ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > المواضيع المتشابهة للاقسام العامة
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
المواضيع المتشابهة للاقسام العامة المنحوس منحوس يوجد هنا المنحوس منحوس هنا توضع المواضيع المتشابهة


 
قديم   #1

كدووشه

:: كاتبة محترفة ::

الملف الشخصي
رقم العضوية: 137445
تاريخ التسجيـل: Sep 2010
مجموع المشاركات: 1,886 
رصيد النقاط : 0

المنحوس منحوس


المنحوس منحوس

هذا واحد كل ماسوى مشروع خسر





وكل مامسك شي خرب وكل ماراح مكان صارت مشكلة





ماعمره تهنى بشي





وحياته كلها نكد في نكد





العجيب ،





أنه يشوف الناس ما شاء الله يسون مشاريع





ويتوفقون





ويستمتعون بحياتهم





إلا هو !!





ودائما حزين





وتعاسة الحظ تلاحقه في كل مكان





آخر شي





لما زهق من عمره





وقفلت معاه كل الطرق





جت على باله فكره





أنه يترك البلد الي هو فيها ويهاجر





راح المطار وحجز له تذكره





ركب الطيارة





بسم الله
جلس في المكان المخصص
ركبوا المسافرين






الى الآن كل شي تمام
الحمد لله





طارت الطيارة





والجو هدوء





وكل شيء حلو





الحمد لله

وفجأة






قامت الطيارة تهتز
ويبدو أن فيه شي مو طبيعي قاعد يصير





ولما زادت الربكة





وإذا المضيف يعلن للناس





أن الطيارة فيها عطل
ويمكن تطيح





أخونا المنحوس انتبه
وقال : إيه ، ماكو الا آنا ..





أنا السبب في الي صار للطيارة





أنا منحوس





وهذا النحس الي ملاحقني بكل مكان




لكن ايش ذنب هالناس الي بيموتون بسببي الحين ؟

مو معقولة أتسبب في وفاة 300 شخص وأنا ساكت





لازم أسوي شي





لازم أنقذهم





وفكر





وفكر





وفجأة





لمعت في راسه هالفكرة العجيبة





استأذن في الدخول على الكابتن





وطبعا القانون القديم كانوا يسمحون للناس يدخلون قمرة القيادة




لكن بسبب مشاكل بطلوا




المهم

أخيرا وافقوا له أن يدخل على الطيار





سأل أخونا المنحوس الطيار : اشفيها الطيارة





هل صحيح انها بتطيح ؟





قال الطيار : العجلات موراضية تنزل






قال المنحوس : بسيطة ، فكوا لي باب الطيارة وأنا انزل أفتحها يدويا من تحت ( وهو في نفسه قصده أنه ينتحر بأن يرمي نفسه من الطيارة على أساس يحافظ على أرواح الناس الي بيموتون بسببه وينقذ الطيارة من السقوط )





الطيار رفض طبعا وقال له أن هذا غير ممكن





وفيه خطوره على حياته





و





لكن أخونا مصرّ على فكرته




خايف على الناس ياعمري





والطيار يحلف وهو يحلف ....






وأخير ..





يوم شافه الطيار مصمم وقاصد كلامه





قال : افتحوا له الباب ..





أخونا ، توه بيرمي نفسه من الطيارة ،




ولكنه التفت على العجلات




لقاها تبي تنزل لكن فيه حديدة وسطها مانعتها




قال خل أجرب أشيلها




ولما شال الحديدة ورماها




انفتحت العجلات على طول





هو مسكين فرح





وقال :





خلاص ، الحين مافي داعي أني أنتحر





الحمد لله ، مشكلة الطيارة انحلت





خليني أرجع للطيارة

لما رجع للطيارة





والا الناس فرحانين





ويصفقون له





ويدعون له




ويمدحونه على شجاعته وتضحيته بنفسه من أجلهم

وطبعا الناس في الأرض كانوا متابعين الحالة
والمطار مليان
والصحفين والتلفزيون




كاميرات وهيصة

بس ينتظرون الطيارة توصل





وصلت الطيارة على خير





والا كلهم ينتظرونه




ويصورونه ،




ويحطونه بالتلفزيون على الهواء





والتصفيق





والتكريم

ويا الله خلص منهم وقدر يوصل للفندق الي بيسكن فيه





وصل الحمد لله





وقال : أول شي لازم أتصل بالوالدة عشان أطمنها على سلامتي أكيد شافتني بالتلفزين

مسك التلفون





اتصل على أمه





ردت عليه أمه ،، لكنها كانت تبكي ،،





تبكي بشدة لدرجة مهي قادرة تتكلم





قال لها : أكيد يا أمي انتي شفتي الحادث بالتلفزيون





لكن أبشرك الحمد لله أنا بخير ولا صار لي شي





والأم لا زالت تجهش بالبكاء





وهو يقسم لها أنه طيب وما فيه شي





وهي تزيد بالبكاء





قال لها يا أمي ما شفتيني بالتلفزين





كلنا طيبين محد صار له شي





الأم مسكينة ردت بصعوبة من بين الدموع وهي تشاهق يا حياتي





قالت له : أنا ما فتحت التلفزيون ، ولا أدري عن حادث الطيارة شي ..





قال لها : أجل ليش تبكين يا بعدي





قالت : أبوك يا بعد عمري ، أبوك كان متضايق شوي و طلع السطح حق البيت يريد يشم شوية هوى





والا فجأة طاحت عليه حديدة من السماء



ومات
ههههههههههههههههه

 
قديم   #2

رونيوم


رد: المنحوس منحوس


المنحوس منحوس

هههههههههههههههههههههه

بجدبجد ده نحس لموش حل

 




الساعة الآن توقيت السعودية الرياض و الدمام و القصيم و جدة 11:35 PM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0