 |
  |
|
|
|
|
#46 |
|
|
رد: حملة إيه يعني السلفية ؟؟ مين هم السلفين والسلفيات؟
الحلقة الرابعة : كريم : لقيت صحابي بيقولولي هو انت عندك أخ له دقن؟؟ قلتلهم آه قالولي وبيلبس قصيّر؟؟ قلت اه .. قالولي يابختك وأنا مفهمتش ايه المشكلة يعني .. ما انت أخويا من زمان ومش شايف فيك حاجة جديدة يعني الأيام دي محمد : والله يا كوكو انت اللي فاهمني وسط الناس دي كريم : بس برضه انكم تهدموا قبور الناس الكويسين ده حرام محمد : قوم من وشي .. خسارة فيك الكلمتين أصلا .. كريم : طاب ياللا قوم اعمل معايا الواجب محمد : طيب بس سيبني ارتاح شوية .. انهاردة كان شغل كتير وكمان صايم فمش قادر اتحرك كريم : طيب (وقام ماشي من قدامه) محمد : خد ايه اللي على هدومك ده؟؟ كريم : كنت بالعب وقعت فهدومي اتبهدلت محمد : طب غيّرها .. مينفعش مسلم يبقى مش نظيف (ابتسامة وطبطبة على كتف كريم) كريم : حاضر محمد قام يرد على التليفون اللي اتهرى رن ومحدش رد عليه ولا عبره محمد : السلام عليكم فلان : وعليكم السلام محمد : خير فلان : أنا ممدوح يا عم المهم .. قافل موبايلك ليه يا باشا محمد : دوحة حبيبي .. لا والله مش قافله بس فصل شحن وملحقتش اشحنه وكمان ياعم زمن البشوات ولى وفات أنا دلوقت أمير (بيضحك ضحكة سخيفة) ممدوح : ماشي يا عم اللطيف مش جاي النهاردة الجامع؟ محمد : طول عمري باغبطك لذكاءك ^_^.. طبعا جاي ان شاء الله عشان الصلاة ممدوح : يا ربي (متغاظ) وأنا طول عمري باقولك اتعالج من قلة الذكاء ده .. النهاردة يا ابو الكباتين اليوم اللي اتفقنا عليه علشان نوزع الحاجات اللي معانا ياعم محمد : اه كنت ناسي .. طيب هو احنا بقى معانا كمية أد إيه؟؟ ممدوح : 500 حتة وأنا جالي فلوس هاجيب ان شاء الله كمان 200 محمد : تمام يبقى 700 .. تمام أوي ممدوح : خلاص ان شاء الله هاستناك بعد صلاة المغرب ونفطر مع بعض باذن الله .. بس تجيب أكلك معاك (هيهيهيهيه) محمد : طيب ممدوح : سلام عليكم محمد : وعليكم السلام وبص عمنا محمد في ساعته ولقاها الساعة 5 يعني مفضلش على المغرب غير ساعة وربع قام أخد دش ولبس جلباب جديد وريحة المسك وتمام وسمع الأذان ونزل يصلى وراح لصاحبنا ممدوح البيت .... تابعوا الحلقة الجاية ان شاء الله |
|
|
#47 |
|
|
رد: حملة إيه يعني السلفية ؟؟ مين هم السلفين والسلفيات؟
بارك الله فيكم
|
|
|
#48 |
|
|
رد: حملة إيه يعني السلفية ؟؟ مين هم السلفين والسلفيات؟
 وصل محمد لبيت ممدوح وضرب الجرس وطلعله الأخ ممدوح ممدوح : مش عاوزين النهاردة محمد : مش بكيفك ودخلني آكل أحسن ما آكل ودانك ممدوح : (ضحك بصوت عالي ) شفت يا عم اللي جرا بقينا بناكل ودان محمد : طيب ما نفرش عالباب ونقعد أحسن .. افتح ياد وأكلني ممدوح : طيب طيب يا ستار عليك دخل ممدوح وصاحبنا محمد وأكلوا وتمام محمد : أدام الله عزكم وغفر ذنبكم ممدوح : وإياكم يا حبيبي محمد : ها بقى هنعمل ايه في موضوع التوزيع ده؟؟ والله يابني أنا من يوم ما عرفت القصة وأنا مش عارف أنام ممدوح : بتقول فيها ؟ ما أنا برضه كدة بس ربنا يسرلنا ويكرمنا محمد : آمين ممدوح : طيب احنا دلوقت هنشيلهم في كراتين ولا أكياس ؟؟ محمد : سؤال لولبي .. ما أي حاجة هتقضي ياعم ممدوح : ط .. ياللا بينا؟ محمد : ياللا الله المستعان خرج ممدوح ومحمد وهما شايلين أكياس فيها 700 حتة (ومش هاقولكم حتة ايه ^_^) وصلوا للعنوا اللي رايحينه وضربوا الجرس خرجت ست وقالتلهم : نعم .. خير محمد : السلام عليكم (وهو واقف بجنب وباص في الأرض) الست : وعليكم السلام محمد : مش ده بيت المرحوم / الست : اه يابني محمد : طيب الحجات دي ليكم .. ربنا يفك كربكم ويعينكم يارب الست : ربنا يعزك ويجازيك خير انت واللي زيك ويكفيكم شر طريقكم محمد : اللهم آمين .. مش محتاجة حاجة تانية يا أمي؟؟ الست : اشوفكم سعداء يابني ومجبورين الخاطر محمد : آمين .. سلام عليكم الست : وعليكم السلام ونزلوا البطلين وهما مش محددين اتجاه يروحوه وقفوا قدام العمارة عالشارع محمد : ها يابني هنروح فين؟؟ ممدوح : تعالى نروح نشوف حد من العيال كدة ونقعد معاهم شوية .. من زمان مشفتهمش محمد : طيب ياللا ركبوا محمد وممدوح تاكسي وراحوا لشقة واحد صاحبهم ممدوح : السلام عليكم طارق : وعليكم السلام .. عم دوحا فينك يابني؟؟ ممدوح : طاب دخلني الأول دا انت رخم قوي طارق : وكمان محمد عندنا .. يا عيال كدة كتير وربنا محمد : متاخدش على كدة بقى .. احنا جاين ناخد الفلوس اللي عليك بس ^_^ طارق : من أولها؟؟ ياللا ياد من هنا منك ليه ممدوح : امال فين هيما وجمال؟؟ طارق : جاين بعد شوية ان شاء الله محمد : وانت اخبارك ايه ياعم طارق؟ ولا رنة حتى ولا ميسد ههههههههه طارق : رنة وميسد؟؟ ايه اللغة دي؟ أصلي مش معايا رصيد أمسّد عليك .. بس والله في بالي ممدوح : يا اخوانا يا ظراف بطلوا استظراف وقوم ياد اعمل شاي عشان مش هنتأخر .. ورايا شغل بدري محمد : اه والله انا كمان .. الشركة عملالي قلق وقربت اسيبها ممدوح : ليه؟ لسة موضوع اللحية برضه؟ محمد : لا ياعم ما خلاص راحت عليهم من ساعة الثورة وهما قلوا ساعات الشغل جدا مع اننا المفروض نشتغل أكتر عشان نعمل حاجة للبلد اللي خربت طارق : اه والله عندك حق .. الناس بتفكر دلوقت انهم يريحوا الشباب ليرجعوا التحرير ^_^ ممدوح : هيهيهيهيهيه يا لذيذ يا رايق انت طارق : الشاي يا معلمين خلصوا الشباب الشاي وسلموا على بعض ونزلوا محمد : ممدوح هو ايه اللي بيحصل ده؟؟ ممدوح : في؟؟ محمد : الودان ومية النار والأضرحة ممدوح : دي زوبعة فنجان .. الناس بس مستكترين علينا اننا اخدنا افراج من حبس الظلمة لينا سنين ولما ظهرنا قالوا الحكايات المتألفة دي ولستر الله علينا الظروف هي اللي بتدافع عننا .. خدها بروح رياضية يا معلم محمد : عندك حق.. أنا هروّح بقى .. مش عاوز حاجة؟ ممدوح : جزاكم الله خيرا .. سلام عليكم محمد : وعليكم السلام طلع محمد أوضته وفتح الكمبيوتر وفتح الفيس بوك ولقى المفاجأة ... تابعونا الحلقة الجاية ان شاء الله |
|
|
#49 |
|
|
رد: حملة إيه يعني السلفية ؟؟ مين هم السلفين والسلفيات؟
