ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم من عنده تذمر غير طبيعي لشخصيته او ..... او ...... ادخلي ماراح تندمين _ يوجد هنا من عنده تذمر غير طبيعي لشخصيته او ..... او ...... ادخلي ماراح تندمين _ سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم 08-30-2010, 11:50 PM   #1

وحشني زماني

:: كاتبة نشيطة ::

الملف الشخصي
رقم العضوية: 134538
تاريخ التسجيـل: Aug 2010
مجموع المشاركات: 76 
رصيد النقاط : 0

من عنده تذمر غير طبيعي لشخصيته او ..... او ...... ادخلي ماراح تندمين _


من عنده تذمر غير طبيعي لشخصيته او ..... او ...... ادخلي ماراح تندمين _

من عنده تذمر غير طبيعي لشخصيته او ..... او ...... ادخلي ماراح تندمين ^_*

--------------------------------------------------------------------------------




السلام عليكم ورحمة الله وبركاته

دا موضوع صراحه خطير وشوي عليه والله اخليكم معه صح هو طويل شوي بس يستاهل
قراءه ممتعه



الاحظ عندنا يالبنات في كل جمعه ولا بالمنتديات والا باي مكان تذمر غير طبيعي


محد راضي عن نفسه


انا دبه انا شينه


انا جسمي خربان


جسمي مبقع


انا ماتزوجت


محد يحبني
و


عشان كذا حبيت اتكلم


اول شي


عدم الرضا عن النفس


كلنا نجهل خطورته على الشخص
ليه طيب؟؟
لان لما الشخص مايرضى عن نفسه او حاله
يحتقر نفسه يكره نفسه بعدين يفقد قيمته
ويكره الي حوله ويطغى عليه شعور الحقد والغيره وينفر الناس منه
يعني بساطه ينعكس على علاقته مع الي حوله


صورتك عن نفسك هي الي تشكل شخصيتك
حقرتي بعمرك بصير عندك احساس بالخجل من نفسك يمكن تنطوين على نفسك


حبي نفسك بما فيها بتحبين الي يحولك والكل بيحبك


هل حب الذات غرور!


طبعا كل شي لازاد عن حده ينقلب ضده


يعني الحب الزايد بالذات ينقلب لغرور او نرجسيه
وهذا الشي اكيد سلبي
طبعا
عمر الغرور ماكان حب للذات لان الي يحب ذاته ماينزلها ويحتقرها ومايتباها ويرفعها فوق

ثاني شي

احمدي ربك على خلقتك


ربي خلق لكل شخص منا ميزه بالشكل مو مزيونه مملوحه طيب مو مملوحه جذابه


ولا شي من هذا يمكن ربي عطاني قابليه عند خلقه يعني كل من شافني حبني وشافني قمر


او بالشخصيه
كثير بنات اشوفهم عاديات بس عليهم شخصيه محليتهم


افرضي كنتي ملكة جمال بس مافيك قابليه ولا ماعندك شخصيه هبله !!


قلتي سمينه غيرك منفختهم الادويه والعلاجات


قلتي نحيفه غيرك ماكلهم الهم والمرض


شعرك مو ناعم غيرك شعره طاح من الكيماوي


عيونك صغار غير يتمنى عيون بس يشوف فيها


سمرا غيرك محترق وجهه


والله يابنات احنا بنعمه مو حاسين فيها
حبي شكلك قولي بداخلك انا حلوه وصدقيني بتشوفين نفسك حلوه
وكل الي حولك بيشوفون حلوه


ثالث شي


احمدي ربك انك بصحه وعافيه


احيان الوحده بس ينشق اصبعها تسوي سالفه وتصايح


بدل ماتقول الحمدالله انه شق اصبع غيري منقطعه رجله ولا يدها بكبرها


طحتي بحمه ولا بطنك اوجعك ولا شي احتسبي الاجر ماله داعي تعترضين
المفروض تنبسطين ربي ابتلاني يبي يكفر عن ذنوبي


احمدي ربك
تقومين تمشين تسولفين تركضين تعبرين عن شعورك تصارخين تشوفين حبايبك
غيرك محروم منها
حبي نفسك واحمدي ربك انك بصحه وعافيه وربي منعم عليك بأشياء ماعطاها غيرك

رابع شي

ماتزوجتي ماجوك عيال !!
الحمدالله لاتنتقصين قدر نفسك شمعنى هذي عندها عيال اوانا لا انا شفيني


