه بيكرهني مع اني جبتله أحلى طفل في الدنيا كان يتمناه . قولولي ليه بيكرهني مع اني عايشاله خدامه تحت رجليه وبرنسيسه في بيته . قولولي ليه بيكرهني مع ان كل طلباته وطلبات اخواته مجابه من عندي . قولولي ليه بيكرهني مع اني بشتغل ليل ونهار عشان خاطره وهو بيشتغل بس عشان يقابل أصحابه. قولولي ليه بيكرهني مع اني حكمت على أبويا وأمي يعيشوا في حزن عليا طول عمرهم بسبب زواجي منه. ردوا عليا يا بنات وقولولي ليه بيكرهني ؟؟؟؟؟؟؟؟؟ مع اني بحبه |
|
|
#2 |
|
|
رد: قولولي ليه بيكرهني ؟ مع إني بحبه
آآمم بختصر كل كلمي وبقول
إذا أكرمت الكريم ملكته وإذا أكرمت الئيم تمردا |
|
|
#3 |
|
|
رد: قولولي ليه بيكرهني ؟ مع إني بحبه
أعوذ بالله من شخص كهذا مع احترامي الشديد لك ياختي لكن انتي الغلطانه أنتي عودتيه
المفروض من بعد سالفه الشبكه وضربه لك عشان 100ريال كنتي اتخذتي موقف قوي وأدبتيه عشان مايكرر فعلته والغلط انك تصرفي عليه شوفي حبيبتي انك تعطي زوجك لمى يكون محتاج ولمى تدخلي عليه بهديا وتختاري لبسه هذا شي حلو لاكن تصرفي عليه وسياره ولله هذي بنظري سذاجه مع احترامي لك لكن بتكلم معك بصراحه كلام من أخت لأختها أنتي أيش يضمنلك انه بكرى مايتزوج عليك وتنصدمين بالواقع وتلاقين نفسك تصرفين عليه وعلى الست هانم حبيبتي كلنا نحب ازواجنا لكن اذا هو مابادلك الشعور دوسي على قلبك وغيري شخصيتك خليه يحسبلك الف حساب ويحس بالمسؤليه مو يتاف ويصرخ وانتي الي تراضينه |
|
|
#4 |
|
|
رد: قولولي ليه بيكرهني ؟ مع إني بحبه
[COLOR="Red"كل وحده بأيدها تهدم وتبني حياتها
فكري بعقلانيه وتغلبي على مشاعرك لو لحظه وتأكدي أنك راح تختارين الطريق الصحيح الزوج هو الي لازم يراضي زوجته ويحبها ويدلعها ويشتريلها ملابس ويصرف عليها مو يستغل طيبه زوجته عشان رغباته والدليل أنه يكره أهلك فمعناة الكلام ده أنوه طمعان فيك وقلبه مو عليك أحنا الحين بشهرفضيل صلي وادعي ربك أنه يصلح زوجك ويحن قلبه عليك ويصخره ليك يارب ][/COLOR]:icon_evil: |
|
|
#5 |
|
|
رد: قولولي ليه بيكرهني ؟ مع إني بحبه
الاقتباس غير متاح حاليا
شكرا ليكي على النصيحة الغالية الانسان فعلا لازم يلجأ لربه والله يسر الامور يارب |
