 |
  |
|
|
|
|
#1 |
|
:: كاتبة قديرة :: |
قآلو هبيل وجآيز لي هبالي آهبال طيب ولا صحاوه رخامه بقلمي
بسم آلله الرحمن الرحيم
(......قالو هبيل وجايزلي هبالي اهبال طيب ولا صحاوت رخامه.....) طبعآ هذي آول مره اكتب روايه ان شاء الله تكون كشخه وناسه وفله و حركات وتستانسون معها <<خلصينا طبعا روايتي اكشن وصرقعه وتكه رومنسيه عشان مايتكلمون العواذل خخخخخخ نبدأ بالشخصيات رغد : 17 سنه بشرتها اسمر على ابيض مو معروف لونها بالضبط عيونها وساع سودا رموشها طويله جسمها ريان حلو شعرها ناعم لونه اسود فاحم مررا ومقصوص بوي وكل شوي طالعه لنا بقصه بالموس ومره تسهبل بالمقص الله يعين شعرها عليها بث تدرس ثاني ثانوي مرره اوكي بالدراسه ولاتخلو من الدجه والرجه شوي والنحشات راعيه مقالب وخط ونذاله موب طبيعيه دايم مناقره مع محمد ولد خالها وانواع التريقه من جد ينرحم ذاك الولد مع انه اكبر منها الا انه اقصر منها وماترحمه من التعليقات خخخخخ دلعها رودي رورو روري رويغد رغديه رغرغ وغودي كل شوي ناطين باسم وراح تتعرفون عليها اكثر في الروايه نورآآ : نفس عمرر رغد تؤامها الي ماتفارقها بنات خالات كل دجتهم سوا تقريبا نفس الاخلاق والهبال مايفرقون عن بعض كثير مغامراتهم سوا نورا بيضا عيونها وساع ولونها عسلي شعرها اطول من كتوفها بشوي صابغه اشقر ومخصل بني مررا روعه عسوله بس اذا مسكتك هي ورغد تعليقات ترحم ع عمرك كل وحده لسانها اطول من الثانيه وعزه نفسهم قريبه من الغرور بشوي دلعها نواره والنوري ونونو ونوني ونوير وكثير .. ابرار : اعقل وحده فيهم عسوله وقمرر عيونها وساع وبنيه وشعرها اسود لاخر ظهرها بيضاء اخت نورا تدرس طب عمرها 19 سنه هاديه ورزينه طبعا مع شوي رجه زي الشله الكريمه <<من عاشر قوما اربعين يوما ..!! السنه هذي بتروح بعثه ع حساب ابوها تكمل طب بامريكا السند والمرجع الاول والاخير لهم في المشاكل عقلها كبير وحكيمه ... لمى : اصغر الشله بيضا قصيرونه مررا تحزن بس حلوه شعرها مقصوص ايمو حساسه وتبكي بسرعه وهذا الي ينرفز رغد والنوري منها بس يتحملونها واوقات ينفجرون فيها ويصيحونها<<لعانه خخخخ عمرها 16 سنه اول ثانوي .. نبدأ:: .....................(الجزء الاول)..................... ايا ضايق الصدر وسع الخاطر دنياك يازين ماتستاهل الضيقه الله على مايفرج كربتك قادر والله له الحكم في تدبير مخاليقه رغد بصراخ :: بنات ابرار النوري لمعوش يالفصعه لحقو نورا مفجوعه :: وشو وش صار علميني بسرعه يلا يلا تكلمي رغد :: تخيلي ؟؟!! لمى:: وش فيه تكلمي بسرعه بلا استهبال رغد بلعانه : امم مقابل ايش؟ ابرار:: مقابل باقي حياتك تكلمي لا انهي عليك الحين رغد :: خخخ طيب جتني خطه خطنطريه نورا :: الله من خطك الي بتودينا بداهيه تكلمي اشوف رغد :: وش رايكم ناخذ ثياب واشمغه وعقالات وخرابيط العيال ابرار :: ايوا اخلصي وش نسوي بهم رغد : ايزي وش بنسوي يعني نلبسهم ونطلع الشارع نلعب كوره ابرار : رغد ..!! رغد : هآآه؟؟ ابرار: انقلعي هناك لا اتوطاك قال نطلع نلعب كوره تستهبلين لو شافنا خالد ولا نواف ولا بدر ولا سحس وش نسوي؟؟؟<<سحس عياره محمد خخخخ رغد :: تيكت ايزي ياعزيزي وش نسوي يعني نحاش البيت نورا :: امم والله مطري اوكي يلا روحي شقه العيال وجيبي الخرابيط واحنا نتظرك بالبلكونه الي عند الدرج الخلفي رغد ترسل بوسه لهم :: امواح قسم انكم كوشخه واحوبكم ابرار: ايه طلع الحب الحين رغد وهي رايحه جهة الشقه:: هههههههههههههه فديتكم طول عمري احوبكم هههههههه >>>عند الجده وخالهم عبد الرحيم <<< عبد الرحيم :: تتوقعين يمه وش فيهم الهبلات ذولي مانزلو الجده : بسم الله ع بنات عيالي مو هبلات ( وتصقعه بالعصى) عبد الرحيم امرنا لله بس تصطريني من تسمعين سيرتهم عبد الرحيم كان جالس وباين انه يبي يتكلم بس مو عارف كيف يبدأ الجده :: ياوليدي بغيت شي بخاطرك كلام وتبي تقوله اعرفك ماتقعد الا وراك شي عبد الرحيم بضحكهك طول عمرك حكيمه يمه الصراحه ايه بغيتك تخطبيلي الجده بفرح : والله الساعه المباركه ياوليدي وانا اعرف الي باخطبها لك عبد الرحيم :: تسلمين يمه عساني لا انحرم منك بس مين هي؟؟ الجده :: ايمان بنت جيراننا عبدالرحيم ::يسلملي اختيارك اسأليهم وانتظرك بردهم عشان نروح نخطب رسمي الجده :: الله يقدم الي فيه الخير عبد الرحيم :: يلا يمه تامرين شي انا طالع الجده : سلامتك ياوليدي >>>>عند البنات<< ..::رغد وجاعه تعالي هنا رغد :: خخخخ وانا اقول وين طسو ذولي ههههههههههه والله فله احد يجلس هنا هههههههههههآآآآآآآآآي (البنات كانو منحاشين ومتخبين بالدولاب الي بالبلكونه عشان محد يدري انهم طالعين) ابرار :: ايه اضحكي اضحكي آآآي احس ضلوعي داخله بعض رغد مازالت منفقعه ضحك : هههههههههههههه والله فله هههههههههههههه يلا امشي جبت العفش نورا: قدام لبسو الثياب وتلثمو واخذو كوره وجوالاتهم وطلعو الشارع يلعبون شافوهم شله شباب وهم يلعبون وجو صوبهم يلعبون معهم رغد : بنات شوفو لعنه جاين وش نسوي؟؟ نورا : والله مدري ياول حالي ويلاه رغد : ويلاه ضاق الصدر ابرار تعطيها كوع بطنها ::كلي تراب رغد : اي وجع يد ولا مسامير نورا ، بنات امشو نحاش رغد : قدام شوي الا واحد جاي جهتهم الولد : يالاخو ممكن نلعب معكم البنات احتاسو رغد تكبر صوتها :: لا الولد :: وشو؟؟ ابرار تكبر صوتها بعد :: قلنا لا وانحاشو وتركوا لكوره وجا الولد يلحقهم بيعطيهم ولمى قامت تصيح والولد وراهم لين وقفوا وقال الولد :: ياخوي نسيت كورتك..!! تفضل. لمى وهي تصيح :: لا خلها معك وروح امانه روح اهئ اهئ اهئ الولد استغرب من الصوت :: انتو بنات ؟؟ نورا تحاملت ع نفسها وقالت : لاخكر ياخي عطنا مقفاك الولد احترم حالتهم لانه باين انه محترم وراح رغد تصقع لمى ع راسها :: انتي عندي خطه وتفضحيننا مالت عليك لمى : وجاعه بس تصطريني وبعدين انا خفت شفتي وش كبره عمى نورا : طيب افرضي واحد من اخويا اخواننا رغد :: بحريقه هو وياهم امشو نرجع رجعو وابرار ميته ضحك عليهم اول مادخلو البيت شافو جدتهم بسرعه خبو الثياب ورا الباب الخارجي ودخلو يسلمون ع جدتهم راحت لمى تسلم جت ابرار سحبتها :: اقول لمعه اذلفي هناك يالفصعه انا الكبيره انا الي باسلم اول ولمى شوي وتصيح :: الله حرام عليكم يعني عشاني قصيره ..؟؟!! نوره بنذاله :: ايه حرام خلوها راعو مشاعرها القزمه خخخخخخ رغد تكمل الناقص :: نوير ورا ماتمسكين رجولها وانا امسك يداتها ونمطها يمكن واقول يمكن تطول لمى تجمع دموعها استعدادا للانطلق نورا :: قدام ابرار تقطعت ضحك وتقول :: حرام عليكم خلاص اسكتو عيب رغد بضحكه :: ايه عيب اصلا لو نربط عصاقيلها بصاروخ ويداتها بالارض ماتطول ملي ههههههههههههههههههههههه الكل : هههههههههههههههههههههههه ماعدا لمى الي جلست تصيح الجده : حرام عليكم عجبكم كذا <<كاتمه الضحكه ماتبي تجرح بنت ولدها البنات باقي يضحكون شوي ويدخل خالهم عبد الرحيم وعبد المجيد بس قبل لانعرف كلامهم نتعرف ع الشخصيات الجديده ( الجده : اسمها شريفه ارمله عسل وطيوبه مره وعلى نياتها عمرها 61 عندها عبد الرحيم : 21 سنه وسيم لابعد درجه احلى اخوانه هو عبد المجيد : 20 سنه طيوب ونكتي درجه اولى مايقول لا ابد دبدوب حبتين ومزيون حسين 25 سنه متزوج هديل مره عسوله وهو فيه غيره زايده وشخصيته متقلبه محسن ابو لمى 35 سنه حبوب بس ماينشاف كثير متزوج ثنتين ام لمى وحده حجازيه اخت هديل اسمها خلود غثيثه وثقيله دم عندها بنت اسمها روينه عبد الروؤف 30 سنه متزوج اشواق مره عسوله عندها بنت ولد اسيل وامير عاد البنات يموتون باسيل سراء عسوله وطيبه بس ينطبق عليها المثل اتقي شر الحليم اذا غضب ام ابرار ونورا خديجه ام رغد عسل وفله نفس اختها بس ع شوي فري واذا عصبت بعدو عنها نورا طيوبه مرره وتحب الكل ولاتعصب بالحيل ابد ) وبكذا انتهينا من الشخصيات الثانويه وطبعا رغد وابرار ونورا ولمى لهم اخوان تعرفونهم باقي القصه المهم عبد الرحيم :: ماشاء الله واخيرا شرفتو..! نورا : اجل تبغوننا منثبرين فوق؟؟ عبد المجيد بضحكه :: لا انثبرو هنا رغد : اقول اخلصو علي ابي اسلم ع خويليني عبد الرحيم : وشو خويلينيك؟؟ رغد : خخخخخ وش دراك انت محفر يعني خوالي بدلع خخخخخ ابرار :: خويليني دلع اجل الحش وشو ؟؟ الكل : ههههههههههههههههه وجلسو يرطنون ويهذرون ويسولفون الساعه 7 قبل العشاء لمى :: اوف طفش نورا :: طفش رغد : زهق ابرار : ملل لمى :: مايضحك رغد : لاتكفين اضحكي نورا :: دقيقه لمو نسلفك ضحك عشان مانتعقد ابرار :: لالا خلونا ندغدغها مانبي نتعقد خخخخخخخخخ لمى :: اوف منكم وطلعت البنات تسدحو ضحك رغد : هههههههههههههه شكلها فلله هههههههههههه ابرار : والله تنرحم هههههههههههههههههههههههه نورا : من جد بس ليتني صورتها هههههههههههههههههههههههه طلعت لمى من عندهم مقهوره وقامت تفر بالبيت تفر تفر ومالقيت شي تسويه ودقت ع اخوها محمد محمد : هآآه خير شتبين انتي؟؟ لمى :: حمودي تكفى ابي اطلع البنات يتريقون علي طول اليوم تكفى الله يخليك طلعني..وقامت تشاهق ..<<ان كيدهن عظيم محمد : طيب مين تكلم ؟؟ لمى :: كلهم واكثر شي رغد اهئ اهئ اهئ محمد معصب :: انا لله من رغد ذي مو مريحتني لا انا ولا اختي طيب طيب ثواني وجاي لمى : اوكي وراحت تلبس وهي رايحه قررت تمر ع البنات وتقهرهم لمى :: يلا بنات توصون شي ابرار باستغراب :: ليه وين رايحه ؟؟ لمى :: باطلع حمود بيمشيني رغد عيونها وشوي وتطلع وشوي انفجرت ضحك : هههههههههههههههههههههههههههههه ه سحس يطلعك هههههههههههههههههههههههههههههه هأأأأأأأأأأي آآآي بطني ههههههههههههههههههههههه البنات استغربو وش فيها ذي ورغد تضحك راحت لمى ورغد على طول قامت قالت وجع تخلف حتى انا ابي اطلع البنات باقي مصدومات ابرار :: رغد سلامتك وشبك؟؟ رغد :: شف بس سحس مطلعها واحنا منثبرين والله لنطلع امشو نكلم العيال نورا :: ايه نكلمهم وسيده يصفون السيارات تستهبلين؟؟ ماراح يجون ابرار ::.. ايه من جد اوف وش نسوي رغد :: امم لقيتها نورا الله يستر وش لقيتي رغد :: ويه تقل باقول لك انتحري وش رايكم وحده تسوي نفسها مريضه وندق ع نواف واذا ركبنا السياره نقول له يمشينا نواف طيب مابيقول لا ابرار : فوككرره خطنطريه بس انتي المريضه رغد : انا لله اخط وافلها واونسهم واخرتها انا المريضه بس كلو لعنون الطلعه يهون خخخخخخخخ ( نواف اخو رغد عمره 15 سنه 3 متوسط هو وبدر اخو ابرار ونورا نفس العمر مرا عسولين نواف طيب مستحيل يرفض طلب وبدر نوكتي وعسل بدر اسمراني شوي ومزيون نواف ايبضاني ومليح احلى شي فيه شعره) دقو ع نواف وجا ونفذو خطتهم وطلعو يتمشون راحو مجمع العرب طبعا اذا وصلو مجمع يفترقون العيال لوحدهم والبنات لوحدهم رغد وابرار ونورا مشو بطريق وبدر ونواف بطريق والبنات يمشون عند الالعاب قرو يركبون الشوايه كان ترتيبهم نورا جنبها رغد بعدين ابرار ومقعده فاضيه بعدين ولد مراهق شكله مسوي كدش تقل هندي مغسل راسه بقاز وبنطلون لو ويست جينز مقطع وبلوزه مدخل طرف ومطلع الثاني شكله باختصار >>مصخخره<< ونورا ورغد يعلقون عليه وابرار ساكته عشانها قريبه ويسمعها وقبل ماتبدأ العبه قام الولد وطب بجنب ابرار ابرار طنشته شوي كذا بنص العبه مسك ايدها وعصبت عليه قالت له :: ياواطي يامنحرف ياقليله النخوه ماتستحي الولد انحرج عشان صوتها كان مرتفع شوي وقال :: وش سويت ابرار بعصبيه :: وش سويت؟؟؟!! تكفى يالبريئ اقول والله لو ماتنعدل انادي السكيوريتي انت وخشتك تقل حارقينك بخيشه سكت واول ماخلصت العبه راح نورا ورغد قامو يعلقون عليه ويضحكون وابرار واصله حدها راحوا ستار بكس وشرو موكا كرانش رغد خذت توفي وابرار فانيلا ونوير فانيلا بعد شوي وهم ماشين جا الولد نفسه ومعه واحد من اخوياه خويه كان كاشخ ع سنقه عشره ع قولتهم شماغ وثوب ونظارات شمسيه داخل المجمع خخخخخخخ المهم كانو ماشين قدام البنات وابو شماغ كل شوي يلتفت وفجأه تعنقل بكاسه ذره وقام يلحق عقاله وطاح البنات فطسو ضحك وراحو تخبو عشان يضحكون رغد : هههههههههههههههههه شفتي شكله هههههههههههه اهم شي التشخيصه نورا ههههههههههههههه وربي شكله حفله ههههههههههههه ابرار :: ههههههههههههههههه يستاهل هو وخويه الصايع الضايع ههههههههههههه شوي جا الولد ابو بنطلون قال لهم :: سمو عليه مشت نورا وناظرته باحتقار :: محد قاله يطول الثوب ويقز بخل الله رغد بشماته :: ولا من زود الجمال تقل بعير معوق ابرار :: اقول لايكثر يالخايس جد شين وقوي عين ومشو وسابوه رغد :: الله لو لمى معنا كان صارت فضيحتنا بجلاجل شوي دق جوالها رفعته وضحكت قالت نورا :: لاذكرت الكلب جهز العصى الكل : هههههههههههههه >>>>ع الجوال <<<< رغد :: خخخخخ هلا لمو لمى :: وجع انتي وياها وينكم رغد :: وين تتوقعين ؟؟!! لمى :: رغد وجع بلا مصاخه وينكم؟؟ رغد :: اولا وجع بطنك ثانيا احنا بمكان موب قايله لك وين عشان ماتجين ثالثا اذا جينا بتعرفين هع سي يا اول ماصكت رغد الجوال جا الولد ابو كدش مشو وطنشوه وبحركه جريئه مسك ايد نورا وحط رقمه وقال انتظر اتصالك ياقمر نورا كبت عليه الموكا وانحاشت هي والبنات الحمام (اعزكم الله) دخلو الحمام ورغد ميته ضحك وابرار تتطمن ع اختها ونوره بنتفجر من العصبيه رغد :: تدرون ماتحسرت الا ع الموكا ههههههههههههه اما شكله ههههههههههه هذا الي كان ناقصه ملابسه مقطعه ونص برا ونص جوا جا الموكا وكمل ههههههههههههه من جد توحفه هههههههه نورا :: مالت بس جو يطلعون سمعو صوته ورا الباب ابرار:: ولي ع ألبي شو بدنا نعمول رغد :: خخخخ الخوف خربط لغتك هههههههه نورا : انتي كله تضحكين خبله ابرار :: بنات والله موب تاركنا بحالنا وش نسوي رغد : امم عندي خطه نورا :: انا لله انتي وخطك دايم تنكبيننا ابرار :: اسكتي خل نشوف رغد :: واحنا طالعين ندف الباب بقوه الين يصقع فيه ونحاش ابرار :: ورا ماتنطمين نورا :: خخخخخخخخخ تخيلي شكله هههههههههههه ابرار :: لالا لقيتها رغد :: وآت؟؟!! نورآ :: احكي ابرار :: نتبادل بالشنط والي تخبي شتنطتها والي تحط لثمه والي تحط رميه رغد :: امم فوكرا حلوه بس انا بتلثم نورا :: يب قسم انش ذكيه انا باحط رميه ابرار :: شفتو كذا العقل ولا بلاش رغد :: يب يب فيه مخ مو ايسكريم خخخخخخ نورا :: يلا يلا خل نطلع غيرو اشكالهم وتلثمو وحطو رميه وتخربطو وطلعو طبعا اول ماطلعو كان بوجههم بس ماعرفهم رغد :: واي وناسه انقلع المتخلف الخكري هو وحزامه تقل منسم كفر سيارتهم ورابطها ع خصره نورا :: ولا ماشفتي الكشه تقل سلك مواعين ابرار :: كله كوم والموكا كوم ثاني هههههههههههه تسوقو وشرو اغراض وبعدين دقو ع نواف وبدر ورجعو البيت اول مادخلو لقيو لمى معصبه واصل حدها لمى :: بدري؟؟؟!! رغد :: تصدقين كان ودي نتأخر بس خفت تنجلطين خخخخخخخ نورا :: خلاص بلا هواش ابرار :: لمعه جبت لك هديه لمى راحت اخذت من ابرار هديتها كانت عباره عن تعليقه جوال ناعمه عليها حرف ال l لونها فوشي زي لون الكفر تبعها رغد راحت تاخذ شاور ونورا تغير ملابسها وابرار ع التلفزيون ولمى تقيس ملابسها الي شاريتها مع اخوها وبعدها كلن راح ينام ( آيه نسيت اقول لكم آهل البنات مسافرين لانها صيفيه وتاركينهم عند جدتهم الي عندها دور ثاني مقسوم لشقتين كانت تأجرها الاولى حطتها للبنات والثانيه للشبا الي هم بدر ونواف تعرفنا عليهم من