السلام عليكم .... ياريت تساعدوني بحل هالمشكله العويصه بالنسبة لي انا انكتب كتابي بتاريخ 14/6/2008 وللحين ما كلمت زوجي ... والقصه اني تزوجت زواج تقليدي جدا غير عن خواتي او بنات العايله كلها وبما اني مااعرف عنه اي شي مو قادره اعرف عن زوجي اي معلومه غير اللي اخواني واللي يعرفون زوجي عن بعد .. المشكله انه ودي اتفاهم معاه ببعض الأمور وودي اتعود عليه ويتعود علي واكسر حاجز الرهبه والخوف اللي متصورته وأنا صغيره ودي اعرف شخصيته أكثر. طبعا بتطور التكنولوجيا الحين نقدر نسوي المستحيل عشان نوصل للي نبيه ، وانا بديت بأول خطوه فاتصلت على اخته عشان موضوع وهمي اختلقته لها عشان تاخذ رأيه فيه طبعا كان الهدف من هذا انه رقم موبايلي يكون عندها وتعطيه ويتصل علي فيما بعد فاتتظرت على احر من الجمر عشان يتصل وكنت انتظر الرد للسؤال الوهمي ولكن للأسف كان الجواب على لسان اخته هذا يعني حبطت الخطه، فصبرت يومين وهاجمت بخطه اخرى فكانت كسابقتها ، وانا الحين محبطه ، اريد ان اكلم زوجي ياناس عطوني حل كيف اخليه يتصل علي او يكلمني ،طبعا كل بنات عايلتنا مستغربين للحين اني ما كلمته ولا شفت صورته بعد وشلون ما عنده الفضول انه يطلب يكلمني او يشوف صورتي. صدقوني لو انا ما اعرف اخلاقه عدل والناس تمدح فيه وبدينه كان شكيت بالأمر.
اسفه للإطاله بس من حر مافيه طلعت كل اللي في قلبي.انتظر ردكم بأحر من الجمر وياريت يشفي غليلي
#2
loloooso
رد: اعطوني حل بلييز بكلم زوجي
اعطوني حل بلييز بكلم زوجي
السلام عليكم ورحمة الله وبركاته ..
مبروك اولا على الملجه واذا تبيني نصيحتي انا راح اقولج ولكن الباقي والامر راجع لج
و انتي لاحقه على الكلام مع زوجك ان شاء الله راح تصير في فتره راح تشوفينا وتكلمين زوجك وراح تعرفين عنها كل شي صيري ثقيله وكل من صبر نال بالاخر الشي الزين وبعدين ما كوا خوف ان شاء الله اكيد اهلج سألين عنه وما وافقوا على زواجك الا انهم عارفين اصل الرجال .....
مشكوره اختي loloooso على ردج ونصيحتج لي والله شكلي رااح اصبر غصبن عني بعد مو بكيفي
#4
مارينا حسباني
رد: اعطوني حل بلييز بكلم زوجي
اعطوني حل بلييز بكلم زوجي
حياتي لكان كيف كتبتو لكتاب
هوي لحد الان ما شا فك يعني
#5
عروس عربية
رد: اعطوني حل بلييز بكلم زوجي
اعطوني حل بلييز بكلم زوجي
والله يا اختي كتبوا الكتاب على الوصف لا انا شفته ولا هو شافني على الوصف يعني زواجه والسلام وأزيدج من الشعر بيت وفرمان من الوالد انه مايشوفني إلا ليلة الدخله " هذا كلام؟"