 |
  |
|
|
|
|
|||||||
| صور , اجمل الصور بالصور قصة بنت خارجه من الجامعه وقت غرق جده ....... يوجد هنا بالصور قصة بنت خارجه من الجامعه وقت غرق جده ....... صور photos تواقيع طريقة اضافة صورة تصاميم فلاش تضليل الصور العارية صور منوعة images افضل صور ضحك مشاهدة صور مجموعة صور image |
|
|
|
#1 |
|
:: كاتبة نشيطة :: |
كيفكم ؟ إن شاء الله بخير يآلله شفتو جدة ايش صار فيها !!!! والله ذاك اليوم كان أكشن بالنسبه لي .. وصارت لي أفلام فيه طبعاً وثقتها بالصور .. بس من الآان بقولكم .. أعتذر وبشده على رداءة الصور لأن كلها تصوير البي بي وما يحتاج أوصفلكم تصويره كيف سيء اول شي انا يوم الثلوث الليل ما نمت زي الناس .. والله يدوب ساعتين وصحيت أراجع لأختباري حق يوم الربوع قلت ياشيخه الأختبار كله ساعتين بعدين أرجع البيت وأطقها نومه للعشاء .. ما وراي شي ومن جد صحيت على الساعه 7 تقريباً .. كان الجو مغيم وفيه هتان بس انا بيتي في الشمال والجامعه في الجنوب يعني مو شرط ان الجامعه كمان يكون الجو عندهم مطر المهم طلعت من البيت الساعه 9 دخلت الجامعه والجو عادي .. فيه شمس وقليل غيوم بدينا نختبر والمطر كل ماله يقوى .. الكلاس فيه شبابيك كبيره ... يالله مني قادره اركز عين في الورقه وعين في المطر مرت تقريباً نص ساعه .. شوي جو بنات يصرخون اطلعو حريقه حريقه !!! والاستاذه صارت تقول حطو الورق بسرعه مو لازم توقعون .. وبس طلعت من المبنى الا الاقي في وجهي رجال كثار حقين الدفاع المدني ... تخيلو المبنى اللي انا فيه صار فيه اللتماس ادى الى حريق وجو الدفاع اصلاً السما كانت سودا ما كأننا في الظهر !!  الحريم حقات الأمن لآبسين شي أصفر بلآستيك .. صحبتي معايا تقول تعالي خلينا نقولهم نبغا زيكم ورحنا في جهه قاعدين نتصور أنا وهي << لسا ما كنا مستوعبين خطورة الوضع شوي شافتنا وحده من حقات الآمن .. صارت تصرخ مهابيل انتم اطلعو ومدري ايش .. والله خوفتني .. وعلى طول طلعنا لمن طلعت كانت الأجواء من جدد تفجع  تخيلو كل ذا والساعه ما جات 12 !!!!!! بس بعدين فجأه صار الدفاع في كل مكان ورجال حق الأمن برى عند المواقف صار يصارخ علينا انا وصحبتي أدخلوا اي سياره اي باص بسرعه اركبوا اي شي قسم بالله رعب .. على طول ركبت في باص قدامي ومشينا كان في الباص 7 بنات .. وانا الثامنه طبعاً الطرق والشوارع كلها غرقانه  وبشويش نمشي .. يمين بالله كأننا وسط بحر !! شي مو بس مرعب والبنات يبكون .. والله بس أنا وبنتين اللي ما بكينا صراحه أنبهرت من نفسي .. أكتشفت أني أمراه ذات قلب فولاذي هنا لما طلعنا من الجامعه  صور من طريقنا       طبعاً طول ما أحنا نمشي نشوف السيارات الغرقانه والعالم الواقفين   هنا السواق صار يقول ما اقدر أمشي خلاص !!!! لو في حفره في الأرض أو شي .. ما اشوف شي ومن جد وقفنا .. جلسنا شي ابو ربع ساعه واقفين هو .. يتكلم ويبربر<< أنه المفروض نوقف لأن الوضع كله ماله يسوء وممكن المناطق الجايه اللعن من ذي ومدري ايش ... والبنات.. يبكون وأنا .. أصور بعدين مشينا ..      