$قصة ريما ونواف قصه رومنسيه سعوديه$

حلوة مبعة سلمت ايديك

تفضلوا لعيونكم

الجزء الثاني عشر

الفصل الاول

: : :

جت الاختبارات منتصف السنة (الشهرية)وريما ذابحة نفسها بالمذاكرة ماتنام اليل ..تواصل تذاكر تتعب ..آخر يوم للاختبر كان بكرى وريما تذاكر في غرفتها كان عليها مادة النحو

ام ريما:ريوم حبيبتي خذي العصير فريش علشان تصحصحين
ريما باست يدها:عساني مانحرم منك!!اوة احس نفسي طفشت من المذاكرة
ام ريما:يمة هانت بس بكرى..وبعدين انتي ثالث وبحاجة النسبة
ريما:صح والله..
ام ريما:يالله انا بطلع اخليك تذاكرين
ريما:اوكي

طلعت ام ريما برى الغرفة..وريما طرى على بالها نواف ..ريما بينها وبين نفسها(ياربي ليش ماتصل علي؟ يدري اني اختبر كان يتطمن علي..يسئل وش سويت باختباراتي!! مابعد العيد ماتصل ولا شفتة..حتى لو كان مشغول المفروض ماينشغل عني يعني مكالمة 5 دقايق ماراح يخسر شيء)

استلمت ريما التقرير (نتيجة منتصف السنة الدراسية) واخذت 99,25% وطا11111111رت من الفرحة وراحت تبشر امها وابوها..دخلت البيت ولقت ابوها يقراء الجريدة بالصالة وامها فوق بغرفتها..
ابو ريما:هاه بشري كم جبتي؟
ريما:يبه تسع وتسعين وربع !!
ابو ريما:مبروك الف مبروك يالغالية

ام ريما سمعت صوت ريما وجت تركض من غرفتها وهي على الدرج
ام ريما:كم؟
ريما:يمة تسع وتسعين وربع
ام ريما:لولولولولولوليش..الف مبروك يمة وعقبال ماتجيبينها بنهاية السنة
ريما:الله يبارك فيكم..نفسي اطير من الفرحة..ياربي لك الحمد والشكر
ام ريما:بهذي المناسبة راح اعزم خوالك كلهم يتجمعون عندنا اليلة وبنسوي لك حفلة!!
ابو ريما:تستاهل الغالية..
ريما:صدق يمة!! فديتك والله..يالله بروح انوم دايخة تكفون لحد يصحيني من بداية الاختبارات مانمت زين!!
ابو ريما:نوم العوافي ..وابشري محد راح يصعد فوق علشان مايزعجونك هاه وش تبين بعد؟
ريما باست راسه: الله يخليك لي يارب!!

صعدت ريما غرفتها وبدلت مريول المدرسة ولبست بجامة وحطت راسها ع السرير وبعدين لقت جوالها ع الكومدينة راحت تبي تقفلة علشان محد يزعجها وهي نايمة..وتفاجأت 5 مكالمات لم يرد عليها ..ريما افا111111111 خمس مكالمات؟؟

3>نواف
1>ندى
1>هيفاء بنت خالتها هند

ريما(ماراح اتصل على نواف فشلة اقوله وش تبي!!..اما ندوش اليلة بشوفها ان شاء الله..وهيوفه اتصل عليها اذا قمت مالي نفس د11111يخة)
حطت راسها على المخدة بتنام ..ويرن جوالها وتقوم (ياربي مين ذا المزعج بنا111م)مسكت جوالها

نواف..يتصل بك
على طول ردت<لاشعوريا!..
نواف:الو,هلا وغلا الريم
ريما:هلا فيك
نواف:شخبارك؟
ريما:تمام.انت كيفك؟
نواف:دوم ان شاء الله..انا بخير..وشلون اختباراتك؟هاه بشري كم النتيجة تراني متحمس!!
ريما زين تذكرت : ايه كويسة اختباراتي وجبت 99,25%
نواف:مبروك ماشاء الله ..اساساً انا كنت متطمن عليك..واثق انك راح تجيبين نسبة مضبوطة..ترفعين روسنا فيها..
ريما:الله يبارك فيك..والحمد لله ..الله يعطي الواحد على قد تعبة
نواف:ايه انا ماحبيت اكلمك فترة الاختبارات اخاف اشغلك وازعجك..واعطلك عن دراستك!!
ريما:اها111111..لامعليش عذرك معاك..الا تعال وش صار على محمد كم جاب؟
نواف:لا ماشاء الله عليه..100% ايه هذا الترم الاول بس شوفيه اذا جت اسئلة الوزارة وش بيسوي؟
ريما:ماشاء الله الف مبروك..لا الواحد اذا كان شاطر وذاكر زين ان شاء الله راح يحل اسئلة الوزارة..
نواف: ايه فكينا من محمد..حبيبتي ..من زمان ماشفتك؟ والله مشتاق لك حيل..متى اشوفك؟ابي اقابلك
ريما مستحية: تسلم..
نواف: الريم ..ابي احاول اقابلك بأي طريقة..نفسي اجلس معاك..واسولف..لو تعرفين اش قد مشتا111111ق لك
ريما:هههههه يعني كيف تقابلني بأي طريقة؟
نواف: مدري ان شاء الله اسوي مثل الي بالأفلام اوقف عند نافذة غرفتك واجيب معاي وردة وارميها..وبعدين يطلع عمي فهد وهو معصب :نواف وجع وش عندك بانصاف اليالي واقف هنا؟
وانا اهرب واركض علشان مايذبحني!! ههههههههههههه
ريما:ههههههههههههههههههههههههه ه ..متأثر بالافلام وربي!!
نواف:ههههههههههههههههههههههههه ..يالله حبي اترك ترتاحين..نامي عدل اوكي!!
ريما:اوكي..يالله مع السلامة
نواف:مع السلامة

: : :

ريما مبسوطة ونامت على طول وهي تفكر بنواف ومكالمتة..جت الساعة 7 المغرب ويطق باب غرفتها بقوة
....:طق طق طق طق طق طق!!
ريما:ابي انوم اتركوني
. .. .: طق طق طق قومي والله ماترك
ريما:مين يطق الباب..؟
...:ماعرفتي صوتي يالسخيفة
ريما:ندوش؟
ندى:ايه ندى على سن ورمح
ريما:جدتي هياء فيه؟ وتروكي فيه؟
ندى:الكل تحت..يالله تعالي يكفي نوم
ريما:اوكي دقايق وان شاء الله نازلة

اخذت شاور سريع..ولبست بنطولون جينز وبلوزة هاي نك لونها فوشي ومرسوم عليها صورة بنوتة صغيرة بالذهبي..وشبشب و(انتوا بكرامة) لونه فوشي وفيه نجوم صغار بالذهبي..ورفعت شعرها وحطت جلوس وتعطرت ونزلت..

نزلت وسلمت عليهم وباركوا لها..جلست جنب خالها تركي
ريما:خالي وش صار على اختباراتك؟بشرنا؟
تركي:الحمد لله سويت الي علي وان شاء الله خير!!
ريما:طيب متى تخلص؟
تركي:الاحد الجاي راح اخلص وارتاح
ريما:مسكين اجل انا خلصت وارتحت
تركي:هههههه يعني تقهريني انتي وجهك؟
ريما:تقدر تقول كذا ههههههههههه
تركي:ههههههههههه
ندى:هاه وش عندكم تضحكون؟
تركي:وش دخلك انتي اذن عندنا واذن عند امي وسلمى؟
ريما:ههههههههههههههههه
ندى:بسم الله علي منكم..
تركي:يالله قوموا بنتمشى
ريما:ياحياتي والله مشكور يالغالي
ندى:لحظة بروح اجيب عباتي وارجع
تركي:ومن قال انك بتروحين؟
ريما: لقطي وجهك ههههههههههههههههههههه
تركي:ههههههههههههههههههههههه
ندى:ماشاورتكم بروح يعني بروح غصب عليكم
تركي:ومين يبي يسوق فيك؟
ندى:انت!!
تركي:ماشاء الله
ريما:خلاص خالي معليش علشاني بما اني نجحت حرام خليها تروح
تركي:ايه صح تكسر الخاطر
ندى عصبت:اوة منكم لاترفعون ضغطي!!
تركي:يالله يمة انتي وسلمى خلينا نتمشى..
ام ريما:ايه يالله يمة قومي بنتمشى..ونتعشى برى وش رايكم؟
الجدة هياء:والله اني ماحب اكل المطاعم الي برى
ريما:لا جدتي تكفين راح يعجبك وعلى ضمانتي!!
الجدة هيا:علشانك ياريومة بروح
ريما:ياهوة ..باست راس جدتها:فديتك والله!!

طلعوا يتمشون وبعدين راحوا تعشوا في فندق الفهد كروان ..وانبسطوا..

ريما:خالي تركي تكفى مر فينا بمحل تشيز كيك فكتوري..ابغى اشتري تورتة بمناسبة النجاح
ندى:لو سمحتي خليها بنكهة الفراولة
تركي:طرار ويتشرط ههههههههههههه
ريما:والله انك ماكذبت ياخالي هههههههههههههههههه
نزلت ريما هي وتركي وندى واشتروا كيكة كبيرة وبعدين رجعوا للبيت.وجلسا بالصالة

الخدامة:مدام ..ام عبد الرحمن فيه اتصل عليك انت..انا فيه كلام روح!!
ام ريما:طيب ثانك يو..ابي اروح اشوف وش عندها!!
الجدة هياء:سلمي لي عليها..وعلى امها
ام ريما:يوصل!!

كلمتها ورجعت للصالة.
ريما:وش تبي خالتي ام عبد الرحمن؟
ندى:يانك فضولية..
ريما:وش دخلك انتي..؟هاه يمة وش تبي؟
ام ريما:تقول انها عازمتنا بكرى باستراحتهم بمناسبة نجاحكم
ندى:كم جابت هنوفه؟
ريما:ايه صح هنوف جابت 98% وسألت نوف عن عبد الرحمن تقول 100% هو ومحمد ولدعمي سعود
تركي:ماشاء الله كلهم علمي؟
ندى:لا بس هنوف ادبي
تركي:ومن ذي هنوف الي بس تتكلمون عنها؟وغثيتوني فيها؟
ندى:بنت عمت ريما..بنوتة مثل القمر
تركي:انا ماقلت لك وش مواصفاتها..!!
ريما:ترى ندوش تحب القافة..
تركي:هههههههههههههه صادقة القافة تسري بدمها!!
الجده هياء:هنوف هذيك الطويلة الي مع ريما..بنت نورة؟
ام ريما:ايه يمة هذيك هي..
الجده هيا:ماشاء الله مملوحة ذيك البنية
ندى تطالع لتركي وتبتسم
تركي:وش فيك؟خير تلفزيون؟
ندى:بسم الله اكلتني
ريما:ههههههههههههههههههههه هو صادق جالسة تطالعين فيه كانك اول مرة تشوفينه!!
تركي:ههههههههههههههههههههههههه
ندى:وش فيكم اتحدتوا ضدي؟
ريما+تركي:هههههههههههههههههههه ههههه

الجدة هياء:يالله ياتركي خلينا نمشي الوقت تأخر وفيني النوم..وموعد علاجي
تركي:يمة كم مرة قلت خذ معاك الدواء..
الجدة هياء:والله اننسى ياوليدي
ام ريما:والله تونى الساعة 12 وين تروحون؟
ريما:تكفون اجلسوا..
ندى:لا اساساً انا زهقت منك ههههههههههه
ريما:من زينك انا ماقصدك اقصد امي هيا وخالي تركي ههههههههههه
الجدة هيا:ماوراء من المغرب واحنا عندكم!! وبعدين موعد العلاج
ام ريما:براحتك يمة..
تركي:مع السلامة
ريما:مع السلامة..وصلوهم عند الباب وراحوا

ريما:يمة متى نروح بكرى؟
ام ريما:العصر على الساعة 4ونص تقريباً
ريما: ايه وناسة مابعد العيد ماشفتهم!!
ام ريما:عاد نمي عدل..علشان تقومين بسرعة ونروح ترى دايماً نتأخر والسبب انتي
ريما:هههههههههههه ابشري من عنوني يالغالية

الجزء الثاني عشر

الفصل الثاني

: : :

من بكرى..ريما تجهزتوكانت مبسوطة انها بتشوف البنات من زمان عنهم..وراح تقابل الغالي نواف.. لبست بنطلون اسود وبدي اسود فيه نقشات بالابيض وجكيت قصير اسود جلد يلمع وعلى الاكمام خطوط طويلة على امتداد الاكمام بالابيض ومع قدام مفتوح<سبور
شعرها ربطته بشرايط لونها اسود وابيض مخمل.ولبست وانتو بكرامة بوت جلد طويل يلمع وفيه سلاسل نازلة منه....وكحل داخل العين اسود و جلوس

وصلوا الاستراحة العصر ريما وامها وابوها .. الكل كان موجود..

راحت ريما وامها قسم الحريم ..وابوها عند الرجال بالقسم حقهم ..
سلموا عليهم والكل يبارك لريما بمناسبة النجاح وخصوصاً ام نواف<شغل الحموات هههههههه
هنوف:اهلين ريوم مبروك النجاح
نوف:مبروك ياريومة
ريما:الله يبارك فيكم..وانتم بعد الف مبروك نجاحكم..
جلسوا يسولفون ماتركوا شيء ماتكلموا فيه ...اذن المغرب وراحوا يصلون..
عبد الرحمن اتصل على نوف
عبد الرحمن:الو نوف؟
نوف:هلا..وش تبي؟
عبد الرحمن:بالله جيبي لي مويا عطشان..
نوف:ياسلام مالك رجلين وبعدين فيه مويا عند الرجال روح اشرب
عبدالرحمن:تكفين نوف..عجز11111111ن ولك الي تبين..
نوف:الي ابي اكيد!!
عبد الرحمن:اكيد الاكيد
نوف:طيب ابي الاشرطة حقتك..عندك طقاقات؟
عبد الرحمن:افا عليك عندي اي شي تبينه بس جيبي لي مويا
نوف:طيب دقايق واكون عندك بس خلك برى..مو عند الرجال..

راحت نوف وجابت له مويا وفجأة طلع بوجهها محمد!<ماعليها جلال لانها كانت بتشوف اخوها
محمد وقف يطالعها..وعرف انها نوف..اعجبته بالحيل..ابتسم لها <روعة ابتسامتة
نوف على طول دخلت..وكانت فرحا111111نة
عبد الرحمن طلع وشاف محمد واقف مكانه
عبد الرحمن:يالحبيب وش عندك واقف؟
محمد ارتبك:هاه لا بس كذا
عبد الرحمن:ياربي يانوف النصابة قالت بتجيب لي ماء ولا جت
محمد:الا كانت من شوي هنا وراحت
عبد الرحمن:كيف؟
محمد:لا بس يوم شافتني على طول دخلت
عبد الرحمن :ايه اشوى احسبك جلست تسولف معاها ..اعرفك انت فاصخ الحياء
محمد:ههههههههههههه حرام عليك

نواف طلع وهو فيصل يتمشون بالحديقة ويسولفون ..
فيصل:وش اخبار الشغل مع ابوك؟
نواف:الحمد لله ماشي الحال..وانت عساك مرتاح مع عمي فهد بالشركة؟
فيصل:ايه ياربي لك الحمد..عيني نائب المدير وصرت الكل بالكل
نواف:ياحركا11111111111ت..
فيصل:اقول بعد بكرى مباراة الزعيم لاتنسى بنروح للملعب
نواف:ابشر بعزك..الذيب يلعب وانا ماحضرها..افا والله....
فيصل:والله حماس بكرى ضد النصر وان شاء الله الفوز لنا
نواف:ايه لاتخاف على الزعيم..اذا لعب الهلال فخبروني فإن الفن منبعة الهلال
فيصل:صح لسانك ملاين...اقول من راح يكون الحارس سمعت ان عميد لاعبين العالم الدعيع مصاب؟
نواف:لا الحارس جديد اسمه فهد الشمري من نادي الطائي بحايل...توه جاي للهلال
فيصل:ونعم والله بشمر..واهل حايل
نواف:اسمع بكرى كلنا مع الشباب ومحمد اخوي وعبد الرحمن العصر بنروح للملعب.
فيصل:ابشر..وان شاء الله بنرجع واحنا رافعين روسنا لان الهلال ماعتقد يخيب ظن عشاقة..
نواف:ان شاء الله..

الجوكان بارد وكانوا يتمشون بالحديقة وهم يسولفون..فجأءة وقف نواف
فيصل:وش فيك وقفت؟
نواف:جوري..
فيصل:هاه شكلك مصخن تعبان؟
نواف:لاهذا ورد الجوري الريم تحبة..ابي اخذ لها وحدة
فيصل:ههههههههههههههههههههههههه ههه الريم تحبه..هههههههههههههه
نواف:اقول اسكت مو وقت تريقتك
فيصل:شف هذي الوردة كبيرة مرة خذها لحرمك المصون
نواف:ههههههههههه حلوة ذي حرمي المصون
قطعها نواف وكانت جوري كبيرة لونها وردي..فيصل رجع للرجال ونواف راح لقسم الحريم علشان يسلم على ريما ويعطيها اياها..

نواف دخل جوا قسم الحريم بالصالة..والحريم كانوا بالمجلس..وتدخل عليه هنوف(مسكينة ماتدري انه موجود)
نواف قام من مكانة... الهنوف جمدت ولا تحركت من الخوف والصدمة..نواف(آه ياهنوف وش جابك الحين..احاول انساك رجعتيني لأول..احبك ياهنوف وربي احبك!!كيف اعطي ريما الوردة وانا تفكيري معك اكيد بتحس فيني وبتشك!!)..الهنوف وقفت من الصدمة ماتحركت..
نواف:هنوف خذي الوردة ذي واعطيها ريما
مد يده لها...ريما دخلت عليهم وشافت نواف يعطي هنوف الوردة ..نواف انصدم..وهنوف (ياربي وش ذي المصيبة!! انا وين ابي اروح للصالة اوف ..لاو ريما دخلت بعد!!ياربي استر!!)
نواف لاشعورياً:ريما1111111111
ريما مصدومة نزلت دموعة بمرارة وهي تنظار للموقف تمنت الارض تنشق وتبلعها ولا تدخل عليهم..
ريما:آسفة شكلي دخلت غلط..!!طلعت وهي تبكي
الهنوف راحت تركض وراها:ريما ريما وقفي..!!استني
نواف جلس على الكنبة وكان متضايق..انا وش سويت..ياربي..الحين ريما وش بقولها!!والهنوف كيف بنساها..والله احبها!!