ليه فلانه تزوجت واخلاقها زفت وانا العفيفه ماتزوجت


رزقك بيجيك


وكل تأخيره فيها خيره


ماتزوجتي الحين الحمدالله قاعده فبيت ابوي معززه ومكرمه ليه الوم نفسي واحرقها


رزقي بيجيني


لو صار عمري 40
يمكن لاتزوجتي الحين بتاخذين واحد يطلع روحك


لاصبرتي ربي بيرزقك على قولتهم واحد لقطه


طيب ماجوك عيال ادري هالشي صعب
بس مافي شي صعب عند رب العالمين
ادعي ربك واستغفري واصبري
النبي زكريا عليه السلام ربي رزقه ولد وعمره 90 سنه تخيلي 90 سنه
وماعليك من كلام الي حولك


دلعي نفسك


نصيحه لاتستنين احد يدلعك
دلعي عمرك واهتمي بنفسك
لاطفشتي روحي اهتمي بجسمك
قشري جسمك سوي سونا العبي رياضه
البسي اطلعي ظبطي شعرك مكياجك
اي شي يسليك سويه
مو تقعدين وتقولين طفشانه ولاتستنين احد يطلعك ولا يسليك
فليها اخوانك الصغار العبي معهم بالمويه
تدرون انا وش اسوي
وربي اجمع اخواني اقصص انا وياهم اوراق او مناديل
لما تمتلي الغرفه واشغل المروحه على اخر شي


افرغ طاقتي وطاقتهم
اروح الحوش ارش عليهم مويه ارجع بزر
والله يابنات وناسه
ماتصورونها بتنبسطين انتي والي حولك


العبي اونو كيرم <<كح كح غبار
بس والله وناسه


سولفي مع امك مع ابوك


اذا كنتي متزوجه تسلي مع اطفالك
ماعندك اطفال استهبلي مع زوجك
بيشوفك بيبي وربي


بينبسط معك

طيب نروح لنقطه ثانيه


ليه الانسان يكره عمره ::


اول شي

اذا تعرض للفشل كذا مره


احيان اذا تعرضنا للفشل نتعرض للسخريه من الي حولنا


يافاشله انتي ماتصلحين دراسه انتي وانتي وانتي


لاتخلين الي حولك يحبطك ابد
حاولي مره واثنين وثلاثه لماتثبتين لهم فكره
عكس الفكره الي ماخذينها عنك


لاتقولين مقدر لانك لو قلتيها فعلا ماراح تقدرين


قولي انا اقدر اسوي كذا وحاولي وصدقيني بتنجحين


ثقي بقدراتك ونميها


ابدا لاتقولين مقدر
تخيلو يابنات
مو مدح لنفسي بس فيني ثقه بقدراتي
والله يابنات ان الكل يحسدني على هالشي


اوقات الاختبارات مثلا
كتاب 200 صفحه دسم
اقول لنفسي
بخلصه بساعتين وانا واثقه
ورب البيت انه بجد اخلصه بساعتين
صديقاتي يستغربون


نمي عقلك وقدراتك وثقي فيها
خذي دورات منها تسليك
منها تستفيدين

تاني شي

الاحساس بالذنب


كثير منا بحياته مشاكل او اغلاط سواها


او ممكن نتحمل اغلاط مالنا ذنب فيها
تترك بداخلنا جروح او حزن
واحساس بالذنب
تتحول لعدم رضا عن النفس
بالتالي الانسان يكره نفسه وحياته


خلونا ننسى الماضي والي فات مات
اكيد الي جاي احلى


وكل الناس تغلط
بالعكس مو عيب انا نغلط العيب انا مانتعلم من الغلط ونرجعله


نصيحتي لكم يابنات اي غلط تسوينه
مهما كان
خذيه درس بحايتك لاتعتبريه غلط سويتيه
الا اذا كررتيه


لاتخلين الاحساس بالذنب يرافقك طول حياتك ولا يدمرك

ثالث شي

صورتك عن نفسك
كل ماقدرتي ذاتك ونفسك كل مازادت ثقتك بنفسك وحسيتي بالامان والراحه وانعكس عالي حولك


بعض الناس يحقر بذاته ومايحترمها ويكتم بداخله ويبان هالشي بالغرور المزيف
وثقه بالنفس مزيفه



طيب خلينا نتعلم كيف نحب ذاتنا


1 اقبلي نفسك وحبيها كما هي


وهالشي مو صعب يكون بارادتك انتي
ارضي عن نفسك
ارضي عن واقعك
عن حياتك بما فيها
مستواك المادي
ظروفك الاجتماعيه


شكلك
حتى عيوبك
والله يابنات اذا قبلتك نفسك زي ماهي
بتعبشين حياتك ومستقبلك
وبتنسين حتى الماضي
وبتحكمين بتصرفاتك حتى