 الحلقة السادسة : وهو بيفتح النوتيفيكيشن (الاشعارات) لقى صفحات كتير اتغير اتجاهها من نصرة المنهج الاسلامي عموما الى السب وإثارة الشبهات حوالين السلفيين محمد : لا حول ولا قوة الا بالله وكلم صاحبه ممدوح وقاله يفتح النت وكلمه على شات الفيس محمد : السلام عليكم ممدوح : وعليكم السلام .. ايه ياخويا لحقت اوحشك؟ محمد : بطّل ياد أنا متضايق ممدوح : خير محمد : خد شوف (واداله لينكات) ممدوح : قلتلك والله ما هتجيب نتيجة لأنها اشاعات من غير دليل محمد : أنا عاوز أرد عليهم بس بطريقة مختلفة ممدوح : بالهزار؟ محمد: بالظبط .. عاوز أقولهم " أنا سلفي ومبعضش حد" ممدوح : حلو قوي محمد : هاعمل بيج وهاسميها كدة ممدوح : تمام بدأ محمد في عمل الصفحة بالاستعانة بالله ثم بممدوح وتم نشر الصفحة وقام محمد بافتتاح البيج بالبسملة ثم بالأبيات دي : وقالوا عني سلفيّ وكأني لأول يوم أسمعها وهم يعنون بها سبي فالسلفيّ على سمت صحابيّ ونبيّ على خلقٍ زكاه الرب العليّ لا تعني أبدا اني شاب متشدد وغبيّ وفي نفس الوقت معتدلٌ ولا يفعل ذنب مخفيّ ولا يفعل أفعالا (سيس) ولا يأكل (ودن) القبطيّ ولا يهجم يوما على (مزة) ولا على ضريح لوليّ وعندما يُؤمرُ أمرا يقول " جُزيتم خيرا أبديّ" ونشرها وسط صحابه وفضل يكتب عليها الأخبار اللي بتتقال كذب عليهم بطريقة فكاهية في ناس كتير تقبلت وناس برضه هاجمت بس هو استمر وهو قاعد بيكتب .. كلمه صاحبه الأجنبي عالشات Mohamed: Alslamo 3likom my broth.jone  Jone : Wa3likom aslam , how R U ? Mohamed : I'm fine el7amdolellah , U? Jone : me too el7amdolellah Jone :Iwant to ask U about Something. that i heard nowadays Mohamed : with pleasure my brother Jone: i heared aword called ( SLAFIA) what's it mean?? Mohamed : The word Safia Means muslim who follow our prophet and s7aba's footsteps, knowing Why Allah Created Us and Knowing The goal of our existence in this life. jone: fine , So why the attack on them although SLAFIA is something beautiful as you said Mohamed : There are some people wants to make FETNA [Sedition] in our country in these important days Jone : I will pray for U Mohamed : and i will ask allah to accept your pray Jone: I love U my brother in allah Mohamed : me too Jone : Alslam 3likom Mohamed : Wa3likom alslam بعد حوار عمنا محمد .. جون أصبحت حالته النفسية أفضل وحس ان في أمل في تحرير العقول من الجهل المعاصر وبص محمد في ساعته (قربت أحطها ضمن أبطال المسلسل ^_^) فلقاها 1 بالليل فقام يصلي القيام وينام عشان الشغل الصبح صحى محمد الحمد لله ولبس ونزل ورايح الشغل فقابل مين على باب العمارة؟؟ أيوة شطار عم ابراهيم التائب ^_^ محمد : سلام عليكم يا عم ابراهيم يا مزعلني عم ابراهيم: (باصص في الأرض) وعليكم السلام يا بشمهندس محمد : لا يا عم ابراهيم متبصش في الأرض انت زي والدي وأنا باحبك بس عتابي ليك عشان باحبك عم ابراهيم : (مزهول من طريقة محمد) والله انت كدة بتوجع ضميري أكتر محمد : ده عشان ضميرك مش مقتنع باللي عملته أصلا يا راجل يا عجوز عم ابراهيم : هاستناك ان شاء الله بالليل عشان نتكلم بدل ما أأخرك على شغلك محمد : ماشي يا عم ابراهيم سلام عليكم عم ابراهيم : وعليكم السلام ورحمة الله محمد ماشي في طريقه للشغل طبعا بيسبح وركب المواصلات وركب بنات فطبعا مبصش وقام من كرسيه عشان يقعد اللي ملهاش كرسي وكل الحجات الحلوة اللي في شبابنا ورجالتنا الحلوين السلفيين ^_^ محمد وصل لشغله ولقى الساعي بيقوله الساعي : صباح الخير يا بشمهندس محمد : سلام عليكم .. صباح النور يا عم محمود الساعي : وعليكم السلام .. المدير سأل عليك محمد : حاضر رايحله اهوه ان شاء الله وراح محمد لمكتب المدير .. واستأذن عليه ودخل استنونا الحلقة الجاية ان شاء الله |