الجزء الثاني عشر

الفصل الثالث

: : : نواف كان جالس على الكنبة من الصدمة وكان يقول بينه وبين نفسه
ليتني ماشفت في عينيك دموع
منظر الدمعه على خدك هلاك
يامضوي في دجى عمري شموع
الحزن ماخلف لعيون الملاك

ريما كانت تركض ماتبي احد يشوفها وهي تبكي..!!وش تقولهم شافت نواف مع هنوف؟راحت للحمات (والي يقرون بكرامة)وهي تبكي..هنوف وراها تركض
هنوف:ريما ريما افتحي الباب اطلعي!! ابي افهمك الموضوع لاتظلميني تكفين
ريما:وش اظلمك.؟انا من زمان اقولكم ان نواف يحبك ان ت ي ..انتي وبس آآآآه(المسكينة تبكي مثل الاطفال بكاء يعور القلب ويقطعه)
هنوف:ريوم اطلعي مو زين تبكين بالحمام!!
ريما تذكرت بيت القصيد الي يقول: لاتزيد طعوني اوجعت الخناجر
مابقى عرق بقلبي ماثنيتة
لو عيوني غيم واهديك المحاجر
ماضمى رمشك تحت دمع بكيتة

هنوف اتصلت على نوف الي كانت عند الحريم..علشان مايحسون بشيء
هنوف:هلا نوف اسمعي لاحد يدري اني جالسة اكلمك اوكي
نوف:هلا بك..هاه وش تبين؟
هنوف:الحقي علينا صارت مشكلة بين ريما ونواف
نوف منفعلة:نعم؟<الحريم لاحظوا عليها
هنوف:بسرعة تعالي انا بالحمامات وعيت ريما تطلع معاي..تكفين تعالي..
نوف:ان شاء الله..باي

نوف جت تركض لهنوف بالحمامات
نوف:هاه وش صار؟..
هنوف:على حطة يدك ماتبي تطلع عجزت عنها!!

هنوف قالت لنوف الموضوع بالتفصيل وان ريما ظالمتها !!..
نوف:ريوم افتحي الباب مايصلح تبكين بالمكان هاذا اطلعي..
هنوف:والي يسلمك اطلعي..ترى اذا ماطلعتي لاعرفك ولاتعرفيني !!
ريما فتحت الباب وطلعت وكانت عيونها مليانه دموع وحمرر..ومعاها منديل<شكلها يوحي لأي احد يشوفها انها تبكي

ريما: هنوف ليش كنتِ واقفة معاه؟ابي تفسير للموضع.!ابي شيء يطمن قلبي تكفين(مسكت يدها)والله اذا كنتِ تحبينه بتركة مابي ارتبط بواحد يفكر بغيري!!انا تعذبت معاه ارحموني!!

هنوف بعصبية:وش كلام البزارين هذا؟انا افكر بنواف انجنيت او طار عقلي علشان افكر فيه..مافكرت فيه قبل لايرتبط فيك..اجي الحين وافكر فيه وهو مرتبط باعز انسانة على قلبي!!ريما مستحيل افكر فيه او احبه .. واقسم بالي خلقني اني اعتبرة مثل اخوي فيصل من كنت صغيرة هو واخوي فيصل مع بعض ينامون مع بعض وماعتبرة غير اخوي!!!!ولاسيما انك تحبينة من يوم كنتِ صغيرة..يعني من كنا صغار وانتي تعرفين اني مافكر فيه والكل عارف ان ريما لنواف ونواف لريما.. واجي الحين يوم كبرنا آخذه منك والله لو انا انسانة وقحة!!وبعدين وش تتركينه ماتركينه هو لعبة ولا لعبة؟

نوف:لا تستسلمين ريوم..انتي قوية واحنا كلنا عارفين هالشيء بس انتي امسكي اعصابك وطولي بالك ..ونواف ماقد سمعناه قال احب هنوف او ابي الهنوف ..لو كان يحب هنوف مارتبط فيك ولافكر فيك خلاص انتي ملكتي قلبه كيف يفكر بغيرك؟؟وش ذا الهبال؟

هنوف:ريما حبيبتي..الوردة الي اعطاني اياها كانت لك..
ريما:كيف كانت لي وهو مد يده واعطاك اياها شوف عيوني!!

هنوف عصبت منها:اقولك لاتقاطعين كلامي!! اول ماشافني ارتبك ولا سيما اني مو متغطية عنه ولاني لابسة جلال وانا جمدت في مكاني هو ارتبك يبي يطلع من الصالة بأي طريقة مد الوردة لي وقالي اعطيها ريما فجأءة دخلتي انتي ..
نوف:وش ذا التفكير الهمجي ريما! والله الهنوف لها الحق تزعل عليك مو انتي تزعلين عليها ..
ريما راحت بحضن الهنوف:آسفة هنوف وربي اني مادري وش اقولك..متفشلة منك..بس اعذريني تكفين اني ظنيت فيك كذا..تكفين لاتزعلين مني..والله ماستحمل زعلك انتي بالذات <<جلست تبكي
هنوف:كيف ازعل من اختي؟خلاص ريما مابي اشوف دموعك ولابزعل ترى..
ريما تمسح دموعها:الله لايحرمني منك!!
نوف:احم احم نحن هنا
ريما راحت وباست نوف:وانتي بعد!!الله يخليكم لي..

رن جوال الهنوف طلع فيصل
الهنوف:هلا..
فيصل:اقول ريما عندك؟
الهنوف:ايه ..ليش؟<استغربت من سؤاله
فيصل:فهمتيها الموضوع زين!!
الهنوف:اي موضوع<ماكانت تدري انه عرف بالسالفة من نواف
فيصل:وش ذا الغباء اقولك موضوع نواف والوردة!!
الهنوف:ايه اشوى تفهمت كل شيء..
فيصل:بالله خلي ريما تجي بسرعة
الهنوف:وين تجي؟
فيصل:نواف بسيارتة من طلع من عندكم ماجلس عند الرجال وهو متضايق ومعصب وشكلة تعبان بالمرة انا خايف يطيح علينا لانه وجهه مو طبيعي بسرعة خليها تجي!! لانه رافض يكلمني....وانا عارف انه مافبه غيرالله ثم ريما الي تخلية طبيعي...انا بروح للرجال علشان مايعرفون بالموضوع ..انتي تعرفين لو دروا بالسالفة وش يبي يصير..واحنا مو ناقصين
هنوف:افا11 مسكين والله.. طيب خلاص وحتى احنا بنقولها ونروح للحريم.با

ريما:وش فيه فيصل؟
هنوف:ريما نواف تعبان بالحيل وفيصل خايف عليه لا يطيح عليهم حالته مو طبيعية يقول خلي ريما تروح له!!
ريم والعبرة تخنقها: انا السبب ياربي هو وينه؟
هنوف:بسيارتة
ريما:انتم روحوا للحريم انا بروح عنده بسرعة يالله تحركوا
هنوف ونوف راحوا للحريم وكانت اعصابهم مشدودة ومتوترات..
ام ريما:بنات وين ريما؟
نوف بإرتباك ملحوظ:هاه..
هنوف بترقع السالفة :لا ريما راحت عن عبودي ومها فوق تلاعيهم
ام عبد الرحمن:ياحليلها ريما تحب البزارين ماشاء الله عليها
العمة نورة:انتي شوفي عبودي كل سوالفه بالبيت عنها
ام عبد الرحمن:لا تهون مها بس تتكلم سوت ريما قالت ريما
ام نواف:ايه طيبه ريوم فديت قلبها!!
ام ريما:ريما تحب البزارين الحين بالتلفزيون اذا شافت اطفال تنجن عليهم
هنوف تهمس بإذن نوف علشان مايسمعونها الحريم:يوة نوف روحي عند عبودي ومها اخاف يدخلون ويفضُحون فينا يقولون وينها ريما هم مايصبرون عنها..واحنا كذبنا على الحريم..
نوف:ايوالله انك صادقة انا بروح احشرهم فوق ..اتصلي علي اذا جت ريما علشان ادخلهم
راحت نوف عند عبودي ومها الي كانوا يلعبون بلاي ستيشن بغرفة عبد الرحمن..جلست نوف عندهم علشان ماينزلون تحت للحريم وتنكشف خطتهم!!وهي واصلة حدها ماتحب تجلس عند البزارين يرفعون ضغطها!!

برى بالحديقة طلعت ريما بالحوش وهي تركض وكانت تقول بينها وبين نفسها(نواف تكفى سامحني..شكيت فيك..والله ظلمتك ..والحين انت تعبان بسببي ياربي ساعدني!!) الرجال مدخلين سياراتهم جوا بالحديقة فيه parking "مواقف" ونواف كان راكب سيارته ومرجع المرتبة وراء ومنسدح عليها ويفكر بريما111111
ريما وقفت على النافذة عنده..ماحس فيها كأنه في غيبوبه من التفكير بالي حصل له اليوم..الجو كان بارد بالمرة ريما حست بالبرد فتحت الباب حق السيارة وركبت قدام(تخيلوا ماقد ركبت قدام الا بطلعة الروح ولازم الكل يترجاها والحين تركب قدام عند نواف)
ريما بصوت ناعم وهي مبتسمة له ابتسامة تجنن: نواف..الي ماخذ عقلك يتهنى
نواف قمز من مكانه مو مصدق عيونه:ريما..انتي هنا؟
ريما:ههههه ايه هنا!ليش وش فيك؟ ماتبيني اركب بسيارتك؟بس ماعلي منك انا راكبة سيارة زوجي
نواف:اكيد هذي ريما الي جنبي؟ انتي تقولين لي هالكلام لا مو معقوله اكيد انا بحلم
ريما:ههههههههه ايه الريم بشحمها ولحمها
نواف: بالله اعطيني قرصة مو مصدق عيوني!!
ريما:لا صدق هههههههههه
نواف بصوت جاد:ريما ..فهمتي الموضوع؟؟؟انا والله ماكنت اقصد........
ريما قطعت كلامه:خلاص نواف الي فات مات..وانا عرفت كل شيء
نواف:يعني مو زعلانة؟
ريما:شلون ازعل عليك؟
نواف مسك يدها يبي يبوسها
ريما: ستوب الى هنا وبس!!
نواف:هههههههههه عسى تسلمين لي وتبقين لي يالغلا كله..
ريما:ايه اضحك..والله الدنياء ماتسوى..
نواف:الله لايخليني منك..وربي مبسوط للآخر ..ودي انط فوق السيارة واقول للعالم كلة تعالوا شوفي الريم جالسة جنبي!!
ريما:ههههههههههههههه مجنون والله!!
نواف:ايه مجنون بحبك..انا اكبر مجنون اذا كان حبك جنون
ريما استحت وتقطعت من الحيا111111
نواف:يوة بدينا نستحي!! ماقلت شيء غلط انا!!
جلسوا وكل واحد ساكت نواف مانزل عيونة من ريما كان يطالع فيها وهو(ياربي اش قد احب ذي الانسانة)ريما منزلة راسها تحت..بعد مرور خمس دقايق الجو هدوء وسكون..رفعت ريما راسها وحطت عينها بعينه ..ابستم لها ..ريما تشققت من الحياء ومع كذا ذابت على نظراتة وابتسامتة العريضة ..
ريما: وش رايك تقوم تتعشى؟
نواف:مابي العشاء دامه يحرمني شوفة عيونك
ريما:لاعاد انا مايهون علي تجوع والسبب انا
نواف:آه على قلبك الطيب..
ريما:يالله انزل عا111111د شكلك مطول؟
نواف:الود ودي اجلس اليل كله اطالع فيك!!
ريما:ههههههههه قوم عاد
نواف:تامريني آمر انتي
ريما:تسلم..
نزلت ريما هي ونواف من السيارة
نواف:الاعلى فكرة من قالك اني هنا؟
ريما:قلبي!! ابتسمت له وراحت للحريم
نواف: ياحياتي والله ياريما..شوي شوي على قلبي أنا!!
رجع نواف للرجال وهو مبتسم ابتسامة عريضة

نواف:السلام عليكم
الجميع:وعليكم السلام
فيصل كان مبسوط من قلب يوم شاف نواف مبتسم
فيصل:هلا وغلا بابو سعود
نواف:هلا بك يالغالي
ابو عبد الرحمن:وينك يانواف ماشفناك اليوم
محمد: من شاف احبابة نسي اصحابة
عبد الرحمن:ههههههههههههههههههههههه
ابو نواف:محمد وجع..وش هالكلام؟استحي
نواف:ياطول لسانة هالولد..يبي له قص!
ابو ريما:وش فيكم عليه..ماقال شي غلط صح يامحمد
محمد:عشت والله ياعمي..يحيى الحق
ابوريما:هههههههه

فيصل يهمس باذن نواف:هاه وش صار؟
نواف:والله يانواف هالريما كل يوم احبه اكثر من الثاني
فيصل:الله يوفقكم..انت تستاهل كل خير..
نواف:تسلم والله ياخوي..

رجعت ريما للحريم
ريما:السلام عليكم!!
الكل:وعليكم السلام
العمة نورة: عساهم مازعجوك ياريما هالبزارين
ريما وعلامة استفهام على وجهها:هاه؟
هنوف غمزت لها وهزت براسها يعني قولي لا..
ريما فهمت على طول
ريما:لاوالله وش حليلهم..يالبى قلوبهم
ام عبد الرحمن:ومها لايكون تعبتك بنتي واعرفها!!
ريما:لا مهويه تعبها راحة..
اتصلت هنوف على نوف وقالت لها تنزل!!
نزلت نوف ودخلت على الحريم وجلسوا الحريم بالمجلس والبنات طلعوا بالصالة..<علشان ياخذون راحتهم بالسواليف!!
ريما حكت لهم وش صار..والبنات انبسطوا على حركة ريما لنواف..بعدين جاء وقت العشاء راحوا تعشوا البنات..ويوم جت الساعة 12 باليل راحوا الكل للبيت.

:
الساعة 1 الظهر نزلوا البنات هيفاء وندى وريما بالمجلس وكانت الخالة هند جالسة لحالها الشباب نايمين
البنات:السلام عليكم
هند:وعليكم السلام..عسى ارتحتوا بالنومة؟
ندى:ايه احنا نمنا كويس بس بنتك هيفاء طفشتنا بس تسولف
ريما: ايه ياخالتي نمنا زين..بس ياحبك للمبالغة ندوش
هيفاء:طيب ندوه انا اراويك الشغل عدل..واي ياقلبي انتي ياريوم الله لا يخليني منك...اقول يمة وين نروح اليوم؟
هند:كيفكم الي تبون!!ملاهي مجمع شاليهات تتمشون براحتكم
هيفاء:هاه بنات وش رايكم؟ والله يازين من راح لمجمع الراشد اليلة!!
ريما:لا اليلة خميس وزحمة وماراح تاخذين راحتك
ندى: وش رايكم نروح للملاهي ..نفسي اروح لها
هيفاء:اوكي فيه عندنا بالدمام مدينة ملاهي روعة
ريما:ونا1111سة اجل
جابوا الشغالات العصيرات
هند:نسيت اقولكم بكرى عشاء عند جيراننا..لازم تروحون معاي!!
هيفاء:اي جيران يمة؟ وايش المناسبة؟
هند:جيراننا ال.... علشان ولدهم ماجد جاي من الرياض ومسوين عشاء
ندى طارت عيونها وشرقت في العصير :كح كح كح كح كح كح
ريما تضرب ظهرها وهي ميتة ضحك:سلامتك اشربي ماء هههههههههههههه
هند:بسم الله عليك ندى
هيفاء:هههههههههههههههههههههههه هه
هند:وش فيكم تضحكون البنية شرقت<على نياتها
ريما بترقع السالفة:لا ياخالتي بس هي دايماَ تضحك علينا اذا شرقنا..كما تدين تدان
هيفاء:صادقة ريوم ههههههههههههههه
ندى:بس ياهند انا وريما مانعرفهم وماله داعي نروح انتي وهيفاء روحوا
هند:لا والله لازم تروحون معاي بعدين هي جارتنا ودها تتعرف عليكم انا حكيت لها انكم راح تجون عندي!!ودها تتعرف عليكم!!
هيفاء:مافيه بساس اقولكم وربي بناتهم روعة وطيوبات بالحيل وبعدين هم ناس فرست كلاس يعني اتيكيت وكشخة
ريما:والله فشلة مانعرفهم!!
هند:لا ياريما لازم تروحون معاي ولا بزعل
ندى:بس
هيفاء:قلت لك مافيه بساس
هند:جهزوا حالكم العصر نبي نروح نتمشى ع الكورنيش
ريما:يا111111ي من زمان عن البحر
هيفاء:ايه عندنا في الشرقية كل شيء غير
ندى:تصلحين تسوين دعاية للسياحة الداخلية
الجميع يضحكون عليها1111111111111111111
العصر راحوا مع السواق وتمشوا على الكورنيش بالخبر..وبعدين طلعوا للهاف مون(شاطئ نصف القمر) واشتروا آيس كريم وبعدين جلسوا يتفرجون على الشباب كانو يلعبون بالدبابات
ندى:ابي اركب دبابات
هيفاء:ايه تكفين يمة
ريما:مو صاحيات البنات
هند:هههههههه اي والله ياريما
ندى:فلٌة مبسوطين
ريما: تركبين دبابات قدام الرجال عيب انتي وياها هههههههههههه
هيفاء:هههههههههههه آخر زمن الصغير يسكت الكبير
ريما:واذا كان الصغير اعقل من الكبير
ندى وهيفاء:وش قصدك
هند:كليتوا البنية
ريما:هههههههههههههههههههههههه
هند:آذن المغرب يالله خلونا نرجع نصلي وبعدين نروح للملاهي.
البنات:يالله

خالد اخذ تركي وراح معاها للشبا ..وعرفهم عليه وانبسطوا هم و تركي..

