ازياء, فساتين سهرة

العودة   ازياء - فساتين سهرة و مكياج و طبخ > الجمال والرشاقة > العناية بالبشرة و الجسم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
العناية بالبشرة و الجسم مهم لكل بنت متزوجة أو لم تتزوج . . يوجد هنا مهم لكل بنت متزوجة أو لم تتزوج . . وصفات خلطات كريمات أقنعة البشرة العناية بالبشرة و خلطات الجسم أنواع البشرة , اسمرار البشرة العناية بالبشرة و الشعر و الجسم خلطات الجمال خلطات طبيعية

فساتين العيد


 
قديم 07-07-2011, 11:56 AM   #1

روح الأبدااع

:: كاتبة مقتدره ::

الملف الشخصي
رقم العضوية: 168060
تاريخ التسجيـل: Jul 2011
مجموع المشاركات: 421 

Lightbulb مهم لكل بنت متزوجة أو لم تتزوج . .


مهم لكل بنت متزوجة أو لم تتزوج . .

السلام عليكم ورحمة الله


في هذا الموضوع سوف نتطرق لجوانب عده تهم كل فتاة في مرحلة قبل الزواج ..

مهم لكل بنت لم تتزوج


















أول موضوع سوف أتحدث عنه :


المنطقه الحساسه..





















إسمرار المنطقه الحساسه وطرق العنايه والعلاج ؟؟







في البدايه خلونا نتعرف على أسباب إسمرار المنطقه :











(لمعلوميه طبيعة هذه المنطقه لابد تكون أغمق من باقي أعضاء الجسم بس طبعا أغمق بنسبه بسيطه مو ليل )
أسباب مرضيه :




بسبب الالتهابات المهبليه وكثرة الافرازات تسبب تراكم البكتيرياوالإسمرار والروائح الكريه.


أسباب مناخيه :













أجواءنا الحاره والجفاف والعرق يتجمع فيك المنطقه يع








وأغلب البنات ماتعمل تهويه للمنطقه




أسباب إجتماعيه :


وهي أهم الاسباب ..

وأعني ثقافتنا الاجتماعيه حول المنطقه الحساسه

من يوم كنا صغار والكبار معطيننا تنبيه ممنوع الاقتراب من هذه المنطقه وحتى مجرد النظر..
هذا جزء محضور من جسمك ممنوع إنك تسألي عنه أو تعرفي عنه شيء ..
حتى المتزوجه ياويلها وياسواد ليلها لو إتكلمت عن هذا الموضوع قدام بنات ماتزوجو يازعم لاتخربهم
أو تفتح عيونهم على أشياء وسخه
وكبرنا وكل نعرفه عن هل المنطقه هو غسلها وقت قضاء الحاجه والوضوء ..
للأسف ماعرفنا إن فيه شيء إسمه عنايه شخصيه للمنطقه
الملابس نلبس أي نوع مانعرف إنه هالمنطقه ماينفع لها غير القطن ..
برضو الفوط الصحيه لعبت فينا لعب وماكنا ندري إن فيه أنواع مناسبه وأنواع زفت ..
يصير معانا إفرازات ونستحي نقول للأمهاتن عاد كيف نروح لطبيبه ..
ويوم صحينا على أنفسنا وتعلمنا وتثقفنا طالعنا وش نشوف
ياأسود
ظلام دامس ونجي نركض وندور هنا وهناك عن خلطه سحريه تشيل هالسواد الي من سنين ونبغيها تشيله بيوم وليله ..




هذي كانت أهو الاسباب ..

نجي لطرق العنايه ..





















طرق العنايه بالمنطقه الحساسه :


- قبل كل شيء لابد من علاج الالتهابات إذا كنتي تعانين منها وغالبا ماتكون على شكل إفرازات ملونه وكريهه وقد يصاحبها حكه ..

لاتقولين بنت وأستحي أجل ليه فيه طبيبات وأدويه مو عشان يعالجونك إنتي وغيرك ..

