 |
  |
|
|
|
|
#1 |
|
:: كاتبة ذهبيّـة :: |
يوميات بنت عربجية ودلوعة
(( يوميات فتاه عربجيه وبنت دلوعه))
الناعمة .. طبعا وهي نايمه الدبدوبي والغزولي والارنوبي كلهم في حظنها >> يقالها مشاعر فياضه .. واذا قامت من النوم ما تقوم الا الساعه1 الظهر لا بعد واللي يصحيها الشغاله<<< تقومها بالانجليزي ... بس انا راح اترجمه لكم ....يالله سارة قوم ماما في قول قوم عاد ((يمديكم على الترجمه)) هي تقول اوكي وتجي امها وتصحيها مره ثانيه ياسارةحبيبتي اصحي .. ترد سوسو.. ماما والله بدري الساعه 1 الظهر بدري<<<< تدلع هي وخشتها.. <<< حاقده دوم ؟؟؟؟؟؟؟؟؟؟ وتستيقظ قامت البنت من السرير وفتحت الستاره والشبابيك ... علشان الغرفه تتنفس ...ياي.. (( اموت بالركه)) وشغلت موسيقى رومنسيه علشان تروق بنت الحلال وراحت تاخذ حمام محترم وبعد ما تطلع من الحمام ور على المرايه تحط من هالكريمات والدعافيس على وجهها .... تعرفون شباب لازم تحافظ على البشره خلصت من المرايه وتجه الان الى الاستشوار وش..وش..وش.. وش لحول ساعتين عز الله اللي اندمرت هالشوشه... خلصت منه دقت البنطلون الجينز والبلوزه ( هي لبست على الموضه بس ماني قايل ) .. ونزلت تحت تفطر على كاس عصير برتقال ..... ياي مسويه رجيم ********** نجي للعربجيه< اموت انا بالعفاشه تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى لحول زين زين <<<اهل الحاره يصحون معها.... بس لو تشوفون شكلها وهي نايمه.. كراع هنا وكراع هناك .. لا وكل ثلاث ساعات وهي طايحه من السرير >> شايفتلها تفحيط يخرع يجي اخوها حميد <<< اسمه محمد بس يدلعونه حميد ويقومها مره ثانيه يا سوير تقول امي قومي جعلك الموت ترد سوير..اقول اطلع ولا صكيتك على جبهتك.. ويجي مناحي اخوها الكبير ... سوير وجع .. ويعطيها ذيك الرفسه اللي خلت عظامها تهلهل >> عاش مشوت >> وحده مجربه وبعد تلك الرفسه العنيفه ... فزت فزه ما يعلمها الا الله وقالها مناحي..قومي صلحي فطور عشر دقايق الا وهو جاهز زين شوفي ابي قرص وخبز مسح < يعني خبز على الحديده > يعني..<< اقول اخلصي وقامت بعد جهد جهيد وعلى شتم ولعنت الحي والميت حتىىىىىىىى ولدعم جد ابوها ما سلم منها ********** ونرجع للدلوعه و1111111111و << انكسر ظفرها هذي ما تتغدا الا الساعه 3 ولا 5 لا ولا تتغدى الا على رز ابيض مسلوق وسلطه <<< تحافظ على الرشاقه راعوها العربجيه.. تتغدا الساعه 12 بالضبط ولا تغدا الا على كبسه لا خلصت الا كاس اللبن مراعي متولم عندها تشربه شربه وحده يعني ما في مجال انها تنفس وترع ذيك الترعه أأأأأأأأأأأأأع..<<طالعه من قلبها الناعمه.. طلعتها تكون من بعد صلاة المغرب<<< ما تطلع في العصر ياي تحافظ على البشره العربجيه.. تطلع الساعه2 القايله وتدقها كعابي لبيت خوالها الين تنقلب خبز اسمر الناعمه.. تروح للفيصله ولا المملكه وقبل ما تروح السوق تمر على المشغل علشان تحط ميك..اب سوق << مكياج سوق>>> على بالي اشرح العربجيه .. تروح لسوق النسيم عشان تلقى العرابجه اللي مثلها الناعمه.. اذا تطلعت تطلع مع يارا ولارا<< وخياره>> ورولا ومايا << اروح يالموضه العربجيه .. تطلع مع بنات خالاتها وضحى وعمشى وشقحى ومزنه ومنيره (يعيش التراث) الناعمه.. اذا شافت واحد حلو لابس صح وماركات وحركات وحاط سكسوكه ومحد قده قالت ..