 |
  |
|
|
|
|
#1 |
|
:: كاتبة ألماسيّـة :: |
هذي السالفه توها صارت من فتره بسيطه...ولامانه قالتها لي بنت خالي لانها هي شخصيا تعرف صاحبة القصه..اسمعوها حبيباتي لاني ودي تستغربون مثلي وتستانسون بعد..هذي بنت خالي لها جاره حرمه راعية بيت وقد حالها..تزوج حماها وسكن معاهم..طبعا سلفتها مدرسه وهي ربة بيت شايله هم زوجها عيالها ومره قلبها طيب لابعد الحدود..استغلتها سلفتها..ترجع من الدوام تلاقي كل شي جاهز اكل وشرب وبيت نظيف تاكل وتنام ومالها شغل فالبيت ابد..والحرمه مسكينه راحمتها عمرها ماطلبت منها شي.تقول كفايه عليج كرف الدوام..زود على جذيه صارت تعزم رفيجاتها والثانيه تقوم فيهم قهوه وحلا وشاي لانها طيبه عرفت شلون تستغلها المعلمه..وبعد فتره راحت المدرسه هذي لزوجها وصارت تمدح له رفيجتها العانس..وتقول له خلينا نقنع اخوك يتزوجها..مسكين مظلوم مع زوجته لاتكشخ له لا تتزين له..وهذي انيقه ولبقه وغير جذيه ماراح تكلف عليه هي تقبض راتب وتصرف على نفسها..اقتنع زوجها وراحت هي وياه يقنعون اخوه الكبير بالفكره..وجلسوا كم ساعه نايمين براسه عشان يقتنع
الرجال مع الضغط اقتنع بس بشرط ام عياله ماتدري عن شي ه بنفسه بيخبرها بالوقت المناسب..طاروا من الفرحه وافقوا..ضبطت الوضع اختنا بالله مع رفيجتها..وراح حماها خطب رفيجتها..حتى فحص قبل الزواج سوه وخلصوا كل شي وجا يوم الملكه وعقد القران..الرجال كشخ وجالس يتجهز جت زوجته هي ماسكه المبخره وتبخره وتقوله يابو فلان ماشاء الله عليك كأنك معرس..قالها أقول يا ام فلان.لو جالك خبر زواجي شنو بتسوين؟وكان قصده يمهد لها الخبر..ردت عليه وهي ماسكه قلبها وخايفه قالت له,يابو فلان يجيني خبر عرسك ولايجيني خبر موتك الله يخليك لي يابعد الدنيا..الرجال ماتحمل ونزل من عندها وهو كلمتها قاعده في قلبه..لقا اخوه ينتظره عشان يروحون يعقدون القران قاله..والي فوق هذي تبوني ابدلها؟؟تبون اجيبلها ضره على راسها تغثها؟؟والله ماتستاهل هالطيبه هذي مني أأذيها..أنا رايح الاستراحه بطلت مابي زواج..وصار اخوه يقنع فيه يافلان لاتفشلنا ياهوه مايصير اخوه مشى وخلاه..مارد عليه..ثاني يوم المدرسه سلفة الحرمه تكشخت وتزقرت وراحت لرفيجتها تحضر حفلة ملكتها..دخلت الحفله وراحت لرفيجتها بالكوشه تبوسها وتحضنها مبروك زواجك من فلان..رفيجتها استغربت؟؟؟!!!!!قالت انتي شتقولين؟؟؟أنا ما ملكت على حماج أنا خذيت زوجكالحرمه انفجعت هي مادرت ان زوجها بعد ما اخوه تركه راح ه وخطبه لنفسه لانه ماقدر ينسى مديح زوجته للبنتالحرمه استخفت وشدت رفيجتها من شوشتها وصاروا يتصافقون بوسط الحريم..ولما الحريم دروا بقصتهم صاروا يكبرون ويقولون احسن من حفر حفرتن لاخيه وقع فيها. هاه وش رايكم بالسالفه وناسه صحوالسالفه حقيقيه مو من نسج الخيال لامانه منقول |
|
|
#2 |
|
|
رد: يممه والله وقف شعر راسي يوم سمعت السالفه ؟
سبحان الله الله اقوى من كيد الحريم مشكوره ياعسل على القصه وصراحه عورني قلبي في ناس كذا ياربيه بس |
يممه والله وقف شعر راسي يوم سمعت السالفه ؟