ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم قصه مزيونه يولد عمها .. وقسمن خطيره ه يوجد هنا قصه مزيونه يولد عمها .. وقسمن خطيره ه سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم   #1

رووح الغـــلآ

:: كاتبة مميزة ::

الملف الشخصي
رقم العضوية: 138282
تاريخ التسجيـل: Sep 2010
مجموع المشاركات: 1,177 
رصيد النقاط : 0

Cool قصه مزيونه يولد عمها .. وقسمن خطيره ه


قصه مزيونه يولد عمها .. وقسمن خطيره ه

هلا هلا يالمز
وشلونكم اخباركم عيالكم ..؟
ان شاء الله بخير
شوفو هالقصه يا بتضحكون ضحك وقسمن خطيره هالخبله فديتهآإآ هع :d :d
اخليكم معها

احم احم






مزيونه لولد عمها


جالس في المجلس اتقهوى مع عمي وماعندي من الشيطان طاري قال عمي : منتهي كم لك ساكن عندي في البيت ماكل شارب نايم بلاش

قلت : ليش انا ولد اخوك شعرة في لحيتك ياعمي

قال : لا.. هين.. الشعرة ذي بانتفها ان ماسمعت كلامي هالحين اسمع يامنتهي بناتي الثنتين مزيونه وهيله كبار هالحين والبنات الي في سنهن قد اعرسن وانت مانت محرم لهن داخل طالع عليهن انت وخشتك انا نويت اني اطلعك من البيت وبازوجك بنتي مزيونهيالله افرح يامنتهي

قلت : وش افرح مزيونه توها ظاهرتن من شهار ياجودها ان جلست شهرين عندنا في البيت ثمن ترد المستشفى مزيونه خبله ياعمي وفوق ذا شينه والله مافيها من الزين غير اسمها

اصبر ياعمي الصبر زين وانشاءالله يجي خبل ويعرس على بنتك

وترى ياعمي اسم مزيونه حركه تمويه وبيجيب لك زباين

وان كانك تبيني افرح زوجني هيله ياعمي ايه هيله اغدي قهوه انا

عاد انا من الوناسه نسيت عمري وانبطح على الأرض متشقق

ماوعيت الا بطوفرية القهوة تلعب على علباي

قال: قم بس لاتبطح عندي ماعندي خبل الا انت بياخذ مزيونه اسمع عاد مزيونه انا باحل فيها ولافاكني الا انت والبنت مالها الا ولد عمها اما هيله سهل تصريفها وزعلي ورضاي زواجك من مزيونه

قلت : كيف اعرس وانا ماعندي فلوس اجيب مهر ولاعندي بيت ولا سياره كابرس ؟

قال : حكم الزير على الخنزير وانا عمك مهر مزيونه ريال واحد والبيت باسكنك عندي الدور الثاني فاضي وابشر بالسياره وبالخير والعرس خلاص الأسبوع الجاي وعرسنا تراه سكتم بكتم

قلت : ياعمي هذي اول مره انا اعرس ماعندي خبره ويوم جيت اعرس اخذ خبله

قال : لاتخاف مزيونه عندها خبره قد اعرست على ثلاثة رجاجيل قبلك بس انت خذ اجازه من شغلك

واطلع من المجلس وادرعم على العمل ابي استأذن من المدير استعد للعرس وعرفت من سكرتير المدير ان مديرنا غايب له يومين امه متوفيه لاحول ولا قوة الا بالله وش ذا الفال الشين هذا من اوله يامزيونه وادرعم لبيت المدير وادخل عليه في المجلس والقى المدير مع ابوه وقبل ماعزيهم قلت : انا زعلان منك يامديرنا وشلون امك تموت وماتعلمني اقوم بالواجب لكن شف هذا ابوك موجود ان مات ابوك علمني اجي اصلي عليه واقوم بالواجب وهو الي يطمر ابو المدير من مكانه ويقول : بعدي والله يالسنافي اشهد انك رجال وهو الي ينبص خشمه وانا الي احبه ويجلسني جنبه قلت للمدير : انا جايك ابي اجازه شهر ابعرس الأسبوع الجاي وكان ودي انك تشرفنا انت مع ابوك بس ماقدر اعزمكم لأن عرسي سكتم بكتم

قال ابو المدير : رح ياولدي منتهي لك بدل الشهر شهرين وهو الي ينبص خشمه فوق وانا القطه واحبه

واجي طالع الا ابو المدير يناديني وهو الي ينبص خشمه يبيني احبه ( مادري انا اتفل عليه ابلشني هو مع خشمه )



المراد تزوجت
مزيونه ودخلنا بيتنا الجديد عش الزوجيه وادخل الغرفه واطفي المبه واقرب جنب مزيونه وانا اقول مزيونه شوفي ساعتي تراها ماتولع في اليل ماعويت الا بالأبجوره نازله على جبهتي شفت الي يولع من جد نور احمر مافتحت الا وانا في المستشفى وسبع غرز في جبهتي

وزارني عمي وقال : يامنتهي البنت اكيد مستحيه منك لازم تاخذون على بعض روحوا تمشوا مثلا ودها حديقة الحيوانات