البنات فوق يصلون وريما رن جوالها وكان نواف
ريما:هلا والله
نواف:هلا بها..اخبارك ؟
ريما:تمام
نواف:ريما الرياض كلها مشتاقة لك
ريما: وانا اكثر والله
نواف:ريما تكفين ارجعي
ريما:وين ارجع؟
نواف:عندي للرياض
ريما: قريب ان شاء الله برجع
نواف: وش اخبار الشرقية؟
ريما:حلوة ولله متغيرة بالحيل عن العام
نواف:بس انتي الاحلى
ريما:هههههههه وانا كل ماقلت شيء قلت انتي احلى
نواف:وانا ماكذبت مافيه شيء بالدنياء احلى منك!!
ريما استحت
نواف:الريم بعد بكرى عيد!!كيف اعيد وانتي مو عندي؟
ريما:حبيبي نواف انا ان شاء الله راح ارجع
نواف:عيديها
ريما:وش اعيد؟
نواف:الكلام الي قلتيه
ريما:ان شاء الله راح ارجع
نواف:لا الي قلبها
ريما فهمت: هي كذا تطلع لحالها
نواف:خليها تطلع الحين طيب يامحلاها في فمك تهبل
ريما تقطعت من الحياء
نواف:الريم تدرين ان بس هذا العيد الي راح تعيدين فيه لحالك وانا لحالي..العيد الجاي ان شاء الله راح تكونين عندي في البيت ونعيد سوى..آه متى يجي !!
ريما ماتدري وش تقول كانت ميتة من الفشيلة
نواف: الو؟؟
ريما:هلا
نواف:وش فيك رجعتي تستحين !!ان ماشلت منك الحيا ماكون نواف ابن سعود
ريما:ههههههههههه اقول نواف انا بروح اصلي تآمرني بشيء؟
نواف:سلامتك وراحتك ورضاك
ريما وجهها احمر:فمان الله
نواف:الله معاك

صلت ريما وأول ما خلصت
هيفاء:ساعة انتي تكلمين. مع حبيب القلب؟
ندى:ماشفتي شيء انا وهنوف ونوف بنات عمها يرتفع ضغطنا منها
ريما:انتم وش عليكم؟
ندى:يالله بنات اسمعوا هند تنادينا خلينا نروح
نزلوا البنات وبعدين راحوا للملاهي مع تركي وخالد انبسطوا ماتركوا لعبة مالعبوا فيها1111
ريما:آه تعبت
هيفاء: عز الله عجوز قاضية
خالد:ههههههههههه قومي ياريما واجلسي عند امي اذا تعبتي ياكسولة!!
تركي:حتى انا تعبت ابي اجلس ..يالله ريما خلينا نروح عند هند
ندى:وانتم هيا بنا لنذهب الى العبة تلك
خالد:ابوك يالفصحى
هيفاء:ههههههههههههههههههههههه
ندى: تتريق علي انت وجهك طيب امشي قدامي على الاقل انت الرجل
خالد:غصب عليك رجل
ندى:لاحول ماقلت شيء رجل وستين رجل بس امشي وقص لنا تذاكر بليز
خالد:على حساب مين؟
ندى:هيفا
هيفاء:لا والله من اول مادخلنا انا وريما وتركي ندفع لكم وانتم اعضاء شرف تلعبون وتنبسطون
ندى:امري الى الله يالله على حسابي التذاكر..

راحوا يلعبون وانبسطوا وبعدين رجعوا للبيت وتعشوا ..وسهروا البنات مع بعض والشباب طلعوا

من بكرى العصر
ندى:يالله بنات اصحوا من النوم
هيفاء:خليني شوي انام
ريما:اطلعي برى يوة يانك مزعجة
ندى:قوموا وجع ياحبكم للنوم
هيفاء:لاحول ولاقوة الا بالله
ريما:ترى مانمنا الا الفجر حرام عليك
ندى:حتى انا مانامت زين..بس اليلة العزيمة حقت جيرانكم يالله خلونا نتجهز
ريما على طول صحت:ههههههههه انا اقول وش فيها البنية حالتها حالة طلعوا اهل ماجد اليلة عزيمتهم
هيفاء:هههههههههه ايه بس ندى تموت على النوم او كل شيء يهون عند الجيران
ندى:سخيفات وتافهات انا وش جلسني عندكم..خلوني انزل لهند ابرك لي من مقابل وجيهكم

ريما:طيرت النوم من عيوننا ونزلت
هيفاء:ماجاك من ندى الا هذا..طول عمرها كذا
ريما:ههههههههههههه
ندى:ههههههههههه

البنات كل وحدة اخذت شاور وجلست تعدل بشعرها وتكشخوا وتضبطوا
هند:ياربي منكم راح الوقت وانتم تتزينو بسرعة خلينا نروح
هيفاء:يايمة ماتبين العالم يقولون ماشاء الله وش هالأقمار
ريما:ههههههههههه ايه اقمار
ندى: انا خلصت
ريما:لسى ماخلصت هيفاء بالله تعالي سكري الحلق الي في اذني
هيفاء:طيب ..وانتي بالله سكري ساعتي
هند:بسرعه خلصوا

خلصوا البنات ونزلوا ولبسوا عبايتاهم وراحوا للعزيمة. ريما لبست تنورة زيتي وفيه ترتر اخضر فاتح وبدي طويل شيفون في تشجيرات وبلوزة قصيرة زيتي لونها وقلايد الوانها زيتي واخضر طويله.. وحاطة على شعرها ربطة مخمل لونها زيتي وفيها ترتر خفيف..

ندى لبست تنورة الى نص الساق سوداء شيفون وبدي احمر فيه لمعة وجكيت قصير اسود دانتيل ومجعدة شعرها..
هيفاء>بنطلون جينز ازرق وبلوزة بيج طويلة وفيها نقشات هندية بالبني ورابطة شعرها..

وأول مادخلوا كان في الاستقبال ام ماجد وخواته كان عددهم ثلاث غادة الكبيرة الي بنتها شهد.. و عبير و شيخة ..
سلموا عليهم واستقبلوهم استقبال حار والبنات صديقات هيفاء بالمرة
هند:اعرفك يام ماحد هذي ندى اختي وهذي ريما بنت اختي
ام ماجد:ياهلا ومرحبا نورتوا الشرقية..ماشاء الله ياهند كل وحدة احلى من الثانية
ندى استحت وجهها احمر..وريما بعد دنقت راسها
دخلوا المجلس وجلست ندى جنب ريما وهيفاء عند البنات ..
غادة:ماشاء الله ياملحها ندى خالتك
عبير:ايه تهبل
شيخة:بنت اختك نعومة بشكل هي الي تقولين انها مخطوبة لولد عمها؟وش اسمها قلتي لي؟
هيفاء:ايه ريما بنت خالتي سلمى..

غادة قامت تصب لهم القهوة ولما جت عند ندى
غادة: ماشاء الله ياندى هند دايم تسولف فيك..قمر لا اله الا الله
ندى استحت
ام ماجد ماشالت عيونها من ندى بس تطالعها ندى حست بارتباك
ندى بصوت قصير:ريما نفسي لو اروح للبيت الحين
ريما:من شوي وانتي الي عجلتينا خلونا نروح تأخرنا والحين ودك لو نرجع..عيب اعقلي

عبير:قوموا بنات خلونا نجلس عند ندى وريما
شيخة:ايه فشلة يالله
راحوا البنات وجلسوا عندهم ..واخذوا يسولفون
عبير: وش تخصصك ندى؟
ندى:علم نفس
عبير:ايه يهبل علم النفس كنت ابي ادخلة بس رحت مع زميلاتي كلنا علم اجتماع
هيفاء:ياحليلهم علم النفس والاجتماع اخوان ههههههههههه
ريما:هههههههههههههههه
البنات:ههههههههههههههههههههههه
شيخة:وانتي ريما؟
ريما:لا بعدني ثانوية عامة!!
شيخة:آه مثلي انا ثانوية عامة
غادة:طقم ههههههههههههههههه
البنات جلسوا يضحكون..

بعدين جت ام ماجد تفضلوا على العشاء..
راحوا البنات تعشوا ولما خلصوا ندى وريما راحوا للصالة عند المرآيا يتضبطون
ريما:ماشاء الله ام ماجد اكلتك بعيونها
ندى:اقصري صوتك فشلتينا
ريما:هههههههههه اول مرة ندى تتفشل.اقو انا بروح للمجلس
ندى:طيب استنيني شوي
ريما:لا عز الله جلست اليل كله هنا واقفة يالله باي

راحت ريما للبنات بالمجلس..وندى جلست تتعدل ولما لفت تبي تروح للمجلس وينفتح الباب حق الصالة وطلع ماجد في وجهها ..ندى جمدت في مكانها وحست كان ماء بارد وانكب عليها..وماجد ضاع تشت لما شافها دخلت مزاجه بشكل بس مايعرف من هي..!!!

: : :
كيف يعرف ماجد ان البنت الي واقفة قدامة ندى؟

العيد قرب وش راح يصير بين نوف ومحمد؟

مباراة نواف وفيصل قربت وزاد الحماس عند نواف وش سر الحما

الرابع عشر

الفصل الأول

: : :

ريما صحت الساعة 2 الظهر واخذت شاور ورتبت عباتها وشنطتها ونزلوا الخدامات الشنط تحت..لبست تنورة جينز طويلة وحزام برونزي سميك ع الخصر والبلوزة و لونها بيج وبرونز.رفعت شعرها ونزلت تحت في الصالة كان فيه ابوها..

ريما:السلام عليكم
ابو ريما:وعليكم السلام ..هلا بالغالية..هاه تجهزتي؟
ريما:ايه يبه جاهزة
ابو ريما:على خير ان شاء الله..خليك مع خالتك هند اذا تبين منها اي شيء!!اعتبريها بحسبة امك..
ام ريما جت ومعاها توست وعصير برتقال
ريما:وش ذا يمة؟
ام ريما:يالله كولي الحين قبل مايجي خالك تركي
ريما:بس يمة شبعانة
ام ريما:يالله بلا شبعانة بلا هم ماكلتي شيء من الصبح..
ابو ريما:ترى عاد بنزعل اذا ماكلتي
ريما:طيب من عيوني..اكلت ريما وابوها وامها يسولفون..

رن جرس الباب وجت الخدامة
الخدامة:مس ريما ...مستر تركي ونت يو ناو..!!!
ريما:اوكي ..ركبتي الشنط في سيارة تركي؟
الخدامة:يس..
ريما:ثانكس..
ريما راحت عند ابوها وباست راسه:يالله يبه فمان الله
ابو ريما:الله معاك..اسمعي يبه مثل ماوصيتك اول ماتوصلين المطار اتصلي علي اذا احتجتي فلوس اتصلي علي احولك وانا ابوك ..
ريما:تامر آمر يبه..لا الفلوس الي اعطيتني اياها تكفي وتزيد بعد الله لايحرمني منك..
راحت لأمها وباست راسها
ام ريما:هاه يمة نامي عدل ..وكولي اعرفك ماتاكلين وخليك مع خالتك هند اذا احتجتي اي شيء منها قولي لها لاتستحين....
ريما:هههههههه يمة انا ماراح اسكن هناك كلها اسبوع ان شاء الله وانا راجعته لكم وابي ازعجكم..تبون اي شيء من الشرقية؟
ابو ريما:نبي سلامتك
ام ريما:يالله يمة شوفي تركي وندى عند الباب..

طلعت ريما..وامها جلست تبكي
ابو ريما:يوه وش يبكيك؟
ام ريما: كيف ابي اصبر على فراقها اذا تزوجت؟
ابو ريما:بعد هذي سنة الحياة ماتبين البنت تتزوج؟
ام ريما:الا ابيها تتزوج.بس مين الي يملي علينا البيت بعدها؟
ابو ريما:يالله عاد روحي مسحي دموعك وبنتك 7 ايام وهي عندك ان شاء الله!!
راحت ام ريما..وابو ريما جلس يفكر(يالله ريما راحت للشرقية وتضايقنا كيف لما تتزوج؟ا ملك ياسلمى اذا بكيتي كذا..آآآآه وش يصبرني اذا راحت عني!!)

: : :
ريما ركبت السيارة وراحوا المطار هي وتركي وندى
تركي راح يخلص الاجرائات والبنات جالسات ع الكراسي..!!ينتظرون الرحلة
ندى:ياي شوفي ذاك المملوح الي يسلم على تركي
ريما:وينه؟لايكون ذاك الي لابس تيشرت ابيض؟
ندى:ايه عليك نور
ريما:ههههههههههه حليل مو ذاك الزود يعني صحيح هو مملوح بس مو مزيون
ندى:بلاك عميا ماتشوفين زين ..شوفي عيونه ياي ولا شعره خطير كله تحفة
ريما:ياهوة ندى شكله داخل مزاجك بالحيل
ندى:داخل مزاجي وبس !!
ريما:اسئلي خالي تركي عنه
ندى:لا والي يرحم والديك الحين يسوي لي تحقيق..وش تبين فيه؟ليش؟وكيف شفتيه؟و و و و ...
ريما:اجل انا ابي اسئلة
ندى:ايه تكفين!!
جاء تركي وجلس عندهن
ريما:خالي تركي مين ذاك الولد الي سلم عليك..
تركي: ماجد ال ... اعرفه في الكلية
ريما:ياحليله..معاك في الطب؟
تركي:ايه معاي بس هو اكبر مني بثلاث سنين..
ندى:وش عرفك فيه دامه اكبر منك بثلاث سنين؟
تركي:الولد محترم والكل يحبة..وبعدين انتم وش تبون فيه جالسات تسئلن بزيادة عنه؟عسى ماشر اخت ريما واخت ندى؟
ريما:هاه لا بس خفت عليك
تركي:ليش تخافين علي وحش قدامي
ريما:لا بس واضح انه اكبر منك ومدري وش يبي فيك
تركي:ههههههههههههههه
ندى (الله يهداك ياريما فضحتينا)
تركي:شكلهم ينادون على رحلتنا يالله قوموا..

ركبوا الطيارة والصدفة بالدرجة الاولى!!مقعد ريما جنب مقعد تركي..وندى المقعد الي وراهم وكان فيه الولد صديق تركي (ماجد) جالس في المقعد الي جنب مقعدها بس ندى ماجلست ابد في المقعد قامت واقفة وراحت لتركي ..ماجد كان يطالعها ويراقب تصرفها وش بتسوي؟ بس شاف انها طلبت تبدل مقعدها..!!
تركي عصب وطلب من الملاحين الي في الطيارة يبدلون بينه وبين ندى علشان هو يجلس جنبه وندى جنب ريما..
ريما على النافذة وندى جنبها..وراهم تركي وماجد صديقه
ريما:ياحليلة هذا ماجد شكلة رايح للشرقية
ندى:ايه سبحان الله رب صدفة خير من الف ميعاد
ريما بصوت واطي:والله انك مو بسهله تصرفك حلو..
ندى:انا جمدت في مكاني لما شفته جالس بالمقعد الي جنبي ومدري وش اسوي!!
ريما:هههههه ياحليلك..خالي تركي انجن لما شاف الوضع مخربط!!
ندى:يوة ياسخفه كان مخليني اجلس واشوف الزين
ريما:ياقليلة الادب هههههههههههههه
ندى:هههههههههههههههههههه صدقتي ..امزح!!
ريما: يا111ي ع الشرقية مشتاقة لها ولأهلها
ندى:عدك علي انا بجد هيوفة ذي على طول لسانها الا اني اموت عليها
ريما:بس مو بأطول من لسانك..ههههههههههه
ندى:طيب ياسخيفة وقرصتها
ريما:آآآآآي
ندى:هههههههههههه علشان تعرفين من ندى ام لسا11111111ن
ريما:ياحياتي يامي وابوي تركتهم
ندى:ماراح ياكلهم الوحش
ريما:ههههههههههههه سخيفة انتي وكلامك
ندى:لا والله انتي الاسخف ..(تقلد صوتها)تركتهم ..الا على فكرة شخبار مستر نواف؟
ريما:تخيلي من شوي لما قفلت جوالي لقيته ارسل لي مسج
ندى بحماس:وشو؟
ريما بتقهرها:اذا كبرتي وانخطبتي اقولك عيب الصغار يقرونه هههههههههههههههه
ندى: ههههههههههههههههههه الله اكبر انا الحين صرت صغيرة..اقول تراني اكبر منك بس يعني انخطبتي وتكبرتي؟
ريما:لا ههههههههههههه..طيب ارسلي بعد عمري وقال اول ماتوصلين الشرقية اتصلي علي ابي اتطمن على الريم وبعدين حاط في المسج اغنية راشد الماجد(اشوف الزين ناوي ع السفر..عسى ربي يحفظة بالمسير..عسى مايطول الغيبة شهر.......)
ندى:ياهوة نواف حركات الرومانسية ذابحته
ريما:هيه حدك عا1111111د لا تغلطين
ندى:سوري

ماجد:انتم طالعين للشرقية؟
تركي:ايه اختي الكبيرة هناك ولد اختي لزم علينا نزورهم
تركي:وانت وش عندك بالشرقية؟
ماجد:انا اهلي بالشرقية بس ادرس في الرياض مع خالي تعرفة الي معانا في الكلية
تركي:ايه الي دايم معك... اكيد مشتاق لأهلك
ماجد:اي والله بالحيل
ماجد كانت ندى معجبته وخصوصاً تصرفها انها رفضت تجلس جنبه..كبرت في عينه..!!وحس انها بنت ناس ومربية..!!
طبعاً ذبحه الفضول وده يعرف وش عرف تركي بالبنت هذي؟
ماجد:الي قدام خواتك؟
تركي:الي قدامي هذي اختي والي عند النافذة بنت اختي!!
ماجد: ماشاء الله..اختك هذي بنت محترمة رفضت تجلس بالمقعد لما شافتني
تركي يبتسم له: ايه تربية ام تركي هذي
ماجد:هههههههههههههه الله يخليها

ندى:ريموة اسمعي ضحكة ماجد تبهل
ريما: هههههههههه عادية بس انتي تبالغين
ندى:سخيفه وش عرفك بالزين انتي خليك على نوافك بس
ريما:ايه احسن لي بعد ههههههههههههههه
ندى:ههههههههههههههههههه

تركي تذكر الجوازت وانه ماخذها علشان يروحون للبحرين
تركي:ندى جبتي الجوازت؟
ندى بصوت واطي وذابحها الحياء لما شافت ماجد يطالعها:ايه معي بالشنطة
تركي:ايه خفت لايكون نسيناهم
ماجد مبسوط بالمرة انه عرف اسمها..
ماجد(ندى..اسمها حلو بالمررة..وباين انها بنت عاقلة..)

