* لو انحرق الرز حطي على الوجه قطعة عيش او بصلة مقشرة عشان تمتص ريحة الاحتراق.
* لو زاد الملح عليكي في المرقة او الطبخة حطي كم قطعة بطاطس عشان تمتص الملح.
* عشان تنجح معاكي عجينة الفطاير لازم نلت العجينة بضربها بقوة على سطح نظيف الين تتمط معاكي.
* من شروط نجاح كيكة الزبادي يكون البيض طازج وماله اكثر من يومين في الثلاجة.
* ولنجاح اي كيكة سخني الفرن قبل وضع الكيك.
* الفانيليا السائلة رائحتها افضل من البودرة.
* قبل ماتستخدمي الدقيق لاي حاجة انخليه مرتين عشان يدخله الهواء.
* عشان تتخلصي من قشرة اللوز او الفستق اسلقيها 7 دقائق وازيلي القشرة.
* لتخلصي من رائحة البيض اضيفي ملعقة خل ابيض صغيرة.
* لو حاتستخدمي البكنج بودر اضيفيه في اخر خطوة في العجن عشان لا يفقد مفعوله.
* لما تختاري الباذنجان لاتاخدي الحبات شديدة السواد واختاري الافتح لأنها اقل مرارة.
* للتخلص من مرارة الباذنجان قطعيه وملحيه بملح ناعم واتركيه نصف ساعة ثم اقليه.
* يحصل ساعات ان تستوي الكيكة او البسبوسة من الاعلى والاسفل والوسط لسه محتاج شوية اطفئي الفرن من الاسفل وغطي وجه الكيكة بالقصدير واشعلي نار الفرن من الاعلى وتكون عالية وسيبي الصينية 10 دقائق.
* عند سلق اللحم نتخلص من طبقة الريم البيضاء لأنها تسود لون اللحم.
* من الافضل اضافة القليل من ورق الغار وحبات الهيل حتى تعطينا رائحة ازكى.
* زيادة كمية الزيت للفطائر او اضافة البيض يفقدها ليونتها.
* الافضل عند طبخ الارز انك تصفيه جيدا من ماء النقع ويقلب على النار مع ملعقتين زيت او سمن او زبدة دقيقتين عشان تتفل حباته وتكون لامعة.
* او بعد مايستوي الارز ضعي ملعقة زيت على الوجه عشان يكون مفلفل
* لا تضيفي الملح او الليمون للسلطة الا وقت التقديم عشان ماتذبل الخضار
* لما نسلق المكرونة او اللازانيا نقوم بغسلها بماء بارد عشان ماتلصق بعض.
* كل ماطالت فترة بقاء الحلى في الثلاجة(ليلة كاملة)نحصل على نتيجة افضل ماعدا الانواع اللي تتقدم على طول مثال(الكيكة الساخنة)
* عند وضع طبقة من التوفي او الكريم كراميل المخلوطة بالكاكاو او النسكافيه فوق الحلى من الافضل ان توضع والحلى ساخن عشان يبردوا مع بعض وماينفصلوا وقت التقديم.
* للاستفادة من الزعفران اطحنيه في مطحنة الهيل او القهوة وضعيه في ملاحة ثقوبها صغيرة ليستمر فترة اطول وتستفيدي من كل جزيئاته.
* عند عمل ساندوتشات بلي منديل كبير الحجم بقليل من الماء بحيث انك لو عصرتيه ماينعصر وضعيه على وجه الساندوتشات لوقت التقديم لتحافظي على ليونته.