2 لاتدينين نفسك ابد


سهل علينا نقاضي نفسنا ونلومها
بس سؤالي
هل بيتغير شي؟؟
ماراح يجيك الا الهم والغم والضيق


خلاص اعترفي باخطائك ولاتكررينها واطلبي من الله يغفرلك


صحي صورتك لنفسك


ربي خلقك وحده بس مافي اي مخلوق بالدنيا زيك


لك ذاتيتك وشخصيتك وقدراتك ومواهبك وشكلك
خذي ورقه واكتبي فيها المميزات الي فيك اكتشفي شخصيتك
بتلقين اشياء فيك كنتي غافله عنها
لانك كل يوم تنمين وتنمو حاجه فيك وتنضجين اكثر من الي قبله
تجنبي السلبيه
ارفضي مشاعر الفشل
سوي اشياء توديك قدام
خلي عندك طموح واهداف توصلينها فشلتي حاولي مره واثنين


واهم شي يابنات الدعاء

تخيلي ربي كل يوم ينزل لسابع سماء
وهو في غنى عنك مو محتاجلك


بس يبيك ترفعين يدك واطلبي مره واثنين وثلاثه
اطلبي ادعي الحي بالدعاء
وصدقيني ربي مايخيب ظنك ابدا
ادعي يارب وفقني يارب اهدني
ماتزوجتي قولي
يارب ارزقني الزوج الصالح الي يسعدني والذريه الصالحه


ماجبتي عيال
ربي اني لما انزلت لي من خير فقير


والاستغفار يابنات ورب البيت انا مجربه
يفتحلك ابواب الرزق جربي انتي وبتلاحظين


وانتي جالسه وانتي واقفه وانتي بالسياره باي وقت استغفري


وآخر شي


اللهم
اللهم إن كان رزقي انا وبنات أزياء في السماء فأنزله
وإن كان في الأرض فأخرجه
وإن كان معسرا فيسرة
وان كان قليلاً فأكثره
وإن كان معدوماً فأوجده
وان كان ذنبا فأغفره
وان كان سيئة فامحيها
وإن كان خطيئة فتجاوز عنها
وإن كان عثرة فالقها ..........
وبارك لنافي جميع ذلك يالله يارزاق ياكريم
يا من إذا أرادشيئاً أن يقول له كن فيكون إنك مليك مقتدر
وما تشاء من أمر يكون .
سبحان ربك رب العزة عما يصفون وسلام على المرسلين
والحمدلله رب العالمين وصلى اللهم على سيدنا محمد
وعلى آله وصحبة أجمعين



منقول لعيونكم
أنتظر ردودكم:11_1_122[1]:

وحشني زماني

 
قديم 08-31-2010, 01:51 AM   #2

وحشني زماني


رد: من عنده تذمر غير طبيعي لشخصيته او ..... او ...... ادخلي ماراح تندمين _


من عنده تذمر غير طبيعي لشخصيته او ..... او ...... ادخلي ماراح تندمين _

‏ مو معقوله ولا رد
ع الاقل قدروا مجهودي

 
قديم 08-31-2010, 01:52 AM   #3

ابرار


رد: من عنده تذمر غير طبيعي لشخصيته او ..... او ...... ادخلي ماراح تندمين _


من عنده تذمر غير طبيعي لشخصيته او ..... او ...... ادخلي ماراح تندمين _

مشكورة ياقلبي

 
قديم 08-31-2010, 02:01 AM   #4

ساندرا1


رد: من عنده تذمر غير طبيعي لشخصيته او ..... او ...... ادخلي ماراح تندمين _


من عنده تذمر غير طبيعي لشخصيته او ..... او ...... ادخلي ماراح تندمين _

موضوع رائع ويستحق التثبيت

 
قديم 08-31-2010, 06:02 AM   #5

وحشني زماني


رد: من عنده تذمر غير طبيعي لشخصيته او ..... او ...... ادخلي ماراح تندمين _


من عنده تذمر غير طبيعي لشخصيته او ..... او ...... ادخلي ماراح تندمين _

يسلمو حبيباتي أبرار و ساندرا

عن جد أتمنى التثبيت

 

أدوات الموضوع



الساعة الآن توقيت السعودية الرياض و الدمام و القصيم و جدة 04:59 PM.


 
Powered by vBulletin® Copyright ©2000 - 2018,
vBulletin Optimisation provided by vB Optimise (Pro) - vBulletin Mods & Addons Copyright © 2018 DragonByte Technologies Ltd.

Search Engine Optimization by vBSEO 3.6.0