شمس الغروب
شمس الغروب
لو رسمتك شمس مالت للغروب ~ولو رسمتك ليل بدهه النهار
مايفارقني خيالك بالكذوب ~ مانسيتك لو خذيت آخر قرار
مثل شمعه تضوي وتالي تذوب ~ يستفيد الغير وتفني للدمار
مثل طير غرد بصوت طروب ~ يبدع الألحان من ضيق الحصار
كم عطيتك من سنين يالعوب ~ من حلاها ولا خذيت إلا المرار
لاتغرك ضحكتي ناري شبوب ~ ابتسم للناس والخفاق نار
لاتغرك وقفتي ماني صلوب ~ احتمي عن الريح في ظل الجدار
عن حقيقه واقعي اهوى الهروب ~ ابتعت عن عالم جاه الغبار
السعاده ماعرفت الها دروب ~ عقبكم صارت حياتي بانهيار
لاتغرك دنيتك هذه عجوب ~ باختصار اقولها لك باختصار
شعر:ناصر غزاي العتيبي.
|