ودي اضمك وانفجر فيك واصيح
ودي اضمك وانفجر فيك واصيح
عندك خبر وش غايتي هالدقيقه ؟؟!
ودي اضمك وانفجر فيك ... واصيح!!
في خاطري من جاير الوقت .. ضيقه
وقلبي غدا معطوب واطلاله .. تطيح
لا يغر عينك بسمتي مو حقيقه
بسمه وراها الف مغزا وتصريح
ودي افجر عبرة بي عميقه
فترة غيابك اشبعتني تجاريح
اكابر وبقصى ضلوعي حريقه
نار لهبها لوح الجوف تلويح
تعال ياني اشوف وجهك شفيقه
كل العنا والهم لين شفتك يزيح
علمني شلون الحال شلون الطريقه ؟!!
وشلون اضمك وانفجر فيك واصيح ؟؟
|