 |
  |
|
|
|
|
#1 |
|
:: كاتبة مميزة :: |
لاني احبكم
كثير تضيق صدورنا صح ؟؟
وامور كثيره بحياتنا تتعقد .. اشياء نتمناها ولا تصير .. كثير يفكرون ليش فلانه تمشي امورها وانا لا .. ليش ماتسهل امري في الموضوع الفلاني .. ليش زوجي /ابوي /اخوي /اختي /معلمتي ...الخ كذا معي وكثير كذا يفكرون باحباط.. وانا منهم تاملت بحالي كثير .. تضييق تضييق علي ..وشوية صبر ودعاء ويفرج امري .. سبحانك ربي ماعدلك واحكمك وكلنا نمر كذا .. اكتئاب وتفكير وهواجيس .. اشياء تافهه جدا ..تعكر كل اليوم علينا ..واحيان مو تافهه .. كل انسان وله مشاكله .. له اوجه نقص تقهره .. يحاول يحلها ..احيان يقدر ..احيان لا .. يجيه الم .. يحس كل الابواب مسكره بوجهه .. يزهد بالدنيا ..وبالناس .. وبعد وقت ..تفرج ..وتنحل ..ويقول ياتفاهتي .. كلكم اللحين تقولون شلون تفرج .. واني اقولها كذا بساطه ,, مع ربي كل شي يفرج تدرون دايم دايم احس ان ربي يحبنا .. خصوصا حنا معشر النساء .. لاننا عاطفيات قوه .. ونتظر عطف ,,وحنان ،،واحد يحس فينا .. وصراحه كثير اوقات ..مانلقى .. يعني مهما كان اهلك زوجك خواتك صديقاتك ..لهم مشاغلهم .. وتمر عليك ازمات ..احيان ماتقدرين تقولينها وتفضفضينها لاحد .. وتقفل الدنيا بوجهك .. وبعضهم تستلم للحزن ..وتقعد تصيح ..وتعيش بكابه .. وسبحان الله .. بعضهم تلجا لرب السموات والارض مالك كل شي .. نسينا اللطيف .. ستوب هنا وفكري بالاسم لطيف بحالك ..لطيف بتدبير امرك .. والله بس الاسم يعطينا امل في الحياة .. الحمدالله لك يارب ,, الدعاء هو انك تشكين لرب يسمعك ..ويعلم بحالك ..يعني العباد يدرون بالضبط وش هو حالك وش صاير معك مهما شكيتي ووصفتي حالك .. ربك يدري بحالتك قبل ماتشكين .. كم مره شكيتي وحسيتي ان الي معك ماتسمعك ..مشغوله بحالها ..كم مره بغيتي تشكين والي تبيغنه من الخلق ماكان متوفر ..مشغول نايم موموجود.. تخيلي تشكين كل يوم ..كل يوم ..كل يوم وش بيصير الي قدامك بيطفش او تطفش منك وبيقولون خلاص ماني نسمع مشاكل .. بس لما تشكين لربك يسمع دعائك وندائك وشكواك لو شكيتي كل يوم وكل ساعه وكل دقيقه يسمعك .. لو عدتي الموضوع مليون مرره ..يسمعك .. وفوق هذا كله لما تشكين للخلق وش تستفيدين ..؟؟ الي يحبك بيزعل عليك ويضيق صدره عشانك .. والي مايحبك بينبسط على الي صارلك ..والي مايهمه ماراح يهتم لامرك ..صح طيب ربي ..اذا شكيتي ودعيتي عنده وش بستفيدين ..اجرا كبير اجر الدعاء ..تعتبرين صابره ..لانك ماشتكيتي لخلق الله ولجئتي له وحده .. تدرون بالدعاء وش تضمنين لك 3 امور مضمونه لك مذكوره بهذا الحديث .. عن رسول الله اللهم صلي وسلم عليه : " ما من مسلم يدعو الله بدعوة ليس فيها إثم ولا قطيعة رحم إلا أعطاه الله بها إحدى ثلاث ، إما أن تعجل له دعوته ، وإما أن يصرف عنه من السوء مثلها ، وإما أن يدخرها له في الآخرة " بالله وش رايكم بالتقسيم الالهي العادل ؟؟ اما ربي يحقق لك امنيتك بالقريب العاجل او كان ربي مقدرلك سوء ويصرفه عنك او يحفضها لك للاخره ولا يرد القضاء الا الدعاء كما هو معروف في حديثه صلى الله عليه وسلم يعني بدعائك تحققين خير كثير سواه عرفتي فيه او ماعرفتي .. طيب كثير يقولون ندعي وربي مايستجيب لنا لازم نعرف متى وكيف .. تعرفين وش هي اوقات واماكن ارجى في الاجابه تحريها دائما وانقطعي عن هالدنيا .. بذكر الي تمر علينا يوميا وغافلين عنها او اسبوعيا .. اول وحده تمر علينا كل اسبوع اخر ساعه من يوم الجمعه حطي توقيت في جوالك اللحين تذكير ان هذي الساعه لربك بمجرد ماتجي هالساعه اتركي الخلق واتركي الناس واتركي الحياة واقبلي على ربك وادعيه بما شئتي والحي وابكي وتباكي .. اخر الليل قيام الليل مافي بنت تصلي الليل وتبكي بين يدي الله ومالقت فيها لذه ..ابدا ابدا الي ماتلقا فيها لذه هذي معناها تعودت عليها وصارت تسويها كعاده كل يوم عندنا من بعد صلاة العشاء وحتى قبل الفجر كل هالوقت مفتوح لنا قفلي غرفتك .. وافرشي السجاده واسجدي ..قوليله كل همومك هو يسمعك هو الوحيد الي بيده امرك .. بين الاذان والاقامه كم مره نسمع الاذان باليوم فكرنا ندعي بهذا الوقت المبارك ..؟؟ بعد الصلوات المكتوبه خلي لك عشر دقايق بعد اي صلاة وادعي ونوعي بالعبادات حتى ماتحسين بملل مع ان اذا اديتها بخشوع وتدبر ماراح تحسين بملل ابد بالعكس تحسين بقربك من الله وانه هو قريب لك زي مانتي قريبه منه .. في السجود يعني وقت مفتوح متى ماضاق صدرك صلي ركعتين مو لازم وقت معين وبوقت السجود اشكي لربك حسيتي بالتكه والهم ..خلاص خلي الي انتي فيه ..قولي بصلي ..وروحي اسجديها عن أبي هريرة رضي الله عنه عن رسول الله صلى الله عليه وسلم : " أقرب ما يكون العبد من ربه وهو ساجد ، فأكثروا من الدعاء " كم مره ننام على ضيق فكرنا اول مانصحا ندعي بعد مانذكر الاذكار نقول يارب هاليوم يصير يوم بشرى وسعاده وخير يارب اجعل يومي هذا غير عن سائر ايامي اللهم اجعلي حياتي زياده في كل خير .. حسي باليوم ..عاملي كل يوم بمعامله خاصه بالدعاء .. حتى تت نفسيتك .. لاتدعين وانتي في بالك وراي الشي الفلاني ركزي واستحضري قلبك بالي تقدرين عليهوكل حواسك تصير في دعائك بس .. يوم عرفه ..ليلة القدر..وقت مانتي صايمه في رمضان ..وقت نزول المطر ..الدعاء للميت بعد وفاته..عند التقاء الجيوش هذي كلها اوقات ارجى في الاجابه وعموما كل الاوقات هي مجابه طبعا لقوله تعالى " وإذا سألك عبادي عني فإني قريب أجيب دعوة الداع إذا دعان " هذي الايه تخلي الي قلبه حجر يبكي من رحمة ربي فينا ..سبحانك ياربي كم انت رحيم عطوف سبحانك ربي تعلم بحالنا ..سبحانك ربي تعلم بضعفنا وحاجتنا الدائمه لدعائك .. وافضل الدعاء الي ذكر بالقران ويمر علينا في الايات ..دعاء الانبياء .. ومن ثم الحديث ثم دعاء السلف الصالح.. وتعلمي تدعين وانتي في كل حال ليس فقط في حال الابتلاء وتذكري ان ربي استجاب لكل الانبياء في القران نوح عليه السلام ربي استجاب له بعد مادعي علطول (وَنُوحًا إِذْ نَادَى مِنْ قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ) ونبي الله ايوب عليه السلام بعد ما مرض دعا ربه .. (وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ * فَاسْتَجَبْنَا لَهُ فَكَشَفْنَا مَا بِهِ مِنْ ضُرٍّ وَآَتَيْنَاهُ أَهْلَهُ وَمِثْلَهُمْ مَعَهُمْ رَحْمَةً مِنْ عِنْدِنَا وَذِكْرَى لِلْعَابِدِينَ) وسبحان الله ربي استجاب له علطول .. ويونس في بطن الحوت في ظلمات ثلاث الليل والبحر وبطن الحوت( فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ) وزكريا عليه السلام كان يبي ولد دعا بالولد وهو وزوجته كلهم كبار في السن ولايجيبون اولاد ..