وصلوا للشرقية.
وكان بالاستقبال خالد وهيفاء عيال هند..سلموا عليهم وجلسوا يسولفون
تركي:خالد خلينا نروح نجيب الشناط
خالد:يالله
هيفاء:حيا الله اهل الرياض..تو ما نورت الشرقية
ريما:منورة باهلها ياحياتي
هيفاء:ندوش الي ماخذ عقلك يتهنى
ندى كانت سرحانه بماجد كان يسلم على واحد شاب صغير ومعه بنوتة صغيرونة ..وبعدين التفت وجلس يطالع بندى ..ندى اول ماشافته نزلت عيونها بالارض وهو واقف مكانه ابتسم لها

ريما:ايه ياهيفاء فاتك بالطيارة وش صار؟
هيفاء. وش صار ؟؟؟؟؟
ريما:ما1111111111111جد
هيفاء:وشو ماجد؟
ريما:شوفي ذاك الولد الي ماسك البنوتة
هيفاء:ايه وش فيه؟
ريما:بعدين اقولك سالفتة
ندى:شوفوا بالنوتة تهبل
ريما:البنوتة ولا الي ماسكها
ندى:سخيفة سبحان الي خالقك ثقيلة دم
ريما:ههههههههههه اذا انا ثقيلة دم ياحظ ثقيلات الدم ان ريما منهم
هيفاء:ياعيني ع الغرور..ايه بنات بنات عرفته عرفته
ريما:منهو ماجد؟
ندى:وش عرفك فيه؟
هيفاء:انا اقول وين شايفه هذي البنت من قبل!!
ندى:وين
ريما:يالله احرقتي اعصابنا..
هيفاء:هذا صح يدرس بكلية الطب عندكم في الرياض؟
ريما وندى طارت عيونهم:أيه
هيفاء:ولد جيراننا ال.... وهذي بنت اخته تهبل اسمها شهد
ندى:اها11111111111
ريما:انا لله هذا لاحقنا لاحقنا حتى عند بيت خالتي هند
ندى:هههههههههههههههههههههه
هيفاء:يالله بنات خلونا نركب السيارة وبعدين راح يجون العيال..

ركبوا البنات السيارة وجاء خالد وتركي وركبوا وبعدين راحوا لبيت الخالة هند استقبلتهم..وسوت لهم عشاء كبير
هند:تو مانورت الشرقية
تركي:منورة باهلها
هند:شخباركم؟وشخبار امي وسلمى؟
ندى:بخير الله يعافيك
هند:وانتي ياريوم شخبار نواف؟
ريما وجهها الوان احمر واخضر واصفر
هيفاء:شوفي البنت كيف حمر وجهها
ندى:هههههههههههههههههههههههه
ريما:بخير خالتي!!<تبي تقهر البنات
هند: انا رتبت لكم الغرف فوق
هيفاء:لا يمة البنات راح ينامون عندي بالغرفة
خالد:وخالي تركي معاي مشتاق له وابي اجلس معاه طول اليل
تركي:ايه خلاص اجل بغرفة خالد
ريما:والله عاد انا وندى نفكر اذا صارت غرفتك مو من مستوانا ماراح ننام فيها<تحاول ترفع ضغط هيفاء
ندى:ايه صادقة بنت اختي
خالد:هههههههههههههههههه حيلكم فيها
هيفاء: من زينكم اساساً انا مابيكم
ندى:ياكبرها عند ربي قبل دقايق تترجين هند علشان ننام عندك والحين مابيكم هاه!!
ريما:ههههههههههه ..اساساً احنا مانصبر عن هيوفة لازم ننام عندها و نبغى نزعجها بعد!!
هيفاء:ازعا1111111111111111111ج كم راحة
ندى +ريما:هههههههههههههههههههههههه هه

تعشوا وسهروا الى الساعة 1وبعدين الكل صعد ..البنات بغرفة هيفاء ماناموا جلسوا سواليف وتركي مع خالد..والخالة هند راحت غرفتها ونامت...

الجزء الخامس عشر

الفصل الأول

: : :

ندى واقفة في مكانها ضيعت المجلس من الخوف والربكة..ماجد حس انها ارتبكت دنق راسه واعطاها ظهره يعني صد عنها
ماجد:المجلس على اليمين
راحت ندى بسرعة للمجلس.وكان واضح عليها ملامح الارتباك..جلست عند ريما
ريما:وش فيك ندوش وجهك احمر بالحيل؟
ندى:ريما صارت لي سالفة!!
ريما:خير وش صار؟
ندى:ابغى اروح الحين للبيت.مان بجالسة قومي معاي
ريما:وش فيك انتي..اصبري وش يقولون عنا الناس..شوي اذا قامت خالتي هند نروح كلنا..

ام ماجد كل شوي تطالع بندى..وندى مدنقة راسها من الحياء..ودها لو الارض تنشق وتبلعها..
هند قامت:يالله نترخص..فمان الله
ام ماجد:وين تو الناس..؟ماشبعنا منكم.؟
هند:لا الوقت تأخر..وتعرفين العيد قرب ولازم نستعد
ام ماجد:اي والله..شرفتونا والله..وهذي الساعة المباركة الي شفنا فيها ندى وريما,.
هند:ياحياتي والله.. يالله مع السلامة
ام ماجد:مع السلامة

طلعوا البنات وندى كانت مرتبكة..
ريما:ماشاء الله والله ناس طيبين
هيفاء:ايه انا انبسط دايماً اذا زارونا..
هند:ناس ذوق بعد!!
ندى ساكتة وسرحانه..ندى(يالله وش هذي الصدفة مو معقولة..يعني انا اكثر وحدة كنت متحمسه للعزيمة ذي وبالاخير صار لي الموقف هذا لا ومع ماجد بعد..!!)
هيفاء:ندوش الي ماخذ عقلك يتهنى..
هند:وش فيك ندى؟
ندى:ليش وش السالفة
ريما:لا البنت ضايعة مو معانا ابد
هيفاء:ههههههههههههههه
ريما:لا بس كنا نتكلم عن جيران خالتي هند نقول انهم ناس ذوق وش رايك فيهم؟
ندى:ماشاء الله عليهم..جيران ولا اروع..

هند راحت تنام..وندى جلست تقولهم الموقف والبنات مصدومات..!!
ريما:يالله وش ذي الصدف؟
ندى:اقسم بالله اني ارتبكت شوي ولا ابكي قدامه..حسيت نفسي كني طفل وضاع بزحمة!!
هيفاء:هو بعد ولد محترم الي صد عنك ولا جلس يطالع فيك!!
ندى:ايه انا هذا الي ريحني!!
دخلوا تركي وخالد البنات قطعوا السالفة..وجلسوا سواليف وضحك وصرقعة..

: : :
في بيت ام ماجد
ام ماجد:بنات وش رايكم في ندى؟
غادة حست ان الموضوع فيه شيء:ليش يمة؟
عبير:يمة تدرين عاد تصلح لماجد
شيخة:تكفين اخطبيها البنت لقطة ماتفوت!!
ام ماجد:صح والله هذا الي يدور في بالي يكفي انها اخت هند وباين عليها انها طيبة
غادة:لا وبعد حبوبه ودمها خفيف
عبير:الصراحة انا ارتحت لها ..وبعدين هي في الرياض عايشة يعني عند ماجد..واذا جت في الشرقيه يعني عند اختها بعد!
شيخة:ايه ندى والله اخلاق وذوق وطيبه..وكشخة بعد
غادة:ههههه هذا الي هامك..
شيخة:اكيد مرت اخوي لازم كشخة مثله
عبير:ههههههههه انتي صادقة ماجد كشخة ويبي له وحدة كشخة
ام ماجد:اقول اصبروا زوجتوا البنت..الحين بنفاتح اخوكم وبعدين يحلها الف حلال..

دخل ماجد عليهم في الصالة
ماجد:السلام عليكم
ام ماجد:وعليكم السلام
شيخة: جبنا سيرة القط جانا ينط
ماجد: ههههههههههه وش قط بعد ..يمه ترضين يقولون عني قطوة؟
ام ماجد:طيب ياشيخة احترمي اخوك تكرم ياولدي
ماجد يغمز لشيخة:مسكين الي يعاند ماجد
عبير: وش ذا الغرور خف علينا
ماجد:يمة من كان عندنا اليوم؟
ام ماجد:هند جيراننا وبنتها..وجايه معاها اختها الصغيرة وبنت اختها
ماجد:اها1111111
ام ماجد:يالله انا بروح انوم تصبحون على خير..
الجميع:وانتي من اهله..
ام ماجد قامت عنهم وهي حاطه في بالها ندى..وكانت ناويه تفتح الموضوع مع ماجد يوم العيد..
غادة:يالله حتى انا ابي انوم ..
عبير:أخذيني معاك احس اني ميته ابي السرير ماشوف الارض
ماجد:هههههه ياسلام على المبالغة
صعدت غادة وراحت عند بنتها شهد الصغيرة..لان زوجها كان مسافر..
بقى شيخة..
ماجد(هذي فرصتك ياماجد مابقى احد غير شيخة الحين تقدر تسألها من هي البنت الي لابسة احمر)
ماجد:شيخة عساك انبسطتي اليوم؟
شيخة:ايه فلُه مع البنات
ماجد:طيب انا اليوم وانا ابي ادخل لمحت وحدة لابسة احمر من هي؟
شيخة شهقت:اهئ ياقليل الادب جالس تشوف البنات
ماجد:لا ياخبلا بس انا بدخل للصاله وهي على طول دخلت المجلس بس لمحت الون كان احمر
شيخة:هذي ندى بنت اخت هند
ماجد قام من مكانها لاشعورياً..والافكار تدورفي راسه (ياربي حتى البنت هذي اسمها ندى..!! لاتكون ندى اخت تركي!بس كيف اعرف؟ مافيه بالشرقية كلها غير ندى اخت تركي يمكن ندى ثانية)
شيخة:وش فيك ماجد قمت من مكانك؟
ماجد:لا بس تذكرت شيء مهم نسيته في الرياض..
شيخة:وشو؟
ماجد:يانك انسانه فضوليه!! وش دخلك.!!تعالي شيخة وهذي اخت هند وبنت اختها عايشات في الشرقيه؟
شيخة:لا توهم جاين من الرياض..!!
ماجد (يارب تكون ندى اخت تركي..!)
شيخة:ماجد الي ماخذ عقلك يتهنى!!
ماجد:هاه لا ولا شي
شيخة:انت مو طبيعي من اسئلتك هذي حاسة ان في شيء؟وش السالفة؟
ماجد:لا سالفة و لا شيء بس انا الغلطان الي اجي واسئلك انتي..كل ماسئلتك قلتي ليش وش السالفه..ياختي احب ادردش معاك بعد ماتركوك خواتك وراحوا ينامون..
شيخة حاسة ان ماجد فيه شيء:ايه بعد ماخذت الاجوبه كلها جلست تهاوش على العموم براحتك..انا بنوم قود نايت!!
ماجد راح لغرفته وشغل شريط عبد المجيد وكان متمد على السرير يفكر بندىيتمنى انها الي اليوم شافها.. ماجد كان يسمع اغنية الحب الجديد...
(ايش جابك من بلادك لبلادي..ايش الي خلاك تسكن في فؤادي.. احس بشيء في مهجتي لك غير عادي......
: : :

من بكرى...!!!
راحوا لمجمع الراشد وتمشوا فيه..واشتروا البنات اغراض..
ريما:بنات اصبروا لي شوي بدخل المحل هذا
هيفاء:وش تبين فيه محل شباب؟
ندى:امك واشتريتي لها..وابوك اشتريتي له..
هيفاء:اها1111111 نواف
ريما:ايه اكيد نواف تعالوا معاي..

ريما اشترت لنواف طقم قلم وسبحة ..وعطر وكبك<حق الثوب وغلفتهم تغليفة رايقة
ندى:روعة ريما الطقم مررة حلو
هيفاء:ايه بجد ذوق
ريما:لاداعي لاداعي اكيد انا ريما مو حي الله!!
ندى:يوه بدى الغرور..
هيفاء:بسرعة خلونا نطلع نبي نتعشى ونرجع للبيت لاتنسون بكرى عيد
ندى:ايه ياحلاته من عيد!!
ريما:اصبرو شوي ابي اروح للمحل الي قبالنا صديقاتي يمدحونه ابي اشوفه..
هيفاء:ياربي ياريما كل المجمع شريتيه..اصبري بعد بكرى بنروح مجمعات كثيرة
ندى:هذي هي ريما حتى في الرياض عندها غريزة حب التسوق
ريما:لاحول لا تنظلوني الحين تجيني عين واكره الاسواق
ندى:ماشاء الله ههههههههه
هيفاء:لاله الا الله عليك ههههههه

طلعوا البنات من المجمع وراحوا وتعشوا برى..وبعدين رجعوا للبيت.نامو بدري علشان بكرى عيد..

جت الساعة 11 ريما صحت ..واخذت شاور سريع وبعدين راحت تصحي البنات
ريما:يالله انتم قوموا يكفي وش تركتوا للناس كل ذا نوم ..
هيفاء:طالع من يتكلم اقول فكينا انقلعي ابي انوم ماشبعت
ريما:انتي لو تنامين سنة ماتشبعين اقول قومي الناس عيد ومبسوطين وانتم في سابع نومة
هيفاء رمت على ريما وسادة
ريما:آآآآآآآآي هيفوة وجع!! انا اوريك يالسخيفة
صحوا البنات وتكشخوا ونزلوا<علشان العيد
تركي وخالد كتشخين في الثياب والشمغ وهند لابسة جلابية فخمة نزلوا البنات وسلموا
هند:اليوم بنسوي باريكيو وحفلة صغيرة لنا وش رايكم؟
خالد:وين بالشاليه؟
هند:لا في الحديقة هنا
تركي:ايه خوش والله فكرة
هند:ايه اختك مو هينه!!
تركي:ونعم الاخت!!
هند:هههههههههههههههههههههه
تركي:ههههههههههههه
ريما: تكفى خالد وتكفى تهز رجاجيل
هيفاء:الحين خالد تعتبرينه رجل؟ هزُلت
خالد:هيفوه وجع مو مالي عينك..قام عندها وجلس يضربها مزح
هيفاء:خلاص تكفى والله رجال وشيخ الرجال بعد بس فكني!!
خالد:ايه علشان تعرفين ان الرجال مو سهلين..سمي ريما بس لايكون شيء صعب ترى ماراح اسويه..
ريما:لا بس ابي تمربنا محلات شاكلت باتشي او شوكلاين يعني أي محل شوكلاته ر111يق
خالد:مين بيدفع؟
ريما:ياربي يابخلك
خالد:هيه حدك بعد لاسوي فيك مثل هيفاء
ريما:هههههه لا خلاص اجل انت كريم ياخويلد واحنا البخلا..
خالد: ايه هذا الكلام الزين..ابشري يالله قوموا
ندى:صاحي انت؟ الحين الساعة 11 الصبح خلها العصر
خالد:مالك شغل..ريما متى تبين؟
ريما: العصر ياليت
خالد:ابشري يامدموزيل ريما
ندى:عشتوا وش هالاحترام لريما؟
خالد:لانها هي الي بتدفع هههههههههههههههههههه
ريما:ههههههههههههههه عارفة والله..
هيفاء:هههههههههههههههههههههه
: : :

جاء العصر راح خالد وهيفاء وريما وندى لمحلات الشوكلاته وماتركوا شيء ماخذوه قاتوه وتورته وانواع من الحلويات والشاكلت وكل شيء..

تركي جلس مع هند..العصر الساعه 5 طق الباب..راحت الخدامة تفتح الباب..كان ماجد وامه وخواته ..
الخدامة جت وقالت لهم..طلع تركي يستقبلهم مع هند بعد ماقلت لهم الخدامه ان معاهم رجال..
تركي انصدم لما شاف ماجد..
ماجد كان طاير من الفرحة لما شاف تركي وكأنه نازل له من السماء..(عرفت ان بنت اخت هند هي ندى اخت تركي يعني هي الي شفتها)مو مصدق يعني ندى الي في الطيارة هي ندى الي شفتها في بيتهم..تركي دخله في المجلس..

ماجد:كل عام وانت بخير عساك من عواده
تركي:وانت بخيروصحة وسلامة.ياسلام على الصدفة
ماجد:شفت كيف..والله ماكنت اعرف انك هنا ..كنت جاي اعايد خالد ولا كنت اعرف انه يقرب لك..
تركي:هههههههههه شفت شلون الدنيا غريبة
ماجد:أي والله..الا على فكرة وينه خالد؟
تركي:طلع مشوار وان شاء الله راح يرجع

ام ماجد وخواته ماطولوا جلسوا شوي وطبعاً سئلوا عن ندى والبنات وقالت لهم هند انهم طالعين..بعدين استئذنوا وطلعوا بعد ماعايدوا هند..وماجد طلع بعد ماتصلوا عليه خواته استئذن من تركي وراح..

