هل إنت مرجوج؟ ادخل واعرف درجة رجتك

السلام عليكم ورحمة الله وبركاته

~*~*~*~*~*~*~

....اللي يستنى رجه وما صارت له....
...اللى يحلم بالرجه ..و ما تحققت رجته.....
..إليكم يا اعضاء المنتدى المرجوجين و الغير مرجوجين؟
هل أنت مرجوج ؟
وإذا كنت كذالك .. ماهو مستوى رجتك ؟
للإجابة على هذه الأسئلة ماعليك سوى اجراء هذا الاختبار النفسي ..

السؤال الأول

انت توك قايم من النوم وطفشان واصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك ؟؟

1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة
منسمة تبين تخترقيني .. هع هع هاي .. بس على مين أنا أبو جلمبو والأجر على الله
2- توخر النملة عن وجهك و تنتفها وانت تشتمها
3 - تخلي النملة تدخل خشمك

السؤال الثاني

راجع من المدرسة أو الكلية او العمل .. المهم وتلقى الوالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل ؟؟

1- تسوي نفسك تعبان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياض .. حب ورثته من الا جداد
هع هاي والله تسحيبة يمة
2- تجي بشويش من ورى أمك وهي سرحانة وتصرخ في أذنها وتقول : مساتس الله
بالخير .. وطبعاً هي بتنفجع وبتقول وجع الله يمسيك بعصا إن شاء الله
3- تطلع غرفتك وماتسوي شيء

السؤال الثالث

انت توك مقيل وماخذ لك قيلولة على كيف كيفك ونازل الصالة إلا وتشوف خواتك الصغار عند سبيس تون طايرة عيونهم .. ماذا تفعل ؟؟

1- تجي يعني تكنس وتغطي عليهم التليفزيون <-----< أحلى يا أليسا
2- تجي يعني بتشبك شاحن الجوال وتقوم تفصل فيش التليفزيون .. وتقول : أوه آسف
3-تقعد تتفرج معهم

السؤال الرابع والأخير

بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة
1- تنسم كفراته الأربعة
2- تسلم عليه وتلزم عليه يعزمك على العشاء
3- تشتري له تويكس معك

النتيجة

أعط نفسك لكل اجابة رقم واحد 3 درجات ..
ولك اجابة رقم 2 درجتين ..
ولكل اجابة رقم 3 درجة وحدة ..

نتيجتك من 9_12

أنت مرجوج جداً ..
حالتك خطيرة .. وقد تتحول رجتك إلى هبال رسمي .
الحل : خل امك تدهن راسك بزيت سيارات ثمانين مرة بالثانية وإن شاء الله ماقدامك إلا العافية

نتيجتك من 5_8

أنت مرجوج بس على نذالة شوي ..
مستوى رجتك معقول لكن لا تستخف دمك كثير لانه باقي شعره وتصير مرجوج رسمي..
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
كل ضفدع قبل الغدا مرة في السنة لانه يساعد على زيادة هرمون العقل والثقل في المخ

نتيجتك من 1_4

يا أخي انت منت في الدنيا .. ميت والناس حين ..
انتبه على نفسك لأن أهلك احتمال ينسوك إذا بغو يسافرون

أدوات الموضوع
مشاهدة صفحة طباعة الموضوع أرسل هذا الموضوع إلى صديق