أخونك ليه ؟!
أخونك ليه ؟!
يموت من الوجع شاعر ولا تموت المشاعر فيه
..................واخاف أموت في الغربه ولا تدرين عني مت
صحيح اخطي ومن حقك تقولي كل شي راضيه
..................ولكن اسألك بالي جمعنا لا تقولي خنت
قسم بالله يرعبني فراقك رعب...لا تطريه
..................وقسم بالله قبل الي كتبت الحين ما قد خفت
احس البرد يمضغني واعرف البرد ما تقويه
..................امانه لا تخليني اعيش الخوف يكفي عشت:
سنيني كلها بين القصايد والبكا وال هيه
..................م غير احسب وش الي ضاع مني بالدموع وصمت
سواليفي كثيره بس الاكثر ما بعد شفتيه
..................كثر ما مرني من ضيم في عمري وما قد شفت
اخذني الحزن من يدي وهدهدني على كفيه
..................وعلى غير البكي والي جمعني فيك ما قط نمت
تري قبلك تصنع قلبي الفرحه وهي تنفيه
..................قسم بالله لو تدري كثير الي لهم افرحت
لقيتك يا بعد عمري مسافة درب قلت امشيه
..................وركضت اجمع لك احلامي من دموعي ولا وقفت
كثير اغفى عشان احلم تقولي لي :احبك ايه
..................واقوم اعاتب عيوني وانازعها عشاني قمت
اذا قبلك تعلمت الوفا والصدق اخونك ليه ؟!
..................اخون شلون يا عمري وانا عمري ابد ما خنت؟!
|