ياعزة الله كيف ذاك المرض جاها
كيف الألم يدمي فواده ويدميها
ليت الألم ياناس شخص اترجاها
برجيه رجوة بخير حاله يخليها
وان كان وده علتي قلت محلاها
لاجله بشيل العوق عنّها واراعيها
واصير من بد الخلايق أنا دواها
لانها حبيبت الروح والقلب يغليها
ما ودي انها لحظةِ تشكي الآها
لو كان بيدي في عيوني أداريها
واتشيلها اجفوني وتغمض وتنساها
ياذا المرض عجل دخيلك تعديها
خل التعب لا يهد حيلها ويصلاها
ماجور يامن بالنواظر نساويها
يالله عسى من الشر يسلم محياها