بعدين وصلنا لمنطقه وربي رعب مويا مويا مويا والله مو بس كأننا في بحر والباص زي الضباب .. حتى برى !!!!!! أصلاً السواق ما صار يشوف شي .. أنا جنب الطاقه ما صرت أشوف شي والله افتحها وأطلع راسي ما اشوف ولا شي .. ضباب آخر شي صار السواق يمشي بدون ما يشوف شي .. تخيلو واحد يسوق بدون ما يشوف .. قاعدين نمشي على الله وقتها خلاص وقفت تصوير .. حسيت كل جسمي تيبّس وكلنا ساكتين ندعي ونستغفر بس الحمدلله بعدين بدت الرؤيه نوعاً ما تتضح ..    السواق طارق الله يسعده دنيا وآخره .. قسم بالله وقف معانا وقفه رجال    مع الأجواء التوتريه والقلق .. شوي سمعنا صوت صريخ وهيه وتصفير طلع واحد يأشر لنا من بعيد .. بس طالعنا فيه صار يرقص هههههه قسم بالله ناس عجيبين !!! ش حاولت اصوره بس طبعاً مو باين يتبع >>>>>>>>>>> ;) |
|
|
#2 |
|
|
رد: بالصور قصة بنت خارجه من الجامعه وقت غرق جده .......
[[SIZE="6"][FONT="Tahoma"][COLOR="Teal"]CENTER]
 تكملة القصه هنا من قريب .. كان صرخ يقول حبتين خخخخخخخ ورجعنا نكمل .. :sfsfed:  في ذا المكان .. كان فيه زي الشله شباب سعودين متطوعين يدورون بين السيارات ويساعدون الناس وكذا الله يسعدهم .. والله سو فينا معروف :0153:   ذا الرجال كان يبكي .. واحد من الشباب صار يكلمه وكذا ..  بعدين جو عندنا .. وقالوا للسواق وين تبغا تروح .. قلهم طريق المدينه قالوا نعم !! ترى هناك جثث ... موتى والبنات صارو يبكون .. انا ماسكه نفسي :073: بعدين السواق قله خلاص خلاص .. وطلع يكلمه برى ياحليله ما يبغانا نسمع ايش يقولون ...عشان ما نفجع آهم شي أنه قبل ما يطلع يقولنا يابنات لآ تخافون انا شويه اروح وارجع بعدين رجع يابنات لا تخافون انا هنا جنب باص << والله حسيته أبي الروحي ;)  بس بعدين قالوا نجلس هنا .. بذي المنطقه لأنه مستحيل نعدي طريق المدينه كثير وفيات هناك .. وراحوا الشباب يدبرون لنا مكان نجلس فيه .. بعدين رجع لنا واحد .. قال في شقق مفروشه قريبه .. وفي فندق بعيد شوي قلنا خلاص نروح الشقق يعني هي الأقرب ... قال والله ما تروحون الشقق .. الفندق أأمن لكم وحده بنت منهاره بس تبكي صارت تقول طيب لو ما دخلونا ... قال اقولهم اخواتي والله غصب عنهم يدخلونكم << يقولها بصريخ وركب معانا الباص ومشينا .. هنا طارق لما رجع .. كلله مويا  ودانا فندق الحياة جدة كونتينتال :D أول ما جينا عنده طلع الرجال السعودي كلم المشرف ورحب بنا .. وتفضلو ومدري ايش وخلاص راح السعودي .. الله يوفقه والله مره سوى فينا معروف بعدين المشرف خلانا نروح قاعه صغيره عندهم .. أول ما دخلناها  بس جلسنا شوي .. بعدين قفلو الكهرباء .. عشان لآ يصير إلتماس لا قدر الله بس ما كان فيه ظلام مره .. لأن الساعه كانت تقريباً 1 ونص أو أثنين بس وجلسنا بدون كهرباء .. :sfsfed:  