 |
  |
|
|
|
|
#1 |
|
:: كاتبة مميزة :: |
صباح او مساء الخيرات
ماتعرف للمقدات ابد صبّحكم بالخير يالعمال العماليه . مسّاكم بالخير يالعمال العماليه ماتعطونا بنتكم الحلوه الجميله . مانعطيكم هيا الإ بالف وميه ندخل على دياركم ونكسر أبوابكم . . . وهذي عروستنا هذا الزمن الأقشر اللي عشناه فيما مضى عصر ماقبل البطاره عصر الورعنه أعتقد كل شخص فوق ال 17 مر على هذا العصر الأغبر .. واللي مامر على هالعصر لايكمل يقرأ الموضوع علشان برستيجنا مايهتز هالزمان راح أقسمه لأيام .. علشان تعيشو الجو.. . أيام الكشخه00اللااه 00الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري "اللي بعد خمس دقايق يقلب أحمر .. كأنها مصاصه دماء .. " ماعاد الشكل يصير برئ هي وذا الروج واللي تلبس الفستان المكسره "اللي من تحت مليان جيبون" اللي حزام الفستان يسحبل بالشوارع وله كتافات أسفنجيه عاليه الجوده وماننسى طبعا مبدا الزي الموحد عند العائلات .. ثنين ولاثلاث من البزارين لازم طقم.. انا واختي تمينا نطقم مع بعض سنين لين رابع أو خامس هع ايام بقاله أبو سعيد00 الوحده منا تركض للبقاله بقميصها القطن "اللي شاريته لها أمها من البياعه اللي تجي عند بابهم " تشتري بسي أبو كيس>>>> بنص ريال .. وتشتري معه البسكوت الأخضر اللي بالموز >>>> يالله كرم النعمه ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه ورعان البيت كلهم ويحظها لو صارت العلبه لها لحالها يقعد ثلاث ايام بالثلاجه وهي تلط منه أيام التصرفات الهمجيه<<واكثرها حدث ولاحرج .. مدري عاد هالتصرفات توارثتها الأجيال ولا لا بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <<< لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. الحين تصير صادق أما اللي بيعلم أنه تسذوب يمد لسانه ويطير لسانه بأصبعه >>>> ماأعتقد اني وفقت بهالشرح أيام التلفزيون00 طوط >>>> فجرت أذانيكم صح والشاشه الملونه ولا ترن ترن ترن ترن >>>> هذي النغمه لمّا يحطون شاشه الساعه .. ومن تجي عشر .. يبدا القران وبعد أفلام كرتونهم الماصله أنا أذكر بشار اللي ضيع أمه والدبه اللي بمدينه النخيل وحبيب قلبي الليث الأبيض >>> ماني بصاحيه كنت أحب الحيوانات مو الأوادم .. بس تطورت وحبيت روبن هود وزورو وهايدي وسالي .. هذا التطور يمكن على اخر ايام الأبتدائي وصرت أتابع أفتح ياسمم .. وبدر وأنيس .. ياحبي لهم >>>> الحمد لله والشكر من بعد شخصيات الكرتون .. صرنا نحب أنيس وبعد هالتطور صرت أتابع برنامج الأطفال وأغانيهم الماصله والأفلام الهنديه .. اللي كانو يجيبونها على القناة الثانيه فلم الولد والفيل وفيه فلم ثاني اللي الحرمه تقطع العقد اللي لابسته عند المعبد >>> يعني طلقت زوجها وبعد التطور " أمحق " تسنعنا وصرنا نتابع مسلسلات "مسلسل عبدالله البحري وعبدالله البري" .. "ومسلسل عواد" .. "وصح النوم" .. "وفايز التوش""ومسلسل جواهر .. اللي فيه زوينه وحمد وجواهر "<< ماكنت احب زوينه الشريره وكل شي ولا اذا جات دعايه مالك الا تجيب مخدتك وتنسدح واسحبها نومه>>انتظر يا حلو لين يجيك الربيع حشى مو دعايه نص ساعه أيام الأناشيد00 متى يجي بابا يجي الساعه سته راكب ولا ماشي راكب باسكيلته حمرا ولا بيضا بيضا زي القشطه >>> واو والله تراث بجد.. (((سويره))) راحت البر تجيب العيش الأخضر واتحطه بالصواني على جية خوالي خوالي يا دلالي ابي تفاعلكم:15_5_10[1]: |
|
|
#2 |
|
|
رد: اللي اقل من 16 سنة لايدخل يتفلسف
أنا اقل من 16 بس دخلت هههههه
في اشياء اعرفها واشياء لا |
|
|
#3 |
|
|
رد: اللي اقل من 16 سنة لايدخل يتفلسف
ياي ايام زمان وناسه
وفلله |
|
|
#4 |
|
|
رد: اللي اقل من 16 سنة لايدخل يتفلسف
هههههههههههههههههههههههههههههه
انآآ اقل من 16 ولآ ع’رفت وش تقولون بس ع’رف سويرة رآآحت البر ،،<<ع’شآآنها تشوفهآآ باحتفآآلآآت ال ج’،آآدرية بعد هههههههههههه تسلمم الانآآمل ع’دمآآآن جديدك |
|
|
#5 |
|
|
رد: اللي اقل من 16 سنة لايدخل يتفلسف
خخخخ
مشكوره يآبعدي |
اللي اقل من 16 سنة لايدخل يتفلسف