وش عطرك حبيبي؟؟؟؟

قلت :
( عطني ...!! )

قال :
( المعطي الله...!)

و صد عني
و صحت به من حرةٍ بي
صحت له في كل حيلي
و ماطلع صوت ...؟!
و الله حالة ...!!

و قام يضحك
و إبتلشت بخف دمه...!!
و القهر دمه عسل ... وشفاه توت
و الكزر ينبت بفمه
و ضحكته موت

قلت له :
( بعطيك عيني ...!)

قال :
( لالا ...!! )
إحفظ عيونك ...عندي عيون المها...!!
و المعطي الله

قلت :
( أنا بطلت عشق ...!! )
و مابي دروب الغرام
بهجر العشق ...و طريقه...!

وقام يضحك ..

وقال :
( يمه...!!)
يا فديت ابوه ... وأُمه ...!!

و إنهزعت بكف يدي ... ما دريت
و لمس كفي راس كمه

قال :
( من حضك لمست أكمام ثوبي
كفك الي ناش كمي .... بس شمه )

ويوم أشمه ... موت ...!!!
موت يعني موت ...!!!
و دار راسي ...
ريح عطره بالفعل أكبر خُرافة ...!!
لا هو مسك .... لا وربي
و لا هو عنبر .... لا وربي
أو دهن عود ... لالا ... لا ...!
والله أحلى ...

قلت :
( وش عطرك حبيبي...؟!!
قل لي إسمه
ياهو قمة ...!)

قام يضحك لي
و يغمز لي بعينه...

قال :
( هذا مو عطر
الي بيدينك عرق كفي ... وسمه ما تسمه ...!
ألف غيرك يدفع عيونه إذا يحظى بشمه ...!)

قلت :
( ياسيدي أحبك
فدوة عيونك حياتي ...)

قال :
( لا لا
لا تناديني ياسيدي
ولو مصمم قل ياعمه ...!)

قلت :
( .... عمه
ثم عمة
ثم عمة
هذا دربي الي مشيته
في هواك و أهتويته
و غصب أتمه )

و نفضت مجدولها قدام عيني ...
وش هالاشقر ....؟!
و الهواء هب
و إنتثر قدام عيني...
آآآ..... ياعيني

قلت :
( وش رايك ألمه...؟!)

قال :
( أول لم نفسك ... ثم لمه...!)

و إبتسم لي
و بان ذاك الناب الأبيض
و ساق فيني كل سمه...

قلت :
( سمك ساق بعروقي و سقاني ...!)

قال :
( باقي ... ماقد جاك كله )

قلت :
( تكفى
ثم تكفى
ثم تكفى
إن بقى بك سم بعروقي تتمه...!)

قال :
( أبشر ... والله لعيونك لتمه ...
بس تتحمل ألم ...!)

و مال في خصره و طحت
و هز تفاح الهوى... والغصن كله...
ثم قمت
و حط كفه على كفي
ثم طحت
و لمس شفاهه بيده
ثم قمت

قلت :
( قلبي من وسط صدري طلع )

قال :
( ضمه ...!)

قلت :
( منهو ...؟! )

قال :
( قلبك )

قلت :
( حاضر ...
بس ليش ...؟! )

قال :
( هذا من سم الهوى الي بك دفقته
هذا هو سم الهوى الي قلت تمه ...)

قلت :
( ياه
ياحلو ناب الغرام ...
وحلو سمه