عشقتك من ضمير ٍ ما يساوم فيك ويخونك ~
عشقتك من ضمير ٍ ما يساوم فيك ويخونك ~
قصيدة فيهآآ من الآحساس الشيء الكثير
احبت ان تشاركوني فيهآإ
كثر ماضاقت الدنيا عليّ وصرت مجنونك
تعلّقت بهواك وجيت هايم لاتخليني
ليا ناديتك اقرب .. لا تزوّد غلّ مفتونك
تعال ولمّني وان نمت تكفى لاتصحيني
تفنّنت بغرامك والغلا هو سيّد فنونك
تمكّنت بغلاك وصرت تمشي في شراييني
وش الي صار فالدنيا ليا ناظرت بعيونك
انا في حلم ولا علم!!.. يالي شافتك عيني
غرقت فموج بحرك ما وصلت لسر مكنونك
تساهلتك مع انك صعب وانت الي معنّيني
عشقتك من ضمير ٍ ما يساوم فيك ويخونك
رغم كل الظروف الي تجي مابينك وبيني
وعاهدتك عهد ماغيرك احدٍ يقرب حصونك
معك طال الزمن والاّ قصر ياشمعة سنيني
عسى الله مايوريني فراقك واعطش مزونك
تحريتك تجي في يوم تنعشني وترويني
عليك الله وأمانه كيف اعيش العمر من دونك
وانا الي لا تذكرتك نسيت الي يحاكيني
( أحبّك ) كلمةٍ تكشف غلاك وتطرد ظنونك
وترضي خاطرك والي يجيني منك يرضيني
تقرّب من حبيبك والعواذل لا يهمّونك
وانا لا همني غيرك ,, ولا غيرك بيعنيني
مدام انّك ملكت القلب وعروقه يلبّونك
تمخطر بالحشا ( لبّى ) حشاي وكل مافيني
|