زماني .. والحظوظ العاثره .. واليل ياطوله
.......وانا وان هل بي مزن الاماني / شح يرويني
رصيفي لاتنادي للمطر بشفاه مبلوله
.......دخيلك إكتمه غيض الزمن لايسكن إبعيني
آحارب هالضنون الكافره بأطراف مشلوله
.......واقاسي غطرسة همي قبل آب.. / ي وتشريني
حسافه تستبيحين الغرق فالشعب يادوله
.......هقيتك تتركي مركب غرامي منك ينجيني
تعثر هالغرام إبخطوته يامثقل إحموله
.......ودونه إبتدى | مشوار حزنٍ | صار ينهيني
دخيلك لاتزايد بالجفا ه..الروح مشغوله
.......سألتك جاوبه صرخة فؤادٍ فيك مبليني
علامك ماتروف بحسرتي ماتحن ماتوله ؟
.......ترفق واجبره خافق جريح إبطعن سكيني
تهاجر والفؤاد ابداخلي تتسابق إطبوله
.......نويت إب.. هجرتك تنبش قبور الهم تأذيني !
كذا تتركني إبدرب العنا يآحيف وشو له ؟
.......بدونك إسمعه صوت الثواني تكِ تكِ تكِ تكويني
تنادي هالاماكن للفرح ياشوقي إلزوله
.......| وحيد إبغربتي | طول اليالي من يسليني ؟
ذبحني هالسهر يامعذبي محتاج قيلوله
.......أقاسي هالسهاد إبصمت فاضح مل يأتيني
تشابك هالانامل يايديني شبه مقتوله
.......ترجم هالغياب | وحرف نون | ضل يحكيني
ولاني بالجفا بأبادلك .. ياأنتْ معقوله !!
.......باواصل بالمسير اقرب طريقٍ لك يوديني
وادور ف السنين الغابره للجرح واحلوله
.......وطيفك ماترك لي اي فرصه قال يبغيني
زماني ياحظوظي العاثره : هالقلب إدعوا له
.......تعبتك يالمسافه .. مات صبري : بس اعفيني