|
#14 | |
|
رد: برنامج حوار ولقاء مع أعضاء أزياء
الحوار
1 مرحبا بكي ضيفتنا العزيزة كيف حالك؟ يا هلا يا هلا بأحلى برنامج ع كل القنوات الفضآئية ... و باحلى مذيعه ... طبعا يا جمهورنا الكريم مذيعتنا عنوانها التميز و الابداع و بالنسبه لإلي انا تمام الحمدلله ... و بشكر ربي اني تواجدت ف هذا البرنامج الاكثر من رائع .... 2 بنتشكر حضورك لبرنامجنا هدا شرف إلنا الأسئلة رح تنقسم لنصين قسم بيخص حياتك الخاصة وقسم رح نحكي فيه شوي عن المنتدي أوكي؟ ماشي حياتي ... خدي راحتك انا معك من هون لآخر رمضان ههههه ... و بصراحه الشرف الي اني اتواجد هون و امام مذيعه متألقه و ناجحه ... احلى تحيه الك .... صفئولها يا جمهور ... رح إبدأمع قسم حياتك الخاصة: 1 حابة نعرف إسم ضيفتنا الحقيقي و عمرها ؟ بسم الله الرحمن الرحيم ... نبدأ ع بركه الله .... اول شي راح اعرفكم ع اسمي ... طبعا اسمي غرآم ... و عمري 17 سنه والله خجلتوني يا احلى جمهور ... كل ه التشجيع الي ... بحبكم كتير 2 شو مجالك الدراسي أو المهني(التخصص)؟ ان شاء الله السنه هادي بكالوريا ( قسم علمي ) ...[ ثالث ثنوي ] ادعولي انجح و اتفوق ... الله لا يحرمني منكم و ينجح كل انسان مجتهد ... آمين يا رب ... و بالنسبه للمستقبل ... حابه فوت و ان شاء الله يعني راح فوت هندسه وراثيه ... و اذا ما سار راح افوت قانون ... 3 هوايات ضيفتنا شو؟ والله عندي هوآآيات كتير من هون لبكرا ما بتخلص معي ... ههههههههه يلا عشان خاطر عيونكم نحكي طبعا انا محترفه كره سله و عندي 22 ميداليه ... عندي 4 ذهبي ( المركز الاول ) و 13 فضي ( المركز الثاني ) و 5 برونز ( المركز الثالث ) طبعا الميداليات هادي كلها مو بس من كره السله ... في طائره و كره يد و تنس و سباحه و جري ... و الحمدلله ع كل شي ... و غير الهوايات هادي .. عندي الانترنت و كتابه الخواطر و القصص و الشعر و بحب الطبخ و اعززف ع الجيتار و العود ... و دخلت مسابقه و عندي جوائز من مسابقه العزف ع الجيتار و بحب الدردشه و هيك يعني كتير شغلات ... ان شاء الله ما اكون طولت عليكم ... 4 السؤال الأخير والخاص شوي إنت مرتبطة(خطبة,زواج)؟ والله راح احكيلكم سر ... بس ما تحكو لحد يعني هههههههههههههههه [ انا رفعت شعار العنوسه من زمان مع اني كتكوته بس ضد فكره الزواج ... ما بعرف بس هيك ... ] أوكي بعد ماجاوبتي على القسم الأول حابة نتوجه للقسم التاني الخاص بالمنتدي ماشي؟ ... اكيد ... نبدأ بحبيب البي 1 حابة ياكي ضيفتنا الغالية إنك تذكرينا تاريخ تسجيلك بالمنتدي؟ اكيد حبيبتي عيوني الك ... كانت بدايه دخولي في ... Nov 2008 .... سارلي تقريبا تقريبا سنتين و 7 اشهر ... تقريبا يعني ... 2 طيب منتدي أزياء شو قدملك وشو قدمتيلو؟ منتدى ازيآء قدملي كل شي خير و مفيد و ع راسي بحطه و بفدي بروحي و بعيوني يكفي قدملي احسن خوات و عرفني ع صبايا ,,, يشهد ربي انهم مو موجودين حولي ... يعني يكفي ادب و اخلاق و ذوق يعني بصراحه بنظري منتدى يستحق الشكر و التقدير ... و بالنسبه شو قدمتلو للمنتدى ... هادي ما بقدر احكي فيها ... لأنه المنتدى غالي ع البي و انا بشوف حالي مقصره بحق المنتدى هاد والله يعلم انو المنتدى و اصحاب المنتدى و الي بالمنتدى انهم عزيزين ع البي كتير و بحبهم من اعماق البي ... والله يقدرني انتي اعمل شي كتير حتى اوفي للمتدى شغلات بسيطه كتير قدام مجهوده تجاه كل عضوة سجلت هون ... و انا اعتز بنفسي كتير كتير لإني شاركت بهاد المنتدى و منيح انه سمحتولي اتواجد هون حتى اكتب و اشكر كل من قام على هذا المنتدى الرائع ... و مهما كتبت و كتبت و كتبت ما راح اقدر اشكر ولا اوفي حقه .... يا عمري يا منتدى ... والله راح ابكي ... يلآ نغير السؤال 3 هل إستفدتي بتواجدك بالمنتدي؟ هاد شي اكيد و الحمدلله .... علمني شغلات كتير يا الله ... علمني كيف اكتب بصراحه ... و كيف اتعرف و اتعامل مع الناس ... و انا كنت فاقده لشي هاد علمني كيف احب و احترم الناس الي تستحق ... علمني آخد حذري و اكون قويه امام المصاعب علمني كيف ابدع و يكفي انه علمني ارد و اقول دايما ... الحمدلله و نشكر الله ع كل شي ... يعني خلاني اتفاءل لبكرا و للمستقبل علمني شغلات كتير ... الواحد ما تعلمها لسآ .... مو بحكيلكم يستحق الشكر .... و التقدير ..... 4 حابة منك تذكرينا أهم المواضيع إلي كتبتيها؟ امم بصراحه في الي مواضيع كتير ... بس اكتر المواضيع بالقسم الي عرفني ع هاد المنتدى الرائع قسم المراهقات .... جد انا مجنونه ازياء و موضه ... و من خلال البحث كتبت بالغلط ... ازياء ... طلعلي منتدى ازياء يالله ... والله بتشكر الظروف الي خلتني ادخل و ابحث عن ازياء حتى لئيت ه المنتدى الغالي ... الحمدلله 5 طيب شو أحلى مواضيع عجبتك بس كانت من كتابة غيرك؟ والله و يشهد ربي ... انه كل انسانه موجوده بالمنتدى ابدعت و كتبت شي حلو ... يعني كل انسان موجود وضع بصمته بهاد المنتدى ... و انا برأي كل انسان شارك حتى لو بكلمه ( مشكورة ) .... هاد بنظري ابداع و شي كبير كتير ... لأنه المنتدى قيمته ع الراس و الي بيبصم هون بأي قسم من اقسام المنتدى او اي صفحه او موضوع ...... مبدع .... مبدع ...مبدع .... و بدون اي نقاش 6 في مواضيع كتبوها غيرك كنتي بتمني لو كنتي إنت كاتبتها؟ بصراحه و اكون صادقه معكم طبعا البرنامج مافي مجال اني اخبي عليكم شي .... هههههههه بحياتي ما تمنيت آخد ابداع حد او فكره حد ... حرآم ... يعني بالنسبه الي اشوف الناس بتبدع بهاد المنتدى و فكره بعد فكره بعد فكره ... و اشوف المنتدى ناجح و في كميه صبايا مبدعات و ناجحات بنبسط و بفرح كتير ... و كلنا ايد بإيد لحتى يوصل المنتدى للق و انا برأي الجميع مبدع ... و نحنا هون عيله وحده مليون روح ف جسد واحد .... بكفي مذيعتنا الرائعه ... الي كلامها بيبسط الواحد الله يسعدك يا رب 7 ضيفتنا الغالية ممكن تذكرينا أعز أصدقاء إلك بالمنتدى؟ الحمدلله عندي كتير رفئات و بحب الكل و بعز الكل ... حتى الي ما بعرفهم ... بحبهم و بعزهم ... و بيكفي انهم بالمنتدى الغالي ... و ئلتلك ئبل هيك كلنا عيله وحده .... الحمدلله 8 هل بتواصلي مع أصدقائك بالمنتدي يوميا؟ يعني هوا مو يوميا ... في صبايا غابو عنا جميعا بسبب السفر بتعرفي اجازة ... والله اشتئنالهم كتير و مكانهم بالالب ما بيتزحزح ... ابدا ... الحمدلله في صبايا بنتواصل كل يوم و بنحكي سوا و في بعضهم ع حسب الظروف بتعرفي رمضان و اجازة و هيك .... الله يهنيهم و يسعدهم و يبسطهم لو كانو مبسوطين انا بكون مبسوطه و يكون بالف خير كمان ... اتمنالهم حياه سعيده و هنيئه ... سؤال بصراحة إنت مسجلة بمنتديات تانية غير هدا المنتدي؟ بدون ذكر أسماء لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآ لآلآلآلآ مستحيل يا عمري .... منتدى ازياء اول و آخر منتدى اشارك فيه ... هوا الي يعرف منتدى ازياء يقدر يروح يسجل بمنتدى تاني .... استحاله .... ئلتلك هاد روحي 10 أخيرا وليس أخيرا شو هي أعمال ضيفتنا مستقبلا يعني المواضيع إلي رح تطرحيها بالمنتدى؟ كل خير بإذن الله .... والله لسا ما عندي اي فكره ... بس ئلتلك ئبل هيك ... جاي ع بالي اعمل شي حلو يعجب الكل ان شاء الله ... و تكون اول فكره تنزل بكل المواقع ... الموجوده ع وجه الارض .... 11 كلمة أخيرة من ضيفتنا إلى أعضاء المنتدى الغالين وإلى المنتدى الرائع؟ حابه اتشكر الكل ... و انصحهم بشغله ... يا حبايب البي ... اذكرو الله دائما ... و في شغله كمان غطو الاجزاء العاريه ... بترجاكم ... حبيباتي و الله يقدرنا ع فعل الخير دائما و جزاكم الله الف خير ... ع كل كلمه انكتبت هون و كل مجهود وضعتوه هنا .... و انا بحبكم كتير و بعزكم كلكم بدون استثناء .... و عيوني الكم ... اي خدمه جاهزة .... و اتمنى اني اكون خفيفه عليكم و ما ثقلت ع حد ... و بتشكر كل من ساعدني و هداني ,,,, و يا ريت ما اكون زعلت حد مني بكلمه او بحرف حتى و بتمنى تسامحوني ع اي شي بذر مني بالغلط ... مع اني ما بحب حد يزعل مني ابدا ولا ازعل حد ... لأنكم غالين ع البي ... و كلكم خواتي و ع راسي بحطكم .... يا حبيباتي 12 عجبتك الأسئلة وفكرة البرنامج؟ اكيد حبيبتي البرنامج و السئله لزيزه و حلوة و خليتيني اصدق حالي اني فعلا برنامج و ع الهوا كمان يا عمري انتي و احلى شي بالبرنامج انتي و الجمهور الرائع و انا بتشكرك كتير فعلا انتي مذيبعه ناجحه و بتشكرك كتير ... ع الموضوع قصدي البرنامج يعني ... ههههههههه حياتي و انا بتشرف فيكم كلكم و بتمنى ما تكون هادي آخر مره ك لقاء و دردشه مع بعض .... و بتمنى للكل الخير و الهنا و السعاده الله لا يحرمني منكم كلكم ... و مشكورة حبيباتي ع الاعداد الرائع ... و الاسلوب الاجمل ... تحياتي الك ... فعلا تستحي التقييم ... قصدي يعني الشكر <== معلش بنسى حالي كتير هههههههههههه و تقبلي مني ارق و اكبر و اجمل باقه ورد لعيونك الحلوين يا عمري بتشكرك ضيفتنا كتير كان الحوار معك رائع جدا بنشوفكم مشاهدينة بحلقة جديد مع ضيفة جديد سلام خاص مني لكم Hilary مرسي يا احلى مذيعه و احلى جمهود .... يلا تحيه للمنتدى مع بعض كلنا .... |
#15 | |
|
رد: برنامج حوار ولقاء مع أعضاء أزياء
بصراحة كل البنات كانو روعة بالبرنامج بس
فتاة الغرام كانت الأروع مجهودها بالإجابة على كل الأسئلة كان رائع بتشكرك كتير (فتاة الغرام) وكمان بتشكر كل الصبايا يعطيكن العافية بس برنامجنا متواصل ورح نستضيف كمان ضيوف تانين سلام خاص لكل بنات المنتدى الرائع |