 |
  |
|
|
|
|
#6 |
|
|
رد: ثورة ال Valentine 2011
يلا نكمل حوارات الحبّبية ومع الحوار الثاني : "شلة حب" تيجي تحب في عيد الحب؟!  تعريف بالشلة : هم شلة جامعة مكونة من : بنات وشباب البنات : فوفو وسوسو وشيري والشباب : هيما وابوحميد وموري شيري انتيمة ابو حميد معلومات هامة : شيري انتيمة ابوحميد سوسو انتيمة هيما فوفو انتيمها في جامعة تانية موري بقاله فترة مختفي من الشلة الشلة دي مشتركة في اسرة من اسر الجامعات فمسئولي الأسرة عاملين اجتماع هام جدا وعاجل جدا وخطير جدا لاعضاء الاسرة كلهم في يوم 1من فبراير يا تري خير ؟ في ايه ؟ ندوة دينية ؟! -----> لا طيب ندوة ثقافية ؟! -----> لا طيب اجتماع دراسي يفيد الطلبة ؟! ----> لا طب الجامعة هتهد علي دماغنا ؟! ----> بعد الشر يا شيخ امال ايه ؟ الناس كلها عايزة تعرف في ايه ؟! ؟؟؟؟؟؟؟؟؟؟؟؟ هقولك يا سيدي اجتماع التحضير لليوم العالمي اليوم الأحمر اليوم الوردي اليوم الدبدوبي اليوم اللي الدنيا كلها بتبقي لونها احمر فيه اليوم اللي الدنيا بتبقي 2 :2:2 :2 ----> ايه دي معادلة رياضية ولا ايه ؟! لا يا استاذي دول ( الحَبّيبة جمع حبيب وحبيبة ) متصحصح معايا امال احنا هنام من اولها ؟ اليوم اللي الشيطان بيبقي مزئط فيه اخر زئطة وهو  عيد الحب  14 فبراير  فالشلة واقفة بتسمع ودار الحوار الآتي :  سوسو : ههههههه اه صح اتصوروا الواحد كان ناسي اليوم الجميل دا الاسرة دي روشة اوي بتفكرنا علطول بالمعاصي هههههه . فيرد عليها هيما انتيمها المُقرب : كدة يا سوسو تنسي يوم زي دا امال حبنا لبعض دا ايه ؟ فترد فوفو : انا عن نفسي لسه البوي فيرند بتاعي مفكرني في التليفون واتفقنا هنتقابل فين يومها . فشيري تقول : ايه يابوحميد ساكت ليه ؟ متقول حاجة يابني _ اصله انتيمها فلازم تهتم به _ ابو حميد : لا اصلي سرحت هجيبلك ايه يومها دانا لازم احوش بقي . سوسو : طيب يا جماعة بجد هنتقابل فين يومها عايزين مكان شاعري كدة هيما : هنفكر كدة ونقولكوا ع مكان محصلش يا حلوين ,   وكله يروح علي بيته يفكر في اليوم الاحمر والمكان الاحمر والهدية الحمرا وابوحميد مستواه المادي بسيط وعلي قد الحال اليومي ع عكس باقي الشلة وابوه رجل بيشقي عشان يجيب لقمة العيش فيدوب معاه فلوس المواصلات والكتب بالعافية بس لازم يظهر واد جنتل قدام انتيمته شيري فيدخل احد المحلات الحُمر اللي بدأت تحمّر قبلها بشهر _ استغلال الفرص بقي _ فيسأل صاحب المحل علي اقل دبدوب بكام ؟ ب50 ج يا فندم طبعا وشه جاب نص الوان الطيف , طيب اقل بوكيه ورد بكام ؟ عشان خاطرك انت بس ب 40 ج دا اقل واحد ؟؟؟ اه يا فندم وشه جاب النص التاني من الوان الطيف ... وزعلان ابوحميد ومش عارف يعمل ايه ؟ فيفتكر الجنتلة ويطلب ابوحميد من ابوه مبلغ 50 ج , ابوه يسمع المبلغ كام ؟ قصدك 50 قرش طيب ماشي هشوفلك ولو اني كنت نازل اجيب بيها عيش دلوقت . ابوحميد واخر ضيق : 50 قرش ايه يا بابا وعيش ايه ؟ انا عايز 50 جنيه ابوه : ايه ؟ انت اتجننت يا واد دانا بوديك الجامعة دي بالعافية عشان اشوفك راجل قد الدنيا وتشتغل وتشيل عني شوية يا احمد انا تعبت وانت سندي بعد ربنا , احمد " ابوحميد ": اشمعنا احنا اللي فقرا علطول , اشمعنا كل اصحابي معاهم فلوس كتير وابوهم مهنيهم جدا واي حاجة بيطلبوها مُجابة اشمعنا؟ ابوه : انت ناقصك ايه ؟ منتا كل حاجة بتطلبها بموّت نفسي وبجبهالك قولي ايه ناقصك ! , متجلدنيش يابني حرام عليك ويدمع الاب . احمد يمشي ويسيبه _ هداك الله يا احمد _ ويأتي موعد تجمع الاسرة 1\2 وتقابل الشلة ويدور الحوار الاتي : سوسو : ايش اخباركوا فكرتوا ولا ايه في المكان والهدايا ؟ يرد هيما : بالنسبة للهدية متقليقش عاملك حتة مفاجأة بس خليها في اليوم الموعود 14\2 وبالنسبة للمكان لمّا انا بقي فكرتلكوا في حتة مكان ! تحفة عشان نهيس يا سوسو . سوسو تتكسف وتقول : ايه هو يا عبقري ؟ هيما : طبعا الجناين كلها والحدائق وقصر النيل وطبعا الجامعات بتبقي كومبليت كلها بالاتنيمات فانا بقي قلت نروح رحلة ع البحر , اينعم احنا في الشتا بس يا احساس حلو اوي البحر في عز السقعة وكمان هيبقي ف ناس قليلة فهنخد راحتنا ايه رأيكوا بقي ؟ شيري : ابوحميد ايه رأيك ؟ مالك يا بني في ايه ؟ ابو حميد عمال يفكر ف كلام ابوه له امبارح وغِني اصحابه ومحتار : انا انا كويس متشغليش بالك بيا يا شيري فمين يجي ويقطع الحوار " موري " ابوحميد كان بيحبه اوي فيخده بالاحضان : ايه يا عم الغيبة دي واحشني اوي فينك ؟ موري : ازيكم يا جماعة اخباركوا ايه ؟ طيب بعد إذنكوا يا بنات عايز الرجالة في كلمتين ممكن ؟ فترد شيري وفوفو في نفَس واحد : ايه دا مش تسلّم الاول ؟ موري : يا اخوات السلام حرام بين الجنسين . البنات في منتهي الاستغراب : اخوات ! - حرام !- جنسين ! هو في ايه ؟ انت جرالك حاجة يا اخ هههههههههههه ؟. هيما : ايه يا عم اسلوبك الجاف دا داحنا حتي داخلين ع عيد الحب ! موري : حب ايه بس ! يعني انتوا شايفين الحب مقطع بعضه بين الناس عشان تقولولي حب! دا للاسف الاخ دلوقت مش بيطيق اخوه وشوفوا علاقات أغلب الناس برا عاملة ازاي خناقات × شتايم ×خلافات ×قضايا ومحاكم × وقتل كمان , صح ؟ سوسو : والله عندك حق موري _ وجهه ملتفت ناحية الشباب مش البنات_:قال حب قال وبعدين يا جماعة احنا عندنا عيدين بس في الاسلام وهم عيد الفطر وعيد الأضحي صح ؟ ابوحميد : اه صح بس دا مش عيد بمعني الكلمة يا موري دا تفاريح بس . موري : تفاريح !!! " وتحسبونه هيّنا وهو عند الله عظيم " يا جماعة انتوا عارفين اصلا مين اللي اخترع البتاع دا ؟ شيري : مين يا شيخ موري ؟ موري : واحد نصراني اسمه فالنتين ومش عايز اتكلم عن شخصية زي دي انما انا هجيبلكوا رأي الدين في حكم الاحتفال بالاعياد دي " - سئل الشيخ ابن عثيمين رحمه الله ما نصه : اقتباس: " انتشر في الآونة الأخيرة الاحتفال بعيد الحب خاصة بين الطالبات وهو عيد من أعياد النصارى ، ويكون الزي كاملا باللون الأحمر ، الملبس والحذاء ، ويتبادلن الزهور الحمراء ، نأمل من فضيلتكم بيان حكم الاحتفال بمثل هذا العيد ، وما توجيهكم للمسلين في مثل هذه الأمور والله يحفظكم ويرعاكم ؟ اقتباس: فأجاب : الاحتفال بعيد الحب لا يجوز لوجوه : الأول : أنه عيد بدعي لا أساس له في الشريعة . الثاني : أنه يدعو إلى العشق والغرام . الثالث : أنه يدعو إلى اشتغال القلب بمثل هذه الأمور التافهة المخالفة لهدي السلف الصالح رضي الله عنهم . فلا يحل أن يحدث في هذا اليوم شيء من شعائر العيد سواء كان في المآكل ، أو المشارب ، أو الملابس ، أو التهادي ، أو غير ذلك . وعلى المسلم أن يكون عزيزا بدينه وأن لا يكون إمعة يتبع كل ناعق . أسأل الله تعالى أن يعيذ المسلمين من كل الفتن ما ظهر منها وما بطن ، وأن يتولانا بتوليه وتوفيقه " انتهى من "مجموع فتاوى الشيخ ابن عثيمين" (16/199). اقتباس: و"قال شيخ الإسلام ابن تيمية رحمه الله : " الأعياد من جملة الشرع والمنهاج والمناسك التي قال الله سبحانه ( عنها ) : ( لكل جعلنا منكم شرعة ومنهاجا ) وقال : ( لكل أمة جعلنا منسكا هم ناسكوه ) كالقبلة والصلاة والصيام ، فلا فرق بين مشاركتهم في العيد ، وبين مشاركتهم في سائر المناهج ؛ فإن الموافقة في جميع العيد موافقة في الكفر ، والموافقة في بعض فروعه موافقة في بعض شعب الكفر ، بل الأعياد هي من أخص ما تتميز به الشرائع ، ومن أظهر ما لها من الشعائر ، فالموافقة فيها موافقة في أخص شرائع الكفر وأظهر شعائره ، ولا ريب أن الموافقة في هذا قد تنتهي إلى الكفر في الجملة . وانا مش عايز اطول عليكوا بس صدقوني انا خايف عليكوا اوي . هيما : يا عم الشيخ ايه الكلام الجامد دا احنا مش قده , انت مأفور الدنيا ليه كدة ؟! ابو حميد : ياه يا عمرو كُفر مرة واحدة ! شيري : لالالا مش ناقصين عقدك دي يا موري خلينا نفرح ونبسط . سوسو : سبحان الله , اتصور يا موري كلامك دا كنت غايبة عنه خالص ولا عمر حد فكرني به , احكيلنا بقي ايه اللي غيرك كدة ؟ موري : انا اسف يا جماعة مش هقدر اتكلم معاكوا اكثر من كدة بس كل اللي هقدر اقدموا لكوا لانكوا اخواتي في الإسلام هي السلسلة دي : رسائل إليكِ اختنا طيب يا جماعة يلا بينا احنا _ هيما وابوحميد _ وياريت الاخوات يمسحوا نمرتي وينسوني خالص . فتمشي سوسو وشيري وهما مستغربين جدا ومعاهم السلسلة الدينية ومش عارفين يعملوا ايه ؟  وعمرو " موري " يأخذ صحابه ع الكفتيريا ويعزمهم ع الفطار هيما وابوحميد : ايه يا عم في ايه ؟ براحة شوية علي البنات اكيد زعلوا من طريقتك دي . عمرو : انا خايف عليهم ومش عايزهم يضيعوا فلازم كنت اشد كدة . هيما : تشد ؟! وخايف عليهم ؟ من ايه يا عم المُنقذ ؟ عمرو : هههههههه بتريق يا عم هيما ماشي هفوتهالك عشان انت واحشني بس , بصوا البنات دول غلابة مش فاهمين ان بمشيهم معانا دا بيقللهم جدا من نظرنا احنا كرجالة وعمرنا مهنفكر فيهم كزوجات لنا وغير كدة طبعا حرام جدا اننا نمشي معاهم بالله عليكوا مش صح ؟ هيما : ايه يا عم العُقَد دي احنا بنفرح ونبسط معاهم انت باين عليك عايز تترفمت وترجع موري بتاع زمان . عمرو : ههههههه لا موري بتاع دا مش عايزه انا عايز موري المترفمت الجديد اللي نفسه ينقل فرمته لاصحابه اللي بيحبهم هيما وابوحميد . هيما : لا يا عم انت شكلك فيرس خطير . ابو حميد : هههههه والله انتو عثل اوي عمرو : طيب اسألكوا سؤال : ايه رايك لو اختك دي اللي الشباب معاها وبيتمشوا وهايسين معاها برده هتوافق !؟ ابو حميد : اختي ! دانا اقطع رقبتها هيما : اه عادي هوافق طالما بيحبوا بعض وناوين يتجوزوا بعد الكلية . عمرو رداً علي ابو حميد : طيب اشمعنا بقي ترضي لباقي اخواتك في الاسلام ؟ ورداً علي هيما : يا عم هيما صدقني الحب قبل الجواز بيجيب مشاكل بشعة وانك بتفرغ كل طاقتك العاطفية قبل الجواز وبعد الجواز مش هتلاقيها واسأل المجربين وحالات الطلاق اللي كثرت جدا من بعد الجواز بكام شهر تلاقيهم اطلقوا بسبب انهم كانوا بيحبوا بعض حب غلط قبل الجواز , وبعدين اصلا انت ايش ضمنك ان دي نصيبك اللي ربنا كاتبهولك ؟؟! دا ياما ناس حبوا بعض بال4 و5 سنين وبعدين كله فركش لان نصيبهم مش مع بعض , وبعدين خلي بالك لحاجة خطيرة جدا ان اللي بتعمله انت دلوقت مراتك المستقبلية بتعمله بالظبط يعني ماشي مع بنت , هي ماشية مع ولد , انت بتاع ربنا وماشي سليم , هي بتاعة ربنا وماشية سليم فخلي بالك اوي . هيما والكلام خوفه واقتنع به بس حب يدخل هزار : احم احم طب لو انا مكتوبلي اني متجوزش خخخخخ . عمرو : تبقي اختك يا خفيف هي اللي زيك , يجي في الهايفة ويصّدر فيها يارب ارحمني . عمرو : طمنوني بس يا جماعة انتوا اقتنعتوابكلامي وبحكم عيد الحب دا ولا انا بدن في مالطة؟ ابوحميد وهيما : : اه طبعا يا موري كلامك مقنع بالنسبة لعيد الحب دا نعوذ بالله من الكفر ومشاركة الكفار أعيادهم الكفرية , دا انت جيت نجدتنا يا بني داحنا كنا لسه بنحضر لليوم دا وناوين نوايا سودة , الحمد لله . عمرو : مش انا يا هيما دا ربنا سبحانه بيحبكوا فبعث لكم رسالة في الوقت المناسب , طيب يارجالة نرجع لسؤال ابوحميد الطيب , بص يا احمد انت وهيما والله انا بحبكوا جدا ولولا حبي لكم مكنتش جيت النهاردة , انا بفضل الله التزمت واستنعت بالله وعاهدت ربنا اني هتوب من كل المعاصي واولها العلاقات المحرمة مع البنات لان دي بتفتح أبواب معاصي كتير جدا زي : " بعد عن الله - رفقة الشيطان - ترك الصلاة بالتدريج - أغاني محرمة - البعد عن الأهل - الفشل الدراسي - .......ممكن توصل لكبائر الكبائر زنا او كفر بالله " والعياذ بالله  احمد ومتأثر جدا من كلام عمرو من اول ما جه : طيب انا نفسي اتوب لربنا اوي , انا حاس اني وحش اوي وبعيد اوي من ربنا وان ربنا غضبان عليا اعمل ايه ؟ عمرو : بص يا احمد الاية الجميلة دي : {أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ} [الحديد: 16] احمد : ما أجمل عتاب ربنا , يا ربنا بيخاطبنا علي اننا من الذين ءامنوا رغم كل معاصينا دي !! سبحانه الرؤوف الرحيم تبنا إليك يارب . عمرو : فلنعاهد ربنا من الآن احمد قر التوبة اما هيما فما زال مهزوز ويلاقي اتصال من شيري : ايه يابني انتوا خلصتوا الفيلم دا ولا لسه احنا واقفين عند الكافتيريا . هيما بيبص لموري واحمد : اه طيب احنا جاينلكوا اهو . احمد : جاين ايه يا عم لا خلاص نويت اقطع العلاقة دي إن شاء الله . وهم ماشين لاقوا البنات في وشهم فموري قال لاحمد ف ودنه تعالي نسحب احنا ونروح نصلي الظهر فاحمد يقولهم احنا رايحين نصلي الظهر سلام شيري تنادي ع احمد : احمد في ايه انت بقيت مع موري ولا ايه وهتسيبني ؟ هيما يتحرج منهم : ايه العالم الندلة دي متخدوني معاكوا سوسو : انتوا اتجننتوا باين عليكوا موري دا جه جننكوا خالص هيما : طيب بصوا تعالوا كلنا نروح نصلي ونتقابل بعدها . سوسو وشيري : لا احنا ماشين خلاص باي . هيما : يا بنات استنوا بس عشان خاطري احنا هنجيلكوا تاني . والصلاة تخلص هيما يقول لاحمد وموري : وبعدين في البنات صعبانين عليا اوي انا رايحلهم فموري واحمد يظبطوا حوار كدة مع بعض , ويروحوا كلهم للبنات فاحمد بدأ يكلم موري بصوت عالي : تعرف يا موري البنات دول غلابة اوي فترد شيري باستنكار : غلابة ! ازاي يعني ؟؟ هيما يغمز لاحمد : ايه يا عم متسكت احسن سوسو : هو في ايه بالظبط انتوا النهاردة حاجة بشعة ! موري باص في الارض : هسألكم سؤال وتجاوبوني عليه بصراحة يا رجالة ؟ ايه نظرة الولد في البنت اللي بتمشي معاه ؟ احمد : انا اسف في الكلام اللي هقوله بس هي دي الحقيقة , نظرة الولد انها بنت مش محترمة وانه لا يمكن يفكر يتجوزها بعد كدة , لانها لو كانت اخته مكانش يسمحلها بكدة ابدا . شيري مصدومة والدمعة في عينيها : ايه ؟ هو دا رأيك يا احمد ؟ وهات يا عياط . سوسو تتنرفز من الحوار دا كله وتشد شيري وتمشي بها بسرعة ويدور الحوار بين سوسو وشيري : شيري بعياط : شوفتي يا سوسو رايهم فينا ؟ انا مش قادرة اصدق اللي سمعته سوسو : بس اتصوري يا شيري فعلا انا سمعت كدة قبل كدة وانا نفسي بحس وانا مع هيما او غيره بحس اني رخيصة اوي وان في حاجة غلط وان ضميري بيأنبني دايما بس انا اللي كنت بخرصه , للاسف يا شيري احنا السبب مش هم لان البنت هي الحاكمة ترخص نفسها او تعلي قيمتها وسمعتها , شيري احنا لازم نقطع علاقتنا بيهم . احمد : طار جري علي رجل أبوه يقبلها ويطلب منه السماح والرضا : سامحني يا ابويا انا هذاكر وهشتغل وارفع راسك واشيل عنك . هيما : معاهم حق لازم امشي صح عشان زوجتي واختي يمشوا صح ولازم اذاكر كويس واشتغل عشان اقدر افتح بيت واتجوز واعف نفسي . شيرين " شيري" وفاطمة " فوفو " وسندس" سوسو " دخلن السلسلة التي اعطاها لهن عمرو وقلن : سامحنا يارب علي تهاونا وتقصيرنا وتجرأنا عليك وفتنة عبادك وإضلالهم سامحنا يارب . عمرو: سعيد جدا بهداية شلته الحمد لله الحمد لله يارب ثبتنا يارب .  |
|
|
#7 |
|
|
رد: ثورة ال Valentine 2011
