ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > خيمة شهر رمضان
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
خيمة شهر رمضان قصه مفيده لرمضان الكل لازم يستفيد منها يوجد هنا قصه مفيده لرمضان الكل لازم يستفيد منها رمضان كريم وكل عام وانتم بالف خير

فساتين العيد


 
قديم 08-30-2010, 09:03 PM   #1

مجوووده

:: كاتبة جديدة ::

الملف الشخصي
رقم العضوية: 132834
تاريخ التسجيـل: Aug 2010
مجموع المشاركات: 25 
رصيد النقاط : 0

رسالة قصه مفيده لرمضان الكل لازم يستفيد منها


قصه مفيده لرمضان الكل لازم يستفيد منها









السلام عليكم ورحمه الله وبركاته

اعضاء المنتدى حبيت هذا الموضوع اوريكم ايه لانه مره مشوق وحلو للبنات يقرونه



لآ يفوتكم ..

ماراح اتكلم بأسلوب وشسمه بأتكلم بأٍسلوبنآ ك بنآت..




بنآت..



مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..



بنات لبسو عبايات كتف وبناطيل و و و لكن ايش..



تركو السوق والتلفزيون والاغاني وجو للمسجد ..



وش معنى هذا..!



مو معنى المسجد



يمكن صليتي في بيتك ورفعتي يدك ودعيتي من قلبك..



وب ذلك بكيتي والشيخ يدعي..



تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }



وتسمعين { سبحان من ستر القبيح واظهر الجميل },,



تسمعين يقول { سبحانك تطاع ف تغفر وتعصى ف تغفر }..



تبكين من قلبك او يعورك قلبك ..



تحسين انك صح كذا تحسين فجأه انك ولا شيl



يعني وش سوينا نحس ان حنا مغترين بأنفسنا..



تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده .



معقول.!



ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..



بنات الى متى انا وانتو كذا..



قسم بالله مهيب حاله يعني يجيني حاله اقول ودي اني بعهد الصحابه l..



الى متى وحنا بغفلتنا,,



نصلي ونبكي و و..



يجي العيد وبعد العيد ونرجع لخنبقتنا وننسى ..



طيب انا وانتي خلينا نفكر ب شي من الحين دام الهمه فيني وفيك الحين..



مثلا نسوي صندوق بالبيت او بغرفتك كل يوم حطي ريال ..



بدل هالشيبس الي كل يوم نجيب 4 للشله.



نتبرع بريال للصندوق ...



وريال على الريال تصير 10..



تدرين ليه ريال عشان ماتثقل عليك والي لها قدره الله يجزاها خير..



وعطيها مثلا هالي ينظفون بالاسواق ولا سواقكم ولا شغالتكم ..



تراهم ماجو هنا الا للحاجه.



واذا كانت تتعنفق ولا تنافخ ..



خلي قلبك اكبر واكسبيها باجر ربي وماجوره ان شاء الله ,,



ولسانك ..



العن ..



زي العاده ..



شفتو ابله فلانه الله ..... تستهبل هي واجباتها..



ولا الدكتور/ه ودي اذبحها الله .........



ولا اخوي الحم.... فصل النت .الله .......



عودي نفسك تتركين العاده ..



اذا لعنتي فجأه عاقبي نفسك واستغفري 40 مره مثلا =)..



واحسني خلقك مع أي احد..



تدرين الابتسامه لها اجر..



تمر وحده من جنبك .. لاتمدين الكشره متر ..



لا ابتسمي..



انا مره رحت مكان ماعرف احد فيه وفيه بنت ابتسمت لي تمنيت اني هي..



الابتسامه لها دور..




عبايتك ..



انتي عارفه خطأك اكيد بس خليني اقولك عن شي..



مره كانت فاطمه بنت النبي تبكي من قلب وتصيح..



جتها عائشه رضي الله عنهم جميع..



تقولها مابالك .!



اعلمك وش قالت ..؟!



قالت بمجمل كلامها .. الحين إذا انا مت وشالوني الرجال بيبن جسمي وبيبان خصري



يعني شكل جسمي بيبان..



اذا فاطمه بنت الرسول كذا تفكيرها



وهي الحين ميته..



وحنا العبايه واسعه لكن مع الشنطه وشد العبايه مع الخصر يبان كل شي



بنات تكفون خلونا نتغير ..



وربي ماراح ينفعنا شي..



تدرون بس ان النار سوداء وكل شي مانشوف





والي ابتليت بجوال مع الشباب ولا الماسن..هاذي القصص دائم نسمعها



تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ



وش ردك عليه..!



بنات والله ماينفعك..



تدرين ليه اقول كذا .. لاني اعرف كثير وعارفه هالشي صعب..



لكن احبك
لاني احس انو شي صعب بس من ترك شي لله عوضه الله خير منه..



اتركيه هالشخص وضحي له انك تعدلتي..



شي احسن من لاشي ..



صح علي..



حاولي و حاولي وحاولي..



وادعي لربك قولي يارب لاتعلق قلبي بأحد واهدني واني احذف الي عندي وعطني قوه وعزيمه..



بنات..



تكفون ..



عدلي لو شي واحد وادعي ربك لنفسك دائم..



صح ولا انسى الاغاني والافلام الامريكي والكوري<~ يارب صبرنا وأعنا..



اذا انحطيتي بقبرك ماراح يٍسألو عنك ..



بتنحطين بقماش وذنوبك معك..




حاولي انك دايم تذكرين صحباتك بالجنه والاشياء ..



تخيلو اليوم سمعت عن قصه ..



في اثنين أصحاب ..



كانو قاعدين بمكان



المهم..



قامو يتكلمون عن الجنه والنار والخ.!



واحد دمعت عينه بذكر النار خاف منها..



بعدها بمده توفى صاحبنا ..



وجاء لخويه بالحلم ..



قاله صاحبه يافلان وش اخبارك..!



قال اخباري..



انا بالفردوس الاعلى اعلى شي بالجنه..



قاله صديقه ليه..؟



قال تذكر يوم نقعد نسولف انا وانت وذكرنا النار ودمعت عيني..



هذا الي دخلني الجنه..




شفتي ربي قد ايش كريم..



وربي ربي شي كبير..




بنات..



طولت عليكم..




بس وربي ضايق صدري ع حالنا هالبايخ..



تكفون خلينا نتحمس سواء ونتعدل مع بعض..




الله يخليكم..انا ماحطيت الموضوع في هذا القسم إلا لانه قلت يمكن تدخلون على هذا القسم

وخلينا نطبق الموضوع مو بس في رمضان

 
قديم 09-01-2010, 04:10 PM   #2

ويما 82


رد: قصه مفيده لرمضان الكل لازم يستفيد منها


قصه مفيده لرمضان الكل لازم يستفيد منها

مشكوره ياعمرى جزاكى الله خيرا

 

أدوات الموضوع



الساعة الآن توقيت السعودية الرياض و الدمام و القصيم و جدة 02:08 AM.


 
Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd.

Search Engine Optimization by vBSEO 3.6.0