بعدين صارت تدخل المويا جوى والعمال يطلعونها .. ويحطون مناشف وكذا حتى طارق كان يساعدهم في التنشيف والتمسيح << طارق الرجل المثالي  بعدين جينا بنصلي الظهر ما صلينا .. رحنا بنتوضى في الحمامات الله يعزكم شوي المويا تطلع من البلاعه تكرمون .. قدامي .. اع انا خلاص قرفانه من نفسي .. وجاء ذا وطفح قدامي والله حسيت نفسي برجّع قلنا للمشرف ودينا اي حمام ايش ذا .. قال طيب ودانا جناح العروسه ذي صورتها من هناك  أصلاً قلنا له نبغا نحجز سويت .. قال ما نقدر الكهرباء مقفوله والستم كله ماشي على الكمبيوتر مدري ايش صار يتفلسف قلنا طيب وجلسنا في جناح العروسه شوي جانا المشرف مره ثانيه .. صبايا ممكن تنزلوا لتحت .. وجلس يشرح لنا كيف أنه جناح العروسه شي مقدّس والمفروض ما نجلس فيه .. يرحم أهلك ياشيخ ! قلنا طيب وطلعنا .. جينا بنزل من درج الزفه اللي طلعنا منه شوي نشوف الأرض كلها مويا .. ارض القاعه تخيلو صرنا جالسين عالدرج  ادري الصورة مره مي واضحه بس شوفو طارق جالس فوق الكوشه ياحليله والله مو راضي يبعد عننا وكل كلمة والثانيه يقول كلو بنت زي انا بنت << مو قلتلكم أبونا الروحي :11_1_120[1]: برضوا يتبع يا حلوين >>>>>>:11_1_122[1]: |
|
|
#3 |
|
|
رد: بالصور قصة بنت خارجه من الجامعه وقت غرق جده .......
نكمل .. :sfsfed: [/COLOR][/FONT][/SIZE][/CENTER]بعدين جانا واحد سعودي يشتغل بالفندق .. قال تعالوا معاي خطر انكم تجلسون تحت طلعنا دور كله مكاتب فتح باب الا قدامنا واحد بسروال سنه وفنيله انا وجهي صار مدري كيف .. وذاك يقول ايش فيه بعدين اللي طلعنا قله الوضع خطر تحت وما ينفع البنات يجلسون هناك .. راح او سروال سنه قال ايوه ايوه صح ..تعالوا معايا <<< والله فجعه طول اليوم كل شويه واحد يقول تعالوا معايا المهم .. بعدين ودانا في الدور الثالث غرفة اجتماعات .. كبيره زي اللي بالمسلسلات وتركونا وطلعوا ..  جزء من الغرفه كان الشباك اللي بالغرفه مره كبير بحجم الجدار صرنا واقفين عنده .. نتفرج ونصور  شايفين سامبا اللي قدامنا .. تخيلوا بعدين لمن كثرت المويا الواجهات القزاز ذي اللي برى كلها تكسرت والمويا دخلت جوى والله العظيم قدامي الكنب والكراسي صاروا يعومون برى في الشارع بس ما صورته لأن جوالي قفل بعدين   السيارات تحزن  هنا مره فرحت لمن شفت الشمس أخيراً جات  بس ترى ذي الجهه الحمدلله هينه في جهه ورى .. نادانا المشرف قال لو أنتم مصرين تطلعون من هنا بس ابغاكم تشوفون ذي الجهه ! والله العظيم السيارات فوق بعض ! وناس ناس ناس ناس بس يمشون .. مدري من وين جو .. وين بيروحون شي مرعب .. أنا من أول اقول خلينا نمشي خلاص الوضع صار احسن بس لمن شفت الجهه الثانيه .. قلت لا والله مستعده أنام هنا بالفندق ولا أطلع برى ! أصلاً هو قال .. ترى الدفاع المدني أتصل علينا وقال أن أنتم أمانه برقبتنا .. عشان كذا حتى لو أنتم تبغون تطلعون ما راح أطلعكم .. ترى كان نفسي