ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم الفرق بين البنات والشباب بعد الرجوع من العزيمة يوجد هنا الفرق بين البنات والشباب بعد الرجوع من العزيمة سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم 10-24-2010, 02:56 PM   #1

توفي الحلوه

:: كاتبة ألماسيّـة ::

الملف الشخصي
رقم العضوية: 133429
تاريخ التسجيـل: Aug 2010
مجموع المشاركات: 15,336 
رصيد النقاط : 0

الفرق بين البنات والشباب بعد الرجوع من العزيمة


الفرق بين البنات والشباب بعد الرجوع من العزيمة

البنت بعد الرجوع من العزيمة



هي

يوه فاتك نص عمرك.. توني جايه من العزيمة

أختها

وش حطوا؟

هي

يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيره لونها أخضر ، والمكسرات تموت ، حاطين كل كسرة في كيس

والا العشاء ياربيه يهبل(يستمر وصف الاكل ساعة ونصف)

أختها

جت نوف؟

هي

ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

أختها

لايكون نفس الي لبسته قبل 5 سنوات؟

هي

لا لا ذيك المره لابسه فستان أحمر مو وردي ولا كان فيه كرستالات

اختها

أجل شكلها لابسه فستان بنت عمها أريج لاني شايفه البس هذا عليها

هي

اي والله، يوه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين

أختها

وجزمتها؟

هي

ما أدري ماشفتها، تصدقين طول العزيمه وانا احاول اتشوف للجزمة كن ماقدرت، حتى اني يوم طفشت في الاخير ذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها

اختها

:اكيد جزمتها مثل لبسها يحوم الكبد .. هي دايم كذا ذوقها خايس ...طيب ومكياجها كيف كان؟

هي

وع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يوه مالها داعي، ما ادري مين النذلة الي حاطه لها المكياج ، شكلها زوجة ابوها

اختها

طيب وتسريحة الشعر

هي

حقت مين؟ نوف والا اريج؟

اختها

كلهم

هي

تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهبل،

اختها

كحكحي؟ يعني ايش؟

اختها

ماتعرفين الكحكحي يالقروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها بايخة، شفتي تسريحة خدامتنا جيناتا وهي تغسل المواعين؟ نفسها بالضبط

اختها

على طاري الخدامة؟ خدامة اريج وش لابسه

هي

الخدامة لبسها عادي، لكن جزمتها خقاق ، تهبل ماكأنها جزمة خدامة، لونها

اسود وعليها خيوط فسفورية

اختها

صدق والله؟ هذي مو جزمة اريج؟

هي

الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة .



( ويستمر الحش إلى صلاة الفجر )





------------







الولد بعد الرجوع من العزيمة



هو

السلام عليكم، توني جاي من العزيمة

وترا كل الشباب يسلمون عليك





انتهت المحادثة

 
قديم 10-24-2010, 03:12 PM   #2

المتمسكة بعقيدتها


رد: الفرق بين البنات والشباب بعد الرجوع من العزيمة


الفرق بين البنات والشباب بعد الرجوع من العزيمة

هههههههههههه
والله صحيح

 
قديم 11-22-2010, 09:37 AM   #3

لولوبس


رد: الفرق بين البنات والشباب بعد الرجوع من العزيمة


الفرق بين البنات والشباب بعد الرجوع من العزيمة

هههههههههههههههههههههههههههههه ههههه ضحكتبني والله البنات بهتموا بالتفاصيل أما الشباب بالشكل العام فقط و هادي طبيعة بشرية ,..............

 
قديم 11-22-2010, 09:41 AM   #4

صعبة المنال


رد: الفرق بين البنات والشباب بعد الرجوع من العزيمة


الفرق بين البنات والشباب بعد الرجوع من العزيمة

هههههههههههههههههههههههههههههه ههه

من جد الله يرج بليس

يسلمو حبوبه..

 
قديم 11-22-2010, 09:46 AM   #5

ٱڔۉجــهٌہّツ


رد: الفرق بين البنات والشباب بعد الرجوع من العزيمة


الفرق بين البنات والشباب بعد الرجوع من العزيمة

ههههههههههههههههههههههه
ليش عاد
والله اريج كشيخه ههههههههههههههههههه
يسلمو

 

أدوات الموضوع



الساعة الآن توقيت السعودية الرياض و الدمام و القصيم و جدة 05:45 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0