يازينك لازعلت وقلت::وينك!!
يازينك لازعلت وقلت::وينك!!
يا زينك .. لا زعلت وقلت : وينك ..
من أيام وليالي فاقدينك ..؟
تناديني بصوت الشوق .. حتّى ..
أجيك بشوق وأردد : يا زينك ..!
حبيبي لا تناديني تراني ..
أحس بحاجتك لا شفت عينك ..!
حبيبي لا تناديني تراني ..
أحسّك نبض .. قبل تقول : وينك ..؟
حبيبي والمشاعر لك سبايا ..
تحكّم .. من يسارك لا يمينك ..!
يا كثر الناس .. في مجمل حياتي ..
ويا قلّ الناس .. من بيني وبينك ..!
يا كم مدوا لي الأيادي .. يبوني ..
ولا أغراني سوى مدّت يدينك ..!
أحبك .. وأبتعد .. وأرجع وأحبّك ..
أبي لي حلّ يرحم والدينك ..؟
دخلتك روضة إحساس وأماني ..
أحبّ الورد .. وأعشق ياسمينك ..!
غرورك .. مع ثقة نفسك .. بنفسك ..
هدوءك .. راحتك .. ذوقك .. حنينك ..
تبسّامك .. وتكشيرك .. ملامك ..كلامك ..
ضحكتك .. صمتك .. أنينك ..!
جمالك .. ريحة أنفاسك .. وعطرك ..
عيونك .. عنقك .. وغمازتينك ..!
تشوّقني .. وأنا طور إنتظاري ..
يحين الوقت .. أو وقتي يحينك ..؟
أخذني دين .. ف.. رقبتك وغامر ..
ولا يطري عليك .. تسدّ دينك ..!
وإخذني عاشقٍ لا صحت : وينه ..؟
تراه أقرب من حجاجك .. ل عينك ..!
|