ازياء, فساتين سهرة

العودة   ازياء - فساتين سهرة و مكياج و طبخ > أقسام الأزياء العامة > أزياء العروس > استفسارات العروس و ترتيبات و تجهيزات الزفاف
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
استفسارات العروس و ترتيبات و تجهيزات الزفاف ملف خاص لتجهيزات الفرح يوجد هنا ملف خاص لتجهيزات الفرح جهاز العروس , مراكز تجميل و مشاغل , فنادق و قاعات, متعهدين بوفيهات , كوش أفراح , كروت و بطاقات دعوة, تحضيرات شهر العسل

فساتين العيد


 
قديم 09-27-2008, 05:00 PM   #1

shosho.ahmed

:: كاتبة قديرة ::

الملف الشخصي
رقم العضوية: 8489
تاريخ التسجيـل: Jan 2008
مجموع المشاركات: 4,080 

11633831441487246193 ملف خاص لتجهيزات الفرح


ملف خاص لتجهيزات الفرح

السلام عليكم

اليوم هتكلم علي الناس او الحاجات المجوده حولين العروسه في فرها وهي مهم جدا لتكمل الصوره في اي فرح

والموضوع متعوب فيه جامد جدا
وارجو من المشرفات الاعزاء ان يثبتوا الموضوع للنصيحه العامه


انتشر دلوقتي في الزفة وجود بنات صغيرين حوالين العروسة وبيكونوا عادة من أهلها أو أهل العريس.. وساعات كمان بيكونوا ضمن ترتيبات الزفة يعني المكان اللي هتعملي فيه الفرح هو اللي هيوفر لك البنات دول...

المهم إن أعمارهم تكون متقاربة ويكونوا لابسين نفس اللبس.. ويشيلوا في إيديهم سبت الورود... ولو فيه بنات منهم سنها يسمح بِإنها تشيل شمع فبتقف جنب العروسة والعريس...

وطبعاً فساتين البنات دي زي ما قلنا بتكون نفس الشكل علشان كده لازم تهتمي بشرائها بدري عن ميعاد الفرح علشان متنزنقيش... وطبعاً تكوني محددة عدد البنات ومقاساتهم بالظبط وإذا كانت الألوان اللي اخترتيها هتليق عليهم ولا لأ....

ودي مجموعة من الفساتين اللي ممكن تختاري تفصيلة منهم

السلام عليكم اليوم هتكلم علي الناس او الحاجات المجوده حولين

العروسه في فرها وهي مهم جدا لتكمل الصوره في اي

فرح والموضوع متعوب فيه جامد جدا وارجو من المشرفات الاعزاء

ان يثبتوا الموضوع للنصيحه العامه انتشر دلوقتي في الزفة وجود

أما بالنسبة لسبت الورد اللي البنات بتشيله فده هتلاقيه في أي مكان بيبيع مستلزمات الأفراح ده غير إنك ممكن تعمليه في البيت وبمنتهى السهولة..

كل المطلوب منك هو سبت عادي مصنوع من الخوص أو سبت خشب عادي.. أو حتى طبق بلاستيك... على حسب الشكل اللي إنت عايزاه.. وبعدين تبطنية بالإسفنج وتلفي عليه قماش ساتان وده كله ممكن يتعمل بمسدس الشمع... وبعدين بقى تبدئي تزينيه زي ما تحبي بشرايط ساتان مثلاً...