جت ريما وندى وهيفاء وخالد وقالت لهم هند ان ام ماجد وبناتها جوا
هيفاء:يوة قهر ياليتني كنت موجودة
ريما:حسافة
ندى كانت مبسوطة انها ماشافتهم كانت تستحي بالحيل منهم..ولاسيما انها افتكت من نظرات ام ماجد لها..
خالد:والله ماجد رجال بمعني الكلمة ياقهر كنت اتمنى لو شفته
تركي:ايه هو معاي بالكلية وجلس جنبي بالطيارة واليوم شفته يعني سبحان الله رب صدفة خير من الف ميعاد
خالد:ههههههههه أي والله..
في الرياض..
تجمع الكل في بيت العم طلال ابو نوف..
الحريم جلسوا في المجلس ..والهنوف ونوف طفشانات علشان ريما اول عيد من غير ماتكون وياهم وتعطي جو لهم..

عند الرجال الكل كان جالس
نواف:انا بروح اعايد عمتي نورة
محمد:خذني معاك انا ماعايدتها
عبد الرحمن:أجل انا عايدتها الصبح
فيصل:انا عايدتها منذ مبطي
عبدالرحمن:ههههههههههههههه

دخلوا نواف ومحمد وشافوا البنات بالصالة الهنوف ونوف مانتبهوا لهم كان مندمجات بالسواليف.. محمد وقف لما شاف نوف نواف حس بمحمد ضربه على كتفة
نواف:محمد انت مو طبيعي اذا شفت بعض الناس وش سالفتك؟
محمد:انا بقولك السالفه بس كل شيء بوقته حلو
نواف:كل يوم تقولي بقولك السالفة ولا قد مرة قلت لي..
محمد:لا تستعجل اذا واثق اني راح اجيك واقولك بس مثل ماقلتك كل شيء بوقته حلو.

الجزء الخامس عشر

الفصل الثاني

: : :

دخل نواف ومحمد وسلموا على عمتهم نورة وعلى حريم عمامهم..ونواف سلم على ام ريما<اكيد
ام نواف:نواف اكيد فقدت ريما
نواف:اي والله احس ان اليوم مو عيد<بايعها الولد
ام ريما:ههههه الله يوفقكم ان شاء الله
العمة نورة:ماشاء الله الله يهنيكم ياولدي انت وريما
نواف:يالله عن اذنكم اترخص فمان الله
محمد:مع السلامة

وهم طالعين
محمد:ياخي انت ماتستحي قدام الحريم وتسولف في حرمك المصون
نواف:يالله اش قد انا مشتاق لحرمي المصون
محمد:لا انت مخربها اليوم
نواف:كيفي مرتي وانا حرُ
محمد:طيب استحي تفشل سوي شي
نواف:كيفي عاجبني الوضع

شافوا البنات في الصالة جالسات على طول تغطوا البنات
نواف راح لهنوف ونوف
هنوف: شوفي نواف شكله جاي يبينا
نوف:الله يستر منه لا يكون يبي يكلمك..
هنوف:اقول فكينا انتي وخرابيطك

نواف:السلام عليكم
هنوف ونوف:وعليكم السلام
نواف:كل عام وانتم بخير..
البنات:وانت بخير
نواف:تدرون عاد اشكالكم غلط بدون الريم..احس كن في شي ناقصكم
هنوف بمزح :ياسلام يعني مو حلوين بدون ريما؟
نواف:اكيد شيء طبيعي..الريم ملح جلستكم
هنوف:ههههههههه
نواف:محمد تعال عايد البنات
نوف جمدت في مكانها اطراف يديها بردت من الربكة..
محمد جاء وعيونه على نوف
محمد:السلام
البنات:وعليكم السلام
محمد:كل عام وانتم بخير
هنوف:وانت بصحة وسلامة
نوف:وانت بخير
محمد لا ارادياً: كيفك نوف؟
نوف بصوت قصير ماينسمع:بخير
هنوف:احم احم نحن هنا
محمد:اوه آسف هنوف شخبارك؟
هنوف:بخير الله يسلمك
نواف:يالله احنا نستئذن ..بس حبيت اعايدكم واقولكم انكم ماتصلحون بدون الريم
هنوف:الله يسامحك..بس اكيد هذي ريوم انا ونوف اشتقنا لها
نواف:انتم بس الي اشتقتولها الرياض كلها مشتاقه لها
نوف:ههههههههه
محمد:هههههههههههه ياخي استحي عيب
نواف:ايه صح نسيت انتم بزارين وعيب الكلام ينقال عندكم..ماينقال الا للغاليه
محمد:يوة شكل الولد نسى نفسة يالله فمان الله
نواف:خذني معاك..مع السلامة

: : :
في الشرقيه
جلسوا في الحديقة وناسه العاب ناريه مع خالد ومسوين باربيكيو..وعلب الشاكلت انواع واشكال والجلسه حلوة على المسبح..والضحك والسواليف

ريما رن جوالها شافته كان نواف الي يتصل على طول قامت..
ندى بصوت قصير:هيفاء شكله بدء مسلسل نواف
هيفاء:هههههههههههه مسكينه اليوم بتموت علشانه ماكلمها
ندى:هي مطيورة وعلى طول تبيه يكلمها..المفروض تعقل
هيفاء:اقول فكينا خلينا نشوف اذا كلمتي زوجك بعدين بتعقلين ولا لا..!!
ندى:هههههههههههههه

نواف:الو
ريما:هلا والله
نواف:هلا بالصوت وصاحبته..كل عام وانتي بالف خير يالغلا
ريما:وانت بخير..عساك من الي يعوده كل عام
ريما لما سمعت صوته حست انها بتبكي مشتاقه له ولأهلها في الرياض ..كان في صوتها نبرة غريبة نبرة حزن..لاسيما انها اول عيد بدون ماتشوف اهلها..
نواف:مشتاق لك ريوم
ريما: تسلم والله
نواف:وش فيه صوتك؟
ريما تحاول تكون طبيعيه:مافيه شي
نواف:لا فيه وش فيك حبيبتي؟
ريما نزلت دمعتها:مشتاقه لك ولاهلي يانواف
نواف عوره قلبه وحاول يخف عنها:ريما قلبي انتي ماراح تطولين ان شاء الله..على فكرة اليوم متجمعين البنات وقلت لهم ان اشكالهم غلط بدونك
ريما:هههههههههه وش قالوا لك
نوف:عصبوا..بس انا ماقلت الا الحق..توي احس بالعيد لما سمعت صوتك..هذا عيدي انا
ريما استحت وسكت
نواف:يوه بدينا بالحيا ماكون نواف ان ماشلت الحيا..اشتقتي لي؟
ريما لاشعورياً:أكيد
نواف:هههههههه ياحظي انا ياكبرها هالاكيد ذي فرحتني
ريما صار لون وجهها احمر من الحيا
ريما تبي تضيع السالفة:نواف متى مباراتك؟
نواف:قدمناها خليناها بكرى
ريما:ليش قدمتوها؟
نواف:زميلنا وليد راح يسافر بعد بكرى وهو عنصر اساسي بالعبه
ريما:الله يوفقك ياقلبي
نواف:ياربي شوي شوي علي ..قلبي كذا مررة وحدة
ريما:نواف خلاص وبعدين معاك هي كذا طلعت
نواف:ياحلاها والله
ريما:نواف
نواف:عيونه
ريما:لا انت مو بصاحي
نواف:معذور من سمعت صوت الريم تخبلت
ريما:ههههههههه لا تكفى اجل بسكر الخط
نواف:ياويلك تسكرينه انا مو مصدق متى اسمع هالصوت تجين وتسكرينه..يكفي انه صوت بدون صورة
ريما:ههههههههه لا نواف انت مو طبيعي..شكل مباراة بكرى بدء مفعولها
نواف:هههههههههههه لا والله الا صوتك هذا مفعوله
ريما سكت (ياربي خف علي يانواف قلبي شوي شوي عليه)
نواف:الو؟
ريما:معاك..
نواف:اقول والله فشلة طولت معاك وش راح يقولون عني خوالك؟!!
ريما: لا ابد خذ راحتك
نواف:والله ترى ماراح اسكر الى بكرى
ريما:ههههههههههه
نواف:يالله يالغلا ادعي لي تكفين بكرى..
ريما:الله يوفقك وتجيب ذاك الهدف الي يبرد القلب..توصي شي من الشرقية؟
نواف:لا ابد سلامتك!!مع السلامة
ريما:مع السلامة

: : :
رجع نواف للرجال
فيصل:حي الله ابو سعود وينك فيه طولت؟
نواف:هاه لابس كنت اكلم ريما
ابو عبد الرحمن:ماشاء الله من شاف من احبابه نسي عمامه هههههه
ابو ريما:هههههههه خلوه ماهي بزوجته؟اكيد ماعيدها..
ابو نواف:والله انك صادق ياعمي زوجتي وابي اعايدها
فيصل:عايدها مو الحين والرجال مجتمعه ياخي عيب استحي
نواف:ياسلام مابقى الا ناخذ الحكم من فصيل
ابو نواف:هههههههههه وفيصل ماقال الا الحق
محمد:هذا هو نواف مايعرف الذوق والاحترام
نواف:ياشيخ مخلينه لك الاحترام والذوق
ابو ريما:لا حرام عليكم كل شيء ولا نواف
فيصل:ايه دافع عنه ياخالي مو رجل بنتك اكيد بتدافع عنه
نواف:خلاص مادام عمي فهد معاي كيفكم انتم..
محمد:افا ياقليل الادب وابوك؟
ابو نواف:لا شكله باعني هههههه
ابو عبد الرحمن:ههههههههههه
ابو ريما:هههههههههه
نواف طير عيونه:ياسلام انا من دون ابوي وش اكون..!!الله يخليه لي ويطوله
عبد الرحمن:وابو ريما؟
نواف:انتم وش فيكم علي اكلتوني؟واحد جالس ويكلم زوجته وش السالفة؟
فيصل:هههههههههههه رفعنا ضغط الولد شوف وجهه
نواف:هههههههههه الا انا مايرتفع ضغطي!!
محمد:ماخذ حبوب تمنع ارتفاع الضغط يامتسر نواف؟
نواف:الحبوب لكم اما انا غير..
عبد الرحمن:يوه فكونا الحين يتكبر علينا سعادة المهندس
ابو عبد الرحمن:لا الا المهندس مايتكبر
ابوريما:ولدي وانا اعرفه نواف انسان مثالي
ابونواف:ايه صح لسانكم نواف ماشاء الله عليه
فيصل بصوت قصير:اقول شباب شكلها قلبت علينا السالفة وطاحوا مدح في المغرور نوافوه
محمد:اقول اسكتوا خلونا نسمع هالمدح
عبدالرحمن:ناس تكلم وتنبسط وناس تقهوي وتصب الشاي وتهاوش
فيصل+محمد:ههههههههههههههههه
نواف يطالع للشبا بنظرات الغرور والثقة..وهم مقهورين ودهم يذبحونه

: : :

الجزء السادس عشر

الفصل الأول
: : :

من بكرى العصر...
البنات جالسات بغرفة هيفاء يسمعون اشرطة
ريما:عندك شريط الوسمي اغنية مشتاقلي؟
هيفاء:لا والله ماحب اغانيه
ريما:حرام عليك اغنيته خطيرة
ندى:طيب عندك اغنيه انت بحري لفيصل العماني
هيفاء:لا والله..وش هذولا المطربين انا ماعندي لهم شيء
ريما:وش عندك اجل؟
هيفاء:ابو نورة فديت قلبه رشود
ريما:من هو رشود؟
ندى:راشد الماجد ههههههههههههه
هيفاء:ليش تضحكن اكيد رشود يستاهل..!!
ندى:يالله حطي اي اغنيه بالله..
هيفاء:حطت اغنيه لمحمد عبده اعترفلك
ندى وهيفاء:يتصفحون بالمجلات وريما جالسه سرحانه بالاغنية
ريما:بنات مدري انا قلبي يعورني حاسه ان اليوم راح يصير شيء
هيفاء:فال الله ولا فالك
ندى:مثل ايش ريوم؟
ريما:مدري والله بس انا خايفة وكل شوي اتصل على امي وابوي واتطمن عليهم
ندى:تفائلوا بالخير تجدوه
هيفاء:حبيبتي تعوذي من ابليس وارتاحي ماراح يصير ان شاء الله الا كل خير
ريما:ان شاء الله..وكانت ميته من الخوف وعلى اعصابها نست مباراة نواف..كل تفكيرها مشغول على امها وابوها1111
....

: : :
بدت المباراة حقت نواف وفيصل
ولعبوا طبعاً كانوا يلعبون من قلب ومتحمسين بس الفريق الثاني كان لعبه خشن بالحيل..فيصل سجل هدف..ونواف كان ماسك الكورة وكان حمد من الفريق الثاني وراه وانزلق على رجل نواف طاح نواف على ركبته كان بياخذ الكورة حمد منه..والتوت رجل نواف..وقفوا العب
نواف كان يتألم بالحيل..والشباب خافوا عليه..
فيصل:نواف وش فيك؟
نواف:آه يافيصل تعورني آه
وليد:يالله قوموا خلونا ناخذه للمستشفى بسرعة
فيصل:يالله ابغى اروح اجيب السيارة

فيصل كان معصب ومتضايق وعلى طول اخذوه للدكتور حق العظام..اتصل فيصل على محمد وقاله عن الموضوع..محمد كان خايف على اخوه وجاء طاير للمستشفى
محمد:هاه وش السالفه وش صار
فيصل:ماصار الا الخير الدكتور دخل عليه واحنا بنتظاره
الشباب كانوا يهدون بمحمد ويطمنونه ويخفون عنه

دخل الدكتور عليه وجلس ساعه ونص
فيصل كان متوتر وخايف ومعصب..الشباب كلهم برى العيادة على اعصابهم وكانوا كثا111ر ومالين الممرات حقات المستشفى لدرجة ان اشكالهم ملفتة للانتبه من كثرتهم..وكلهم خايفين على نواف لان اصابته كانت قوية..وتعوره بالحيل..

طلع الدكتور
محمد راح يركض للدكتور
محمد:تكفى يادكتور وش فيه وش صار عليه؟
فيصل:هاه دكتور وش فيه؟
وليد:تكفى طمنا..
الدكتور:فين والده؟
محمد:انا أخوه
فيصل:انا ولد عمته وابوه في البيت..
الدكتور يناظر في الشباب:انتم اصحابه؟كنتوا بتلعبوا كورة؟
وليد:ايه
الدكتور:لازم اقابل والده ضروري!!ودي الوقت!!
محمد:بس ابوي مشغول الحين
فيصل:في شركته ومرتبط ومايقدر يطلع..
الدكتور:حالته ماتسمح لازم نتكلم مع والده بسرعة
محمد:وش فيه تكلم يادكتور تراك خوفتنا!!
الدكتور:لا اتطمن يابني بس مقدرش اقولكم الا لمن اشوف والدك
محمد:انا ابي ادخل عنده ممكن؟
الدكتور:اكيد ممكن متل مانت عايز!
دخل محمد والشباب وجلسوا عند نواف..وفيصل راح واتصل على خاله

فيصل:هلا خالي
ابو نواف:هلا فيصل
فيصل:خالي بس ابي اقولك ان اليوم مباراتنا انا ونواف بس نواف اصيب في المباراة
ابو نواف ارتفع صوته:وش صار فيه؟ وينه الحين؟
فيصل:لا ياخالي الحمد لله مافيه الا العافية والحين كلنا عنده انا ومحمد والشباب بس الدكتور يبغى يتكلم معاك الحين
ابونواف:يالله دقايق واكون عندكم ان شاء الله..بس بأي مستشفى؟
فيصل قاله على المستشفى وعلى اسم الدكتور..

جاء ابو نواف بسرعة واول مادخل المستشفى راح لنواف
ابو نواف:السلام..هاه شلونك وانا ابوك؟
نواف:هلا فيك يبه..يعني بس احس بألم في ركبتي
ابو نواف:تعورك حيل؟
نواف:تقريباً<مايبغى يخوف ابوه
ابونواف:قايل لك اترك الكورة ماوراها الا الاصابات والعوار..
محمد:يايبه نواف مايقدر يصبر عن الكورة..وبعدين قدر الله ماشاء فعل
ابونواف:ونعم بالله
نواف:امي عرفت؟
ابونواف:لا والله ماقلت لها هي عند خالتك..
فيصل:خالي الدكتور يبيك ضروري
ابونواف:يالله انا رايح له

دخل ابو نواف للدكتور
ابونواف:السلام عليكم يادكتور انا والد نواف
الدكتور:يامرحبا تفضل استريح
ابونواف:خير يادكتور؟ولدي وش فيه بالضبط؟
الدكتور:كل خير ان شاء الله..والله يابو نواف انا مقدرش اكدب عليك واقولك ان نواف حالته مش حرجة يعني هو بحاجة لعمليه لان فيه رباط صليبي والدكتور المختص بالعملية مش موجود في الرياض هو في الدمام في المنطقة الشرقية..
ابونواف:لاحول ولاقوة الابالله..وهذا الدكتور اكيد شاطر
الدكتور:ايوة هو معروف وبيعلاج حالات كتير ومسوي عمليات للاعيبن معروفين فيهم رباط والحمد لله تشافوا والحين بيلعبوا ورجعوا للملاعب.
ابونواف:طيب مافيه علاج غير العملية؟والعملية ايش مدى نجاحها؟
الدكتور:الرباط والله مافيش علاج له غير العملية..وهي عملية يعني مش خطيرة..ونجاحها بعون الله مضمون بس انا مش عايز اغشك يعني الدكتور المتخصص مش موجود غير في الدمام في المستشفى...
ابو نواف:خير ان شاء الله..انا ونواف ان شاء الله بكرى بكون في الدمام..مشكور يادكتور
الدكتور:لاشكر على واجب..وانا حاتصل بالدكتور سالم وحاقوله عن نواف ..وحاتصل كتير واتطمن على نواف..الف سلامة عليه
ابو نواف:فمان الله

طلع ابو نواف وكان متضايق واتصل وحجز له ولنواف ..رجع لعند نواف وقاله..نواف كان متضايق وبعدين محمد اتصل في امه وقالها وخافت عليه..وعلى طول جتهم للمستشفى
ام نواف وهي تبكي:انا آخر من يعلم يانواف
نواف:لا يايمة هي مو بشارة يعني طحت ومافيها شي
ام نواف:عورتك اكيد
نواف ابتسم لها ابتسامه صفراء:مو كثير
ام نواف:وش قال الدكتور يابو نواف
ابونواف:رباط صليبي
ام نواف:ياربي ياخوفي على وليدي..وش تبغي بالكورة..اهم شي صحتك
نواف:يايمة لاتكبرين الموضوع
ام نواف:وكيف يتعلاج
ابونواف:عمليه
ام نواف:عمليه؟
محمد:يمة عملية بسيطة جميع الاعيبين تعرضوا للرباط الصليبي وسوا العملية والحمد لله تشافوا ورجعوا..
نواف:يمة لاتكبيرين الموضوع..بكرى بسافر ان شاء الله وبسوي العملية
ام نواف:ليش تسافر؟
ابو نواف:اشطر دكتور في المملكة رايح للشرقية واخذنا موعد عنده وحجزت على طيارة بكرى للشرقية
ام نواف:ياحياتي ياوليدي..والله قطعت قلبي..جلست تبكي
نواف:يايمة ماحب اشوف دموعك تكفين..لاتضايقيني
محمد:يمة خلاص مافيه شي الولد

فيصل كان برى مع الشباب ..راحوا الشباب بعد ماشافوا ام نواف وقروا انهم بيزورنه قبل لايسافر بكرى..

