 |
  |
|
|
|
|
|||||||
| قصص و روايات قصتي التي طعنت اشجاني ارجوكم ولو حل بسيط ينسيني عنائي يوجد هنا قصتي التي طعنت اشجاني ارجوكم ولو حل بسيط ينسيني عنائي روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة نشيطة :: |
اليوم ماني جايبة صور ولا جايبة معي وصفات انا جايبة قصتي الي كتبتها انامل يدي نيابة عن القلب المجروح اروجكم ارجوكم انشاء اله تلقاوها فيىميزان حسناتكم اريد حل يخرجني من هذ الحالة ويكفيني انكم تدعولي ربي يسلكني
انا بنت شاوية يعني مجتمع صعيب شوي و عمري 17 سنة ادرس في 2 ثانوي ولكن قصتي بدات قبل عام من اليوم يوم ذهبت ماما وكل العائلة للاقارب وقعدت وحدي في البيت وكالعادة اتجول في صفحات الانترنيت وبالتدقيق جالسة اقرا رسائل الناس في الدردشة واذكر حينها كنت جد مستاءة كوني لم اذهب مع ماما ولكنه القدر الذي اقعدني ليلقيني بمن حطم فؤادي القى علي السلام في بادئ الامر قفلت عليه نافذة الدردشة ولكني مشيت على سطور القدر وقلت له وعليكم والسلام قال لي انا ابحث عن شاوية وفهد الشات راكي انتي الوحيدة الشاوية اذن انا اريد ان اتحدث معاك قلت له باستهزاء تعرفني من قبل وراك دير فالمقدمات هذو باه تهدر معايا وقتلو منيش باغية نتعرف ولكن هو اصر على ذلك وقالي انا راني نسكن في باتنة ونقرا في ......... * ون نسكن انا * قالي وش اسمك قتلو سرين وبالطبع كذبت عليه قالي ون تسكني قتلو منقولش المهم مرو شهرين وانا تعلقت بيه لانو كان جد جد جد محترم وذكي ومتربي ويعرف ربي ولقيت عندو الثقة وقتلو اسمي الحقيقي ون ادرس واذكر مهدرتش معاه من ثم تقريب شهر ونص وكي تلاقيت بيه فالشات قالي راني كل يوم احد نجي لليس تاعك كشما نشوفك بالرغم انو مشافنيش زاد تعلقي بيه يوم ورا يوم وصرا معايا مشكل فالليسي مع واحد يدرس معايا وحكيتلو بكل صراحة وانا مكنتش عارفة بلي راه باغي يقولي حاجة كبيرة كي قتلو على المشكل تاعي تضايق شوي وعطاني حل تخلصت من المشكل في وقت قصير وكي حبيت نخرج من الشات قالي حاب نقولك بلي راني نحبك انا اندهشت وقتلو راك كيف خويا ليس اكثر قالي مش مشكل المهم انا قتلك وشعندي وقالي تاني بلي كان يحب وحدة من قبل بجنون لكنهم تفارقو بعد شهر واحد قالي من يوم الثانوية منسيتهاش وللاسف ليومنا هذا مهوش قادر ينساها بالرغم انو يوقلي نحبك اكتر من روحي واذا عليا انا راني نشوف فيه يحبني واكتر من الحب لانو قدملي اكثر ما كنت نتمناه ويكفيني انو ميحبش يهدر معايا في الخارج خوفا على سمعتي قالي نقعدو مع بعض بالسر ولكن منخليش الناس يهدرو عليك انا وياما واجهونا مصاعب ومشاكل وصلتو انو يحكي كلش لاهلو وكل المشاكل الي مرت بينا كنا نحلوها بالتفاهم وكان حبنا يكبر ويكبر وكنت نغيب عليه شهر شهرين من غير اتصال وكي نلقاه فالشات يهبل من الفرحة ومرت الايام والشهور بالمشاكل والافراح وحنا نعشقو بعض لكن انا سالتو مرة على حبيبتو الاولى وقالي لو اني نشوفها مع واحد نقتلو ونقتلها وقالي راني نغير عليها انا من هذيك اللحظة منقدرش نحكم في دموعي كل ما نتفكرو نتفكر الكلام الي قالهولي وساعات نقول هي من الماضي