|
|
#50 |
|
|
رد: حملة إيه يعني السلفية ؟؟ مين هم السلفين والسلفيات؟
 [b]قة السابعة استأذن محمد ودخل على المدير وقابله بابتسامته اللي اتعودنا عليها طول الحلقات وقابله المدير بالترحاب وطلبله شاي المدير : ازيك يا محمد؟ محمد : الحمد لله بخير يا فندم المدير : يارب دايما بص يا محمد أنا من ساعة ما انت اشتغلت معانا وانا باحبك علشان سلوكك وطيبتك واحترامك والتزامك وان كان على موضوع اللحية والمشاكل اللي حصلتلك هنا بسببها فدي انت فاهم انه كان تشديد من الأمن واحنا مكناش نقدر نتكلم محمد : مفهوم حضرتك المدير : فيا محمد انا كنت عاوزك في موضوع كدة تساعدني فيه محمد : الله المستعان .. خير المدير : ابني يا محمد مش عارف أعمل معاه ايه .. صحابه مبوظينه ولا نافع في دراسة ولا شغل وكمان بعيد عن الالتزام خالص كل اللي باتمناه والله انه يبقى زيك كدة يا محمد نفسي يبقى زيك كدة في أدبك وسلوكك وخفة دمك وتحملك المسؤلية وكمان التزامك محمد : ربنا يكرمك يا فندم والله ده من ستر الله عليّا المدير : ربنا يجملك بيه دايما يارب محمد : اللهم آمين المدير : قلت ايه يا محمد؟؟ محمد : في ايه؟ المدير : عاوزك تتعرف عليه وتتصاحبوا علشان هو يتعلم منك الحجات دي محمد : حاضر يا فندم ان شاء الله وخرج محمد بعد استئذانه من المدير وراح يشوف شغله .. فقابل زميله هيما هيما : محمد باشا محمد : أهلا يا هيما افندي كنت فين ياد امبارح؟ هيما : امتى؟ محمد : بعد العشا كدة عدينا على طارق وانت مجيتش هيما : لا ابدا كنت في مشوار محمد : خير . طيب ايه جديدك؟؟ هيما : هاخطب اهوه ان شاء الله .. عقبالك محمد : أخيـــــــــــــــــــــرا .. مبارك يا حبيبي ولقيت فين اللي هتستحملك دي؟؟ ^_^ هيما : بوظت الكلمتين الحلوين اللي قلتهم يا تيت محمد : ههههههههههههه لا بجد احكيلي هيما: مفيش حكاية ولا حاجة هي أخت معرفة أخواتي البنات وحكولي عن التزامها واخلاقها وانها سلفية ^_^ فاستخرت وعزمت وتوكلت محمد : اللهم بارك .. سلفي +سلفية تتوقع يخلفوا ايه؟؟ ^_^ هيما : ههههههههههههههههههههه يابني انت سلفي على سلفية ميرولّش(جاية من roll) هههه محمد : ربنا يباركلك يا حاج وعقبالي بقى هيما : ان شاء الله فرجه قريب محمد : ونعم بالله وامتى الخطوبة بقى؟ هيما : لسة أصلا الرؤية .. ربنا يستر محمد : لا متقلقش أنا هابقى ان شاء الله ابعتلك درس للشيخ هاني حلمي عن الرؤية الشرعية جااااااااااااااااااااااااامد هيما : تمام هابقى اسمعه ان شاء الله .. ربنا يباركلك روح بقى شوف هتبوظ كام كمبيوتر النهاردة محمد : فشر , دا أنا اللي مظبط الشركة دي وأعوذ بالله من كلمة أنا D: هيما : ربنا يزيدك تواضع يابني والله محمد : اتعلم اتعلم .. الحمد لله استنونا الحلقة الجاية ان شاء الله |