فيصل دخل على غرفة نواف
فيصل:السلام
الجميع:وعليكم السلام
فيصل:خالي اكدت على الحجز واحد من اصدقائي يشتغل في المطار وبكرى ان شاء الله الرحلة الساعة 6 المغرب
ام نواف:ابي اروح معاكم
ابو نواف:وش يوديك معانا؟
ام نواف:ماراح اصبر
ابونواف:كلها يومين واحنا عندكم ان شاء الله
ام نواف:مالي شغل ماراح اترك ولدي
محمد:يايمة ابوي عنده
فيصل:انا بتصل وعساني ادبر مقعد
ام نواف:ايه تكفي يافيصل

وش راح يصير..

الجزء السادس عشر

الفصل الثاني

: : :

رجع فيصل بعد ماتصل على صديقة الي في المطار..وقاله ان المقاعد كلها مشغولة ولافيه امل حتى في مقاعد الانتظار ..فيصل دخل لغرفة نواف

فيصل:السلام عليكم
الكل:وعليكم السلام
ام نواف:هاه يايمة فيصل وش قالوا لك؟
فيصل:والله ياخالتي مافيه مقعد..
ام نواف:وش العمل ماراح اخلي ولدي يروح لحالة..ويسوي العملية وانا هنا جالسة
نواف:يايمة ان ماراح اطلع برى المملكة في الدمام..وبعدين كلها يومين ان شاء الله وانا عندك..بس انتي طولي بالك..
ابونواف:خلاص يام نواف كل دقيقة راح نتصل عليك..

: : :
في الشرقيه
تركي:بنات ترى بكرى بآخر اليل موعد رحلتنا لاتنسون
هند: والله تونى مابعدنا شبعنا منكم..وش بنسوي بعد ماتروحون
خالد:كالعادة هدؤء البيت وطفش
ندى:والله ياهند الود ودي اجلس معاك على طول..بس امي ودراستي وتعرفين
ريما:ماعليك ياخالتي ان شاء الله كل ماصار عندنا فرصه راح نزوركم..
هيفاء:ياربي اكره لحظات الوداع
خالد:الحمد لله والشكر مابعدهم سافروا قالوا لك بكرى مو الحين وش وداعه بعد انتي؟
تركي:هههههههه ياحليلك ياهيفاء..
هيفاء كانت متضايقة وفيها عبره تخنقها..بعد مانبسطت مع ندى وريما والحين راح يروحون راح يتفرقون ويتركونها لحالها بعد الضحك والصرقعة راح تفقدهم كثير...!!

خالد:اقول خالي تركي يالله خلينا نطلع للشبا
تركي:يالله

بعد ماقاموا الشباب
هند:يالله من زمان عن امي ابغى اروح اتصل عليها..عن اذنكم
اول ماقامت هند..!!
ريما:بنات اتصلت على نواف ومقفل جواله..!!
ندى:انتي وش تبين فيه؟
ريما:اليلة مباراته وبس يسولف لي عنها ومتحمس لها..ابي اشوف وش صار عليه!
هيفاء:تلاقينه تعب بعد المباراة واخذ له نومه
ندى:ايه صادقة الكورة تتعب واكيد الحين نايم..
ريما:يمكن ليش لا!!

: : :

من بكرى...!!
ابو ريما وابو عبدالرحمن وعبدالرحمن وفيصل والعمة نورة وام ريما..وخالة نواف ام سعد ومحمد وامه وابوه واصدقائه كلهم زاروه

فيصل:يالله ياخالي الحين موعد الرحلة
ابونواف:يالله
ابوريما:يالله يانواف قوم..وان شاء الله ترجع لنا مافيك الا العافية
ابوعبدالرحمن:تطمن ياولدي ترى الدكتور سالم اشطر دكتور مو بس في المملكة حتى في الخليج كله!!
نواف:ان شاء الله..والله شاكر لكم ياعمامي وقفتكم معاي
ابوريما:ولو يانواف هذا واجبنا انت ولدنا
ابوعبدالرحمن:اقول يالله انا راح اجيب لك العربية علشان تمشي فيها
فيصل:لا خالي خلك في مكانك انا الي بروح اجيب العربيه

راح فيصل للدكتور واخذ منه عربيه وبعدين شالوا نواف عليها..كان شكله يكسر الخاطر..صعدوا للطيارة وكل عمامه معه في المطار وفيصل كان متأثر بالحيل وخايف على نواف!!

بعدماوصلوا للشرقية وراحوا للدكتور سالم..الدكتور طلب من نواف انه ينام في المستشفى وابونواف طبعاً ماراح يترك ولده لحاله قر انه ينام معاه في المستشفى..!!وصار موعد العملية بكرى العصر
: : :

ريما اتصلت على الهنوف
الهنوف:هلا وغلا بريوم القاطعة وينك فيه يادبا
ريما:ههههههه شوي شوي علي اكلتيني
الهنوف:معذورة ياسخيفة من روحتك للشرقية ماتصلتي الا مرة
ريما:والله مشغولة تعرفين هيفاء ماتركت مكان ماخذتنا له..
الهنوف:الا تعالي وش صار على نواف؟
ريما بتعجب:وش صار عليه؟
الهنوف:يعني متى موعد العملية؟
ريما قامت من مكانها وبصوت حاد:وش عمليته؟وش السالفة هنوف تكفين؟
هنوف:افا1111 شكلي عفست الدنيا
ريما بعصبيه وصوت مرتفع:هنوف تكلمي اقولك
هنوف:لابس تعرفين مباراتهم هو وفيصل طاح نواف اصيب في المباراة وجاه رباط صليبي
ريما نزلت دموعها بحرارة وبصوت متقطع:طيب والعمليه؟
هنوف:ريوم لاتبكين تكفين ..الدكتور المتخصص بالعملية مو في الرياض في الشرقية واليوم سافر نواف وخالي سعود واعتقد انهم وصلوا لاني سمعت فيصل يقول ان خالي سعود قال انهم وصلوا!
ريما:طيب متى موعد العملية؟
هنوف:فيصل توه يقول لأهمي انها بكرى العصر
ريما:ياربي كل هذا يصير وانا محد يقولي ليش؟ليش ياناس!!؟
هنوف:ماحبوا يضايقونك
ريما:لا وش يضايقوني امي ماقلت لي شيء بس حسيت ان صايره سالفة ومخبيتها عني!!
هنوف:اقول انتي متى تجيبن للرياض؟
ريما:اي رياض بعد انتي الحين نواف هنا في الشرقية وعمليته بكرى..
هنوف:يعني شلون بتجلسين؟
ريما:لا اليله الساعة 4 الفجر رحلتنا بس ماراح اروح الا لما اشوف نواف واتطمن عليه
هنوف:براحتك
ريما:يالله باي
هنوف:باي

ريما نزلت تحت وكان بالصالة هند وندى
هند:وش فيك ريما؟
ريما:لامافيني شي
ندى:الا عيونك مو طبيعيات
ريما غمزت لندى يعني اسكتي
هند:ريما يمه تكلمي وش فيك؟
ريما:لابس آآ<خجلانه كيف تقول السالفه لخالتها
ندى:ريما تكلمي
ريما:نواف
ندى:وش فيه؟
ريما:اليوم راح يسوي عمليه هنا في الشرقيه
ريما ماقدرت تمسك نفسها جلست تبكي
هند راحت لعند ريما ومسكت كتفها:وش فيه ليش العمليه
ريما قالت لهم السالفه
ندى:طيب روحي له اليوم زوريه
هند:ايه صح قبل لاتسافرين..بس اول شي قولي لأمك وابوك
ريما:اكيد..انا بتصل عليهم

ريما اتصلت على أمها وقالت لها ليش ماخبرتها بسالفة نواف تبيها تنبسط وماحبت تغثها وتنكد عليها ريما استئذنت من أمها انها تزور نواف وعمها ..امها وافقت لها على شرط ان تركي يروح معاها..

ريما اتصلت على خالها تركي وقالت له ..تركي جلس يتذكر ان آخر مرة شاف فيها نواف يوم يطق ريما في السوق ويعورها!!!

: : :
ياترى تركي راح يروح مع ريما لزيارة نواف؟

ريما وش موقفها اول ماتشوف نواف طايح ع السرير؟

هل من الممكن تفشل عمليه نواف ويصبح انسان عاجز "مشلول"؟

اذا انا تحمست كيف انتم هههه

تفضلوا

الجزء السابع عشر

الفصل الأول

: : :

تركي جلس يفكر..يروح لنواف ولا لا!!بعد ماصارت السالفه .
تركي(حرام الولد مريض ولازم ازوره والي فات مات وهو الحين بحسبة زوج لريما ..ريما بنت اختي ريما الغالية الي ماترفض لها طلب!!)

جاء تركي واخذ ريما وراحوا للمستشفى ريما كانت تركض ركض وتركي يهديها..اول مادخلت الجناح حق نواف ودخلت لغرفته وشافت شكلة على السرير الابيض متمد وعمها سعود جالس عنده عورها قلبها ونزلت دموعها وحاولت تمسحها ولاتبين لنواف اي شيء...

نواف اول ماشاف ريما جلس بعد ماكان متمد على السرير
نواف:ريما
ريما:ماتشوف شر يانواف
نواف:الشر مايجيك
العم سعود:شخبارك ياريما؟
ريما:بخير الله يسلمك..انت شخبارك ياعمي
العم سعود:انا تمام يابنيتي
نواف:كيفك ريما؟
ريما:انت الي كيفك؟وشلونك الحين؟
نواف:انا بخير
ريما:تحس بعوار؟
نواف:يعني
ريما:طيب متى موعد العملية
العم سعود:بكرى ان شاء الله العصر على الساعة5 تقريباً
ريما:الله يشافيك وتقوم لنا بالسلامة..ايه نست خالي تركي برى يبغى يدخل يتطمن عليك يانواف
العم سعود:افا والله واقف برى خليه يدخل حياه ربي

تركي:السلام عليكم
الجميع:وعليكم السلام
تركي:ماتشوف شر يابو سعود
نواف:الشر مايجيك ان شاء الله
تركي:شخبارك يابو نواف؟
العم سعود:والله بخير وانت شخبارك ؟
تركي:بخير الله يسلمك
العم سعود: متى تمشون للرياض؟
تركي:اليوم الفجر

نواف تضايق لما عرف ان ريما بتروح وتركه..عقد حواجبه وبانت على ملامح وجهه الضيق
ريما:طيب شلون صار فيك كذا يانواف؟
نواف جلس يحكي لها السالفة..وتركي وابو نواف يدردشون ويسولفون..
ريما:والله انا قلبي حاس امس العصر وانا اقول للبنات حاسه انه راح يصير شي
نواف ابتسم لها ومسك يدها..ريما سبحت يدها علشان مايلاحظون عمها وخالها..

تركي:يالله انا استئذن..
العم سعود:وين تو الناس؟
تركي:تعرف يابونواف السفرة قرب موعدها بنروح نجهز الاغراض وكذا
العم سعود:ايه..الله يوصلكم بالسلامة
تركي:آمين..ريما بتروحين معاي ولا امرك بعد شوي؟
نواف:لا بتجلس شوي معنا انا وابوي
العم سعود:اي والله طفشنا لحالنا خلها عندنا
تركي:خلاص اجل ..مع السلامة
ريما:مع السلامة

العم سعود:يالله احس راسي مصدع يامن شرب له فنجال قهوة
ريما:ابشر ياعمي شوي وبتكون القهوة عندك
نواف بتعجب:شلون؟
ريما:مالكم الا تشربون قهوة ان شاء الله

ريما اتصلت على خالتها هند وطلبت منها ترسل لها ترمس قهوة وشاي وتمر ..وعلبه شاكلت..

وصلت الاغراض الي طلبتها ريما
العم سعود:شلون ياريما؟
ريما:لابس قلت لخالتي تصلح قهوة وترسلها
نواف:خالتك هند؟
ريما باتسامة ناعمة:ايه
ابوسعود:والله فشلة كلفنا عليها وتعبناها
ريما:وش كلافته ياعمي هي كلها قهوة..وبعدين خالتي هند احسن وحدة تصلح قهوة
ابوسعود: شوقتينا على مانذوقها صبي لنا يابنيتي
ريما:تآمر آمر ياعمي..
صبت ريما القهوة وقدمت التمر والشاكلت..وبعدين راحت وجلست قبال نواف..
نواف يبتسم لها ابتسامة تذوب الصخر
ريما استحت ودنقت راسها

جاء اتصال للعم سعود..وبعدين طلع برى الغرفة
نواف:الريم تعالي اجلسي جنبي
ريما:لا تكفى نواف فشلة اذا دخل عمي
نواف:يابنت الحلال انتي مرتي على سنة الله ورسولة
ريما:لا مقدر
نواف:خلاص اجل انتي كذا بتضايقني وتعبيني
ريما:لا كل شي ولا تعبك طيب راح اجي عندك بس ماراح اطول..راحت ريما وجلست على الكرسي الي جنبه

نواف:يالله ياني مشتاق لك حيل
ريما:خلاص نواف
نواف:تصدقين عاد كان عندي احساس اني راح اقابلك في الشرقية وشوفي كيف يأشر على رجله..
ريما:والله تمنيت اقابلك بظروف احسن من كذا بس يالله قدر الله ماشاء فعل
نواف بيرفع ضغطها: تدرين انك انتي السبب في الي انا فيه
ريما بكل خوف: كيف؟
نواف:كنت افكرفيك وشاغله تفكيري ليل نهار حتى بالعب وانا سرحان فيك ماحسيت بنفسي الا وانا طايح ع الارض..
ريما وعيونها مليانه دموع: بس انا مالي ذنب
نزلت دمعه من عيونها
نواف كان يضحك من قلبه وكأنه اول مرة يضحك ..شوي وينفجر من الضحك<تشبيه رائع
ريما بعصبيه:وش يضحك؟
نواف ماقدر يتكلم من الضحك
ريما معصبة قامت من الكرسي وراحت بعيد عنه:طيب هذي جزاتي الي خايفه عليك
نواف:لا ياقلبي بس ماتوقعتك كذا لذي الدرجة حساسه..آسف وحقك علي..لاتزعلين بالله
ريما ساكته وتضرب برجلها في الارض<من العصبية
نواف بيستدرج عطف ريما:آه يارجلي
ريما قامت من مكانها: تعورك؟
نواف بكل مكر:ايه بالحيل تعور
ريما:تبغى اطلب لك الدكتور..اكيد راح مفعول البنج
نواف:آه آه
ريما راحت عنده وحطت يدها على ركبته :من هنا تعورك؟
نواف:ايه
ريما:انا بروح انادي عمي والدكتور
نواف:ريما وقفي وقفي خلاص خفت الحمد لله
ريما:شلون يعني كنت تلعب علي؟
نواف:لا بس اول مالمستيها خلاص خفت..يدينك بلسم لجروحي
ريما دنقت راسها وبتضيع السالفة:عمي تأخر وش فيه؟
نواف:مدري بس اكيد يكلم الشركة هو مايطول الا اذا كلم الشركة
ريما:اها1111111

دخل العم سعود وكان متضايق وجهه اسود
نواف بجديه:وش فيك يبه؟
العم سعود: لا بس لازم اكون في الرياض الصبح
نواف:شلون يعني
العم سعود:البضاعة الي طلبناها..ماراح توصل الا بتوقيع العقد مع الشركة..والشركة مافيه فروع لها على مستوى الخليج غير في الرياض..
ريما:طيب عمي ليش ماتخلي اي احد يوقع عنك؟
العم سعود:لازم توقيعي الشخصي لاني انا رئيس مجلس إداراة الشركة..
نواف:طيب وش العمل؟
العم سعود:مستحيل اروح واترك وانت في ذي الحاله
نواف:والشركة..هذا اهم عقد توقعه
ريما:طيب مايرسلون الورقة بالفاكس؟
العم سعود:طلبت منهم..بس رفضوا لازم اجي انا شخصياً لمقر الشركة
نواف:يبه روح وقع العقد..
العم سعود:وانت؟ماراح اترك لحالك
نواف:يايبه مستقبل الشركة
العم سعود:والله ياولدي مدري بس ماراح اترك لحالك..
ريما:عمي انا بجلس عند نواف
نواف طارت عيونه
العم سعود:شلون؟وطيارتك اليوم؟
ريما:معليش اجلس عنده وانت روح على نفس الطيارة الي اليوم الفجر لان مافيها زحمة حيل طيارة الفجر
نواف:بس ياريما
ريما قطعت كلامة:لابس ولاشي..انا ماوراي شي اجلس عند نواف وان شاء الله بكرى باليل واحنا عندكم
العم سعود:كفو والله.عشتي يابنيتي حليتي لنا ازمة..انا بروح احجز لي تذكرة وعندي هنا زملاء ان شاء الله يساعدوني..يالله انا رايح فمان الله
نواف+ريما:الله معاك
نواف:مشكورة يالريم..والله مدري وش اقول يعني لساني عاجز عن الكلام
ريما:ولو يانواف كذا بتزعلني منك..اذا ماوقفت جنبك الحين متى راح اوقف
نواف :ريما انا محتاجك
ريما:وان معاك يانواف..وماراح اتخلى عنك ان شاء الله
نواف:عسى الله مايحرمني منك
ريما ابتسمت له:ولا منك..

