ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > منتدى اسلامي
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
منتدى اسلامي بقي ده كلام يا أحمد؟؟؟ يوجد هنا بقي ده كلام يا أحمد؟؟؟ منتدى اسلامي, قران, خطب الجمعة, اذكار,

فساتين العيد


 
قديم 12-23-2010, 07:27 PM   #1

قلب مغربي

:: كاتبة مقتدره ::

الملف الشخصي
رقم العضوية: 142181
تاريخ التسجيـل: Oct 2010
مجموع المشاركات: 677 
رصيد النقاط : 0

فراشة تطير بقي ده كلام يا أحمد؟؟؟


بقي ده كلام يا أحمد؟؟؟

المؤذن يقيم الصلاة

الامام يقول

إستقيموا …. واعتدلوا ….. وإخشعوا ……ساوا الصف فإن تسوية الصف من تمام الصلاة

الله أكبر أحمد ركز بقا فى الصلاة وبلاش تسرح طيب أهو حاضر …. أمم الله لون الجدران بتاعت المسجد دى جميلة قوى الله بقي لو عملتها فى اوضتى لا وكمان ايه عملت حيطة وحيطة ما هى دى الموضة هتبقي تحفة

أحمد ركز يا أحمد , طيب ما أنا مركز أهو إيه ده هو الراجل الى جنبى ده صوابع رجليه كبيرة كدة ليه ؟؟صح بمناسبة الصوابع هى إيه صوابع زينب دى ؟بيتهيألى دى الى عاملة زى الزلابيا !!!
زلابيا ايه وصوابع ايه ركز يا أحمد

سمع الله لمن حمده

ياعم متخافش أنا مركز طيب انت قريت سورة ايه ؟ الفيل يا عم … علشان تعرف إنى مركز لا ياسيدى انت قريت العصر ركز بقا شوية

هو المغرب باقى عليه قد ايه هو مال النهار بيطول ليه كدة الواحد جعان جداً اه صح ان شاء الله بكرة أجرب أفطر فى المطعم الجديد الى الواد ميزو قالى عليه بيقولوا عليه أكله ايه حكاية

ميزو ايه ده انا امبارح نسيت الساعة بتاعتى معاه الى عمو جايبهالى من ايطاليا وهو راجع اول لما اخلص هاتصل عليه يجيبها اصل يقلب عليها انا عارفه

يا أحمد ركز يا أحمد طيب انا اهو أنظر لمكان السجود وأخلى بالى من الامام بيقول ايه

الله أما السجادة دى تحفة شكلها رقيق ومش متعب للعين ياترى ده سجاد والا موكيت

اه بمناسبة السجاد عاوز اطلع انضف السجادة الى فى اوضتى بقالها كتير ماتنضفتش
سمع الله لمن حمده

أعوذ بالله الشيطان ده بيخلى الواحد يسرح فى الصلاة هو مش فى رمضان الشياطين بتكون متسلسلة ثلاثين يوم وإلا تسعة وعشرين هو رمضان السنة دى كام يوم وبدأ امتى ؟ استنى كدة امم هو بدأ فى السعودية السبت وعندنا الاحد غريبه قوى الحكاية دى !!!!

هى الساعة تجيلها كام دلوقتى عدت خامسة والا لسه اليوم بيطول والا ايه جعان

يا رب ماما تفتكر تعملى العصير بتاعى على الفطار انهاردة الواحد بيبقي همدان من الحر وعاوز حاجة تغذيه

هو احنا فى الركعة الكام ؟ يعنى هانقوم وإلا نقرأ التشهد ؟ طيب أنا أتأخر شوية أشوف الراجل الى جنبى ده هيعمل إيه هيقوم يقف وإلا يقرأ التشهد

شوفت دى الركعة التانية علشان سعادتك عمال تسرح ….طيب خلاص خلاص بجد هاركز

إيه الراجل الغريب الى جنبى الى يكل شوية يزق فى رجلى ده لما أبعد عنه شوية يمكن يبطل يوه برضه أستغفر الله العظيم

إيه صوت الموبيل ده الناس دى مش بتقفل الموبيل بتاعها ليه وهى داخلة ده مكتو ب على الحيطة بره لوحة كبيرة برجاء غلق التليفون قبل دخولك المسجد
بس بجد رنه جميلة يا ترى دى بتاعت مين عمرو صح؟؟ لالا عمرو إيه دى آخر اغنية لشعبان عبد الرحيم صح برافو عليك يا أحمد
الواحد عاوز يغير نغمة الموبيل

السلام عليكم ورحمة الله وبركاته

……..

السلام عليكم ورحمة الله وبركاته

إيه ده الصلاة خلصت طيب؟؟؟

السلام عليكم ورحمة الله وبركاته

السلام عليكم ورحمة الله وبركاته

ياترى فينا كام أحمد سؤال عاوز اجابة ؟

 
قديم 12-23-2010, 07:36 PM   #2

اثورة


رد: بقي ده كلام يا أحمد؟؟؟


بقي ده كلام يا أحمد؟؟؟

مشكورة على موضوعك حبيبتي وبارك الله فيك
صراحة من كثر الاسئلة ماعرفت ههه

 
قديم 12-24-2010, 03:03 PM   #3

ˇ ω ۩ ام ورد ۩ ิˇωˇ


رد: بقي ده كلام يا أحمد؟؟؟


بقي ده كلام يا أحمد؟؟؟








 
قديم 12-24-2010, 03:31 PM   #4

عاشقة سنة رسول الله


رد: بقي ده كلام يا أحمد؟؟؟


بقي ده كلام يا أحمد؟؟؟

بارك الله فيكى

 
قديم 12-24-2010, 04:02 PM   #5

قلب مغربي


رد: بقي ده كلام يا أحمد؟؟؟


بقي ده كلام يا أحمد؟؟؟


 

أدوات الموضوع



الساعة الآن توقيت السعودية الرياض و الدمام و القصيم و جدة 04:02 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0