مشاعل غير عن كل البنات
مشاعل هذي مثل طلّ الصبح لأغصان الحدايق
يبتسم قطر الندى لاباسته أو باسها
مشاعل هذي بنت لامن شفت صدر اليل ضايق ..
أدري ان عيون مشاعل اليوم طال نعاسها !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكه ناسها
يسعد الله قلب مشاعل الي كثر ماهوب بايق ..
..من قلوب الخلق..ماذكر مرّ يوم وداسها
لأن مشاعل أرق بنت..ولو قست ماهوب لايق
حيّرتني مشاعل..الأجمل : هي..والا أحساسها !؟
بالها لاضاق زانت..كيف لامن صار رايق!؟
في انتباهتها براءه..كيف اجل هوجاسها !؟
العمر لو كان ضحكه مشاعل تكفيني دقايق
بس اخاف ان مت..تحني مشاعل فوقي راسها
مشاعل لو تبكي لموتي مالي الا افز فايق
من قبل لاموت أكثر..من نشيج انفاسها
مشاعل .. لاتعطين بال لمن يقول الموت عايق
الجسد موته يفك الروح من حراسها
ماأحبك فوق الارض وبس ياكل الخلايق
حتى تحت الارض أحبك يابعد من داسها
مشاعل لو ماقلت فيها بيت واحد ماتضايق
لأن مالي شعر ينشر لو رفض كراسها
|