العم سعود حصل على مقعدة في طيارة الفجر..ريما اعتذرت من خوالها انها بتجلس عند نواف..واستئذنت من ابوها وهو افق وكبرت في عينه بعد موقفها!!!

الجزء السابع عشر

الفصل الثاني

: : :الساعة 5 الصبح نواف حس بألم فضيع ..ريما خافت عليه ونادت الدكتور ..دخل عليه الدكتور واعطاه ابرة ثانيه علشان ينوم ومايحس بالتعب قبل العملية..ريما مادخلت ابداً عليه..عورها قلبها..وحست انها يتموت لمن تشوفه يذي الحالة... كانت تبكي برى الروم حقت نواف..واقفة في الممر وتبكي من قلبها!

طلع الدكتور وشافها تبكي
الدكتور: انتي اخت نواف؟
ريما ارتبكت: لا
الدكتور:زوجته؟
ريما:ايه
الدكتور:ماشاء الله شكلك صغير..وش فيك تبكين؟
ريما:تكفى يادكتور وش صار على نواف؟وش سبب الألم؟
الدكتور:راح مفعول البنج..وانا اعطيته ابرة علشان ينام قبل موعد العملية وان شاء الله ماراح يحس بتعب
ريما:مشكور دكتور
الدكتور:بس لاتبكين مرة ثانيه
ريما:ان شاء الله..

راحت ريما تشتري بوكيه ورد جوري طبعاً ..وبعدين دخلت الروم حقت نواف..أخذت قرآن وجلست على سريرة واخذت تقراء بصوت رائع وترتيل الآيات وبخشوع..

حست ان نواف بعد ماقرت عليه القرآن ارتاح كان واضح عليه وهو نايم ..نزلت من السرير وجلست بالكرسي كانت جنبه..تطالع فيه وتأمله..مسكت يده(وكانت أول مرة تمسك يده فيها) ماحست بنفسها الا وهي نامت..

بعد مرور 3 ساعات
صحى نواف وشاف ريما الي كانت متمسكة في يده ..وكيف كان شكلها وهي نايمة..حس برائتها وكيف تحبه...سحب يده منها واخذ لها وسادة(مخدة) ورفع راسها واسنده عليها..ريما على طولت صحت
نواف:صباح الخير
ريما بابتسامتها ذاب منها نواف:صباح النور..عساك نمت زين؟
نواف:الحمد لله..آسف شكلي صحيتك ارجعي نامي مانمتي شي!!
ريما:لا انا غفيت ماحسيت بنفسي
نواف:والله عارف اني تعبتك معاي
ريما:لاعاد ترى هذا الكلام يضايقني
نواف:ابشري يالغلا..
نواف:يالله ياريما ياني نمت لي نومة ولا اروع مدري ليش حسيت براحة وكأن شيء ثقيل وانزاح من صدري
ريما:الحمد لله..(كانت عارفة ان القرآن هو الي ريحه).
ريما:.الا على فكرة ترى عمي وصل
نواف:صدق متى؟
ريما: الساعة 6 ..اتصل علي وتطمن عليك وامك تسلم عليك
نواف:الحمد لله على سلامته..ياحياتي يامي فديت قلبها..
جلس يطالع في الورد
نواف:ياسلام وش ذا البوكية؟
ريما:ايه وانت نايم طلعت وجبت ورد يعطي جو للغرفة
نواف:ياسلام وبعد جوري..بس انا ماعجبتني
ريما متفاجأة:ليش؟
نواف:لاني وردتي عندي وتكفيني....وانتي احلى وردة شفتها بالدنيا كلها
ريما دنقت راسها..وقامت من مكانها
نواف:وين؟
ريما:بفتح الستارة لازم شعاع الشمس يدخل للغرفة وبعد نهوي الغرفة
نواف:حاضر..امرك يامدام ريما
ريما ابتسمت له

طق باب الغرفة..قامت ريما وفتحت الباب وكانت خالتها هند ولدها خالد..ريما لما شافتهم كانت مبسوطة ..ودخلتهم لغرفة نواف

ريما:نواف خالتي هند و ولدها خالد جوا يبون يتطمنون عليك
نواف:دخليهم..والله وفيهم الخير
هند+خالد:السلام عليكم..
نواف:وعليكم السلام
خالد:ماتشوف شر
نواف:الشر مايجيك ياخالد
هند:والله ان ريما خوفتنا عليك جلست تبكي وحالتها حالة..وربي اني كنت ميته من الخوف
نواف ابتسم لريما:ايه ريما قلبها حساس
خالد:ياعيني وش عليك ياريما نواف يمدحك
ريما ولعت من خالد:خالد مو وقت فلسفتك
هند:ابو طبيع مايجوز عن طبعه
ريما:ههههههههه والله انك صادقة
نواف:ههههه خلوه على راحته
هند:خالد يمة روح جيب الاغراض الي برى
ريما:اي اغراض خالتي؟
هند:انا عارفة ان فطور البيت غير فطور المستشفى..حبيت تذوق شغل يدي ياولدي يانواف يعني اشياء بسيطة..
نواف:مشكورة يام خالد..والله تعبتك معاي..امس قهوة واليوم فطور..كلفنا عليك

هند:وش دعوى يانواف..انت غالي علينا بغلاوة ريما
ريما:تسلمين لي ياخالتي
نواف:ماتقصرين يام خالد
خالد:عاد ريما هذي شيء كبير عند امي..!!صرت اغار منها
ريما:ياحظي والله..وانت خالد مافيه احد ماتغار منه
نواف:هههههههه انتم كذا على طول
هند:ماشفت شي يانواف خالد ملقوف وريما دلوعه
نواف:ايه اكيد ريما دلوعتنا
ريما استحت من كلام نواف
هند:يالله ياخالد احنا نترخص والعصر ان شاء الله بنزروكم..اجر وعافيه يانواف
خالد:ماتشوف شر..يالله فمان الله..وانتي ريموة خفي على الولد اخبرك ملقوفة
ريما:اقول فارق عن وجهي بالله هههههه
خالد:ههههههه تامرين امر ياحرم نواف
ريما كانت ميته من الفشيلة بعد ماقال خالد حرم نواف
نواف كان مبسوط ع الآخر ويقول (الله عليك ياخالد جبتها على الجرح) كان يطالع ريما ويضحك
ريما:يالله نواف وقت الفطور
نواف:مالي نفس
ريما:ياسلام مو عند ريما مالي نفس..قلت لك الحين بتاكل يعني بتاكل
نواف:حاضر ياست ريما
طلعت ريما الفطور لنواف وصفته بترتيب ومدت له العصير
نواف:بس انا عندي مشكلة
ريما:وش المشكلة؟
نواف:ماعرف آكل
ريما:هههههههههههه شلون يعني
نواف:يعني تعالي وكليني
ريما:لاوالله بزر (طفل) يعني؟
نواف بيقهرها:قلت لك ماعرف آكل ..تدرين شلون خلاص مابيه كله
ريما:لا والي يسلمك لازم تاكل حرام عليك..كذا تتعب زيادة
نواف:ومين يوكلني؟
ريما:امم انادي لك النيرس الي برى تأكلك
نواف:ياسلام انا متزوجك انتي ولا النيرس؟
ريما:هههههههههههههه
نواف:والله وتضحكين بعد.
ريما:ياعيني على الي معصبين..ولايهمك كم نواف عندي راح اوكلك بس ترى هذي آخر مرة علشانك مريض..
نواف ابتسم ابتسامة نصر
جلست ريما تأكله وهو مبسوط وحالته حالة..بعدين دق جوال نواف وكان فيصل يتطمن عليه..

جاء العصر "موعد العملية" ..
دخل نواف لغرفة العمليات..وريما برى عند الباب تنتظر على احر من الجمر تروح وترجع ماتعرف وش تسوي..دخلت عليها خالتها هند وخالد ولد خالتها وبعد هيفاء..وكانوا ينتظرون..طبعاً جوال ريما ماسكت ابداً من الاتصالات ام نواف وابو نواف..وابوها..وعمتها نورة..وعمها طلال ومحمد الكل يتصل

بعد مرور 4ساعات طلع الدكتور
ريما:بشر يادكتور؟
الدكتور:الحمد لله العملية نجحت
ريما:الله يبشرك بالخير..الحمد لله..
خالد:متى يصحى يادكتور؟
الدكتور:تقريباً بعد ساعة ونص
خالد:مشكور
هند:حمد لله على سلامتة
ريما:الله يسلمك
هيفاء:الف الحمد لله على السلامة ريوم..ههههههه شكلك بتطيرين من الفرحة
ريما:الله يسلمك..هههههههه

اخذت ريما جوالها وجلست تتصل على عمها وزوجته وتطمنهم ان العملية نجحت..!

جلست عند نواف بالغرفة تتنظرة متى يصحى..دخل الدكتور عليها..وكان بيتطمن على نواف
الدكتور:انتي اسمك ريما؟
ريما بكل خجل:ايه
الدكتور:نواف وهو بالبنج ماسكت بس ينادي بأسمك..
ريما كانت خجلانه من كلام الدكتور..
ريما:طيب دكتور متى يعني تأذن له ويطلع
الدكتور:اذا صحى ان شاء الله بنسوي له فحوصات..وان شاء الله بكرى العصر
ريما:الله يجزاك خير يادكتور

صحى نواف من البنج وكانت ريما جالسة عنده..طبعاً انتهى موعد الزيارة
ريما:الحمد لله على سلامتك
نواف:الله يسلمك
ريما:طيب انت الحين شلونك..تحس بشي؟
نواف:الحمد لله..لا بس احس بخمول
ريما:ايه شي طبيعي توك طالع من العملية
نواف:الريم قولي آمين
ريما:آمين
نواف:الله لايحرمني منك
ريما ابتسمت له

جاء الدكتور وسوى الفحوصات الازمة..وطلع نواف مافيه شيء..وقر بكرى موعد خروجة المغرب..طبعاً الطيارة حقت ريما ونواف بكرى باليل الساعة7..

نواف رجع ينام كان تحت تأثير العملية..ريما ارسلت سواق خالتها يشتري عصير فريش لنواف..وبعدين راحت واشترت بوكيهات ورد جوري وعبت الغرفة صار شكلها فن تاستك ..ومعطي شكل للغرفة..

ريما خافت على نواف لانه تأخر بالنوم..راحت وقف عنده وحطت يدها على راسه..نواف حس فيها ..صحى ابتسم لها
ريما:الحمد لله خوفتني عليك يانواف
نواف:ليش؟
ريما: طولت في النومه.
نواف: خلي قلبك قوي..
ريما:أنا ماتعبني غير قلبي!!
نواف:انا من غير حنيه قلبك وش اسوي؟
ريما بتضيع السالفه:يالله هذا عصير جوافه اعرفك تحبه
نواف:وش عرفك؟
ريما:لاتسأل انا اعرف عنك كل شيء صغيرة كانت او كبيرة..
نواف:والله خطيرة مرتي
ريما بتموت من الفشلة..كلامه يحرجها بشكل..
نواف:ماعرف اشربه..لازم احد يشربني..
ريما:ههههههه حتى هذا..طيب يالله انا بشربك افتح فمك ياماما يالله طيارة جت طيارة
نواف:ههههههههههههههههه
ريما:ياه من زمان ماسمعت ل\ذي الضحكة..اشتقت لها<زلت لسان
نواف:ياسلام عليك ياريوم وعلى كلامك..جد اشتقتي لها؟
ريما: الا على فكرة تدري ان خالد ولد خالتي هند من شوي جاء وطردته!!
نواف:افا ياريما مو من عوايدك ليش؟
ريما:هههههههههههههه والله جاء الأخ وهو كاشخ وريحة عطرة بالممرات..وتعرف انت توك طالع من العملية وخفت ان جرحك يشتم العطر ويلتهب..
نواف:تخافين علي؟
ريما استحت..نواف حس فيها ورحمها..مدنقة راسها بالارض..

نواف:اول مادخل خالد فتشتي عنه(كاشفة وجهك)ارتفع ضغطي وكنت مقهور بشكل وانتي تسولفين وتضحكين معاه..بعدين تذكرت انك اخته من الرضاعة..وارتحت!!
ريما:ههههههه انت دايماً متسرع
نواف:لاتلوميني عندي كل ذا الزين..وماتبيني اغار
رن جوال نواف..وكان محمد اخوه
ريما:ياربي لك الحمد الي فكني )..جلس يتكلم ع الجوال نص ساعة..بعدين سكر..تذكر سالفة محمد يوم العيد وقتها محمد ارتبك يوم شاف نوف ..نواف(اكيد ياريما عندك خبر)
نواف:ريما..وش سالفة محمد ونوف..؟
ريما ارتبكت:هاه..ليش قالك شي؟
نواف:الحين اسئلك وتردين علي بسؤال
ريما تستغبيء:ماني فاهمة..!!
نواف:بس محمد يوم كنا في المخيم قالي ان نوف تحبه
ريما:شكل بتصير قصة حب بين محمد ونوف
نواف:ههههه والله خطير يامحمد تحب !!
ريما:ليش ناقصة يد ولا رجل
نواف:لا بس مدري احس شكله غلط محمد يحب ههههههههه
ريما:هههههههه..والله انك رايق

: : :
ندى كانت تفكر بماجد ليل نهار..
ندى(المفروض انساه..سالفة وعدت..بس ذي المواقف الي صارت معاه. مقدر انساها...يعني الحين كأني متمسكه في حبال من سراب..طيب يمكن هو مايبادلني نفس الشعور..يمكن كل الي في بالي مجرد اوهام..آه ياريوم ابي افضفض لك عما في قلبي..بس والله احبه..ياترى هو في الشرقية ولا جاء الرياض؟!!)

راحت وشغلت أغنيه يامهاجر(اشوفك وين يامهاجر..قلي باي بلد صاير..فراقك مو سهل عندي..ولاهي ازمة وتعدي..تعال وطيب الخاطر..اشوفك وين يامهاجر..فراقك علة العلة........)

في الشرقية
ام ماجد كانت مع ماجد..بتفاتحة في الموضوع

ام ماجد:ماجد انا صرفت خواتك..وحبيت اجلس معاك جلسة لحالنا..ابي اكلمك في موضوع
ماجد:سمي يمة
ام ماجد:يايمة ياماجد..انت ماشاء الله كلها سنتين وتخلص من دراستك..صح؟
ماجد:ايه صح..وبعدها بسافر برى اكمل الدراسة في تخصصي
ام ماجد:طيب ..انا شلون برتاح وانت كذا مرة في الرياض وبعدين بتسافر برى..يعني لازم معاك احد يهتم فيك ويعتني بك..يشوف امورك وش تحتاج..وش ينقصك!!
ماجد حس انها بتفاتحه بموضوع الزواج:المطلوب يمة
ام ماجد:ابيك تتزوج.تكمل نص دينك...
ماجد:اذا رجعت من برى يحلها الف حلال
ام ماجد:يومها بتكون كبير وشايب..ومحد يبيك..الحين البنات يبون الشاب الصغير المثقف..وانت ماشاء الله زين وعلم ومنصب واخلاق..يعني حتى محلات ابوك في الرياض انت الي ماسكها..يعني كل شيء موفر لك ولله الحمد...الف وحدة تتمناك.ية ودي اشوف عيالك قبل ماموت..
ماجد:بعد عمرٍ طويل
ام ماجد:الواحد مايضمن عمره وانا امك..فرحني ياولدي..وانا عندي بنت الحلال والله زين واخلاق وعلم..كاملة والكامل وجه تعالى
ماجد عوره قلبه مايدري وش يقول هو في باله ندى ولايمكن ياخذ غيرها..بس كيف يقول لأمهت عنها!!
ام ماجد:وش فيك سكت
ماجد:من هي بنت الحلال الي جالسة تمدحين فيها لك ساعة!!
ام ماجد: والله خايفه انها تطير منك..لان عيون الناس عليها..
ماجد:هههههه لذي الدرجة..طيب منهي؟
ام ماجد:اخت هند مرت جيراننا..بنت وش حليلها اسمها ندى
ماجد ابتسم ابتسامة عريضة..وده لو يطير من الفرحة..بدون أي تردد
ماجد:الي تشوفينه يمه
ام ماجد:صدق والله لولولولوليش
ماجد:ههههههه شوي شوي يمة
ام ماجد:اسمع بنروح نخطبها خير البر عاجلة
ماجد:تونى يايمة
ام ماجد:ماعليك انا ابي المح لهند عنها..واخذ رقم امها في الرياض...وبعدين نروح نزورهم ونخطبها..
ماجد:ههههههههه براحتك يايمة

الجزء الثامن عشر

الفصل الأول

: : :

من بكرى العصر
نواف:الريم صراحة تعودت عليك..وش يصبرني في الرياض؟
ريما:كل ماتبي شي اتصل علي!!
نواف:ارجع مثل اول..لا انا ابيك معاي على طول..
ريما ساكته وماتدري وش تقوله ريما(حتى انا يانواف وربي حبيتك اكثر من اول..ومدري كيف ابي اصبر..!!)

