رد: رواية اذا تتحداني والله بتعب
رواية اذا تتحداني والله بتعب
البارت العآآشر...
فيصل:والله بنآت اخر زمن..
مشعل:لا ياشيخ تتحكم في البنت على كيفك وتقول بنات اخر زمن..
امل:منجد انا ابي اعرف وش دخلك فيها اف يلله بس تأخرنا...
طلعت الين من البيت والنفسيه زفت ركبت السياره..
حنان:صباح الخير..
الين:اي خير..
حنان:ليه الين وش فيك؟؟؟
الين:قاهرني قآآهرني..
حنان:الين والله مو فاهمه شي مين الي قاهرك؟؟
الين:الزفت فيصل..
حنان:وش دخل فيصل؟؟
الين:تخيلي لما عرف اني بروح معك عارض وقال ماتروحين معها قهرني والله قهرني الله يقهره مثل ماقهرني...
حنان:نعم نعم وش دخله ان شاء الله فيك؟؟
الين:مدري عنه...
سكت حنان لما شافت ان نفسية الين زفت لأبعد حد فضلت السكوت...
في مكآآآن ثاني...
بدر زوج اسيل نقل للشغل للجدي وماله غير اسبوع ناقل فحبت اسيل انها تفاجئه وتروح له بالمكتب وتزوره وتبارك له...
لبست اسيل عبايتها وتطمنت ان ولدها نايم وقالت للخدامه تتنتبه له...
طلعت مع السواق ووصفت له المكان الي بتروح له...
وصلت اسيل للعمل حق زوجها دخلت المبنى طبعا زوجها قاضي..
مشت ومشت لحد ماوصلت غرفة زوجها ضربت الباب وفتحته على اساس ان مافيه غير زوجها
فتحت الباب
لك ن...
تفاجئة بلي شافته....
بدر نفس الحكايه تفاجئ طبعا اسيل متغطيه لكن بدر حافظ شكل اسيل وهي متغطيه يعني عرفها لكن وش المشكله...؟؟
كانت عنده وحده لابسه عبايه على الكتف ومتلثمه وحاطه انواع المكياج والعطر يشمه الي عند الباب..وكانت مثنيه ظهرها بتاخذ ورقه طاحت على الارض وبدر نزل بياخذ الورقه وصارو قريبين من بعض واللثمه طاحت والله لايعوق بشر كانت شاقه شفايفها الضحكه يعني كأنها جايه بتسولف وتعرف مو تقدم قضيه هاذا اذا كانت صآآدقه ...
لحظتها اسيل بدت تتفجر براكينها..
وتقدمت ودخلت الغرفه وقفت عند الطاوله وقالت:تدري عآآد حسافه هالمكتب عليك لانك واحد حقير وما تستحق انك تجلس بهالمكان المكان هاذا للي اشرف منك...
وطلعت وقالت في نفسها ليش اصيح واخسر دموع عشان واحد حقير مثله لاوالله دموعي حسآآفه عليه لكن هين راح تشوف الجآآي يابدر....
وصلت اسيل البيت ودخلت ولا اخفيكم بئن البرآكين لازات داخلها تتفجر.
اسيل:ستي يا ستي..
ستي الخدامه:نعم مدام..
اسيل:مهند قام؟؟
ستي:لا مدام..
اسيل:اها خلاص روحي كملي شغلك...
فصخت اسيل عبايتها ورمتها على الكنبه وجلست بالصاله وقالت في نفسها:هين هين يابدر والله بتشوف بتشوف....
دخل بدر البيت ولقى اسيل جالسه في الصاله..
بدر:آآ..اسيل..
اسيل وبدون ماتلتفت عليه:لو سمحت ما ارضى ان اسمي ينطق على لسآنك النجس..
بدر:اسيل لوسمحتي لاتفسرين كل شي على كيفك...
لفت اسيل عليه وابتسمت بسخريه:هه اتوقع كل شي واضح وما يحتاج تفسيرك..
بدر:اهي جايه تقدم قضيه لا اكثر ولا اقل وبعدين ممكن هي متعوده اذا بغت تروح لاي مكان يكون شكلها كذا..
تكتفت اسيل وابتسمت:اشوفك قاعد تدافع عنها كن النفس عشقتها...
بدر:اسيل انتي عارفه ان ما فيه اي احد يجي مكانك وانتي عارفه وش كثر احبك وماله داعي تدخلين الشيطان بيننا..
اسيل ولا زالت متكتفه وقالت بكل برود:حبتك القراده انا ما ارضى انك تحبني بعد كل الي شفته واسيل هاذي تنساها لانها كلها فتره ورايحه من عندك..
بدر:لا والله اسيل وش هالكلام؟؟
اسيل:انا ما اتوقع اني قلت شي غلط خلاص لوسمحت فكني من هالسالفه لان مايسوى لو ينزل مهند واحنا كذا انت عارف عيب يشوف ابوه يخون امه وبكل بساطه<<وقامت عنه>>
بدر:ياربي صبرني..
مر اسبوعين كاملين كانو من اسوء الاسابيع بالنسبه لاسيل والين
اسيل طبعا اخفت الي سواه زوجها لانها عارفه لو تدري امها والله ان تقوم الدنيا وتقعدها لانها بكل بساطه ما ترضاها على بناتها حتى لو يعرفون محمد وياسر مرح يسكتون..
اليوم هو اول يوم في اجازة منتصف العام بالنسبه للفصل الدراسي الثاني..
منيره:حنان..
حنان:همم..
منيره:حنان يمه قومي كل هاذا نوم اذن المغرب..
حنان:اذن المغرب..
امها:ايه يمه قومي صلي العصر والمغرب الله لايعاقبك..
جلست حنان:يوه كل هاذا نوم ممكن لاني امس مانمت زين..
امها:ههه ممكن من الفرحه بالأجآزه..
حنان:ايوالله انك صادقه يمه مو جاين اخواتي اليوم؟؟
امها:والله ما ادري انا ضايق خلقي على اسيل..
حنان:ليه وش فيها؟؟
امها:اتصل عليها ما ترد او يكون جوالها مقفل..
حنان:يمه اتصلتي مره او مرتين..
امها:لا والله من قبل امس وانا اتصل عليها وما ترد وريم تقول نفس الشي تتصل وما ترد..
حنان:لا تخافين يمه ان شاء الله مافيهم الا العافيه..
امها:يلله بس قومي صلي وانزلي تو زوجة محمد كلمتني وقالت انها بتجي..
حنان:اوه سوسن من زمان عنها..
وقفت امها:يلله بس انا بسبقك..<<وطلعت>>
قامت حنان وبكل كسل خذت لها شور وصلت وبعد ما صلت وخلصت ولبست طبعا طلعت من غرفتها ومرت على غرفت اخواتها..
دخلت حنان
حنان:لا شطورات قايمين..
هديل:وش على بالك احنا مثلك...
حنان:حرام عليكم انا مافيه احد قومني..
اصايل:هئ مافيه احد قومك كذابه خاله مقومتك وهديل..
انصدمت حنان واستغربت ليش تسميها خاله؟؟؟؟بس هديل عادي تسميها يمه؟؟؟
نهاية البآآرت العاشر..
|