اصور الجهه الثانيه .. بس جوالي قفل خساره والله في اشياء كثيره صارت كان ودّي اصورها .. والله فوق العشرين هليكوبتر جو قدام الفندق على طول .. ويولعون اللي زي الكشافات حقتهم .. ويتكلمون بالمايك وأصواتهم عاليه والسويت اللي احنا فيه ظلام والله مافي الا شمعه وحده تنور لنا المكان ... قسم بالله حسيت نفسي في فلم ! صح نسيت عنصر مهههم في القصه طبعاً احنا كلنا ميتين جوع وعطش وتعب وبرد والله العظيم المويا مغطيتني .. وربي ملابسي الين نص فخذي مبلوله .. خلاص بتجمد قلنا للمشرف لو سمحت جيب لنا لحف او مفارش او اي شي وياليت لو عندكم اي اكل جيبوه قال طيب طيب .. << على اللحف .. وما جابها وعلى الأكل والشرب .. قال والله يا أخواتي كل المواد الغذائيه بالدور الأرضي وهي أول شي جاها المويا وكله أنعدم !! سرنا نقوله ترى احنا بندفع حق كل شي !! .. وبرضه على نفس الكلام .. اظنه صادق انتم تدرون أن آخر وجبه أكلتها كانت الغدا حق يوم الثلوث ! حتى حرام أقول عنها وجبه لأني أكلت قليل << كان الغدا سليق وانا ما أحبه تكرم نعمة ربي + كنت أذاكر للإختبار ونفسي مسدوده بس خلاص توبه .. من اليوم ورايح بآكل كل وجبه بوقتها .. ما راح افوت لا فطور ولا غدا ولا عشاء حتى لو الأكله ما أحبها والله والله صرت أقدّس الأكل لأني من جد حسيت اني بموت من الجوع طبعاً كل شوي طارق يجينا .. بنات تبغون شي ؟؟ جاب لنا ابريق معبيه مويا وكاسه .. والله مره متعب نفسه كل شوي يجي خلاص قرب يأذن المغرب وكلنا منهدّات وتعبانات ومافينا طاقه كل وحده جالسه بكرسي ولمن نسمع صريخ الناس او صوت هيلوكبتر رحنا للشباك نشوف ايش فيه وبعدين نرجع للكراسي اسعد خبر .. لمن جانا طارق وقال ترى فيه بقاله قريبه ايش تبغون اجيب لكم يآآه حسيت أحساس عجيب كتبنا له بورقه طلباتنا ولمن جينا نعطيه الفلوس رفض .. يقول والله ما آخذها صارت وحده من البنات تحلف عليه والله تآخذ وهو يحلف لا يعني لو بخمسه ريال او عشره قلنا هه طيب .... بس والله طقينا الثمانين وهم مسكين سواق باص بحاجة الفلوس المهم بالعافيه أخذها .. ولمن رجع وجاب لنا الطلبات تخيلوا زايد اشياء من عنده جايب كيس مليان كتكات .. وشبسات .. ياحليله بس وشوي جانا ومعاه شمعه بعد ما أكلنا وتنشطنا أكتشفنا أن فيه باب في الركن هههه والله قدامنا من أول بس سبحان الله الجوع يعمي هههه طبعاً صارت فينا طاقه ويالله خلينا نشوف ايش فيه رحت أنا وأربعه بنات فكينا الباب ولقينا في مكتب صغير المكتب الصغير فيه بابين .. فكينا باب طلع مكتب كمان صغير << على قولة وحده من البنات هذي غرفة الأجتماعات المغلقه هههه والباب الثاني بعده في مكتب مره كبير وكشخه .. كله لوحات رهيبه والكنب فخم وبراويز وصور اطفال ورجال شايب وزي التجوري .. بس ما لحقنا نكتشف المكان .. الا الباب يدق المشرف يقول يابنات تعالوا بنطلعكم سويت باك << والله أدري كلامي كثير بس والله اني مختصره كثير اشياء .. وقاعده