 |
  |
|
|
|
|
#1 |
|
:: كاتبة مقتدره :: |
هذه خاطره مبكيه بكي منا الكثير حبيت انقلها لكم 0000000
الطفوله
أحلى مافي هالحياة مرحله من غير هم كنّا دايم نبتسم كنّا حتى لو بكينا ... وجارت الدنيا علينا بعد لحظات وثواني بسمه فينا ترتسم .. كنّا نركض خلف كوره ... ( لا لا أنا ماكنت معهم !! ) وحدي بس بعيد عنهم ... كنت أنا أضحك عليهم جالس لحالي أهذري ... جالس أحسب كم ( كوبري ) صلّحه ( أحمد ) في ( ماجد ) ؟؟ والله واجد!! ... وقبل ما يحل الظلام للبيوت نروح نجري ... ( لا لا أنا ماكنت معهم ! ) أمشي وحدي بعيد عنهم ... أمشي وأعدد أثرهم ! وهم عني يبعدون يبعدون ... يبعدون إلا ( ماجد ) !! كان مثلي حيل ضايق ... بس حزني كان حارق كان يسألني براءه : ... ليش تعرج ؟ ... قلت مادري ! ... باستياء ليش تبكي ؟ قلت مابكي ... بكبرياء ضاق مني ... ثم سألني في غباء ... قال ( وثرايك تثابق )؟؟ وراح عنّي ... !! .... كنت أسأل دوم نفسي ... ليش ما أركض معاهم ؟!! ليش دوم أمشي وراهم ؟!! وش بلاي ؟!! ... أو وش بلاهم ؟!! ليه أنا غير الأنام ؟!! زاحمتني الأسئله... كل شيٍ أجهله ؟ وإن تعبت من الإجابه... أحظن الحيره وأنام . ..... مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز ) !! يعني بيني وبينكم مليون حاجز !!! صدقوني ذي حقيقه ... لا طلعت السوق ... كل ما أمشي دقيقه القى كل شوي أبله !! يمشي ويناظر صديقه ... ويغمز له يقول : ناظر ...!! وش يناظر ؟!! وتفجّر في خفوقي ألف ضيقه وحده في وسط الزحام .... طالعتني باهتمام ... بنت في عمر الزهور ... أي رشاقه ... وأي أناقه ... وأي عطور !! قلت في نفسي ياهوه هي تناظرني بغرام ؟!! ... أو هي نظره والسلام ؟!! بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيه أنا توي افتكرت .... لي قصيده ... كنت ناشر معها صوره بس صوره ... ياسلا م وفاجأتني ... لمّا صارت لي قريبه ... كانت تمتم بطيبه { يكسر الخاطر حرام ) !!!!! وتركت دمعه غريبة ... وضاعت بوسط الزحام دمعه كانت تحكي وضعي ... زلزلتني ارتطم قلبي بضلعي ... دمرتني صدقوني ... أصعب الحظات وأقسى لاغدا الرجّال يكسر ... خاطر انثى كيف ينسى ؟؟؟ جاوبوني !! ... وزاد همّي ... يوم فكّرت بوظيفه ... ثم زواج أي وظيفه ... وأي زواج ؟؟ الي مثلي ... مهما طالب ... لويلف ولو يدور زين لو حطّوه كاتب لا ... وعلى بند الأجور .... ماهو رسمي !!! .... صدقوني لو تدرّج ... وصار راتبه ايتصاعد وابتدا وضعه يزين ما أظنه بيتزوّج ... حتى لو بعد التقاعد !! ..... وفي النهايه ... يابلدنا... مهما كانت ( تسميتنا ) عاجزين ... ( معوّقين ) لك عهدنا ... وذا قسمنا : أقسم بالله العظيم ... منزل الذكر الحكيم أن أصونك يابلادي ... من شرور العابثين من مطامع كل حاسد ... من نوايا كل فاسد وإني لك حصنٍ حصين إنتي ناديني وشوفي ... لا نويتي بالجهاد والله أقهر لك ظروفي ... دامك إنتي لي بلاد وباسم كل العاجزين ... دام فينا أصبع يطول الزناد لا يهمّك يابلادي ... وازهليها .......................... ................. ........... محمد عويضه شاعرسعودي من ذوي الاحتياجات الخاصه اكيد منقول |
|
|
#2 |
|
|
رد: هذه خاطره مبكيه بكي منا الكثير حبيت انقلها لكم 0000000
يسلمؤوؤوؤوؤوؤو رؤوؤوؤعه الكلمات تسلم يمينك ع نقله يا قمر وربي يعطيج ألف عافيه ولا يحرمنا من جديدك ودي لكي تقبلي طلتي آبار |
|
|
#3 |
|
|
رد: هذه خاطره مبكيه بكي منا الكثير حبيت انقلها لكم 0000000
مشكورة اقوى شي ويسلمو ع المرور
|
|
|
#4 |
|
|
رد: هذه خاطره مبكيه بكي منا الكثير حبيت انقلها لكم 0000000
قوية
يسلمو |
|
|
#5 |
|
|
رد: هذه خاطره مبكيه بكي منا الكثير حبيت انقلها لكم 0000000
قوية
يسلمو |