عموماً شوفي المجموعة دي

بنات صغيرين حوالين العروسة وبيكونوا عادة من أهلها أو أهل

العريس.. وساعات كمان بيكونوا ضمن ترتيبات الزفة يعني المكان اللي

هتعملي فيه الفرح هو اللي هيوفر لك البنات دول... المهم

إن أعمارهم تكون متقاربة ويكونوا لابسين نفس اللبس.. ويشيلوا في

يتبع

 
قديم 09-27-2008, 05:03 PM   #2

shosho.ahmed


11633831441487246193 رد: ملف خاص لتجهيزات الفرح


ملف خاص لتجهيزات الفرح

وصيفـــات الشــــرف

أختك.. بنت عمك... بنت خالك.. أقرب صاحبة ليكِ... أكيد هيكونوا أقرب ناس واقفة جنبك في الزفة... ومعنى كده إنهم جوه البرواز وفي كل لقطة فيديو ولازم يكون شكلهم مختلف.. كدليل إنهم أقرب حد ليكِ...


وصيفات الشرف بيكونوا معاكِ طول الزفة وبرضه بيلبسوا لبس موحد.... زي كده بنات الزفة بس الموضوع هنا أصعب شوية لأن أكيد مش كلهم مقاس واحد وأكيد مش كلهم نفس البشرة ومش كلهم نفس الذوق علشان كده لو هيكون عندك وصيفات شرف في فرحك يبقى لازم تبدئي معاهم من بدري قوي اختيار الفساتين، ولو لقيتِ الأذواق متعارضة ببساطة شديدة وبمنتهى الديمقراطية افرضي عليهم اللون اللي إنت شايفاه مناسب ليكِ....

وخلي بالك إن وصيفات الشرف عددهم بيكون كتير فلازم تفصيلة الفستان ولونه يكون فيهم بساطة علشان مايغطوش على جمال فستانك.... وبرضه لازم تكوني متأكدة من المقاسات والعدد كويس قوي وتخلي حد قريب منك يتولى بقى الموضوع علشان تفضي لحاجتك إنتِ...

وعلى فكرة ساعات بيكون مع وصيفات الشرف بنات صغيرين بس عادة بيكونوا اتنين بس على جانبي العريس والعروسة..

دي تشكيلة لفساتين وصيفات الشرف










يتبع

 
قديم 09-27-2008, 05:06 PM   #3

shosho.ahmed


11633831441487246193 رد: ملف خاص لتجهيزات الفرح


ملف خاص لتجهيزات الفرح

اوعي تنسي ماما

أمهاتنا دايماً بينسوا نفسهم.. أخر سؤال هتلاقي ماما بتسأله قبل الفرح بكام يوم "إيه ده... هو أنا هالبس إيه؟!!"

ده اللي اتعودنا عليه من أمهاتنا اللي دايماً بيغرقوا في المشاوير والتفكير من غير ما يفكروا في نفسهم.. مع إن لبس الأم مهم جداً لأن العروسة مراية لأمها.. علشان كده ماينفعش نعدي أعداد العرايس من غير ما نتكلم عن ست الحبايب.. ولبسها..

وياريت وإنت بتشتري أو بتختاري موديل الفستان لماما.. تسيبيها تختار براحتها يعني بلاش تقيديها بموديل لمجرد إن شكله عاجبك... المهم إن هي تكون مرتاحة فيه لأن ماتنسيش إنها هتفضل رايحة وجاية طول الفرح فلازم تكون مرتاحة في الموديل اللي هتختاره وكمان الحذاء اللي هتلبسه اللي مش لازم نهائي إنه يكون عالي.. المهم يكون شكله جميل ومريحها...


نشوف دلوقتي الموديلات اللي ممكن تنفع لست الكل...









يتبع

 
قديم 09-27-2008, 05:08 PM   #4

shosho.ahmed


11633831441487246193 رد: ملف خاص لتجهيزات الفرح


ملف خاص لتجهيزات الفرح

قاعة الفرح

وده اختيارها بيتوقف على إمكانياتك المادية وعدد المدعوين والحمد لله بقت قاعات الأفراح كتير يعني فيه القاعات الموجودة في الفنادق والنوادي والقاعات التابعة لنوادي النقابات والدور التابعة للقوات المسلحة..



