ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > ادب و خواطر
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
ادب و خواطر غيرة بنات يوجد هنا غيرة بنات القصص , الخواطر , الشعر قصائد حب و خواطر عشق و ما يبوح به قلمك

فساتين العيد


 
قديم   #1

توفي الحلوه

:: كاتبة ألماسيّـة ::

الملف الشخصي
رقم العضوية: 133429
تاريخ التسجيـل: Aug 2010
مجموع المشاركات: 15,336 
رصيد النقاط : 0

غيرة بنات


غيرة بنات

سلمى ...!!
وش دعوى فديتك ...؟!
وش هالدموع ...؟!
أحلى من دموع السحاب ...!!
وانا ذبح قلبي الجفاف ...
وأنتي مطر ...!!
بس الزعل ممنوع ...!!
وحتى البكاء ممنوع ...!!
وما بي دموع
إلا إذا هذا دلع ...؟!
وانا حياتي بالدلع ...!!
إبكي بعد ... وإبكي بعد
وزيدي بكاء ... خليني اتلذ وانا اطلب رضاك ...
الله ...
يا محلى الرضاء عقب الزعل ...!!
بالذات إذا سلمى زعلت ... وردت رضت ...
كلش يصير ...!!
ينزل مطر ...
وينبت زهر ...
وتغني طيور الربيع ...!!
وآخذ من دموعك عطر ...!!
واموت بظلالك وانا اشرب من هواك ...
وأكتب على كفك ثلاث حروف ...
تبقى سر ...
ياه
وش ذاك ال " خصر ...؟! "
كنت احسب إن كل البنات مثلك بنات ...!!
أثرك " بنات " ...!!
طفلة غرام ...
ماعاهدت غيري أحد ...!!
تضحك إذا جتني وتموت ...
وإذا مسكت كفي بكت ...!!
وخدودها مثل الجمر ...
يوه ... وش ذالحياء ...؟!
وفديت كشرتها ...
إذا مالت شفايفها وهي تضحك بكيت ...!!
والله عليها بس إذا عضت شفاة ...
تموت في قلبي هموم ...
وتظهر على وجهي الحياة ...!!
" كل البنات سلمي "
وسلمي بعد كل البنات ...!!
منديلها ...
وروجها ...
وفستانها الاسود ...
وسلسالها ...
وشيٍ كثير ... مقدر اقوله
ياه
لوقلتها ...
وربي يحوسوني البنات ...!!
وما لومهم ... الغيرة ملعونة جدف ...!!
بالذات مابين البنات ...!!
سلمى ...
يسعدلي عيونك
وعيون من جابوك ...
وعيون جيرانك بعد ...!!
وين الوعد ...؟!
طافت على الموعد ثواني ...!!
والعادة القاك قبل الوعد ...!!
تدرين وش معنى ثواني بدون سلمى ...؟!
وخزة ألم ...
وخزة عذاب ...
وخزة قهر ...!!
وإنسان مستعجل ولازم ينتظر ...!!
الثانية في غيبتك تاصل شهر ...!!
أستغفر الله ... أقصد دهر ...!!
والادهى منهم والأمر ...
ليلٍ طويل ...
وعنوانه الأسود " سهر ...!!
وانا إذا غبتي ضرير ...
اجلس تحت سور القهر ...
واسمع خطاوي الناس ...وانطر خطوتك ...!!
أعرفها زين ...!!
يسبقها عطرك ...
يفوح ...
ادري تسمينه عرق ...
وانا اعرف إنه عطر ...!!
الله ياذاك العرق ... يا مطهره ...
اقصد يا محلى ها العطر ...!!
سلمي ...
كلش يموت إلا هواك ...!!
يبقى حروف ...
أنقشها في جوف الصخر ...!!
عاد وثمود ماتوا ... وحروفهم لليوم نقراها جميع ...
وعشقي لسلمى ما يموت ...!!
إلا إذا مات القمر ...!!
سلمى ...
الله ... لو ذقتي الهوى ... تدعين لي ...!!
أحلى من الجمرة إذا هاج الشتاء