ايه زهئتوا ولا ايه ؟؟ اعتقد وازعم واتخيل واتصور ان الكلام في Love مش بيزهق خالص نهائي اطلاقا عامة عندنا فاصل رائع ومع هذا الفاصل الخطير اعتراف في يوم خطير...~بحبِك ~ بحبِك من زمان ومن بعيد بحبِك من أول مرة شفتِك من أول مرة ..تحرك قلبي نحوِك بس معرفتش آجي وابوح بحبِك حاولت مرة واتنين.. ورتبت ف دماغي كلام كتير وتخيلت لو مرة كلمتِك وقلت اللي ف نفسي اقولهولك .... ... .. أعتذر لو قاطعتك ياللي بتقري الكلام ده بس عايزة أعرف فكرتي بالكلمات دي؟ وبسألك عرفتي مين اللي بيقول لمين؟ يمكن تقولي عاشق بيعترف لأول مرة بحبه لحبيبته لو كده ..يبقى سامحيني ..المرة دي انتي غلطانة خليني أقولك القصة.ده بقى كلام وجهته هاجر ل فاطمة.. - هاجر ؟ فاطمة ؟ مين دول؟ طيب متصلي على حبيبك الأول؟ صلى الله عليه وسلم هاجر و فاطمة منذ ذلك اليوم وإلى الان يعيشان أسعد اللحظات ويتبادلان اطيب الكلمات هاجر كانت بتشوف فاطمة ف الجامعة وشافتها مرة في حفل اقامته أحدى صاحباتها بمناسبة عقد قرانها هاجر ..كل متشوف فاطمة..تشعر براحة غريبة وتمنى لو تكلمها.. بس كانت بتخجل ..لأنها مكانتش تعرف تبدي منين هاجر..أحبت فاطمة لبريق نور في وجهها وجاء ذلك اليوم .. اليوم اللي فيه تشجعت هاجر للبوح بمشاعر لم تعرف حقيقتها عارفة اليوم ده كان ايه؟ لا لا لا ..اوعى يروح فكرك لبعيد اليوم ده مكنش 14 فبراير ومكنش اللقاء في محل للورد الحمراء والدبة البيضاء لا الوقت كان احدى ليالي رمضان والمكان كان احدى المساجد ونشأت من ذلك اليوم ..علاقة ربطت الفتاتين علاقة حب.. صافية نقية طاهرة حب في الله وما أحلاه من حب !! يا فتاة نسبت للاسلام .. لم تبحثين عن لؤلؤة مزيفة ..وعندك محار من اعماق البحار؟ فالحب في الله ..لؤلؤة غالية وجوهرة ثمينة والحب المزعوم ..سراب خادع , و وهم كاذب فلماذا نبيع الغالي بالرخيص؟؟ لقد بقي لذلك اليوم ذكرى في القلب فقد كان يوم اعلان الحب واستمرت هاجر و فاطمة يحتفلان بحبهما كل يوم وتهدي احداهن للأخرى دعوة بظهر الغيب كل يوم أختاه لماذا نضحي بحب يدوم.. لأجل حب يحتفل به في يوم!! wait me There will be prizes in the coming posts if ALLAH willing |
|
|
#8 |
|
|
رد: ثورة ال Valentine 2011
<B><FONT size=5 face="Traditional Arabic"><FONT face=Arial> نتابع الحوارات الشبابية ومع الحوار الثالث : (اشتريت القلب الاحمرياميدوit`s valantin) تيمو:(جبت القلب ولا لسه ده الفالنتين..عيد الحب ..اه ياقلبى.. ,قولى بئه هتهديه لمين,مين سعيدة الحظ,قول ياعم سرك فى بير, ميدو:هههه لاياعم انت بير مخروم, تيمو:ليه بس كده مافيش حد معانا ولا شايفنا غير ربنا اللى بحلفلك بيه انى مش هقول لحد, ميدو:ايه ده انتى بتقول محدش شايفنا ولا سمعنا غير ربنا الجملة حركت جوايا حاجة غريبة , تيمو:ياعم سيبك من الكلام الكبير ده وقولى علشان اقولك انا كمان مين جابلى هدية, ميدو:استنى بجد الجمله دى فيها حاجه انا مش عارف ايه اللى جرالى لما سمعتها..يعنى دلوقتى ربنا معانا, تيمو:طيب ماهو ربنا معانا على طول من زمان من ساعة ماتولدنا ايه الجديد, ميدو:ايه ؟انت بتقول ايه يعنى ربنا كان معايا وانا بقول للبنت(.) انا بحبك, تيمو:وايه يعنى ياعم عادى ميدو:,لأ مش عادى تيمو:,أزاى؟