جت النيرس..تطلب ريما كان الدكتور يبغى يتكلم معاها..!ريما كانت خايفة لايكون اكتشف شيء جديد في حالة نواف..وعلى اعصابها ..تمشيء للعيادة بطئ شديد وانامل يدها من الخوف كانت باردة..

دخلت ريما على الدكتور
ريما:السلام عليكم دكتور ناديتني؟
الدكتور:وعليكم السلام..ايه انتي زوجة نواف..حبيت اعطيك هذي الادوية ومتى مواعيدها..!!ولو سمحتي احرصي على انه مايسوي مجهود يتعبه..
ريما:طيب يادكتور متى يترك العربية؟
الدكتور:يمكن شهر كذا ..ولازم بعدها يشترك بنادي صحي..يعني يسوي له تدليك ومساج علشان يستعد لياقته البدنيه
ريما:ان شاء الله يادكتور..والله يجزاك خير ..مشكور
الدكتور:لا ماسوينا شي هذا واجبنا

ريما طلعت من العيادة وراحت واشترت الادوية الي صرفها الدكتور لنواف واخذتها معاها..
دخلت على نواف وقالت له وش يبي منها الدكتور..وبعدين رتبت شنطة ملابسه...وجهزت حالها علشان يروحون للمطار.

جاء خالد ولد خالتها هند واخذهم للمطار ودعهم...ركبوا الطيارة وجلسوا ريما ونواف بمقاعد جنب بعض..

ريما:مين بيستقبلنا بالمطار؟
نواف:والله مدري يالريم.بس انا قلت لأبوي ومحمد
ريما:ياسلام ..وانا..؟
نواف:ليش وش فيك انتي؟
ريما:مين بيوديني لبيتنا؟ابوي ماقلت له!!
نواف:يامدام ترى انتي زوجتي يعني محد بيوديك غيري فاهمة
ريما تمنت لو ماسألت هالسؤال سببت احراج لنفسها!!

وصلوا للمطار وكان في استقبالهم ابو نواف وأبو ريما وفيصل ومحمد...طبعاً نواف وريما آخر من نزل في الطيارة علشان نواف مايقدر يمشي ولازم في عربة..طبعاً نزلوهم في لفت خاص..

وأول ماوصلوا المطار كانت ريما تدف عربة نواف..أشكالهم رايقة ..لايقين لبعض واضح عليهم الانسجام..وهذا الشيء طمن قلب ابو نواف وابو ريما..

ريما أول ماشافت ابوها راحت تركض ..وحضنته بقوة ونزلت دموعها ..كان منظرهم يكسر الخاطر..ابوها مبين عليه كيف كان مبسوط برجعة حبيبته وبنته الريم..وريما كيف كانت مشتاقة لأبوها وكيف ضمته ..نواف كان يطالع فيهم وشاف كيف احترام ريما لأبوها..ومحبة ابوها لها..!!

ابو نواف:ياحي الله من جاء..حمد لله على سلامتك وانا ابوك..
نواف:الله يسلمك يالغالي
ابونواف:الحمد لله على السلامة يابنيتي ياريما
ريما:الله يسلمك عمي
ابو ريما:الحمد لله على سلامتك نواف..تو مانورت الرياض
نواف:الله يسلمك ياعمي..ومنوره بوجودكم..

نواف لف العربية وكان فيصل ومحمد واقفين مع بعض ينتظرون متى ينتهي نواف من السلام على ابوه وعمه علشان ياخذون نصيبهم منه....

محمد جاءبسرعة ونزل لعربية نواف وضمة حيل..وباس راسه
محمد:الف الحمد لله على السلامة
نواف:الله يسلمك
محمد:نواف والله فقدتك..والله لايحرمني منك
نواف:ولامنك..اشوى يعني سفرتي علمتني كيف قدري عندك
محمد:ولو يابو سعود غالي ..ياني مشتاق لك يالله ع البيت عندي لك سواليف وخرابيط ابي اقولها لك
نواف:ههههههه الله يعيني عليك

فيصل:يامحمد خلاص جاء دوري اقلب يور فيس
محمد:اخس ع الثقافة
فيصل:هلا وغلا بابو سعود..الحمد لله على السلامة..
نواف:هلا والله بابونايف الله يسلمك
فيصل:شخبارك..وشخبار رجلك؟
نواف:لا الحمد احسن من اول
فيصل:الحمد لله..تصدق يانواف اشتقنا لك
نواف:هههههه وش فيكم كل ماشفت واحد قال اشتقنا لك..كلها يومين الي غبتها عنكم..بس اشوى والله اثاريكم فقدتوني حيل..
فيصل:يوة الحين ينغر علينا سعادة المهندس...ويكبر راسه
نواف:هههههههههههه حرام عليك

محمد:الحمد لله على السلامة ريما
ريما:الله يسلمك
فيصل:الحمد لله على السلامة..نورتوا الرياض
ريما:الله يسلمك ..منورة بوجودكم

نواف سهى وجلس يطالع ريما ويشوف كيف مبسوطةأول ماشافت ابوها...كأنه بعالم ثاني
فيصل:نواف يالحبيب وين رحت
محمد همس لنواف:شكلك صاير روميو زمانك
فيصل:ههههههههههه..ايه شف كيف عيونه على المدام ..ياهوة ترى ماهيب طايرة
نواف:ياربي وش جابني عندكم..مامداني وش حليلي جالس معاها ومبسوط..الحين ابي اقابل وجيهكم الله يعيني ويصبرني
محمد:افا والله الشرهه مو عليك الشرهه علينا احنا الي فقدناك ومشتاقين لك
فيصل:نوافوه يادب لاتصدق الكلام الي من ساع قلت لك ترى ..هذا كلام مجاملة ينقال لأي واحد توه راجع من السفر
نواف:هههههههههه انا اقول وش عندهم صايرين ذوق الشباب ومنقلبين وهالاحترام..بس ابو طبيع مايجوز عن طبعه انت وياه

ريما:يالله ياني ولهانه عليكم وعلى امي..والبنات
ابو ريما:هههههه حتى امك كل شوي تطالع في الساعة الحين تجي ريما
ابونواف:ايه ترى كلهم مجتمعين عندنا في البيت
ريما:صدق..ايه احسن والله مشتاقة لهم

ابو نواف:يالله مشينا
نواف جلس يطالع بريما ..ريما فهمت من نظراته انه يبيها تدف العربيه..بس ريما استحت قدام ابوها وعمها والعيال انها تدفه.. طبعاً الي دفه فيصل
نواف:هذا وقتك ياخي ابي حرمتي هي الي تدفني
فيصل:احمد ربك اني انا شخصياً الي راح يدفك..وبعدين استحي انت وجهك
محمد:تصدق انك ماتنعطى وجهه..عيب ياخ
نواف:آه آخر زمن نسمع النصايح من محمد وفيصل..ههههههههههه
محمد وفيصل:نعم نعم..
فيصل ترك نواف ومشى وخلاه..ومحمد بعد ..نواف يناديهم ولاحياة لمن تنادي ..جلس يدف نفسه..وهم ماشين وبسرعة علشان يضيع عنهم وبما ان المطار كبير..مايعرف على اي بوابة جاين
نواف اخذ جواله واتصل على ابوه الي كان راكب في السيارة هو وابو ريما وريما ينتظرونه..

ابو نواف جلس يضحك بعد ماكلمة ..
ابو ريما:وش فيه نواف؟
ابونواف:تعرف العيال محمد وفيصل تركوه لحاله بالمطار
ريما:ليش.؟
ابونواف:تهاوش معهم هههههههههه
ابوريما:ههههههههههههه
ريما:اجل انا بروح اجيبه دقايق ان شاء الله واجي
ابونواف:عشتي يابنتي

بعدمانزلت ريما
ابونواف:ونعم التربية يابو ريما..فعلاً بنتك طيب واخلاق..
ابو ريما:ماعليك زود يابونواف..وبنتي هي بنتك
ابونواف:الحمد لله الي صارت من نصيب ولدي نواف..والله مانساها يوم قالت لي روح وانا ابي اجلس عند نواف..كبرت بعيني وحسيت بالفخر والله..يعني رافعة روسنا باخلاقها وتعليمها الله يحفظةها ويحرسها..
ابوريما:آمين...,,,وبنتنا لولدنا هذا الي تمنيته يابو نواف
ابو نواف:اي والله..والحمد لله على كل حال.,,

راحت ريما..ومحمد وفيصل كانواف واقفين عند البوابة حقت المطار..شافوا ريما وهي تروح تجيب نواف.وقفوا عند البوابه علشان يتريقون على نواف...

ريما شافت نواف وراحت لعنده
نواف:ياهلا وغلا بالغالية..شفتي النصابين وش سو فيني
ريما:هههههههههههه بس اكيد قلت لهم شي..والله حرام
نواف:لا والله بس هم مهبل ..وانا اعقل منهم وتعرفين الواحد مايمشي مع مجانين
ريما:هههههههه ..شكلهم من كلامك عليهم تركوك
نواف:خليهم ..وش عليك منهم دامك معاي والله ولا واحد راح يهمني
ريما:ياستاذ ترى ابوي وعمي برى ينتظروننا
نواف:افا يالله اجل خلينا نروح لهم

ريما دفت عربيه نواف ويوم وصلوا عند البوابه الا ذا فيصل ومحمد
فيصل: ياعيني يامستر نواف ..تصدق أول مرة اشوفك كذا رومنسي
محمد:هههههههههههههههه
نواف:بسم الله الرحمن الرحيم..انتم وش جابكم..هامكم رايحين للبيت
محمد:لا بس قلنا نشوف رومنسيتك..تصدق تصلح تسوي افلام في هوليود
نواف:اقول فكنا
فيصل:انا اقول نواف وش عنده يسمعنا من هالكلام الي يرفع الضغط..طلع طابخها يبي ريما تمشي العربيه
محمد:والله وطلعت يانواف منتب قليل ..
نواف:انتم وش فيكم علي..يوه عاد الحين نروح لعبدالرحمن وتكمل بعد
فيصل:ياليته معنا كان يشوف نواف الرومنسي ههههههههههه
محمد:ههههههههه اسمع ترى بعد ماطلع رومانسيته الزايده مستحي من الناس
نواف:وش رايك ياريما وانتي تقولين لي حرام الي تسويه فيهم..آمانه مايستاهلون
محمد:افا مرت اخوي تمدحنا..
فيصل:والله ياريما ترى احنا بريئين بس نواف صاير مايطيق شوفتنا ماندري وش فيه
محمد:بعد ماتدري وش فيه..توه جاي من الشرقيه (غمز لنواف)
ريما كانت ميته من الضحك على هوشتهم..وتذكر البزارين اذا تهاوشوا
نواف:بالله ريما انتي مع مين..مايرفعون الضغط؟
ريما:ان جيت للصراحة.ملوك فيهم..سوي الي يريحك يانواف
نواف:بعدي والله يالريم
محمد:عاد انت بالله تبيها تصير بصفنا وزوجها بالصف الثاني
فيصل:اي والله..آه بس على هالنواف انا اوريه الشغل بس موبالحين بعدين
ريما:هههههههههههههههه
نواف:هههههههههههههههه
رن جوال ريما وطلع ابوها..ويقولها تجي بسرعة هي ونواف..لانهم ينتظرونهم بالسيارة..محمد وفيصل راحوا على السيارة الثانية سيارة فيصل..

نواف:فشلة تركناهم..
ريما:اي والله
نواف:كله من الثنائي المرح
ريما:هههههههههههه

ركبوا السيارة..
ابوريما:وينكم فيه تأخرتوا؟
نواف:والله ياعمي محمد وفيصل نشبوا في حلقنا ويالله افتكينا منهم
ابونواف:ايه وانت الصادق محمد فيه عز الله انه ينشب في الحلق
ابوريما:هههههههههه
ريما:هههههههه
نواف:يبه شلون امي؟والله لها وحشة
ابونواف:يالله من الظهر وهي تبي ترسلين للمطار علشان استقبلك..وكل شوي روح جيبهم روح جيبهم..دوختني
ابوريما:لاتلومها يابو نواف..متاقة لولدها..وتبي تطمن عليه..وبعدين عندنا وعندكم خير ..هذي سلمى كل شوي متى تجي ريما تأخرت ريما
نواف:الله يخليهم لنا
ريما:آمين..

: : :

وصلوا لبيت ابو نواف..وكان العم طلال وعبد الرحمن باستقابلهم..سلموا على نواف وريما ..وبعدين ريما راحت لقسم الحريم..أول مادخلت..وتصرخ هنوف
هنوف:ريما11111111111 جت
نوف قمزت من مكانها:احلفي
راحوا عندها وسلموا عليها...

ام عبد الرحمن:الحمد لله على السلامة ريما..شلون نواف عساه احسن
ريما:الله يسلمك خالتي..الحمد لله احسن بمراحل من اول

.وتجي ام ريما وتحضن ريما وتبوسها
ام ريما:الحمد لله على سلامتك ريوم..
ريما:الله يسلمك يالغالية
ام ريما:والله هذي الايام مدري كيف عدت علي انا وابوك..البيت بدونك ماله طعم
ريما:عساني مانحرم منك ..وسحبت يد امها وباستها

العمة نورة:الحمد لله على سلامتكم
ريما:الله يسلمك عمتي..
العمة نورة:شلونه نواف الحين؟
ريما:والله اشوى الحمد لله
العمة نورة:انا بروح اشوفة

ام نواف:ياهلا وغلا بريما..الحمد لله على السلامة
ريما:هلا خالتي الله يسلمك
ام نواف:وين نواف ؟
ريما:عند رجال..خالتي روحي له..ترى مشتاق لك بالحيل
ام نواف:آه والله حتى انا ..وراحت ركض لقسم الرجال واخذت معاها الجلال ونادت نواف بالصالة وطلع لها وجلست تحضنة..وتبوسه وتسمي عليه..وهي تكبي بحرارة اول ماشاقته على الكرسي المتحرك..ونواف يهيدها ويسكتها11111111 هو وعمته نورة,...

ريما جلست مع البنات
الهنوف:ريما نعنبو بليسك ..فقدناك
نوف:اي والله الاسبوع هذا كنه شهر مو شهر الا سنة
ريما:ياحظي والله..توي اعرف اني غالية
نوف:افا ياريوم توك تعرفين
ريما:هههههههههه لا امزح انا عارفة من زمان بس اتدلع عليك
هنوف:هاه وش اخبار السفرة؟
ريما:الحمد لله انبسطنا كثير..ولاسيما ان عملية نواف نجحت
نوف:ايه صح الحمد لله على سلامته
ريما:الله يسلمك
هنوف:فا11111111تك خالتي ام نواف والحريم بس يمدحون فيك..وحالتهم حالة ومافي بلسانهم غير سيرتك وموقفك انك بتجلسين بدل خالي عند نواف
نوف:الا تعالي كيف جتك الجرآءة تجلسن عنده مرافق,,,اخبرك تستحين من ظلك؟
ريما:مدري حتى انا تفاجائت من نفسي ..بس حسيت ان نواف محتاجين..وان بيدي اساعدهم ..فاليش ماساعدهم..
هنوف:والله خطيرة ياريوم..صرتي تفكيرين تفكير حريم
ريما:هههههههه ليش وش قالوا لك اول تفكيري تفكير بزران
هنوف:تقريباً ههههههههههههه
ريما:اخذت شنتطتها وضربت ظهر هنوف
هنوف:آي ظهري ههههههههه
ريما:تستاهلين
نوف:هههههههههههه الحمد لله والشكر مهبل انتم..!!!

ام نواف جت وباست راس ريما..ريما استحت وجهها صار لونه احمر من الحيا
ام نواف:والله ياريما مدري كيف اشكرك..الله يوفقك يابنيتي..والله انك مره وتعبناك معانا رايحة تنبسطين وتعبناك..سامحينا وانا امك..غثيناك
ريما:لاياخالتي لاتقولين هالكلام..انا ماسويت شيء..وبعدين هذا واجبي اذ ماوقفت معكم الحين متى راح اوقف..
ام نواف:الله يسعدك مثل ماسعدتينا

جلسوا يسولفون البنات..وبعد العشاء..راحوا وجلسوا بالصالة

ريما:الحين موعد دواء نواف..هذا الكيس معاي
ام ريما:روحي اعطيه الدواء
ام نواف:الله يجزاك خير يايمة ياريما...

ريما اتصلت عليه وقالت له يطلع لها..نواف طلع
نواف:هلا بك..اشتقت لك
ريما ابتسمت له:يالله موعد العلاج
نواف:مانسيتيه..
ريما:شلون انساه تراني حريصة عليه..لان الدكتور وصاني
نواف: ياليت لو كل يوم تجين وتعطيني اياه
ريما:وبعدين معاك نواف..
نواف حط يده على فمة:خلاص وفمي وسكرته..بس لاتزعلين علينا
ريما تضحك عليه..
اعطته الدواء وعلمته متى مواعيدها..
ريما:تبي شي انا بروح
نواف:لا سلامتك وماقصرتي
ريما:الله يسلمك..ترى راح ازعجك كل يوم بتص ابي اتطمن وش صار عليك
نواف:ياحلاته من ازعاج والله
ريما استحت..وراحت للحريم.

وجلسوا سوالف هنوف ونوف وريما ماسكتوا ولادقيقة..<سوالف بنات اكيد

وبعد ماجت الساعة 12 باليل الكل راح لبيته..ريما اول ماوصلت لبيتها..راحت لغرفتها وامها كانت مرتبتها ومبخرتها111..ريما(ياحياتي يامي تعبتها..)اخذت شاور دافيء وبعدين حطت راسها ونامت ..غطت في سابع نومه