قلت : فكره حلوه ايش رايك تكلم اهل الحديقة يجون ياخذونها

قال : الظاهر اني باكلمهم ياخذونك انت وياها .. قم بس اوصلك البيت

ويوصلني عمي البيت وافتح الباب بشويش وانا خايف وادخل راسي اويق اثر مزيونه متوزيه ورى الباب وهي الي تجرني بشوشتي لين المطبخ تبيني اكل من غدا مسويته تحتفل بخروجي من المستشفى واجلس وانا منطم وهي جالسه قدامي ومتربعه على الصحن واناظر في الاكل ماعرفت وشو اكل معفوس لاوحاطه في وسطه شمعه

وانا انفح الشمعه لين طفت وامد يدي على صحن المعفوسه واكل لقمه ماقويت ابلعها وقلت وع وهي الي توقف وتدور علي دورتين تختلني وانا مسوي نفسي ثقل يعني انها ماهمتني وهي تجي من ورى ظهري وتهجم علي وتنزل راسي تحت وترعصني وسط صحن المعفوسه وتحوس خشتي ثمن فكتني وارفع راسي توني راد النفس وهي الي ترجفني برجلها ويصمخ راسي بالجدار اشوى ان الجدار كان موجود والا كان ماردني الا اقصى البيت وتاخذ الأكل وتذبه من الدريشه على القطاوه !! مساكين القطاوه وش ذنبهم ياكلونه


انا بصراحه زعلت ماعاد قويت اصبر كل يوم انطق كل يوم مستشفى لازم اخذ حقي وانا ادخل الحمام واعبي البانيو (المغطس) مويه واتوزى ورىالباب واحتريها لين دخلت الحمام وانا الي ادفها بقوه على البانيو ويصمخ راسها بالجدار وتطيح في وسط المويه دايخه وغرقت في البانيو واناظر في المويه واشوفها تنقص ..تنقص..تنقص.. الخبله شربت المويه الي في البانيو لا وبعد مافتحت عيونها راحت المطبخ وشربت كاس مويه وتدخل الغرفه ولا كنه صار شي !!

قلت ايه هين يالخبله والله ماخلي حقي وادخل المطبخ واطبخ لها شوربه واحط فيها سم فيران جيت اوديه لها قلت: مسكينه الشوربه حاره خلني ابردها اخاف تلسعها وش اسوي بنت عمي قلبي عليها والظفر مايطلع من الحم وابرد لها الشوربه واوديها لها كاعتذار على الي سويته

وبنت الحلال الخبله ماكسحتني خذت الباديه مني بس يوم شافت ان الشوربه بارده وهي الي تخبطها على جبهتي على نفس الجرح وعلى المستشفى وتزيد الغرز من سبع الى تسع

وشهرين وحنا على هالحال خبط وخبيط وانا مغير رايح جاي على المستشفى حتى من كثر ماروح المستشفى كاتبين على باب وحده من الغرف,,, غرفه منتهي,,, جزاهم الله الف خير

انا ماعاد قويت احتمل راسي غدى كله شقوق صاير منخل

وانزل تحت على عمي واذب عليه مفاتيح السياره واقول : ابشر ياعمي بنتك زادت خبرتها من ثلاثه الى اربعه ازواج اللهم زد وبارك

ورقة طلاق

مزيونه بتجيك اليوم وانحاش من المجلس واطلع للشقه واقعد اضف في غريضاتي واسمع جرس الباب يرن وانزل ابي افتح والقى عمي معه الخبله مزيونه عند الباب

قلت : ادري ياعمي باطلع من شقتك اليوم

قال : لا تطلع انثبر في الشقه وخذ مفتاح سيارتك بتحتاجها بعدين !!!


!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

!

توصل عيالك

مزيونه حامل !!
:060: :060: :060:

 
قديم   #2

=)Kio...


رد: قصه مزيونه يولد عمها .. وقسمن خطيره ه


قصه مزيونه يولد عمها .. وقسمن خطيره ه

هههههههههههههههههههههههههههه
خطيره القصه لاتقطعين علينا بغيرها

 
قديم   #3

كبرياء الورد


وردة متحركة رد: قصه مزيونه يولد عمها .. وقسمن خطيره ه


قصه مزيونه يولد عمها .. وقسمن خطيره ه

هههههههههههههههه ياحرام يامنتهي ههههههه

يسلمو ياعسل :070:

 
قديم   #4

رووح الغـــلآ


رد: قصه مزيونه يولد عمها .. وقسمن خطيره ه


قصه مزيونه يولد عمها .. وقسمن خطيره ه

عيؤوؤونك الحلوه حيآإآتي
الله يسلمك
تسسسسلموؤون ع المرور
نوؤرتو يا مزز

 
قديم   #5

نزفّ !


رد: قصه مزيونه يولد عمها .. وقسمن خطيره ه


قصه مزيونه يولد عمها .. وقسمن خطيره ه

يسلمو

 




الساعة الآن توقيت السعودية الرياض و الدمام و القصيم و جدة 06:23 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0