في مثل هذي الامور أتركي الحياء محد راح ينضر غيرك ..
- تنشيف المنطقه بعد ملامستها للماء وعدم تركها رطبه نهائيا .
- البعد عن المسحضرات المعطره حول هذه المنطقه ماعدا المسك الاصلي ..
-التخلص من الشعر بين فتره وأخرى فترك الشعر يعني أرض خصبه للجراثيم
-استخدام الشورتات القطنيه لمنع الاحتكاك ولانه يمتص العرق .
-الابتعاد قدر الامكان عن بنطلون الجنز واذا كان لابد منه فيلبس لمده قصيره مع لبس فوطه للإستعمال اليومي ..وعمل تهويه للمنطقه لو طالت مدة إرتداء الجينز
-إستخدام الفوط التي تحتوي على القطن لا البلاستيك وعن تجربه فام تعتبر من الانواع الجيده والبعد تماما عن أولويز واذا إضطريتي لإستخدامها ضعي فوقه قطعه محارم حتى لاتلامس بشرتك ..
-تغيير الملابس الداخليه أكثر من مره في اليوم ..وكذلك تغيير الفوط وقت الدوره أكثر من مره حتى في الايام الاخيره وحين يخف الدم لابد من تغيير الفوط منعا لحدوث الحساسيه ,,والافضل حينما يخف الدم في إخر الايام ضعي فوق الفوطه قطعه محارم وحتى لو كانت فوطتك من النوع الجيد ..
لأن المحارم يخف من إحتكاك البشره بالفوط الى عدة أيام فقط فلا تلتهب ..
-بين فترات متباعده إستخدمي غسول الماء والملح للمنطقه الخارجيه ..
أما غسول المر فسمعت أنه مناسب للمتزوجا ..
_ في نهاية الدوره إمسحي المنطقه الخارجيه بالمسك
( والي ماتعرف طريقة عمل المسك تقولي اكتبه هنا )
-عمل تمرين كيجل بين فتره وأخرى للفتيا ..
وعمله بشكل يومي للمتزوجا وايضا الفتيات التي لم يسبق لهن الزواج لكن يعانين من أصوات تخرج من المهبل ..



عمل تمرين قيام وجلوس فهو يساعد على شد المنطقه ..
-تدليك المنطقه بحبات السكر مع زيت الزيتون قبل نزع الشعر يعمل على تقشير المنطقه وتخليصك من الحبوب والشعر أسفل الجلد ..
- تدليلك المنطقه بزيت الزيتون 3 مرات بعد نزع الشعر مباشره يعمل على تخفيف نمو الشعر بإضعاف بوصيلاته كما أنه يشد المنطقه ويخف من الترهل ..(لكن يمنع إستخدام الماء بعد وضع الزيت لمده ساعه كامله لأن ملامسة الماء لمنطقه عليها زيت زيتون يسبب السواد )
_استخدام غسول طبي مره في الاسبوع ..
- الابتعاد نهائيا عن الموس عند نزع الشعر وإن كنتي من النوع الذي لايعرف سوء الحلق فأنصحك بستخدام الة براون الزرقاء للحلق والتنعيم أما الموس فودعيها للأبد
-شرب 8 أكواب من الماء يوميا هذا سيساعد بالقضاء على مشاكل البول والاتهابات وحرارة البول ..
- الاكثار من أكل الاطعمه الثقيله والمفيده مثل المعجنات واللحوم والأطعمه الشعبيه وقت الدوره فهي تعمل على شد المنطقه ..
ولا يجب أن نهتم بالشكل الخارجي وننسى الداخلي ..فبعد الزواج أنتي مطالبه بأن يكون الاثنان في أحسن حال
لذلك إستغلي هذا الامر من الان وحافظي عليهما معا وحاولي علاج أي أمر يتعلق بتلك المنطقه من إلتهابات وأصوات وترهل قبل أن تتزوجي ويكون العلاج أصعب ..