أحاول أختصر >< اكمل .. جاء المشرف وقال بنطلعكم سويت ذا الكلام تقريباً على الساعه 7 ونص طلعنا ومعانا الشمعه .. يالله على التعب .. طلعونا الدور الخامس طبعاً بالدرج نطلعه لأن مافي كهرباء .. المهم طلعنا .. والله طول ما أنا أمشي .. قاعده أفكر في فلم رعب قديم تفرجته <<< ناسيه اسم الفلم .. بس قصته الرجال اللي يحاول يقتل زوجته ولده في فندق مهجور في الشتاء المهم .. اخيراً وصلنا السويت وخلاص مشو الرجال وتركونا والله وقتها كنت مره متضايقه .. ومن جد خلاص بكي بس ماسكه نفسي ما توقعت اني بطول قد كذا .. ما تخيلت ان الدنيا بتظلم وانا مني في البيت وكمان الفلم العفن المرعب في بالي .. وكمان فكرة أننا في فندق لوحدنا مجموعة بنات .. ومحد داري عننا الا الموظفين اللي هنا .. المهم عقلي صار يشطح في التفكير .. ومخي بينفجر .. وعيني بديت تحرول امس ما نمت الا ساعتين .. من جد حالتي كانت مزريه كل شويه بابا يتصل بس الطرق مقفلله .. كلنا كلمنا أهالينا من أول ... من أول ما بدأ الموضوع .. بس ما قدرو يجون .. لأن الطرق كلها مقفلله بنت وحده اللي جوالها بطاريته مشحونه .. وجوالها من جد ما سكت ... كل شوي يدق .. يا ابو وحده فينا يا ام وحده فينا يا مدري مين .. جلسنا على ذا الوضع الين الساعه 11 وشي بعدين اتصل ابو بنت ( صحبتي ) وقال أنا تحت بس ما يقدر يدخل لنا .. المويا مرره كثيره بعدين وقف بمكان بعيد وطلع للفندق من الباب الخلفي .. وجاء لعندنا فوق ونزلنا تحت معاه وصلنا كل وحده لبيتها دخلت بيتنا الساعه تقريباً وحده ونص وشي ... او اثنين الا ربع ! الله يسعده ويعطيه ألف عافيه الحمدلله أننا محنا مفقودين .. وأننا رجعنا بيوتنا .. كثير أهاليهم ما يدرون عنهم هم أحياء ولا أموات من يوم الربوع للآن ولآ كلية دار الحكمه وزعولهم بطانيات على أساس أنهم يباتون هناك .. بس تخيلوا جاء هليكوبتر بعدين وشال بنت من آل فلآن .. والباقين أكلوا...... وجامعة عبدالعزيز السكن مليان طالبات .. وسكن الأولاد مليان طلاب .. لدرجة أنه ما صار يكفيهم كلهم وصاروا يوزعون الباقين على مباني الدراسه وبس خلص اليوم ... مني مصدقه انه عدى ... أصلاً أصلاً مني مستوعبه ان كل ذا صار لي الله لا يعيده من يوم .. والله يطمن أهالي كل المفقودين عليهم .. ويرجعهم سالمين حسبي الله ونعم الوكيل الله ينتقم من اللي كان السبب الله ينتقم من اللي كان السبب الله ينتقم من اللي كان السبب أعتذر على الأطاله :11_1_122[1]::11_1_122[1]::11_1_122[1]::11_1_122[1]: منقول :11_1_122[1]: ,وطبعا استنى الردود والله مررا تعبت فيه |
|
|
#4 |
|
|
رد: بالصور قصة بنت خارجه من الجامعه وقت غرق جده .......
يوؤوؤوؤو الجو يخوف الحمد لله على سلامتهم بس
مشكوره تقبلي مروري |
|
|
#5 |
|
|
رد: بالصور قصة بنت خارجه من الجامعه وقت غرق جده .......
سبحان الله يسلو عسولاآأآ
|
بالصور قصة بنت خارجه من الجامعه وقت غرق جده .......