تخيلي رجل كبير يدعي ان ربي يرزقه ولد .. (وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ * فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ) واستجاب له الرحيم .. ليش ربي استجاب للانبياء ؟؟ تدرون ليش ؟؟ بالقران الاجابه .. (إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ) وادعي ربك وانتي متيقنه انه راح يجيب دعائك ..ان دعائك هذا كله بيصير وانت بس موكله امرك لربك وتنتظرين عطفه فقط ..يعني هو بيصير ..وبتفرج ..وبترتاحين .. لو لم ترد نيل ما أرجو وأطلبه *** من جود كفيك ما علمتني الطلبا صدق والله وافتتحي دعائك باللهم اللهم اسعد قلبي ..اللهم يسر امري ..اللهم سهل يامسهل ..يارب يارب ولكل مشكله دعاء يناسبها طبعا .. يعني انتي وحسب مشكلتك .. ادعي ربك باسمائه حسب المشكله اذا امر صعب يامسهل كل صعب اذا حسيتي انك مكسوره ياجبار حسيتي انك مظلومه يانصير .. وهنا رابط باسماء الله اسماء الله الحسنى وادعوه باسمائه الحسنى وباسمه الاعظم الذي إذا دعي به أجاب ، وإذا سئل به أعطي وقيل هو الحي القيوم قال بعض العلماء : اسم الله الأعظم الذي إذا دعي به أجاب وإذا سئل به أعطي هولا إله إلا أنت سبحانك إني كنت من الظالمين ، اللهم إني أسألك بأني أشهد أنك أنت الله الأحد ، اللهم إني أسألك بأن لك الحمد ، لا إله إلا أنت الحنان المنان ، بديع السموات والأرض ، يا ذا الجلال والإكرام ، يا حي يا قيوم . ولاتنسون بعد كل دعاء تدعونه قولو امين اختمو دعائكم بها قال رسول الله صلى الله عليه وسلم لما سمع رجل يدعو : " أوجب إن ختم " فقيل له : بأي شيء يختم ؟ قال :" بآمين ، فإنه إن ختم بآمين فقد أوجب" وتذكرو ان تبدون بالحمد على الله والشكر له والثناء عليه وعلى نعمه وبعدين تصلي على رسولنا الكريم اللهم صلي وسلم عليه وبعدين تدعين بما تتمني تذكري بكلمه كن فيكون يتغير الحال ويتبدل .. واختمي بالصلاة عليه صلى الله عليه وسلم .. قال تعالي : " وآخر دعواهم أن الحمد لله رب العالمين " والى هنا وصلت لاخر موضوعي اسال الله ان يجعله من علم ينتفع به وان يكون لي لا علي يوم القيامه اللهم اسعد قلوبهن ويسر امورهن واجمعني بهن في الجنه يارب اللهم اجب دعائنا وندائنا يا سميع الدعاء ,, دعواتكم بنات ..ربي افرج همي .. والله ماكتبته ..الا وانا احوج منكم له .. وصلي اللهم وسلم على نبينا محمد تسليما كثيرا .. منقول من ايميلي |
|
|
#2 |
|
|
رد: لاني احبكم
الف شكر ياقمر جزاكى الله خيرا
|
|
|
#3 | |
|
|
رد: لاني احبكم
اقتباس:
|
|
|
|
#4 |
|
|
رد: لاني احبكم
جزاك الله خير حبوبه
|
|
|
#5 | |
|
|
رد: لاني احبكم
اقتباس:
|
|
