 |
  |
|
|
|
|
|||||||
| قصص و روايات الغيرةعند الحريم شي تاني قصة محزنة , يوجد هنا الغيرةعند الحريم شي تاني قصة محزنة , روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية |
|
|
|
#1 |
|
:: كاتبة فضيّـة :: |
ياجماعة الخير هذي قصة حقيقيه
والله القصه بالكويتي مادري القطري اتمنى تقرأوها بصراحه الحريم شي تاني مع دي الغيره خخخ ! والولد وربي يحزن ,, الله يصلحها خلتو يستحي من يدو ؟؟! القصة في وحده راحت للعمره واهي تصلي بالحرم اللي بذيج المرة اللي تصلي وتبجي تصلي وتبجي وتدعي وتبجي المراة استغربت منها وقالت اكيد لها سالفه وكان كل مابين فتره ايها ولد شاب يكلمها ويروح ويشوف شنو تبي المراه اخذها الفضول واجلست بجانبها واسالتها ليش تبجين عسا ماشر فردت وقالت لها والله من العذاب اللي فيني وليش؟ شنو سالفتج؟؟!! قالتلها اقولج قصتي وبعدين احكمي كنت متزوجه من زوج ونعم الزوج يحبني ويحترمني ويعزني بس كان فيني عيب اني ما ايب اعيال وانا حاولت بس الله مارزقني فشرت عليه انه يتزوج ثانيه اهو مارضى بس انا ظليت احن واحن الين وافق فدورتله على المرة وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها وماتمينا فتره الا والمراه حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه في يوم ياني زوجي وقالي بسافر مع مرتي الثانيه وبنخلي الولد عندج وافقت طبعا لانه ماكو احد يمسك الولد غيري سافروا وخلو الولد عندي وكان الوقت شتا وكنت شابه الدوه(فحم) والولد عمره تقريبا بين السنه وجم شهر واهو يلعب ويطامر جدامي وانا بقلبي نار تشتعل مثل جمر الدوه اشلون ياخذها ويسافر ولا !!ويخلي الولد عندي الخ من هالكلام وفجاه الا الولد يمد ايده بيلعب بالفحم اللي بالدوة ومن ناري وغيرتي مسكت ايديه وحطيتها اكثر بالفحم اللين ذابت ايده واهني شلتها بعدها مايحتاج اقولج اشلون صارت ايد الولد واهني حسيت ان ناري طفت اشوي نمنا ذيك الليله الا وينا خبر وفاة زوجي مع زوجته وهم في طريق العوده بحادث وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره واهو اللي يشوف طلباتي وطلبات البيت ومو مقصر معاي بشي بس انا كل ماشفته ايده يتقطع قلبي على اللي سويته فيه واهو ينادي بيمه بس لحد الان ماقلتله اني انا اللي شوهت ايده ولازلت اعاني من العذاب وتانيب الضمير وادعي ربي يغفرلي ذنبي سبحان الله اشلون حكمة ربج انه صار هالولد خير لي لولا هالولد جان انا حالتي حاله ويرد ايها الولد واهو خاش ايده ويحب راسها ويسالها ها يمة نروح الحين؟؟؟ وعسى ان تكرهوا شيئا وهو خير لكم وهالله الله بالردود مو تقرأو واشوف عرض اكتافكم >_> مواضيع ذات صلة |
|
|
#2 |
|
|
رد: الغيرةعند الحريم شي تاني قصة محزنة ,
سبحان الله!!
يسلمو على القصه حلوه |
|
|
#3 |
|
|
رد: الغيرةعند الحريم شي تاني قصة محزنة ,
قصه مؤثرة من جد
يسلمو يالغلا |
|
|
#4 |
|
|
رد: الغيرةعند الحريم شي تاني قصة محزنة ,
الغيره شر لا يفنى..............يسلموعلى الموضوع
|
|
|
#5 |
|
|
رد: الغيرةعند الحريم شي تاني قصة محزنة ,
يسلمو
|
الغيرةعند الحريم شي تاني قصة محزنة ,