اللي تبغه تستفيد تدخل......

السلام عليكم

حبايبي انا ادخل دايما منتديات احب استفيد من تجارب البيت واشوف الحريم السنعات اش يكتبوا ويخترعوا ويستخدموا لتنظيف وتعطير بيوتهم المهم قريت مواضيع كثيرة ومتفرقة وعجبتني حاجات كثير بعضها نجحت والثانية فشلت وانا بكتب لكم اشياء من اللي قريتها ونفذتها ونجحت والحمد لله

1-تبين تخلي بيتك ريحتة على طول حلوة جيبي علبة البف باف او الريد الكهرباء اللي مكتوب علية طارد للباعوض بعد مايخلص اغسلية كويس من الداخل وجيبي عطر زيتي مثل عطر التوت البري الزيتي وصبي شوي لاتملية ربع مثلا وخلاية فالكهربا بالمدخل جربية وماحتندمي

2-لتسهيل كوي الملابس وتعطيرها جيبي الكامفورت وحطية بخاخ وحطي علية موية ورشي على الملابس وكويها بتطلع ريحتها جنان

3-لتعطير دواليب جيبي ورد مجفف وجيبي صابون سائل لوكس الوردي ريحتة جنان وحطية في زبدية كبيرة الورد والصابون وشوية موية وافركي الورق (طبعا الصابون كمية كبيرة )عرضيها للشمس حتى تجف المويا والصابون وحطيها فاكياس تل وعلقيها بالدولاب

4 لتعطير الملابس جيبي بخاخ وحطي فية موية وشوي مسك او اي عطر يعجبك ورجية كويس وبخي فالدولاب وبعدين رصي الملابس وبين كل لبسة رشي بمنديل وحطيها لانة اذا حطيتية بدون ماء حيبقع بالملابس

5- لتنظيف وتلميع الارضيات جيبي جل العملاق واخلطية مع الماء والكلوركس ومسحي الارضيات وبعد ماتخلصي حطي ماء ومقدار غطاء كمفورت ومسحي الارضية بتشيل ريحة الكلوركس وكمان بتلمع الارضية >>>>والله خطيرة جربتها والريحة تطول بالبيت ماتروح

6-لتعطير الغرف افتحي المكيف وطلعي اسفنجتة ورشيها بعطر زيتي لان العطر الزيتي تطول ريحتة لكن قبل لاترشيها اغسلي الاسفنجة بماء وكامفورت او داك الريحة اللي تعجبك<<<وكمان اسفنجة المكنسة الكهربائية

7-لتنظيف الفروقات اللي بين السراميك عليك بخاخ الكلوركس وممكن تعملية انتي بالبيت بالكلوركس وحطي معاه اريال وحطيه بخاخ ورشي على الفروقات وافركية بالاسفنجة بيصير يلمع0

منقول