وفيه كمان فكرة جديدة إنك تأجري فيلا تعملي فيها الفرح في الجنينة وده طبعا بيدي اتساع وخصوصية رهيبة وإن كان السعر بيبقى غالي شوية..


يبقى القصد انزلي اتفرجي ونقي بس خلّي دايما الميزانية في بالك وإنتِ بتتفرجي واعرفي دايما إن فيه مفاوضات بالنسبة للسعر يعني لازم تفاصلي.


تزيين قاعة الفرح

قاعة الفرح يعني مملكتك اللي هتبقي فيها ملكة متوجة وأنظار الناس كلها هتتجه ليها أثناء الفرح.. يعني لازم تختاريها وتكوني مستريحة ليها.. تعالي نشوف مجموعة من التزيينات المختلفة اللي ممكن تاخدي منهم فكرة..

 
قديم 09-27-2008, 05:16 PM   #5

shosho.ahmed


11633831441487246193 رد: ملف خاص لتجهيزات الفرح


ملف خاص لتجهيزات الفرح

الكوشة


دي بتختاريها من الكتالوج اللي بيعرضه عليكِ المسئول عن حجز القاعة..


وكلمة في ودنك: لازم تشوفيها متنفذة قدامك يعني من غير ما تتكسفي تروحي تسأليه بمنتهى الذوق: ياترى أقرب فرح معمول فيه نموذج الكوشة دي إمتى؟ وروحي شوفي الكوشة بنفسك ولو ماعجبتكيش بيبقى عندهم إمكانية تنفيذ كوشة من تصميمك.

ونصيحة مني كل ما كانت بسيطة كل ما كانت أفضل ومايغطيش جمالها على جمالك..



شوفي دول مجموعة كوشات تقدري تختاري بينهم.










كراسي المدعوين

ودول أفكار تزيينهم بسيطة.. القماش العادي بتاع تلبيسة الكرسي+ ربطات على شكل فيونكة من التل الناعم أو الفاي








الدي جيه



اختاري مجموعة من الأغاني المحببة ليكِ ولجوزك -إن شاء الله- اللي بتحمل لكم ذكريات جميلة –أكيد فيه- وفيه حركة من عندي بقى إنك تهدي أغنية لجوزك بتحمل مشاعرك يوم الفرح تخلّي الدي جيه يقول إن الأغنية ديه منك له.. صدقيني تأثيرها في نفسه مش هاقول لك عليه


الزفة

دي اختياراتها محدودة، فيه زفة الكمنجات.. هي رقيقة قوي بس مناسبة أكتر لخطوبة مش للجواز، وفيه كمان زفة المشاعل، وفيه الشاملة اللي بتجمع كل دول مع بعض ودي بتبقى أغلى شوية وفيه كمان الزفة الدمياطي وبتعتبر هي المتربعة على عرش الزفات في الأفراح.

البوفيه

الاختيار دايما بيكون بين السيت منيو –إن الأكل ينزل للمدعوين على الترابيزات- والأوبن بوفيه -البوفيه المفتوح وفيه كل مدعو بيعيش حياته مع الأكل- لاشك إن السيت منيو بيبقى أشيك وبتبقى مطمنة إن الناس كلها أكلت والحمد لله بس المشكلة إنه أغلى علشان كده نصيحتي اختاري البوفيه المفتوح مع توصية إنه فيه كذا طبق (تقريبا بيبقوا حوالي 10 ينزلوا سيت منيو وده طبعا علشان الناس الكبيرة زي الجدة والجد والناس اللي إنت متأكدة إنهم هيتكسفوا ومش هيدوقوا حاجة من البوفيه).


ومابننساش قبل ما اخلص إني ادعيلك بالدعاء المبارك:

"بارك الله لكما وبارك عليكما وجمع بينكما في خير"

بس خلاص

 

أدوات الموضوع



الساعة الآن توقيت السعودية الرياض و الدمام و القصيم و جدة 10:31 PM.

 

Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0