شوي وخالد : 20 سنه اخو ابرار ونورا وبدر طيب واوقات ثقيل دم بس راعي فزعات وخلوق وخواله يحبونه مملوح يدرس طب محمد اخو لمى 18 سنه غثيث غثيث غثيث اتعب وانا اقول غثيث طول الوقت مناقر مع البنات يلقبونه سحس اسمر ونحيف معصقل مو ذاك الزود جماله <<باختصار جيكر يوسف : اخو رغد ونواف عسل مره طيب وحنون عمره 13 سنه مملوح الي يميزه عيونه وساع وعسليه مره حلوه ونحيف مررآآ) عند الشباب بدر :: نواف بالله عطني الرموت الدلخ ذا شكله خايس بنومه نواف :: خخخخخ والله صادق دقيقه اجيبه ويسحب الريموت بشويش من يد محمد وجلسو يتابعون فلم جا يوسف وتوه يقوم ويفرك بعيونه :: نواف بدر نواآف وبدر : هآه؟؟! يوسف جوعان ابي اكل العيأل : رح خذ من المطبخ جايبين من كنتاكي رآح يآكل وشوي دخل خالد :: يلا ياشباب ودكم نطلع نصيد نواف وبدر نقزو :: قدآآآآآآم وراح بيصحي محمد قال بدر لا وقف انا اقومه وخر خالد وجاء نواف وبدر: محمد محمد محمد محمد محمد محمد محمد محمد محمد محمد محمد محمد محمد محمد محمد محمد محمد محمد محمد محمد محمد <<بصوت مزعج محمد رمى عليهم المخده:: خير وشتبون ياملاعين العيال :: محمد محمد محمد محمد محمد محمد محمد محمد محمد محمد محمد محمد محمد محمد محمد محمد محمد محمد محمد قام واخذ المخده والشرشف :: لابوكم لابو من ينام عندكم ودخل الغرفه وصك الباب جا يوسف بفمه اكل :: وش فيه؟؟ العيال امش بنروح نصيد بعدها نروح مزرعتكم وطلعو يصيدون .............................. .............................. ........................ الساعه 5 العصر الجده :: ابرار رغد نادو خواتكم خلوهم يجون ابرار :: ليش ياجده؟؟!! الجده :: خالك عبد الله بيجي .. رغد وابرار :: آهآآآ (عبدالله خالهم من جدهم يعني مو من جدتهم شريفه عمره 41 سنه متزوج وعنده بنتين و3 اولاد رؤى 18 سنه رهف 9 سنوات رائد 17 سنه عبدالعزيز 15 سنه خالد 6 سنوات) رغد :: اوف ياكرهي لهم بالذات ذاك الضفدع رائد وعقرب الرمل رؤى اف ابرار :: خخخخخخخ انتي تكرهين كل الخلق وبعدين ضفدع وعقرب رمل وشو حديقه زواحف ولا بيت جدتي ههههههه رغد :: ههههههههههه الله يرج ابليس بس امشي ننادي البنات >>عند لمى ونورا<< نورا :: يآآويلك ياسواد ليلك لو رديتي لمى :: اوف كلها كلمتين اهاوشه واصك نورا :: ايه عشان ياخذها حلى اقول والله لو تردين لارد المويا بنحرك فاهمه؟؟ وبعدين انتي بنت اصول ومتربيه مايصير تسوين هالحركات لمى :: نوير وش بسوي يعني بس بارد عليه هو مزعجني نورا :: ردي عليه وهو اخر يوم بعمرك وطلعت معصبه وصكت الباب ع جيت ابرار ورغد ابرار :: النوري وش فيه رغد :: يالهوي فيك ايه يابت احكي بقى يلا ماتحرئيش اعصابي نورا :: لمى الزق رغد :: وش سوت؟؟؟!! نورا :: مدري عنها واحد مزعجها وردت قال احبك ولصقت فيه ودي اذبحها رغد :: اوما عاد؟؟!! ابرار :: مستحيل .. @_@ <<بقت عنونها خخخخ نورا :: والله العظيم وراحو يشوفون للمى لقوها تهاوش رغد :: اقول وخخري مناك هاتي الو؟؟!! المزعج :: هلا بالصوت رغد :: هل موتك يالبعرصي خير وش تبي؟؟ المزعج :: بل وش فيك معصبه روقي رغد :: اولا بل بطنك بموية نار ثانيا مالك شغل فيني وكل تراب ثالثا خلك تدق مره ثانيه اقص بك فاهم؟؟؟ سلام وصكت بوجهه ناظرت البنات متصطحات ضحك رغد :: سلآلآلآمآآت؟؟؟!! جآلسه انكت انا؟؟ ابرار :: ههههههههههههههههلآلآ ههههههههههههبس كل هههههههههههه كل مكآآلمه ههههههههههههه لازم آولا وثانيا وثالثا هههههههههههههههههههههههههههههه ههههههههه البنات افقعو ضحك ورغد قالت والله كيفي بعدين سكت شوي وضحكت معهم هههههههههههه صدق اني هبله هههههههههههههههه بعد فتره هدو من الضحك قالت ابرار :: اقول بنات البنات : لبيه ابرار:: ورا مانروح شقه العيال ونبش باغراضهم جوالاتهم وخرابيطهم رغد استانست :: قدام اهم شي جوال سحس ابي اطلع فضايحه هع هع هع هع لمى ناظرتها بقهر :: يعني اخوي الي عنده فضايح واخوانكم نظيفين؟؟ ................( الجزء الثاني)................. ياصاحبي تطمن داخل القلب ذكراك غلاك في صدري مع الدم جاري --------------------------------- رغد :: والله ياماما مو اخواننا الي اربع وعشرين ساعه الجوال باياديهم ولايوطونه الا باس ورد خمسطعشر رقم اقول فارقي بس يلا صبايا ومشو فتحو الباب شوي شوي الين تطمنو انو مافي احد بالبيت وقامو يقلبون ويفتشون نورا:: هذا وهم عيال شقتهم مرتبه اجل لو يجون شقتنا بينتحرون هههههههههههه ابرار أي والله من جد هههههههههههههه رغد :: اوص بس بلا فضايح ههههههههه لمى :: مين قال قسمي نظيف رغد :: جتنا سيده كآبه خخخخخخخ يلا بس خل ندور ع شئ ولا شئ قبل يجون وهم يمشون شافت ابرار غرفه مقفله فتحتها مانتبهت للي نام بسبب صغر حجمه وقامت تحوس وتدوس فجأه تحركت البطانيه ابرار طلعت تصارخ :: جني جني جني البنات قامو صراخ :: وآآآآآآآآآآآآآآآآآآآآآآآآآآآآآ آآآآآآآآآآآآآه جني محمد انرعب وقام يحوس ع الجني وهم يتراكضون ونزلو تحت وتشعبطو بجدتهم لمى تصيح :: ياجده لحقي علينا اهئ اهئ اهئ رغد بحماس :: جده فاتك ابرار شافت جني وناسه ابرار تصقعها ع راسها :: وناسه بعينك قلبي كان بيوقف نورا :: من جد جني ولا تستعبطين ؟؟!! ابرار :: احد يستعبط بهالسوالف شوي الا ومحمد داخل عندهم قامت لمى تصارخ :: الجني جا واه رغد وابرار ونورا ماتو ضحك :: هههههههههههههههههههههههههههههه هههههههههههه نورا :: اذا الجن كذا الحمد لله اننا مانشوفهم هههههههههههه ابرار :: يمه يمه لحقو علي جني قزم هههههههههههه مسخوط ههههههههههه رغد :: حشى ذا حتى الجن تبرو منه ههههههههههههههههههههههههههه لمى عصبت لان الكلام على اخوها والجده تقطعت ضحك محمد يوم شافهم يضحكون كذا قال:: سلامات؟؟!!شايفين جني؟؟ البنات :: لا شايفين سحس هههههههههههههههههه وجلسو تعليق وناسه لاخر اليل مع جدتهم قبل لاينامون البنات رغد :: بنات..!! البنات :: هلا رغد :: تتوقعن ليش ماجا خالي عبد الله اليوم هو وعياله؟؟ ابرار :: مدري نورا :: فكه اصلا مين يبيهم غثه لمى ::أي من جد ونامو على العصر قامو البنات ونزلو لقيو خالهم عبدالله وعياله شافو رائد موجود ورجعو يوم راح نادوهم وجو سلمو ماعدا رغد الي رفضت رغد :: انقلعي ماباروح ابرار :: اقول امشي وش يقولون خايفه رغد الي ماتحب احد يوصفها بالخوافه:: يخسى اخاف منه ابرار ضربت ع الوتر الحساس:: الا بيقولون خايفه تخاف تسلم ع خالها خوافه رغد وجع ماسكتني من ايدي الي تعورني يلا مشينا وراحو سلمو راحت لمى تشرب مويا يوم دخلت المطبخ لقيت رائد وعلى طول رفعت جلالها ع راسها رائد :: السموحه يابنت العم لمى :: لا لا ماصار شي ورائد رفع عينه بعرف منو وشاف لمى جلس يتأمل لمى ولمى تناظر رائد تولدت شراره حب كافيه باغراقهما في حب بعضهما الحب الذي لايعرف للانتهء سبيلا الحب ذالك الشعور الغريب الذي لانشعر به مع الكل الحب الذي طفشونا به في الروايات لدرجه اني كرهته <<صدق خربت الحظه خخخخ المهم جلسو يبحلقون بعض نص ساعه مارمشو<<متأكده انها عيون ؟؟!! وفي الاخير انتبهو لصوت نورا وهي تمشي وتصارخ :: وانتصرنا والناصر الله عاشو فزت انا فزت فديتني اها اها أي لوف مي اها اها عاشو يمين يسار روح روح وتلفح براسها<<<هزمت نواف بالبلاي ستيشن راح رائد طلع ولمى مكانها تتأمل الفراغ الي خلفه وجود رائد لمى بخاطرها :: معقوله هذا هو الحب <<أي قسم معقول انا حبيت آآه بس يارائد لو تدري اني احبك ..