ابرحل
بسم الله الرحمن الرحيم
ابرحل...
أبرحل والله العالم وش الي بداخلي من شوق
وأبطوي صفحة ٍ عّيا زمان الجور يطويها
أبرحل تايه بغربة وطن مالي عليه حقوق
وطن وحدوده عيونك ودمع ٍ حاير ٍ فيها
أبرحل دمعة ٍحارت من أدنى الموق لأقصى الموق
خذلها الوقت يوم أنه حرمها من هقاويها
أبرحل وأجمع آلامي وأبرقع ثوبي المشقوق
وأبفهق عن دروب الشك رجلي قبل تمشيها
أنا أدري أن الزمن قاسي وأعرف أني بليا ذوق
ونفسي يوم ودعتك رمت في النار رجليها
عمر هالحب مايفنى مدامه في الحشا مخلوق
ولو دنيا العنا جارت ورتنا بلاويها
أبنسى آه كيف أنسى وأنا الي من زمن محروق
أكذّب كاني قلت أقدر أنسى بعض ماضيها
آلا ياحظي المقفي علامك للشقى مطفوق
أنا طالبك لاتفتح لعيني سدّ واديها
أبنسى كيف والذكرى وسط قلبي تسوقه سوق
وهذا طيف عاتقها وهذي رجفة يديها
أنا في ذمة الله ما علي من الشقا والعوق
أنا في ذمة الي لاقبض هالروح يحيها
جعل عين ٍ بكت للحب أبد ما تنحرم من موق
ولا تفقد ولوطالت ليالي الهجر غاليها
وعين ٍ خانت العشرة عساها أمر الولي من فوق
عساها في زمان ٍ دبرته ضاعت خطاويها
وأبرحل والله العالم وش الي بداخلي من شوق
وبطوي صفحة ٍ عيّا زمان الجور يطويها
اتمنى تنال اعجابكم..
|