واحلى ظلال المصيف
واحلى من شفاة البنات
والله ي هو شيء ...!!
خليك من بعض الكلام ...
وخليك من نوح الحمام
هم يحسبون إن الحمام ينوح من حر الهوى ...!!
لا ... لا ...
ما ناحت الورقى من هيام الغرام ...
تنوح تبي الهوى ... تبي العشير ...
وإذا عشقت ... قامت تلعلع بالطرب ...
والناس ما يدرون ...!!
الورق اعرفه زين ...
شربت من حوض الغرام ... وهو بعد مثلي شرب ...!!
سلمى تقول إن الهوى مررة " جنان ...!! "
أنتي الجنان ...!!
وانتي الهبال ...!!
وأنتي الحلا والملح وآيات الجمال ...!!
وسلمى تقول إني وسيم ...!!
بعيونك الحلوة ... نعم
وبعيون غيرك ما أبي ...!!
أبيني بعيونك وسيم ...
وابيني بعيونك أنا كل الرجال ...!!
فديتها يوم همست لي في حياء ...
تقول ابا اسئل لي سؤال ...!!
قلت
إسئلي ...!!
قالت
" هويت قبلي أحد ...؟! "
قلت
الهوى بالقلب ...؟!
قالت لي
صحيح ...!!
قلت
واحيان يرقى للعقل ...؟!
قالت
صحيح ...!!
قلت
أنا قبلك مالي قلب ...!!
واعيش في بحر الجنون ...!!
معقوله اعشق في يدي ...؟!
وانا بلا قلب وعقل ...؟!
وتبسمت ...!!
وكنا ب ليل ... وحسيت بالشمس طلعت ...
من جد ...
وحتى ظهر لزوالنا مثل الظلال ...!!
من جد هذا الي حصل ...
وحتى الدليل مابان لاظلمى ولا حتى قمر
والله ولا شفنا هلال ...!!
ما ادري ليش ...؟!
يمكن عشان سلمى ظاهرة ... وهم يستحون ...؟!
بس الاكيد ... سلمى القمر ... والشمس ...
وآيات الجمال ...
فديتها ...!!
وهم بعد فدوة سواد عيونها ...!!
سلمى ...
وش تاليها معاك ...؟!
أدري ب نموت ...
بس القهر من تابس شفاهه عطش وهو على جال الغدير
ياكرهي والله للظمأ ...
وأنتي غدير
وشفاهك الغضة كرز ...
والدم توت ...
وإذا عرق كفك عطر ...!!
وخدودك الحمراء رطب
وريقك عنب
والخصر موت
والصدر يرقد به بدر
وخشمك هلال
واذا تكلمتي دلال
واذا تخصرتي دلع
وانا معي كاس الصبر ...
أشرب ... واصب ... إلين ضيعني الولع ...!!
ومع كل هذا لامني فيك الضعيف ...
الي عجز لا يعشقك ...!!
الي حفت رجله وراك ...!!
خليه ...!!
با كر يموت من الظمأ ... وانا على جال الغدير ...
أشرب وأغني ... واقهره ...!!
وارفع عيوني للسماء ...
واقول يارب إكتفيت ...
ارضى علي ... وإرضى على سلمى بعد ...!!
ومتعني عُمر بعشقها ...!!
يارب مابي غيرها ...
وخل البني ... ماليبهم من عقب سلمى ...!!
وربي كريم ...!!
وإن شفت غيرك يالغدير
عسى عيوني للعماء.!

 
قديم   #2

مجروحه وأكآبر


رد: غيرة بنات


غيرة بنات

مشكوره

 
قديم   #3

عاشقة الفردوس


رد: غيرة بنات


غيرة بنات

مشكورة حبيبتى

تسلمى

 
قديم   #4

فاتي الصغيرة


رد: غيرة بنات


غيرة بنات

حلوين مشكوره

 
قديم   #5

اختزال


رد: غيرة بنات


غيرة بنات

مبدعه ياقلبو..



ابداع

 

أدوات الموضوع



الساعة الآن توقيت السعودية الرياض و الدمام و القصيم و جدة 10:36 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0