 |
  |
|
|
|
|
#1 |
|
:: كاتبة مميزة :: |
السلآم عليكم ورحمة الله .{
مستغربآت ؟ كملوا معآي للآخر .. الموضوع مو ممل .. ! ف عطيني من وقتج ربع ساعه بس .. } ، أقدر أشتري سيّاره ب20 دينار . بس ؟ طبعاً لا .. السياره يبيلها 5 .6000 ع الأقل .! أقدر أشتري بيت ب 700 دينار ؟ طبعا طبعا لآ .. يبيلي 80 الف ع الاقل وخصوصا الحين وبوقتنا هذا :) طيّب ؟ أقدري أشتري الجنّه ب20 دينار ؟ إي والله أقدر .. مع الاخلاص واحسان الظن بالله ! شفتوا شلون احنا مو حاسين بعظيم نعمة الله علينا ... انا هنا حابّه اقولكم عن أسرتين .. ذاقو من التقشف كثير .. وبختصرلكم معاناتهم .. لأن بالنهايه انتي لا حبيتي تسوين لهم استقطاع بتشوفين بعيونج ومحد يقولج ! [ وهذا الشي اللي طول عمري كنت اتمناه ] ! مو لشي .. الا عشان استشعر قيمة الصدقه اللي اشوفها قليله لكن تأثيرها عظيم عظيم عظيم والله العظيم ! .. العائله الاولى : تُدعى أسرة أم لطيف .. وهم ام واب ولد .. من فئة البدون .. الام والابو كبار في السن .. ومع هذا اهم اللي يشتغلون ويجيبون قوت يومهم [ لاحظوا قوت يومهم ! يعني ينامون وهم متكلين ع الله في بكره ] وشنو شغلهم ؟ تجميع الصفائح المعدنيه والخبر وبيع الخيشه ب400 فلس !! يا الله ! 400 فلس ؟ هذي نشوفها طايحه بالصاله مانلقي لها بال ! آه ياقلبي ! اللهم لك الحمد كما ينبغي لجلال وجهك طيب وين الولد ؟ مو المفروض يراعي امه وابوه ؟ ؟ الولد معاق وشاء الله ان يُخلق بدون عينين << انقطع قلبي والله ! مُقعد بالبيت وينتظر المسنين يجيبون له قوته .. { سآرعوا الى مغفره من ربكم وجنة عرضها السموت والأرض } .. بنات لحد يرد بكمّل الموضوع .. مواضيع ذات صلة |
|
|
#2 |
|
|
رد: معآشي 700 دينار ! وأبي أشتري آلجنه ب20 دينار بس !
نجي للعايله الثانيه : وهي لأرمله اسمها [ عايشه ] .. تسكن في مكان لايصلح للسكن .. لكنها مضطره لضيق العيشْ .. وفوق هذا قايمه ع والدها المُقعد اللي تشيله وتحطه وتعتني فيه .. وهي اساساً مريضه بالسكر ... ولاننسى ان الرسول صلى الله عليه وسلم قال : { (( الساعي على الأرملة والمسكين , كالمجاهد في سبيل الله " وأحسبه قال " وكالقائم الذي لا يفتر وكالصائم الذي لا يفطر )) متفق عليه منو منّا مايحي يكون صائم طول النهار قائم طول الليل ومجاهد ف ي سبيل الله .. كل هذا ب10 دنانير بس ! يا الله .. وش كثر ال10 لها قيمه في مثل هذا .. واحنا نصرفها ع اقل اقل شي ..! ونقول دايم [ العشره ماتقعد ! العشره كنها دينار ] ! ؟ وين وصلتوا يا بنات في تأنيب الضمير عقب كل هذا ؟ بالنسبه لي .. تعبت من نفسي اللي تصرف ولا تعرف ! نفسي اللي تصرف الاموال ع غير حاجه .. وفيه غيري يبكون من الحاجه ! اُسر عفيفه مايبين عليها ابد { .. بقى اذكركم بقوله تعالى : { إن تبدوا الصدقات فنعما هي وإن تخفوها وتؤتوها الفقراء فهو خير لكم ويكفر عنكم من سيئاتكم والله بما تعملون خبير "271"). .. الجنّه تنآديلك ... تشتاق لك ؟ والله تعالى قال : { لن تنالوا البرّ حتى تنفقوا ممّا تحبون } .. ملاحظه / الأسرتين تابعين ل لجنة الاصلاح الاجتماعي في غرب الجليب [ عبد الله مبارك ] وانا من قبل كنت ما اروح الا حق لجنة احياء التراث بس دام انّي كلتهم وشفتهم وعرفت اني اقدر اشوف بعيوني فلوسي وين تروح .. عزّمت ع انفاق ما إستطعت انفاقه ع اسرة ام لطيف واسرة عايشه .. . وحتى لو تبون عنوانهم تقدرون تاخذونه وتروح لهم لحد مكان السكن .. وبعد تقدرون تعطونهم صدقات عينيه [ طعام او كسوه او اثاث او فرش ...الخ ] .. بسرعه سابقي نفسج واعيني غيرك حتى يعينك الله .. .. هذا رقم الأخ [ ابو محمد ] ولكم الاختيار بين الجنه وماقرب اليها من قول او عمل .. وبين التكاسل وعدم الرغبه بالجنه 99557008 .. آنا اكلمكم من دآخل الكويت أنتو أتصلو [ يآلي خآرج آلكويت ] وأسألو الموضوع نقلته من وحده الله يجزاها ألف خير على التنبيه دعواتكم :) |
|
|
#3 |
|
|
رد: معآشي 700 دينار ! وأبي أشتري آلجنه ب20 دينار بس !
الله يجزاك الخير والجنة ويقويك على فعل الخير دايما
|
|
|
#4 |
|
|
رد: معآشي 700 دينار ! وأبي أشتري آلجنه ب20 دينار بس !
الله يبارك فيج نورتي الموضوع آمين الله يسمع منج |
|
|
#5 |
|
|
رد: معآشي 700 دينار ! وأبي أشتري آلجنه ب20 دينار بس !
. . . للرفع !
|
معآشي 700 دينار ! وأبي أشتري آلجنه ب20 دينار بس !