<<كملو بخرابيط الرومنسين حقتكم عند الشباب رائد كان جالس معهم بجسمه اما عقله وقلبه وروحه مع هذيك الانسانه الي دخلت حياته وقلبه معقوله هذا هو الحب ما اول نظره بس انا كنت العب معها وانا صغير دايم تلفت انتباهي ياه يالمو يانك احلويتي لازم اكلمها واقول لها لازم فجأه كذا مايدري الا وهو غرقان بالمويا واصوات ضحك الشباب عليه وخالد يضحك ::تستاهل اناديك اناديك ماترد هههههههههههههه رائد:: تدري انك سخيف؟؟؟ خالد : شكرا ع المجامله ههههههههه >>>عند البنات بالصاله <<< ...::: لمى لموعش ليمو لمو لملم ميمي ميمو وجع وصمخ ردي رغد// برو سيبيها خبله نورا تصفقها ع خشتها :: الي ماخذ عقلك لمى :: اوف منكم وراحت البنات استغربو وش فيها ذي؟ يوم طلعت لمى راحت فوق شقتهم شوي ويدق جوالها رقم غريب لمى بصوت مرتجف :: أ أ أ الو؟؟ المتصل :: هلا هلا وغلا بلمو لمى :: نعم؟؟ منو معي؟؟ المتصل :: لمى ابي اقول لك شي لمى :: لو سمحت وش عندك؟؟ المتصل :: لمى انا..انا..انا احبك والله العظيم احبك من يوم كنا صغار ونلعب سوا واليوم يوم شفتك قلت لازم اصارحك يالمى من جد صدقيني انا اموت فيك يوم شفتك حسيت بشعور غريب حاولت اتجاهله بس ماقدرت اخذت رقمك من جوال رؤى ودقيت عليك لمى منصدمه من الكلام وماتكلمت::.... المتصل :: لمى انا رائد ماعرفتيني؟؟ لمى من هول الصدمه صكت بوجهه وضمت جوالها وقالت بقلبها:: يالله معقول رائد حس؟؟ رائد يحبني الله لوتدري وش كثر احبك انا لازم اعترف له واقول له تفاجأت بصوت مسج فتحته لقت مكتوب فيه احبك حب ماقدر اعاند فيه احساسي لقيت الحب شي اكبر من اني اخذ انفاسي يوم شافت المسج قالت انا لازم اعترف واتكلم كتبت له احاول اخفي احساسي ولكن بالعشق مفضوح اشوف الحب شي اكبر واحبك بالعقل والروح رائد يوم شاف المسج طار عقله وارسل رد علي بدافي الصوت لاأموت.. عطني حنان الصوت لوماتجيني!! ياليت ماأسمع غير صوتك ولاصوت...!! صوتك يحرك كل الاحساس فيني... وش ينفعك لاجتك... ~روحي~ فتابوت وقالوا: ~توفي~ ومطالبه كآن..."صوتك"... (بدق عليك بعد شوي وردي ) ثواني الا وجوالها يدق قام قلبها يدق معه وردت الو رائد : هلا والله هلا بالصوت وراعيه الصوت لمى : تسلم هلا بك وجلسو يسولفون الين الفجر في الغرفه الثانيه عند التلفزيون رغد :: ودان دان الي دان داني واويلوه ابعد عن الشر ياعمري واغنيلو يلا اغنيه بحرف الواو نورا :: ويلاه ضاق الصدر وماذكر يسأل علي ويلاه يلا اغنيه بحره الهاء ابرار:: هلي لاتحرموني منه وهلي لاتبعدوني عنه رغد:: ماتلاحظون كلها لراشد خخخخخ نورا :: وه بث ياراشد عليه صوت خق ابرار :: صوت ايه اما شكل اللهم لاشماته ههههههههه رغد :: من جد يسوي شفط دهون لخدوده وتصغير لخشمه يطلع توب نورا:: من جد كل هالفلوس يشتري بها جنوز واشمغه مقطعه من ابو عشره خخخخخخخخ البنات ::هههههههههههههههههههههههههههه ه >>>>>عند العيال <<<<<< نواف : اقول بدر بدر :: سم نواف :: سم الله عداوينك...ماودك نروح المزرعه مع الاهل جمعه وفله بكره؟؟ بدر :: والله فكره حلوه نكلم جدتي ونشوف في هذا الوقت زي كل يوم الجده شريفه تجلس تصلي قيام اليل الين يقرب اذان الفجر...... -------------------------------...----------------------------------- قبل صلاه الظهر قامت ابرار وراحت تقوم البنات عشان يتجهزون للصلاه لانه مابقي عليها الاشوي ابرار:: نورا قومي يالكسلانه يلا صلاه نورا:: همم شوي بس ابرار:: رويغد يالدوبا قومي قومي( تسحب البطانيه) يلا ياوطه قومي رغد :: مناك لاصقعك بهذا الشي ابي انام مانمت الا نص ساعه ابرار:: نص ساعه يالظالمه من الساعه 3 الفجر نايمه قومي لمى لمو قومي يلا يلا لمى:: قمت قمت وخري بس قامت نورا ورغد بعد مصارعات ع الاذان بعد ماصلو نزلو تحت ع صوت الزغاريد رغد :: لا اله الا الله مين مات؟؟!! نورا تعطيها طراخ :: مات بعينك مسوين عرس تقولين مين مات مالت عليك ابرار ولمى فطسو ضحك:: ههههههههههههههه رغد :: لا جد عرس مي مين انخطب؟؟!!(تلتفت ع نورا ) يالنوري الف مبروك انخطبتي نورا:: اذلفي لا ادوسك من اليوم ترطنين مدري شتقولين شكلهم خطبو لخالي..!! البنات راحو ركض ع الصاله ابرار :: ها وش فيه؟؟!! لمى :: من جد تفقعت اذانينا نورا :: وش صاير؟؟!! رغد :: مين من خوالي انخطب؟؟!! عبد الرحيم:: يالفالحه احنا نخطب مانخطب وبعدين احم احم انا خطبت البنات :: لا نصاب كلولولولولولولولولوليش ابرار:: تصدق ياخال حسبتك بتعنس خخخخخخخخخخخ الكل :: هههههههههههههههههههههههههههههه ههه عبد الرحيم ::الي بيقعد معكم يروح عقله ع اذنكم باروح ابشر مجود الكل :: اذنك معك رغد ونورا:: وخشمك هنا خخخخخ بعد ماراح عبد الرحيم جلسو البنات يسولفون ع جدتهم ويهذرون >>>>عند الشباب<<<< عبد الرحيم :: السلام الشباب :: عليكم السلام عبد المجيد :: ها وافقو؟؟ عبد الرحيم بحزن مصطنع :: والله مدري شلون..!! بدر ونواف:: ها ياخال لو لرفضو والله نوريهم خالد :: معليك ياخال تروح وحده وتجي الف وانت الف من تتمناك عبد الرحيم كاتم الضحكه ::: الله المستعان بس عبد المجيد :: انا لله قلبتوها عزا ( يلتفت لعبد الرحيم ) وافقو ولا لا اخلص؟؟! عبد الرحيم انفجر ضحك :: ههههههههههههه الله بس لو تشوفون وجيهكم هههههههههههه كانكم انتو الخاطبين مو انا هههههههههههه لالا ابشركم وافقو...!! عبد المجيد :: زين زين لعبت باعصابنا هذي جزاتنا الا دعواتك عسى بس اخطب قبل ماتزوج بدر :: تصدقون حسيتكم بنات ههههههههههه نواف :: هههههههههههههههههه عقبالنا هههههههههههه بدر :: اقول نواف خل نزل نكلم جدتي نواف :: أي والله ذكرنتي قدام نزلو عند جدتهم وسلمو عليها نواف :: ياجده ..!! الجده :: هلا ياوليدي نواف :: الله يسعدك طلبتك لاترديني ابي نطلع بكره المزرعه الجده :: اطلعو احد ماسكم بدر :: لا ياجده مو بس احنا نبي ناخذك انتي والبنات وخوالي ونشوي ونستانس من زمان ماطلعنا سوا الجده :: والله مدري ياوليدي بس اسألو خواتكم ونشوف بدر ونواف يسلمون ع راسها :: الله لايحرمنا منك وطلعو عند البنات بدر :: ابرار نورا رغد لمى :: ايه ابرار ونورا ورغد وانا ..؟؟!! رغد :: خخخخ انتي بنت البطه السودا خخخخخخخخ هلا بدير وش بغيت بدر :: بدير بعينك اصغر عيالك انا ؟؟!! رغد :: طيب اسفين وش تبي استاذ بدر؟؟ بدر :: ايه ادب نورا :: لا نحو خخخخخ نواف:: اقول بلا استخفاف ابرار:: معليك منهم مخفات وش بغيتو نواف:: نبي نطلع المزرعه نورا ::: والله وناسه من زمان مارحناها رغد :: واي فلله نسبح صح؟؟ بدر :: اوكيك تسبحون نواف:: يلا بكرا العصر تكونون جاهزين اوكي؟؟!! البنات :: اوكي وراحو عند العيال والبنات جلسو يخطون ويطلعون ملابسهم ولمى تكلم رائد >>>>ع الجوال<<<< لمى :: ايه بنروح المزرعه تو نواف وبدر قالوها رائد :: جد؟؟!! اجل باجي المزرعه لمى :: والله؟؟!! وناسه رائد :: مستانسه عشان بتشوفيني لمى استحت::..... رائد :: الو لمى ؟؟ لمى :: معك رائد :: ياقلبي ع الي يستحون لمى تصرفه :: رائد عن اذنك بروح اجهز اغراضي رائد :: ههههههههه عاش مصرف يلا اذنك معك باي ياروحي لمى :: باي ياقلبي وراحت عند البنات رغد:: اقول انقلعي هذي حقتي انا نورا :: اذلفي لا اصقعك حقتي انا ابرار :: لا لك ولا لها لي انا رغد تخصرت :: لا والله ابرار تقلدها :: أي والله نورا :: وش رايكم نتركها البنات :: احسن بعد لمى :: وش فيه ؟؟!! رغد :: بدري ياروح امك مين كنتي تكلمين؟؟ لمى احتاست :: امم وش دخلك كنت اكلم صديقتي نورا :: اها زين انقلي تجهزي شوي ونمشي العيال في الطريق لمى:: اوكي بعد نص ساعه وصلو العيال وحطو الاغراض بالسيارات وينتظرون جدتهم شريفه والبنات عشان يحركون بدر :: اوف من ذولي البنات صدق مخفات ماخذين اغراضهم كلها ماينعطون وجه نواف :: اعوذ بالله والله لو مسافرين (وبصراخ ) رغد ابرار نورا بسرعه امشو وجع رغد نازله من الدرج :: شوي شوي سمعتو الجيران هالحين بينزلون ينتظرون جدتي مالت عليكم ع الاقل كملو جميلكم وخلونا نتمشى بروقان بدر :: ول خلاص اسكتي كليتينا بقشورنا نواف :: اسمعي انتي وانورا وابرار ولمى معنا بالجمس وجدتي بتمشي مع محمد وخالد بالكامري اوكي عشان ماتقدر ع السياره الكبيره رغد :: اها اجل ثواني(وسوت نفسها تلف) بدر:: هي ماحسبنا احد ينزل ارجعي وين؟؟ رغد :: بروح أأمن ع نفسي اخاف تصدمون فيني خخخخخخخخخخخخ يلا مشينا بعد دقايق نزلو البنات وجدتهم ركبو نورا وابرار ولمى ورغد مع بدر ونواف بالجمس والجده شريفه مع محمد وخالد بالكامري >>>>في سياره بدر ونواف <<< نورا :: بدر شغل ويلاه تكفى بدر :: نو نو نو نو ابرار :: اوكي شغل عسى مايوحشك غالي بدر :: نايمه الاغنيه لمى :: لالا شغل وش جاه رغد :: اقول شغل ال fm بدر :: اوكي بس اسكتو شغل الfm وكانت اغنيه ويلاه نورا قامت تصارخ :::ويلاه وناسه وجلسو مهاوشه ع الاغنيه كلن يبي اغنيه شكل الين وصلو المزرعه وكانوا لجده والعيال سابقينهم لان بدر ونواف قامو يفرفرون ويستعرضون في المزرعه وبعد مارتبو الاغراض وجلسو راحو نورا ورغد يلعبون مراجيح <<بزران خخخخخ ولمى وابرار يسولفون مع جدتهم نورا بعد صمت طويل بعد ماطفشت :: اقول رويغد رغد :: هآآ؟؟!! نورا ::هويتي وش رايك نشغل اغنيه ونخلي نواف وبدر يرقصون رقصهم يضحك رغد الي عجبتها الفكره :: قدام ونخبي كاميرا الفيديو ونصورهم ههههههههههههههه نورا :: اوم العانه هههههههههههههه قدام وراحو شغلوا غنيه وخلوهم يرقصون ويستعبطون وصوروهم وجدتهم تضحك ع خبالهم يوم جلسو يرقصون سابما مع العيال نفس الحركات وبعدين قامو يصورونهم وهم مايدرون شوي طبت عليهم ابرار :: بع وش تسون؟؟ رغد :: نصور العيال نخليه ابتزاز لهم في المستقبل خخخخخخخخخ نورا :: والله لنذلهم نقول بنزله باليوتيوب خخخخخخخخ ابرار :: هذا وهم مطلعينكم ههههههههه اما لمى كانت في عالم ثاني لان بيت خالهم عبد الله وصلو وشافت رائد فماكانت حولهم كل تفكيرها فيه جت رؤى وسلمت عليهم ويوم وصلت عند نورا قامت نورا تناظرها باحتقار ولفت عنها وقال باستحقار:: معليش انا ماسلم ع حثاله ابرار امسكت ضحكتها ورغد فقعت ضحك :: هههههههههههههههههههههههههههههه هههههههههه قويه هههههههههههههههههه ويوم شافتهم يناظرونها اسكت بعد السلام واخذ العلوم والاخبار دق رائد ع لمى >>>>>>>>>>ع الجوال <<<<<<<<<<<<<< رائد :: هلا وغلا لمى :: هلا فيك رائد:: كيفك حبيبتي؟؟ لمى :: الحمد لله وانت؟؟ رائد :: بخير دامك بخير بعد ثواني من التردد قر رائد يقول الي باله والي فيها فيها رائد :: لمو ممكن اطلب طلب؟؟ لمى :: آمر رائد :: مايامر عليك عدو بس ابي اتمشى معك شوي لمى ::شلون؟؟ رائد :: لمو حبيبتي تكفين لاترديني اول مره اطلبك وبعدين محد درى مشغولين بالعشا نزل عند الشجر شوي اسولف معك واشوفك لو خمس دقايق تكفين لمى :: والله مدري رائد:: لمو يلا عاد بلا دلع لمى :: اوكي طيب خمس دقايق بس لا اكثر ولا اقل رائد :: موافق يلا انتظرك لمى اوكي ثواني ونازله طبعا المزرعه مقسومه قسمين قسم صغير فيه غرفتين ومطبخ وحمام صغيرون ومسبح كبير شوي ورعدين درج وينزل ع الشجر وبجنبها ارض خلا جلسو فيها الرجال يشون ويخيمون والحريم في الغرف نزلت لمى وكانت لابسه بنطلون جينز غامق وبلوزه فوشيه طويله ماسكه وجزمه (وانتو بكرامه) كراش سودا ولابسه عبايتها بس فاتحتها اول ماشافها رائد بلم وجلس يناظرها لمى استحت :: رائد مطول؟؟؟ رائد انتبه ع عمره:: ها.. لالا يلا مشينا وجلسو يتمشون ويسولفون واخذهم الوقت وجلسو لين الساعه ثمان باليل طبعا هم طلعو من المغرب لمى :: يؤيؤيؤيؤ اخذنا الوقت سوري رائد لازم امشي رائد :: مع انه ماودي لكن عشان ماينتبهون الله معك راحت لمى عند الحريم ورائد رجع عند الشباب لمى كانت الارض موب سايعتها من الفرح وهي راجعه شافتها ابرار وشافت رائد يتسلق الشبك وطالع برا المزرعه وشكت بالموضوع بس قالت خل نرجع البيت واتأكد بنفسي في الجلسه تبع الحريم الجده :: بنات وين خواتكم رغد:: انا خارج الموضوع ماعندي الا اخت وحده ومنطوله مع امي مسافره يعني حرره نياهاهاهاها نورا :: اوختي مطري وين طست ( التفت لرغد )وبعدين احنا بحسبه خواتك يافشخه الجده :: هههههههه الله يصلحكم رؤى بتريقه:: ونعم الخوات رغد :: أي قسم انهم اطلق خوات ولو رفعو ضغطي باطلقهم نورا بشهقه مصطنعه : مالت تطلئيني دنتي مالكيش امان خالص خخخخخخخخخ رغد تكمل المسرحه :: ماتصدأيش ياحبيبتي دنا بموت فيكي نورا بتمثيل بزياده :: اها اخيرا اعترفتي ياحقه الجده :: هههههههههههههه يالله في صلاح الذرى ههههههههه ابرار كانت توها داخله وجهها متغير نورا :: برو وش فيك؟؟ رغد :: ابرار وش صاير؟؟؟ ابرار كانت بتقول بس يوم شافت رؤى قررت تقول لهم بعدين :: ها..لالا مافيني شي بس شوي دوخه رغد :: يوه خساره مابتسبحين معنا نورا:: ياحسره ابرار:: خخخخخخخ خيرها بغيرها اصلا مابي وكانت طول المشيه مركزه نظرها ع لمى بعد ماسولفو راحو يسبحون بعدين كل وحده اخذت شاور وتوزعو الي راحت تنام والي تتابع التلفزيون ماعدا ابرار الي ماقدرت تنام تفكر بلمى وايش الي خلاها تسوي كذا وهل تعلم البنات ويساعدونها ولا بيكبرون الموضوع ابرار :: يارب ساعدني آآه ياراسي وش الي صار بالدنيا ابد ماتوقعت لمى تسوي كذا بس الصباح رباح ونامت بعد تفكير وتعب طويل الساعه 4 العصر بدر:: يلا يلا مشينا كل شي بالسيارات وبيت خالي عبدالله راحو البنات :: انشاء الله ومشو ع البيت ++++++++++++++++++++++++++++++ +++++++++ بعد الاحداث باسبوعين وخل اختصر لكم الي صار خلال هالاسبوعين 1\ رمضان مابقى عليه غير كم من يوم 2\ البنات محتاسات ماجهزو للعيد والعيال فصلو ثيابهم من قبل ورافضين ينزلونهم السوق لعانه عشانهم رفضو يجهزون للعيد وجلسو يشترون لملكه عبدالرحيم بداله وقرو يخلون اغراض العيد لاخر رمضان ماعدا ابرار الي رفضت تقول مايصير العشر الاواخر نفرفر بالاسواق 3\ عبد الرحيم خطب رسمي وملكته بكرا 4\امهات البنات دقو عليهم وقالو لهم انهم بيجون بدايه رمضان يسلمون عليهم وهم طايرات من الفرحه لانه اكثر من شهر ماشافوهم >>>>>>>>>>في شقه البنات<<<<<<<<<< نورا:: بنات بليز خل نسهر اليوم رغد نطت :: ايه وعلى قوله المثل سهرتنا اليله خلوها صباحي نورا :: حلوه محبتنا وفيها الهوى صاحي طينيون طينوين عاشو رغد :: على قلبي يمين يسار روح روح روح واسسببح ههههههههههههههههههههههههه نورا :: هههههههههههههههههههههههههههههه ه ابرار :: الحمد لله والشكر تبون اسهرو بروحكم انا بانام لمى :: انا باسهر معكم رغد تنرفزها:: سوري قلبو مانبي بزران نورا :: يب يب تفضلي آوت لمى :: اوف منكم محد يفهمني غير ابرار نورا :: روحي لابرار خليها تفهمك وتكتب لنا ملخص عشان نقله بعدين ومانتوهق معك خخخخخخخخخ رغد :: يلا بسرعه قبل يخلص الدوام خخخخخخخ لمى :: مالت بس واحت عند ابرار ابرار استغلت الفرصه وقررت تتكلم وتقول للمى وتسألها عن السبب مو معقوله يطلعون من نفس المكان كذا صدفه ..............(الجزء الثالث)............... من جآآ يجي ومن رآآح مآقول رآآح طبعي كذآ مآ آهتم مآهو تبآهي ابرار بعد تفكير :: لمى باسألك سؤال وابيك تجاوبيني بصراحه ولا تخبين عني شي لمى :: تفضلي اسألي ابرار بتردد:: وش بينك انتي ورائد كانت شهقت لمى كافيه انها تفهمها كل شي وابرار مو غبيه تطوف عليها هالشهقه بدون استيعاب ابرار كررت السؤال بس هالمره بحده شوي :: لمى انا قلت لك وش بينك انتي وياه انا ماراح اعلم احد بس تكلمي لمى تركت لدموعها الطريق لتكسر صمتها المريب بشهقات وانين لمى من بين شهقاتها:: والله العظيم ماسوينا شي خطا بس مشيت معه وسولفت يابرار والله ابرار الي انصدمت من الكلامك وشلون؟؟؟!!!! وتقولين بس بعد لمى انتي عصيتي ربك وخنتي ثقة اهلك فيك وتقولين بس؟؟؟!! ماكان هذا العشم فيك يابنت الخال لمى زادت بالصياح بعد الي سمعته:: والله العظيم اني اعرف اني غلطت بس احبه يابرار ليش ماتفهموني ابرار بتعصيبه خفيفه:: وشو مانفهمك هذا شي ينفهم بالله؟؟ تحبينه؟؟!!طيب ليش ماتكلمتي انا كنت راح اساعدك تتخطين حبه بدون اخطاء ليش يالمى ليش والله ماتوقعتها منك باقي احبك ولا طحتي من عيني ان كنتي تفكرين بهالشي بس صراحه خيبتي ظني فيك افرضي كان يلعب عليك لمى باندفاع:: لا مستحيل رائد يحبني وبعدين هو ولد عمي سمعته من سمعتي ابرار :: لا ياماما مو سمعته من سمعتك هو ولد وشايل عيبه بجيبه ع قولتهم بس انتي بنت ع العموم انا كنت ابي افهم السالفه واذا مانعدلتي راح اقول لنورا ورغد ويحاولون معك وانا ماراح اترك ابد وهذا وعد مني لمى اكتفت بانها رمت نفسها بحضن ابرار وابرار ماقاومت بالعكس زادت من اهتمامها فيها لانها حستها طفله ماتفهم الخطاء (((يابرار تتوقعين راح تقدرين ع هالحمل الثقيل ؟؟؟!! وانتي يالمى راح تنعدلين؟؟؟!! نواف وبدر والعيال وينهم فيه مختفين؟؟؟!!يمكن وراهم شي؟؟!!ورغد ونورا وش تنتظرهم من مغامرات وتهورهم راح ينتهي ولا لاتحمد عقباه ؟؟!!والفيديو الي مصورينه راح يستغلونه؟؟ ولا بس مزح ولعب ؟؟!!راح نشوف بعدين)) اليوم المنتظر يوم ملكه عبد الرحيم البنات كانو اكشخ كشخه ابرار كانت لابسه فستان طويل لف لونه تركواز وفيه شك ناعم بالون الوردي الفاتح ماسك من عند الصدر ويوسع ع تحت شكلها مرره جنان وحاطه مكياج تركواز وردي مرا نعوم وفاكه شعرها ومستشورته وحاطه اكسسوار ناعم بالون الفضي مطعم بكرستالات ورديه باختصار قمرر لمى لابسه فستان فوشي قصير فيه حزام عريض من النص ساتان واكسسوار ع شكل قلب ع الحزام ومسويه بوف ناعم وشكلها بنوته رغد ونورا الاخوات مطقمين فساتين لونها اسود وفيها حركه بالون الفضي شكلها جنان رغد عشان شعرها بوي ماقدرت تسوي تسريحه فاستشورته وحطت اكسسوار نورا طول شعرها كان مناسب وسوت شنيون بسيطه بس مطلعها جنان دخلت نورا عند ايمان قبل الزفه نورا:: هايو ايمو كيفك ياعسل ايمان:: هلا النوري والله خايفه مدري شسوي نورا بضحكه :: عادي حبيبتي خالي مايعض هههههههه ايمان :: ناقصه تريقتك انا نورا :: سوري حوبي يلا اجهزي ثواني ويزفونك يائمر ايمان :: النوري والله خايفه نورا:: يابنت الحلال اصطلبي ماعليك بس تنزفين وتسولفين معه شوي تعاملي معه كانه بوي فريند خخخخخ ايمان :: لاياشيخه يوه الله يستر شكلي باصيح واسيح الكحل واخرب الشغل حق الكوفيرا ههههههه نورا :: لا والي يرحم والديك مانبي نفجع خالي هههههههههه ماحسبنا ع الله يخطب خفنا يعنس ههههههههه ايمان :: ههههههههههههههههههههههه شوي جت ابرار :: يلا يلايلا باقي تهذرون اطلعي ايمانو بدت الزفه طلعت ايمان وقلبها يدق يدق يدق اقوى شي والبنات يضحكون عليها مسكينه شوي ويدخل عبد الرحيم والابتسامه شاقه الحلق باس جبينها:: مبروك ياعروس ايمان بخجل :: الله يبارك فيك جلسو البنات بعد ماطلعو جدتهم وام ايمان جلسو يسولفون ع خالهم وزوجته وعبد الرحيم يعطيهم نظرات يعني اطلعو وهم فاهمينها بس يستعبطون ويوم وصلت المواصيل مع خالهم قال بتعصيبه خفيفه ::اقول بنات ماودكم تلمون قشكم وتطلعون ايمان حمرت وصفرت وزرقت رغد استغلت الفرصه:: نو نو نو عشان يخلى لك الجو تبطي شوف البنت قالبه اشاره مرور خخخخخخخ نورا:: وي وي وي حرام شوي وتسيح ايمانو حبيبتي خالي وديع ههههههههههههه ابرار :: هههههههههههه ايه نباتي هههههههههههههههههه عبدالرحيم :: اقول انقلعو برا لمى :: احسن كان طلعتو بكرامتكم بدال هالتهزيئه رغد ونوراوابرار:: عادي وجهي مغسول بمرق وناظرو بعض وضحكو بعدين طلعو لانهم حسو انهم زودوها ع خالهم وشغلوا غاني وجلسو يرقصون..وبعد ساعتين رجعو البيت وتحددت ملكة عبد الرحيم ثاني ايام عيد الفطر >>>>في البيت<<<< ابرار :: ياي متحمسه متى يعرس خالي هههههههههههههه نورا :: خخخخخخخخخ بدري ياروح امك بدري هههههههه رغد :: ول عليك من هالحين يعرس اصبري شهر ونفتك منه هههههههههه ابرار:: حررام جالس ع قلوبنا هو هههههههههههه لمى :: انتو ماتطفشون تريقه وضحك؟؟ البنات :: لا نورا :: طقو الخشب الكل :: ههههههههههههههههههههههههه وجلسو يسولفون شوي بعدها نامو ...................بعدها باسبوع................. نورا جالسه تزن ع خالد يوديهم الصيرفي عشان يبون يتقضون ويتمشون نورا :: خالد خلودي اخوي تكفى الله يسعدك تكفى ترا تكفى تهز جبال خالد:: تصدقين نوير لاتخافين ع وظيفتك اذا ماجبتي نسبه نورا باستغراب :: ليش؟؟؟:!! خالد وهو يضحك ::: تشتغلين طراره باحتراف هههههههههههههاي نورا طرطرعت:: اقول خويلد اقصر الشر بتودينا ولا شلون خالد :: يلا بوديكم وامري لله نورا راحت طيران عند البنات:: بنات يلا البسو بنروح الصيرفي و وناسه ابرار :: يلا انزلي ونلحقك نزلت نورا ولبسو البنات ولحقوها بعدها بربع ساعه كانو البنات في الصيرفي رغد وهي تشر ع الكوفي:: بنات تكفون هلكت خل نرتاح شوي ابرار رحمتها :: اوكي تعالي نورا :: ويه حتى انا عطشانه موت لمى :: يلا خل نجلس شوي راحو وجلسو طلبو كوفي وجلسو يشربون وطق وتنكيت ع العالم وحش <<<لزوم الجلسه خخخخخ بعدين طلعو الدور الثاني عند الالعاب ابرار :: بنات ورا مانلعب شوي رغد :: قدام وقسم فله نورا :: لا باربي خخخخخخخ لمى :: مالو داعي نلعب احس اننا بزارين رغد :: اقول لاتخليني اطلع شياطيني فيك هالحين ماتبين تلعبين يالماما انثبري هنا اقعدي واحنا بنلعب... نورا :: هههههههههههههه كليتيها بقشورها هههههههههههههه ابرار :: والله صادقه رغد ماودك تلعبين اجلسي وراحو جهة كهف الرعب ((المستودع المهجور)) طبعا رغد مادخلت الا بعد تسحيب وجرجره وتمطيط من البنات ابرار تحاول فيها ::: رغد امشي عاد ماصارت نورا :: اقول رويغد اقصري الشر وامشي رغد :: نو وي بايعه عمري انا تعرفيني اخاف من الظلام وهالخرابيط خليني محلي ابرك ابرار :: اقول امشي يلا يلا بليز رغد :: عشاني طيبه وحبوبه واحبكم وعشانكم محسوبات علي بنات خاله بامشي نورا :: بلاك طلعتي العبه من عيوننا رغد :: احسن عشان ماتهنون فيها هع وكملوه واش وهم ع الطريق للعبه لين دخلوها وكانت عباره عن نفق مظلم وفيه 3 مركبات المركبه فيها 4 مقاعد كل مقعده ظهرها للمقعده الثانيه رغد كانت قدام من اليمين ابرار ومن اليسار نورا طبعا هي رفضت تركب الا اذا جلست بالنص عشان كذا جلسوها المهم اول مابدت العبه قامت رغد تصارخ :: يما واي يخرع ا ابرار وقفوها يلعن ابوك وقفها (تصيح ) اهئ اهئ يما لحقي علي ابرار ونورا فاطسين ضحك ابرار :: ههههههههههههه رغد حرام عليك هههههههههههه واي بطني هههههههههههه والله مقدر هههههههههههههه نورا:: ههههههههههههه كشخه رغد ام المغامرات تصارخ ههههههههههههههه رغد تعض يد نورا من الخوف:: عن(عضه خخخخخ) اهئ اهئ اهئ يلعن وجهك وقفها وقفها اهئ اهئ اهئ نورا تتألم وتضحك :: هههههههههههه اي رغد بسك هههههههههههههه ابرار ماوقفت ضحك لين خلصت العبه ورغد نقابها تغرق دموع وابرار ونورا ميتات ضحك عليها رغد :: ماعليه اشوف فيكم يوم ابرار :: طيب يالعجوز تشوفين هههههههههههههه نورا :: ههههههههههههههههههههههههههه راحو عند لمى نورا :: ها بنات وش نلعب؟؟ رغد استغلت الفرصه عشان ترد الموقف:: نلعب الشوايه وناسه ابرار :: مدري مدري ماحبها رغد باصرار :: لا والله وناسه تكفين وبعد محاولات ومعاونات واصرار وافقو ويوم اشتغلت العبه قامو يصارخون ورغد تضحك << كما تدين تدان هع هع هع واول مانزلو ابرار تكفخها بالشنطه :: مالت عليك يالهبلا وربي قلبي كان بيوقف من الرعب رغد مازات فاقعه ضحك :: هههههههههههههههه تستاهلون هههههههههههههه نورا :: حيوانه كلبه نذله جميع السبات الي في قاموسي حركتك سامجه رغد وهي تضحك :: ههههههههههههههه تستاهلين خخخخخخخخخخخخخخخخخخخخخخخ وربي وناسه وجلسو مهاوش ومطاق الين وصلو عند مارينا نورا خاقه :: واو ناظروا البرمودا مررا خقه ابرار :: من جد روعه رغد :: واي يهبل لمى :: حلو بس دفش شوي نورا تبي تنرفزها :: محد طلب رأيك لمى انقهرت وماردت عليها اشترو البنات وجلسو عند المطاعم بالدور الثالث طلبو من كرسبي واخذو ايس كريم وشوي جو بنتين مالقو كراسي وكانت طاولة ابرار والبنات فيها كرسين فاضيه لمى سوت عمرها نشميه واشرت لهم وجو وجلسو معهم ابرار ونورا ورغد تضايقو لان باين شكلهم مو اوكي ولمى انبسطت وجلست تسولف معهم شوي وحده منهم فكت الثمه وشغلت سيجاره البنات ارتاعو رغد بهمس:: يممه بنات خل نقوم وربي يخرعون ابراربنفس الصوت :: أي والله شوفي وش تسوي يمه بس الله ياخذ ابليسك يالمى نورا بنفس الهمس :: هين يالمى ان ماوريتك بالبيت ماكون نورا طبعا البنات طاقينها حنك مع لمى والست لمى مستانسه شوي وحده من البنات قامت تنادي ابرار البنت:: يابرار ابرار :: هلا؟؟!! البنت :: ممكن رقم موبايلك عشان نتواصل ابرار توهقت وتبي تصرفها قامت دقت رغد الي كانت جالسه جنبها ورغد دقت نورا عشان تتصرف ابرار:: اوكي شوي بس عشان مو حافظته باطلعه من جوالي نورا فكرت بسرعه ودقت ع ابرار نغمه ابرار فهمت السالفه وصكت بوجه نورا وسوت كانها ترد ابرار ع الجوال :: الو..... هلا ..... أي باقي بالمول ..... اوكي يبه هالحين نازلين.... باي ابرار :: سوري حبيبتي خيرها بغيرها ابوي يبينا لمى بلعانه عشان تبي تقعد :: بس عمي مسافر رغد وصلت معها وصفقت لمى بالشنطه :: توه راجع من السفر يابقره امشي البنت :: اوكي مع ان كان ودي نتواصل يلا باي ابرار :: باي ومشو البنات وطبعا انواع السب والحش بلمى لانها نادت البنات ولا تبي يقعدون معهم بعد ع الساعه 1 المول بيقفل خلاص دقت نورا ع خالد ومارد وجلست تدق عليه الين قفل جواله نورا وهي شوي وتصيح :: يما يابنات خالد فقل جواله البنات ارتاعو رغد تسوي نفسها قويه :: ماعليه ينفلق نروح بتاكسي ابرار :: لا ياشيخه مع تكسي بلحالنا اخر اليل لالالالا مايصير لمى تصيح :: اهئ اهئ ياحسرتي ع عمري اهئ نورا :: يلا ماعندنا الا التاكسي وطلعو وقفو اقرب تاكسي بالشارع وهم بالتاكسي طلع الي يسوق مخمور البنات زادت روعتهم وكلهم قامو يصيحون بالذات لان بيتهم بعيد عن الصيرفي بالمرره نورا :: ياربيه بنات وش نسوي ابرار :: نقوله يوقف عند البحر اقرب مكان ومن هناك ندق ع نواف وبدر نقول لهم يجون والي فيها فيها رغد اقتنعت بالكلام:: تمام عليك طول عمرك ذكيه ولمى ساكته وسط كلام السايق الي ماينقال تحت تأثير الخمر وسبه الماصخ طبعا طلبوه يوقف وقف بعد طلعة الروح وعطوه فلوس ولا اخذو الباقي من الخوف اول مانزلو ع البحر كان فاضي مافيه الا الشباب والحبايب والي توهم يتزوجون خخخخخ المهم نزلو وجلسو شوي الين هدت اعصابهم لان الي حصل مو شوي ابرار وهي تلقط انفاسها :: تصدقون يابنات حسيت اننا ماراح نجو رغد :: هههههههههههههههههههههههههههههه ههههه نورا :: يمه وش فيه استخفيتي رغد :: هههههههههههههه لا حلوه نجو ههههههههههههههه البنات :: هههههههههههههههههههههههههههههه هه نورا وهي تأشر ع واحد :: شوفوا اطلق من عبد لابس احمر مافي (تكلم مصري ) دا قمره مولعه هههههههههههههههههههههه رغد :: لا شوفي الي جنبه هههههههههههههههههههههه اموت ع الوردي ماتحمل بروح ارقمه ههههههههههههههههههه ابرار :: احلى شي الكدش لو ضيعتو شي مشطو خشته تلاقونه ههههههههههههههههههههههههههه لمى :: اما عاد والله انه مزيون نورا ورغد بنفس الوقت :: انتي خليك ع حبيب القلب وناظرو بعض وضحكو ابرار ولمى استغربو لايكون عرفو بسالفه رائد وقررت ابرار تسألهم بعدين جلسو فتره ع هالحاله تعليق وتريقه وناسه وبعدين ركبو دبات وكانت ابرار راكبه مع رغد ولمى مع نورا رغد وهي تفحط :: برو تمسكي نياهاهاهاها ابرار :: ياخوفي من هالضحكه يارغيد انتبهي رغد :: اه هههههههههههههههههههههه الحمد لله سليمه سليمه ابرار برعب:: مجنونه وربي مجنونه رغد:: هههههههههههههههههههههههههههههه ههههههه عند لمى ونورا لمى :: نوير تكفين شوي شوي نورا :: طيب ياروح امك انطمي وتمسكي خليني اسوق زين لمى:: اوكي نورا غمزت لرغد ورغد فهمتها جات نورا مسرعه من جهه ومن الجهه الثانيه رغد ويوم كانو خلاص بيتصادمون لفو ع سريع وقامو يضحكون رغد ونورا وابرار:: هههههههههههههههههههههههههههههه هههههههههههههههههههه لمى :: مالت سخيفات نورا تقلد صوت لمى :: مالت سخيفات ( ورجعت لصوتها ) هههههههههههه حليلك بزر ههههههههه بعدين دقو ع نواف وبدر الي كانو مستغربين من انهم بالبحر لانه خالد قال لهم انه وداهم الصيرفي بعد نص ساعه في السياره بدر بعصبيه :: وممكن اعرف مين سمح لكم تروحون البحر دامكم اخذتو تاكسي لاهنتو روحو البيت مو تفرفرون تقل شارع ابوكم نواف بنفس العصبيه :: ولا مايتصلون ع البحر سيده ياعالم كان تدقون علينا مابنقول لا البنات جلسو ساكتات عشان لو تكلمو بيزيدون الطين بله بعدها بثواني ابرار :: بدر طلبتك ياخوي قول تم بدر مايرفض طلب لابرار لانها اخته الكبيره ويحبها:: تم ابرار :: نبي كوفي من بارنيز رغد:: يممي بارنيز وناسه نورا :: بسرعه بسرعه لاتموت علينا هههههههههههههههه راحو بارنيز واخذو كوفي وكوكيز وبعدها راحو البيت ع الساعه 3 وصلو وقامو يتسحبون عشان لا احد يدري ( نسيت اقول لكم امهاتهم وصلو وبيروحون بعد زواج عبد الرحيم لان ازواجهم عندهم دورات باستراليا) دخلو شقتهم بسرعه وشغلو المبات وجلسو ع الارض من التعب نورا :: وه ماحسبت اننا بنرجع البيت وربي كنت باموت رعب ابرار :: من جد مخمور غريبه رغد :: خلاص والي يرحم والديكم اعصابي تلفت ( سكت شوي) ههههههههههههههههههههه احلى شي قمره مولعه هاه هههههههههه نورا :: ولا انتي ترقمين ههههههههههههههه ابرار جتها الفرصه وتبي تتأكد اذا نورا ورغد يعرفون عن رائد :: ههههههههه ولا احلى شي حبيب القلب تعرفون تنكتون هههههه رغد وقفت ضحك وقالت بجديه :: ومن قال اننا نكت؟؟!! لمى وقف قلبها نورا: ايه شايفيننا مهابيل ولا دلوخ ياروح امك عارفه بالسالفه من يوم قالت لك شايفتنا صمخان صراخكم يسمع الجيران واحنا يوم سمعنا لمى تصيح كنا بنجي بس هونا وسمعنا السالفه من طقطق للسلام عليكم ابرار ولمى مصدومات ماتوقعو صوتهم عالي لها الدرجه رغد ماكانت معهم ناظرت ابرار وتذكرت انها بتسافر بعد العيد وخنقتها العبره :: ابرار ابرار التقت شافتها مدمعه:: رغود وش فيك ؟؟!! رغد قامت تصيح :: ابرار لاتسافرين اهئ اهئ نورا تذكرت ان اختها بتسافر وقامت تصيح هي بعد :: ايه تكفين ادرسي هنا اهئ اهئ ابرار تبي تغير الموضوع :: ههههههههههههههههههههه ياقلبي عليكم ماعليكم باقي شهر بالضبط ولا تبون الفكه من هالحين ههههههههههه وجلسو يسولفون شوي وبعدين نزلو تسحرو وجلسو لين اذان الفجر ونامو ومرت اسبوعين بهدوء مافيها أي جديد وطبعا البنات ماتحملو هالوضع وقرو يكلمون اخوانهم ينزلونهم مجمع العرب لان ابرار تبي تشتري ملابس جديده عشان زي ماتعرفون راح تبتعث ع امريكا تكمل طب ومافي محل مليان ماركات مثل مجمع العرب نزلو السوق وقامو يتمشون وناسه اخر شي قامو رغد ونورا يتهاوشون نورا :: اقول رغيد جوزي