مات وعمرها 15 سنة

السلام عليكم ورحمة الله وبركاته

صديقتي هذه مات من 17 سنه الله يرحمها ويغفر لها
والله كأن خبرها جاني امس
تصدقون سبحان الله يمكن مايمر يوم الا واتذكرها ليه مدري عجزت انساها
يمكن لان خبر وفاتها عرفته بالصدفه او بالحقيقه عرفته فجاءه
كان اول يوم في المدرسه بعد ماخلصت الاجازه كنت ثاني متوسط
وكانت مدرستنا المتوسطه كبيره جدا
بعد ماعرفت وشهو فصلي رحت وجلست في واحد من الكراسي
وانا بالي عندها ابغى اشوف هي بأي فصل
وانا جالسه بالفصل الا واحده من البنات جات عندي وتبغى تعطيني اخبار المدرسه وانا ماني يمها
الا تقولي مادريتي عن (ع) الفلاني اسم صديقتي طبعا
قلت لها لا وش فيها ذاك الوقت اسوء شي خطر في بالي انها نقلت من المدرسه وانا مدري عنها
الا يوم قالت الخبر الي نزل علي مثل الصاعقه
(ع) مات هي واختها بحادث وانتشر الخبر في الجرايد وانتي ماتدرين
شعوري وشهو شعوري مدري كيف اوصفه
كأن شخص كب علي مويه بارده الا ثلج
شهقت شهقه وصحت باعلى صوتي وقلت لها كذابه وانهرت
البنات اجتمعوا علينا وسئلوها وش في قالت مدري بس قلت لها ان وحده من البنات مات وقامت تصيح
طبعا هي ماكانت تدري انها صديقتي من ايام الابتدائي
مدري كيف خلص الدوام ذاك اليوم بطوله بعرضه خلص وانا في وادي والناس كلهم في وادي
بس اتذكر كل مواقفي معها
تذكرت كل شي كل شي وتفاصيل وحكايات مؤلمه عن حياة اهلها
ماودي اذكرها هنا ويمكن اذكرها لكم في موضوع ثاني
كانت صديقتي جميله جدا تعرفون وش يعني الجمال هي كانت رمز الجمال في مدرستنا
كانت كل العيون عليها
سبحان الله جا الموت في لحظه واخذها
ولا كأنها كانت موجوده في هالحياه اصلا
وفي نهاية الدوام اسمع البنات يتكلمون عنها وعن اختها ويقولون اصلا ماكانت صاحيه الله يستر علينا بس
انا كنت بنجن وحده مات كيف تقدروا تتكلموا عليها كذا
انا لله وانا اليه راجعون
الله يرحمها ويغفر لها ويوسع عليها في قبرها هي واختها
ويغسلهم بماء الثلج والمطر والبرد
وينقيهم من ذنوبهم وخطاياهم كما ينقى الثوب الابيض من الدنس

لكن الي جدد أحزاني رحت قبل فتره اصبغ شعري لقيت وحده في المشغل من البنات الي كانوا معنا بالمتوسطه
وكنا نتكلم عن المعلمات وعن بعض البنات
وشوي الا هي نطت فجاءه على سالفة صديقتي وقالت
أصلا سمعنا كلام عن شباب ومدري كيف استغفر الله بس
على طول سكتها وقلت لها الله يستر علينا وعلى خلقه
البنت مات وعمرها 13 سنه
يعني بالله متى مداها تسوي شي في حياتها
13 سنه ياناس طفله حرام عليكم خافوا ربكم
واخر شي تكفون يابنات والي يرحم والديكم كل وحده تقرا موضوعي تكفون ادعوا لها هي واختها بالرحمه والمغفره
ادعو لهم ربي يتجاوز عنهم ويصفح عنهم ويغسلهم بماء الثلج والمطر والبرد وينقيهم من ذنوبهم وخطاياهم كما ينقى الثوب الابيض من الدنس

منقول

وين الرد معقولة ماعجبكم موضوعى والله مافي تشجع عندكم

اللهم اغفر لها ولسائر المسلمين الاحيا ءمنهم والاموات صدق انها مؤلمه ولله حزنت

الله يرحمها ويرحم جميع الاموات

أنا لله وأنا إليه راجعون
الله يرحم أمواتنا وأموات المسلمين جميعاً
مشكوره وآآآآآآآآآآيد

	#2
معلمة الوجدان	رد: مات وعمرها 15 سنة مات وعمرها 15 سنة وين الرد معقولة ماعجبكم موضوعى والله مافي تشجع عندكم

	#3
قمراء الحارثي	رد: مات وعمرها 15 سنة مات وعمرها 15 سنة اللهم اغفر لها ولسائر المسلمين الاحيا ءمنهم والاموات صدق انها مؤلمه ولله حزنت

	#4
الغامضةs	رد: مات وعمرها 15 سنة مات وعمرها 15 سنة الله يرحمها ويرحم جميع الاموات

	#5
تالة الندى	رد: مات وعمرها 15 سنة مات وعمرها 15 سنة أنا لله وأنا إليه راجعون الله يرحم أمواتنا وأموات المسلمين جميعاً مشكوره وآآآآآآآآآآيد