ياي بنات نازرو >> يعني ناظرو هذا الله يسلمكم ماغير من الدلع>>> ياربيه واو عاد البنت اعجبها الشاب اللطيف هذا ودها تحتك وتقوم وتمر من عنده وتدفه بكتفها ولا دفته بكتفها قالت اوه اسفه ويرد عليها .. لا عادي على ايش الاسف عيوني وتبتسم ذيك الابتسامه اللي شقت وجهها وتخزه بهالنظرات وتسلهم بهالعيون وهو دوره ما تلقاه من الحياء العربجيه.. لا جات تزين شخطت هالعيون بهالكحل الي يضرب لين اذنها وتضرب بها البرقع وطلعت هي وشقحى ومنيره ومزنه وعمشاء لسوق النسيم عاد العربجيه يمر من عندها واحد راكب جيب فكس ار موديل 2002 وداق شماغه كوبرىىى ويمر بهالجيب وسوي حركات استعراضيه وتقول يا بنات تكفون شوفو يا ويلي ويلاه تكفون يالربع وتقوم بنت الحلال وتقزه قز والرجال راح في خرايطها وعاد لا شافها تقزه قال... يا غزال ارحم حالي يا ويلي تكفون يا عربان الناعمه .. اذا مر عليها واحد قروي قالت وع الله يقرفك ... تقل شايفه صرصور الله يعزكم نعم وش تبي يالله هناك بلا قراوىىىى >> ادعس يالرقيقه العربجيه .. اذا مر عليها واحد لا بس بلوزه ضيقه وبنطلون ضيق << باين انه منكتم من الضيق وقالها يا حلو عطنى وجه قالت... اقول احسن لك ضف وجهك لا يجيك شيء ما يطيب خاطرك قال..ليش العصبيه هذي قالت اقول والله لو ما تضف خشتك لا اتوطى في حوض بطنك ... علم جاك وتعداك ترى ما ابي اغلط عليك تراك مثل اختي<<< يقالها ما غلطت الحين >>والله بصراحه شكله بنت الناعمه.. لا جات تضحك هههههههه . << لحظو النقطه ابوك يالترتيب العربجيه.. اذا ضحكت اضحكت كذا هع هع هع هع هع ... الحمد لله والشكر تقول بالعتنلها بعير واذا جات تمزح مع حميد اخوها اعطته كف حلاقه .... يعني كف قوي على رقبته >> على بالها تمون الناعمه.. اذا تحب تسمع اغاني ما تسمع عربي خلقه ما تسمح الا ريكي ما رتن طبعا لانه حلو و وممثلها المفضل .. توم كروز لاوسامته وميل جبسون وجيم كاري لخفة دمهم واحلى ممثله عندها جوليا روبرتس<< ساعه لين جبت خبرها العربجيه .. الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي >> ياروحي يالفن الناعمه.. لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه العربجيه.. لا جات تناظر التلفزيون تشوف غصب واحد وغصب اثنين .. وتجلس على الارض وتحط المركا وراها والكراعين على التلفزيون وان زهقت من القناة الاولى دقت التلفزيون باصبع رجلها وحطت القنا ة الثانيه الناعمه.. اذا تبي تحلم احلام اليقظه طلعت برىىىىى في الحديقه حقت بيتهم وجلست على الكرسي هزاز وقام الكرسي يروح ويعود >> مندمجه العربجيه .. اذا تحلم احلام اليقظه طلعت برى في حوشهم وفرشت البساط<<< ابو خمس طعش اللي مخط باحمر وازرق عرفتوه وتكت على المركا قعدت تفكر في المروخ (شي مختلط من فكس وابو فاس مع حثال قهوه وشويتمر) وهي يحطونها على الورم وسلامتكم منقول مواضيع ذات صلة |
|
|
#2 |
|
|
رد: يوميات بنت عربجية ودلوعة
اسفه اختي الغاليه نص الكلام مافهمته ههههاي يبيلي قاموس
|
|
|
#3 |
|
|
رد: يوميات بنت عربجية ودلوعة
هههههههههههههههه رؤعه تسلمين وتراني نعومه اقوى شي>>>هع وحدده كذابه
|
|
|
#4 |
|
|
رد: يوميات بنت عربجية ودلوعة
ههههههههههه تسلمين يا الغلا
|
|
|
#5 |
|
|
رد: يوميات بنت عربجية ودلوعة
روعه تسلمين ياقمر
|
