 |
  |
|
|
|
|
#1 |
|
:: كاتبة نشيطة :: |
قصيده اصعب سؤال
السلام عليكم
هاذي القصيده للشاعر الكويتي الرومنسي /محمد جارالله السهلي مع العلم بأن هاذه القصيده ((أصعب سؤال)) من أقرب القصائد لقلبه. 7 7 7 7 7 7 7 7 ( اصعب سؤال ) الي جوابه للأسف مثله ( سؤال ) !! ...................... ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكرك ذيك اليال ؟ ) .................. كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محال !! .................. لكنها صارت كذا ! والي (( اهم )) اني دريت : ان الحياه فبعد احبابك اذا جف الوصال ................. اتعيشها لو تقتنع انك خلاص اصبحت ( ميت !!) يا صاحبي لو كل شي يمر بالخاطر يقال ................. ما كانت العبره تولجني اليامنك طريت ؟! شفني قدرت احبس دموعي بس ( دمع القاف ) سال ...................... ويا كبرها ساكت ولكن داخل اوراقي بكيت !! عمر الحكي ما كان دافي لابتدى بقولة تعال .................... لجل اتجاهل رجفة حروفي اليامني حكيت .. الحال في بعدك قسم بالله ما اسميه حال ............... انوي على الضحكه واحس كلي خطا لاني نويت ؟! اتصور انك من رحلت اشوفك لجسمي ظلال .................... لا شفته امشي بتعد واثره معي مهما مشيت !! مدام يعني في بحرك لفرحتي مليون جال ............... وش فيه موجك ما ركد ؟ قربت اموت وما رسيت .. يرضيك ما عادت معي تفرق اذا جالك مجال .................. لاني اقتنعت انك نهايه واني بطي ما بديت !! صرت ( اعقد حجاجي ) اذا جابوك باطراف الجدال ...................... وانا قبل لاقالوا اسمك كني : ميت ثم حيت .. تعبت اعيش الدور وافتح للمعاذير الخيال ................... واتخيل اني جيت في بالك وبانك استحيت .. وتردلي كلك (( وله )) وتقول : ( كن البعد طال ؟ ) ............... ومن الفرح ما عاتبك واقول : ( ياخي مابغيت ! ) حتى وانا تخيل حشمتك ! لن قلبي لا يزال ................. يكرر اسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال ............... للحب واحساس القصيد ان عانق اليل وسريت .. ربي يصبرني على الفرقا مدام الحظ مال ............... وانت بيجيلك يوم تعرف ليه في بعدك شكيت .. واذا بلاك الله وعذبك اشتياقك (( بس تعال )) .............. واقرى القصايد في غيابك كلبوها بيت ... بيت .. بتدرى ان ( اصعب سؤال ) الي يجي رده ( سؤال ) ................ لا قلتلي ( وش ذكرك ؟ ) ثم قلتلك ( متى نسيت ؟ ) وسلامتكم أرجوا أنها عجبتكم |
|
|
#2 |
|
|
رد: قصيده اصعب سؤال
اعجبتني كثيراً,,اشكرك يالغلا
|
|
|
#3 |
|
|
رد: قصيده اصعب سؤال
يسلمو عالمرور
|