عني قلت جيوردانو يعني جيوردانو رغد تقلدها :: جيودانو يعني جيوردانو .. اقول اذلفي بس انا قلت اوبرا اوبرا ابرار :: خلاص اسكتو فضحتونا حشى عيال موب بنات نورا :: اوكي ع ذوق ابرار رغد:: اتفقنا ومشو بالاسواق يتسوقون وطفرو باهلهم وبعد ماخلصو طلعو ستار بكس رغد :: نوري تذكرين يوم كبيتي الموكا ع هذاك ههههههههه نورا :: وع لوعتي كبدي ابرار :: لا من جد كان شكله تحفه هههههههههههه لمى :: وشو وش صار نورا متنرفزه:: مالك شغل (طبعا ماننسى علاقة لمى برائد مازالت مستمره وفي ازدهار<<<حسيت اننا بشركه خخخ) بعد ماتسوقو وشرو لهم عشا من ماكدونالدز وتنكيت وسوالف وفله ولاتخلو من الحش والهوشات الخفيفه طبعا كان باقي ع العيد اسبوع وباقي ع زواج عبد الرحيم 9 ايام ف ب ه الطلعه شرو الفساتين وملابس العيد والاكسسوارات وابرار شرت ملابس للجامعه ع فكره ابرار بدرس بجامعة هارفارد وهي جامعه معروفه فالاخت ماقصر شرت ولا بقت وبعدها راحو البيت >>في البيت<< نورا:: اف طفش رغد::ميتة احساس عديمة شعور تو تحسين انه طفش ابرار:: من جد ملل وش نسوي نورا::خل نقيس الفساتين والملابس ونسوي عرض ازياء خخخخخخ رغد تحمست:: قدام وناسه ابرار :: يلا لمى :: سوري ابي فستاني يكون سبرايس البنات احقروها راحت نورا تجرب فستانها كان لونه تفاحي وداخل عليه الابيض بطريقه حلوه وفيه كريستالات ع شكل ورود فضيه وفيها فصوص تفاحي مرا جنان الفستان علاق معه شال ابرار فستانها احمر ربط ع الرقبه وفيه حزام عند الخصر لونه اسود حرير وفيه كريستالات شكله خيال رغد فستانها نيلي مفتوح من عند الركبه وعلاق معه شال وفيه شك ناعم بالون النيلي الفاتح طبعا مع الاكسسوارات والصنادل اشكالهم كانت جنان لمى رفضت توريهم فستانها هي بالاصل ماشرت لانها بتنزل مع محمد تشتري جلسو البنات يعلقون ويتلبسون وناسه الين نامو واستمر حالهم زي كذا ينزلون السوق كل يوم بحكم انه قرب العيد والزواج ...............(((((يوم العيد)))))........... نورا لبست برمودا جينز كشخه وفيه حركه من عند الركبه وبلوزه فوشيه بدون اكمام وفيها تطريز بالازرق وفتحت شعرها وحطت طوق كرستال ناعم طلعت كيوت رغد لبست تنوره قصيره لحد الركبه وتحتها كيلون التنوره لونها نيلي<<تموت بهالون والكيلون ابيض وعليها بلوزه بيضا سوت شعرها ستريت وطلع شكلها روعه ابرار لبست فستان ناعم لونه بيبي بينك وفيه حزام عريض عند الخصر الفستان علاق ولبست عليه جاكيت ابيض وصندل وردي طلعت ملاك لمى لبست فستان قصير اسود ناعمه طلعت حلوه ونزلو عند جدتهم الجده :: ماشاء الله ماشاء الله يارض احفظي ماعليك بسم الله عليكن يابناتي ابرار وهي تسلم ع راس جدتها :: قوه جدتي كل عام وانتي اكشخ وانتي فوق روسنا رغد تدف ابرار :: وخري .. عيدك مبارك جدتيه ياكشخ جده بالكون نورا :: انقلعي كذا .. كل عام وانتي جدتي الحلوه حبيبتي ونور عنوناتي لمى:: كل سنه وانتي طيبه ياجده الجده تضحك:: الله يحفظكم ويخليكم لعين ترجيكم ام نواف (ام رغد):: وانا مالي سلام؟؟ رغد تركض وتحضن امها :: كل عام وانتي امي الحلوه القمر الي تهبلين لانك طالعه ع بنتك رغوده الكل :: ههههههههههههههههههههههه ام خالد ((ام ابرار )::ايوا وانا مالي رب ابرار ونورا يركضون عند امهم:: كل عام وانتي الغاليه ام محمد( ام لمى):: لمو تعالي سلمي لمى راحت تمشي بهدوء:: كل عام وانتي ماما وجلسو يسولفون وبعد شوي جا بدر ونواف نورا :: نواف بدر كل عام وانتو اخواني رغد:: نويف بدير كل عام وانتو عيالي خخخخخخخخخخخخ ابرار:: كل عام وانتو رجال بدر :: هذا الكلام الي يفتح النفس مو اخواني وعيالي المشكله انك اكبر مني بسنتين بس نواف :: ههههههههههههه كل عام وانتو بخير يلا عن اذنكم روحو هناك محمد وخالد جاين يسلمون ع جدتي البنات : ان شاء الله وراحو وجو الهيال سلمو ع جدتهم طبعا مايحتاج اوصف اليوم لكم لانكم عارفين اول يوم بالعيد ربشه وحريم وقهوه رايحه وقهوه جايه<<اصيلين خخخخخخخخخ بعدها بدا التجهيز للزواج والقاعه عبد الرحيم:: مجود شفت للقاعه عبد المجيد:: ايه حبيبي جهزت كل شي عبد الرحيم : تسلم يالغالي...نواف بدر نواف وبدر:: امر عبد الرحيم :: روحو تأكدو من العشا بدر : ياخال والله تأكدنا سبعميه الف مره وبعدين هم يتأكدون يوم العرس مو قبله اركد عبد الرحيم: طيب طيب وعدا اليوم مايخلو من ارتباك عبد الرحيم وتريقة البنات ...............((يوم العرس)).............. البنات كانو لابسات فساتينهم وتو خارجات من عند الكوفيرا ابرار راحت عند ايمان لان ايمان ماعندها خوات ماعندها الا امها رغد ونورا كل شوي يسون اهداء للي سوى والي مايسوى خخخخخخخخخخ لمى تستقبل المعازيم وامهاتهم مره عند عبدالرحيم ومره مع الضيوف الين دخل عبدالرحيم عند الرجاجيل >عند ابرار وايمان< ايمان :: يمه خلاص مابي مابي (وتشاهق) ابرار كسرت خاطرها:: امانو حبيبتي ماعليك والله كل شي بيمشي ع هواك بس انتي اهدي ام ايمان ::يابنتي اله يهداك اهجدي ايمان بعد مارفعت ضغط الكوفيرا وجابت لها العله لانها كل مره تخرب الميكياج :: طيب (تشاهق) وبعد شد وجذب خلصت تسريحتها ومكياجها وراحت للقاعه الي كانت فخمه وكبيره ايمان كان فستانها ابيض كبير وفيه تطريز بالسكري والذهبي والمسكه عباره عن باقه من الروز الاحمر والابيض مرتبه بطريقه تجنن شعرها يوصل لنص الفخذ الكوافيرا خلته مفتوح وسوت بجزء منه حركه ناعمه وحطت لها التاج وكانت ملاك وجا وقت الزفه ايمان قامت تنتفض مسكينه من الخوف والبنات يهدونها الكوشه كانت ملكيه ابتداء بالجلسه الي كانت بالون الاحمر الملكي والذهبي وانتهاء بالممر المفروش بالروز الاحمر والشموع ع حواف الممر ايمان كانت تمشي من جهه ومن الباب الثاني دخل عبد الرحيم والتقوا بالنص مسك ايدها وقامو يمشون عبدالرحيم وايمان الي كل واحد احلى من الثاني جذبوا نظار الحضور ابتدت الزفه بموسيقى كلاسيكيه هاديه وانتهت باغنيه قمرين .. .........................(الجز ء الرابع).................... لاخذلك الوقت ياقلبي ابتسم الزمن طبعه كذا فرحه وهم لملم جروحك وخل مافيك فيك يوم لك ياقلبي وعشره عليك انتهت الزفه بجلوس العريس والعروسه والبنات بجنبهم عبد الرحيم بهمس: اقول انتو ماودكم تنقلعون حتى يوم عرسي لاصقين نورا:: اقول اركد لاتصير مطيور عبد الرحيم تفشل وسكت والبنات ماتو ضحك وايمان مستحيه موت بعدها قالو ان ابو ايمان واخوانها بيدخلون يسلمون عليها دخل ابوها واخوانها الاربعه كانو بهيبتهم يجذبون الانظار كلهم مزاين قربو من ايمان وسلمو عليها وباركو لها اول ماسلمت ع ابوها قامت تصيح وابوها ماسك دمعته كان موقف مؤثر بجد ابو ايمان لعبد الرحيم:: حط في بالك زين ايمان وحيدتي ولو يجي منك الغلط في يوم والله ان تندم مافي بغلاتها احد عبد الرحيم:: افا يالعم هذا العشم فيني؟؟؟ ابو ايمان :: لا ياوليدي بس محد يضمن ولا انا غلطان عبد الرحيم بابتسامه:: ايمان في عيوني ياعم وبعد التوصيات والسلام نزلوا يمان وعبدالرحيم من الكوشه عبد الرحيم كان مسرع شوي رغد وهي تضحك:: اعصابك البنت موب طايره ههههههههههه نورا:: لالا خالي مطيور هههههههههههه ابرار :: عيب خالكم ههههههههههههههه |
|
|
#2 |
|
|
رد: قآلو هبيل وجآيز لي هبالي آهبال طيب ولا صحاوه رخامه بقلمي
انتظروني
|
|
|
#3 |
|
|
رد: قآلو هبيل وجآيز لي هبالي آهبال طيب ولا صحاوه رخامه بقلمي
الرواية جوناآآآآآآآآآآآآآآآآآآآآآآآآآن روعه كملي ياعسل
|
|
|
#4 |
|
|
رد: قآلو هبيل وجآيز لي هبالي آهبال طيب ولا صحاوه رخامه بقلمي
روعه
كملي ياعسل |
|
|
#5 |
|
|
رد: قآلو هبيل وجآيز لي هبالي آهبال طيب ولا صحاوه رخامه بقلمي
  |
