كذب الشباب على البنات

كذب الشباب على البنات

هذي جمل الشاب المشهوره.. طبعا في شباب ماشاء الله عليهم اسطوره في الكذب ...

ودوركم يالبنات ضحكوا

1- حبيبتي تدرين والله انا ماعندي حركات الشباب .. ماكلم بنات.. اصلا ماحب هالحركات
(( باين وانت كل بنات العالم يعرفونك ))

2- مادري حبيبتي احس اني اعرفك من زمان
(( لا يمكن مغلط بينها وبين وحده كنت تعرفها اول .. يمكن في شبه ))

3- حبيبتي احس انك غير عن كل البنات احس انك مختلفه وغير عنهم
((ليش فوق راسها ريشه و لا من كوبكب ثاني ))

4-حبيبتي والله احس في اشياء كثيرة انا وانتي نتشابه فيها .. كأننا شخص واحد
(( سبحان الله اخوها فالاسلام لازم يكون في شبه ها ها هاي ))

5-ياريتني ياقلبي عرفتك من زمان
(( معليش كان عندك زحمه ))

6- حبيبتي انتي تامرين قلبي امر .. كل اللي تقولينه البيه
(( ايه فالاحلام اكيد ))

7- حياتي ابيك تتغطين عشان ما احد يشوفك غيري لاني اغار
((لا يا حرام الغيرة حرقت قلبك حرق ))

8- ابجي اخطبك من اهلك بس بعد ما اكون نفسي
(( اجل من تكون هع هع بس صح تكسر الخاطر فلوسك كلها على الجوال والسيارة وعزايم اخوياك و و و الخ ))

9-يا قلبي ابغى اشوفك باقرب وقت ماقدر على الشوق اللي ذبحني
((يبغى اصحابه يتأكدون انها حلوة ))

10 - انا احب الشعر ومن هواياتي الرسم والسباحه
(( لا رومنسي الحبيب ))

11- حبيبتي حطي في بالك ترى انا اذا حبيت حبيت من كل قلبي
(( اقول بس اي قلب فيهم ؟!!!! ))

12- علاقتي فيك محد يدري فيها ابد لانها تعتبر من اهم خصوصياتي
(( بس عادي كل أخوياه يدرون .. لانهم مو اي احد ))

13- حبيبتي ودي اروح فندق كراون بلازا ودي العب تنس هناك
(( كثير عليك كيرم ))

14- شكلي حبيبتي راح اطق لي جاكوار من الوكاله
((اذا مو هوندا موديل 76 من الحراج ))

15- احتمال اروح سويسرا الصيف الجاي
(( ايه هين))

16- دايم اشتري عطوري من تناغرا
(( الحمدلله والشكر ))

17- لما اشوف رقمك في جوالي قلبي يفز من مكانه
(( اكيد .. خايف تكون كشفت ملاعيبك ))

18- فلان قال لي اعطيه رقمك .. بس انا قلت له اقتلني قبل ماتاخذ رقمها مني
(( هاهاي يا مضحي انت يا شجاع .. هذا اذا مو كل الشباب يعرفون رقمها المسكينه ))

20 - حبيبتي ابغا صورتك اخليها عندي عشان قبل ما انام اشوفها واحطها تحت راسي وانام
(( لا وانت الصادق عشان يوم تمل منها تهددها ))

21- اسف حبيبتي امس ما اتصلت عليك بس كنت مشغول مررة مع الدراسه
(( باين يا نيوتن انتا ))

22- تدرين حبيبتي انا دايما البنات في السنتر يطلبون رقمي ... بس انا ماعطيهم وجه دام انتي حبي
(( هاهاي .. الترتيب الصحيح للجمله .. دايما انا الحق البنات بس مايعطوني وجه ))

23- والله حبيبتي كان ودي اجي عالموعد اليوم بس صارت ظروف صعبة جدا وماقدر اجيك
(( ايه صح تذكر موعده مع خويته الثانيه اللي واعدها 10 مرات وخلف وعده ))

24- امس مانمت .. طول الوقت افكر فيك .. اخذتي عقلي حبيبتي
(( الا قصدك نمت وحلمت وشبعت نوم ولا تدري عنها اصلا ))

25- انتي احلى بنت شفتها بحياتي ماظن القى احلى منك
(( ليش متعرف على ملكة جمال الكون واحنا ماندري؟؟))

26- الظاهر بشتري كمبيوتر جديد .. كمبيوتري صار له شهرين معاي وكمبيوتر اخوي مايعجبني والكمبيوتر الثاني ماتأقلمت معاه
(( مشاءالله وكالة كمبيوترات ....اراهن بعمري على انه كمبيوترك قديم من العصر الجاهلي وماعندك غيره كل ماخرب صلحته ))

27- ما افتح الماسنجر الا اذا انتي موجوده ... اصلا النت بدونك مايسوى
(( يقصد .. ما البلوك عنك البلوك الا بعد ربع ساعه من تدخلين ... وترى النت بدون البنات مايسوى))

هذي نقطه في بحر
وماخفي كان اعظم

واذا عجبكم الموضوع ياليت تبدؤ التقييم

مع تحياتي:الهنوف

مشكورة حبيبتى

	#2
ام ذياد	رد: كذب الشباب على البنات كذب الشباب على البنات مشكورة حبيبتى