مش فاهم ميدو:مش عارف ليه انا افتكرت حديث كنا خدناه واحنا صغيرين فى المدرسه فيما معناه انه لايؤمن احدكم حتى اكون احب اليه من نفسه.. تيمو : اه ماشى وبعدين؟ايه يعنى اللى فيه الحديث ميدو : ايه اللى فيه ؟ فيه كتير فيه انى بحب البنت دى اكتر من نفسى بدل ماحب الرسول..تقدر تقولى البنت اللى انا بحبها فادت الدنيا بإيه؟ تيمو:يعنى ايه؟ايه الكلام الكبير ده ميدو:اقصد الرسول صلى الله عليه وسلم معلم الناس الخير هو اللى علمنا كل حاجه حلوه فى حياتنا ودخل معارك كتير اوى وضحى بنفسه والصحابه علشان يوصلوا لينا الاسلام ويعلمونا التعاليم...انما البنت دى كل اللى بتعمله وكل اهتمامها فى الحياه اللبس والمكياج ولفة الطرحه والموضه تيمو:..ايه ياعم ماتكبرهاش ده لولاهم القعده كانت هتبقى ممله والوقت كئيب .ميدو:.يعنى البنات بالنسبالك تسليه زى اللب صح..طيب لو دخلت فى حوارات الجواز والذى منه تيمو:..هتلاقينى راكب اول طيارة طناش..جواز مين ياعم ومين دى اللى انا ابصلها دى اخرها كام يوم وبعدين هلاقى غيرها لحد اما ايام الجامعه تخلص وبعدين ندور بئه على بنت الحلال...نسيتنى مش انا من فتره اتصاحبت على بنت من الفيس بوك بس ايه..تصدق فيها شبه منك لما شوفتها على الكاميرا.. ميدو:..فين دى ياعم؟وريهانى تيمو:اهيه ايه رايك فى زوقى؟ ..وهنا كانت المصيبه البنت طلعت اخته ميدو: ايه ده؟ نهارك ابيض دى اختى.. تيمو:اختك مين ياعم هو انا علشان قولتلك انك شبهها تبقى خلاص اختك.. ميدو:انا مابهزرش دى اختى ياعم هات الموبايل ده واحذف الصور... تيمو:خلاص ياميدو ما تزعلش ما انت برضه بتعرف بنات وكده... كما تدين تدان ولو بعد حين.. (ليه نزعل ربنا مننا بحبنا لغيره ونتبع اهواءنا وكل اللى نفسنا فيه بنعمله..ليه نلعب بنات الناس ..وليه نسمح للناس تلعب باخواتنا..هى دى الرجولة ؟ الرجولة يعنى اخلاق وادب واحترام وشهامه وغيره على العِرض.. استرجل شويه وبلاش تتذل لاى واحده علشان تكلمها وبلا تزيد الطينه بله وتقولها بحبك انت بكده مسحت اخر صفه من صفات الرجوله يعنى..خلاص مبروك حضرتك بقيت زيها مفيش فرق كبير بينك وبينها غير فى المظهر ده لو ماكانتش هى التانيه مسترجله... ماتذلش نفسك لواحده ماتستاهلش..وانتى ماترخصيش نفسك لواحد مايسواش...قدروا نفسكوا صح ياشباب وجهوا طاقتكم لحب الله وحب الاب والام يعنى لو كلمة بحبك قلتها لمامتك او باباك الصبح ده مش هيبقى فى الدنيا دى سعيد زيك برضا امه وابوه وبدعواتهم... اعلنها دلوقتى واسترجل.. <I>لا للصحوبيةBIRMG borde=0alt" src="https://www.nahralbared.com/vb/imgcache/2803.imgcache"> |
|
|
#9 |
|
|
رد: ثورة ال Valentine 2011
   انشودة اكثر من روعة مادروا إن الحب دوم خلو الحب الناس يوم الحب في الله الرحيم فيه المحبة هي تدوم الحب ما هو بس وعود ماهو هدايا أو ورود الحب كلمة صادقة ترضي بها رب ودود الحب ما هو بس هيام ماهو ملام أو غرام الحب جنة بالحلال ونار لهيبة بالحرام حب الأهل والوالدين حق على العاشق ودين يرخص لهم كل الغلا وندعي لهم ونرفع يدين حب الصحابة والرسول تجعلك قادر عالوصول من غير حب واتباع لا لا تفكر بالقبول انتظروا الحوار القادم |