وممكن ايام المراهقة المهم وش يحب الان ولكن حبي ليه الي يكبر ويكبر خلاني نقدر نقرا في حروف كلماتو انو يحبني ويدير كلش على جال لكنو لو انو يلقاها ولو انها تطلب منو يرجعو كيما ايامزمان ميقولش لا لانو حبو الاول والطفل الا حب ميقدرش ينسى والله العلى العظيم متيقنة انو ميقدرش ينساها في نفس الوقت هو يقنع فيا بلي ما كاين والو من جهتها وقالي نحبك انتي برك انا مبغيتش نكبر القصة مدامها مرت من 5 سنوات وجانا مشكل اخر انو اتبع طريق مش مليح واصبح يسهر برا الدار انا كنت علبالي بلي مشاكل الي راه فيهم كبار وقفت معاه وبشوي بشوي خليتو يخرج من هذ الطريق ورجع كيما قبل واحسن بكثير وهنا اتاكد بلي راني نحبو اكتر من روحي ونخاف عليه وانا في الوقت الي كان خارج عن دين ربي مقدرتش ندير حتى حاجة خاصة وهو بعيد عليا مسافة والتلفون مغلوق و معندي حتى هاتف يتعلق بيه عندي رقمو فقط فهذ الوقت عرفت انو الي راني ندير فيه حرام محرم واني نعتبر زانية مدامني نهدر معاه وفي نفس الوقت انا حسيت روحي عاجزة ومالقيت الا ربي الي راح يفرجها عليا كنت ندعي ليل ونهار ونذرت اني ندير اصعب حاجة عليا وهي اني نخليه كي يرجع كيما كان وعدني يتخلص من هذ العادة وانا نفذت نذري بالصح هو معلبالوش وكان يعيطلي ويقولي وعلاش تبدلتي عليا ومتحبيش تتصلي بيا خلاص كترو عليا اصابع الاتهام اني نلعب بيه خاصة من عند صديقاتي انا محكيتش لصديقاتي على النذر ولكني منقدرش نخبي عليه فهو بحر اسراري وحكيتلو وفاجئني كي قالي راني مفتخر بيك كي عملتي هك حاجة على جالي قالي بالصح كون انا منخليكش نسمح في كلش الا انتي انا عيوني عشقتها الدموع وعدت منحملش قصص الحب وفي ليلة من الليالي وبعد شهر من ورا ما حكيتلو قاعدة نفكر فيه والوسادة تاعي عادة مليانة دموع قلت مقدمتلو غير العذاب وليت نقول مدامني خليتو على جالو وعلى جال ربي ربي راح يعوضني احسن من هذ العذاب ونتمنى يكون هو نفسو ويكون من نصيبي لانو كيفو ملقيتش وسهرانة نفكر في كل مرة نشوفو فيها عن بعد 10امتار فما فوق ونفكر فالايام الي نضحكو فيها والي نزعفو فيها وادا تليفوني يرن ولقيتو هو الي يتصل انا مرديتش عليه وبعتلو مساج انو لازم ينساني بقا يتصل وكي رديت عليه قالي راح نعذبك كل يوم راح تشوفيني مع وحدة قدام الليسي تاعك وقالي ارني عيطلك خاطر متوحشك مشعيطلك باه نديرونجيك انا كي قتلو انساني قلق وقالي نشوفك ايامات تندمي على النهار الي عرفتيني فيه وكي حب يغلق التلفون قالي والله الذي هو ربي راني نحبك وعمري ماراح نقيسك بالصح راح نخليك تحسي بلي راكي متقدريش تخليني وقالي اصبري عليا برك ودرك تشوفيني كل وقت قدام عينيك انا قتلو متجيش ومنيش باغية نشوفك قالي هذيك هي الي نحوس عليها ويا فلانة راني حبيتك كثر من الناس كامل وراني عمري خميت نخليك لغيري مواضيع ذات صلة |
|
|
#2 |
|
|
ارجوكم انا بحاجتكم يا بنات ولا تنسو انا قلب الانثى رقين سهل الانكسار اود من يوانسني في حالتي اليائسة هذه
|
قصتي التي طعنت اشجاني ارجوكم ولو حل بسيط ينسيني عنائي
رد: قصتي التي طعنت اشجاني ارجوكم ولو حل بسيط ينسيني عنائي