|
|
#10 |
|
|
رد: ثورة ال Valentine 2011
ومع الحوار الأخير ميار:آآآآآآآآآه يانى انا مش قادرة هيا الساعة كام يا نهار ابيض الساعة 8:30 ازاى ورامى مش عدا على. التليفون بتاعها رن..فبتبص لاقته رامى قالت: ميار ياه لسة بفكر فيه:ألو....ألو رامى : إيه ياميرو انا مستنى اهو فى الجنينة مش جيتى ليه؟ ميار:ياه والله كنت ناسية بس انا لسة صاحية من النوم انا هاروح ألبس بسرعة وهاجى فى ثوانى. رامى:بس مش تتأخرى عشان عايزك فى حاجة. ميار:ايه الحاجة؟؟؟؟ رامى : لا اصل الأكل هايبرد. ميار:امم ماشى يلا..باى. رامى:باى. ولبست ميار وحطت ريحة واتشيكت وخدت الدبدوب الأحمر فى شنطيتها ومشيت. وصلت عند الجنينة،لاقيتها مليانة ناس طيب وهيا تقعد فين؟؟؟قام وراحوا حتة تانية وقعدوا هما الإثنين. رامى: ايه يا عم الحلاوة ديه. ميار:ولا حلاوة ولا حاجة مش لحقت اعمل اى حاجة. رامى:امم طيب انا بقى جيبتلك ساندويتشات كريب بانيه ايه رأيك. ميار:لا مش معقول انا بموت فيه. رامى:مش بخلى نفسك فى حاجة ابداً. ميار:ميرسى خالص. وكلوا وخلصوا اكل وبعد لما خلصوا..اتلف رامى واداها ظهره فاستغربت وقالتله: ميار:انتَ بتعمل إيه؟؟؟ رامى:ايه رأيك.......... وبيدلها دبدوب احمر. ميار:الله إيه العسل دة ربنا ما يحرمنيش منك ابداً. رامى:ميرسى...... ميار:بس انا لازم ارد الجميل للجميل.وادته الدبدوب الأحمر. رامى:ايه دة انا غريب عنك ولا ايه ميار:لأ بس زى ما قولت لك..لازم نرد الجميل للجميل.BR size=5colr#f0راى:nSymb%E3ش متشكر جدا.... ميار:طيب آآآآآآآآآآآآآ... رامى:أيه إلى حصل.. ميار: انا عايزة اروح دلوقتى انا عارفة اننا مش لحقنا نشوف بعض لكن انا مش قادرة اقعد اكتر من كدة معلش سامحنى. رامى:لالالا تحت امرك بس ابقى رنى عليا الصبح عشان تصحينى. ميار:حاضر ان شاء الله.. رامى:تصبحى على خير. ميار:وانت من اهله..باى. وروحت ميار وكانت عيلتها كلها ملتزمة ماعدا هي فكانوا فاتحين الشيخ حازم شومان وهو بيقول: ...لحد امتى سايب بنتك ماشية مع الولد وادوا بعض دباديب حمرا ويكلوا ويشربوا ومانتاش عارف حاجة عنها،ولحد امتى انتى ماشيا معاه وانت ماشى معاها..... فقالت لنفسها فى سرها: ايه دة،الشيخ عرف منين ان انا بعمل كدة،دة تبقى مصيبة،لكن اكيد مش بيتكلم عنى،..... ودخلت خلعت هدومها ورجعت تانى سمعت الشيخ واتأثرت بكلام الشيخ تأثيراً بالغاً،وقررت انها تذيب علاقتها مع هذا الشاب..فطلبت من اخوها يجيب لها خط جديد عشان الشاب مش يعرف رقمها ويرن تانى على رقمها وقررت التوبة من كل حاجة .. وهيا ماشية مرة لقيته ماشى لوحده عمال يعيط فبصتله وقامت بصة الناحية التانية على طول فقال لها:يا ميار ، ميار. ميار: نعم..... رامى:ايه انتى نسيتينى ولا ايه؟؟؟ ميار:حضرتك مين انا ما اعرفش حضرتك. وقامت ماشية............ |