همسه في أذن كل فتاة متزوجه وغير متزوجه ..
أكثري من المشي ولو حصلك تزوري السوق مره في الاسبوع وتمتريه ياسلام عليك أو تمشي بحوشكم مسافه لابئس بها ..
صدقوني ذيك المنطقه راح تنشد وتكون
تراكثرة الجلسه تغلي عضلات ذيك المنطقه مترهله ومافيها حياة >>تسمع بالوصف














طرق علاج إسمرار المنطقه الحساسه :
(لأمانه راح أكتب لكم الأشياء الي أنا وخواتي جربناها فقط ..صحيح فيه مليون طريقه لتخفيف السواد بس ماأبغي أصف لكم شيء ماجربته )
قبل لاتبتدو بالعلاج لازم تتقيدون بأربعةأشياء مهمه :
1- إستعمال شورتات القطن .
2- إستعمال فوط قطن وتغييرها في اليوم عدة مرات .
3- تنشيف المنطقه بعد استعمال الماء مباشره
4- نزع الشعر وعدم تركه لمده طويله .


الي ماتقيد بالاشياء هذي لاتفكر إنها تبتدي بالعلاج أحسن لها ..










أول طريقه للعلاج عن طريق خلطه يمكن الكل صار يعرفه وهي مفيده وطبيعيه وأجمل مافيها أنها تعيد للأشفار لونها الطبيعي لكن عيوبها أنها تحتاج الى صبر وقت طويل في العلاج وغير كذا تحتاج وقت طويل في شيل السواد الي حول المنطقه والافخاذ ..


بس بما إننا بنات ومتفرغين عادي نجرب ونصبر بدل ماوقتنا ضايع بالفاضي على الاقل نستغله بشيء مفيد






>>هذرتي واجد ..أدري خخخ







هذي مكونات الخلطه :
المقادير
نصف فنجان قهوة عصير ليمون
نصف فنجان قهوة زيت لجليسرين
ربع فنجان زيت الخروع
نصف فنجان زيت اللوز الحلو
ربع ملعقة صغيرة مسك
وأنا أضفت لهم نصف فنجال من زيت العكار >>هالزيت روعه ويستعمل للجسم لوحده لوحبيتي


اخلطي كل المقادير مع بعض و حطيهم في قارورة و ادهني بيها المناطق الى فيها سواد وإحفضيها في الثلاجه أفضل عشان العصير الي فيها..
استعمليها كل يوم مدة 3 اسابيع مع عدم استعمال مواد مزيلة للشعر ثل النير و الموس .
والافضل تستعمليها مرتين باليوم ولو ماتقدري إستعمليها بالليل قبل لاتنامي والبسي شورت بس قبل لاتدهني المنطقه أمسحيها بقطنه فيها أسكينول بالليمون ولو ماتتحملي بالليمون ممكن تستعملي أسكينول الشفاف وبعده إدهني من الخلطه
وفي الصباح إغسلي المنطقه بصابونة البابايا الي فيها قطع


طبعا الصابونه راح تجفف المنطقه فعلى طول تكوني محضره جلوسيد الاحمر وخالطه معاه عصير ليمون تدهني المنطقه بنقط صغيره ولاتكثري من الكريم لأنه المنطقه مافيها تهويه والجو حر وكريم وعرق يع



























ثاني طريقه ..بستخدام كريم طبي وطبعا أنا ماجربته أختي المتزوجه كان عندها إلتهابات وسواد في المنطقه فطبيبتها صرفت لها هذا الكريم وماشاء الله ماكملت شهر إلا المنطقه عندها صايره زي لون الجسم ..
الكريم أسمه
اليكا_أم
وسعره 25 ريال
وهذي صورته










تتدهني فيه قبل لاتنامين..وطبعا أختي إستخدمته لمدة شهر ..
بس مايمنع تسألو الطبيبه قبل إستخدامه ..


أخاف أحد لاسمح لله ينضر ولا شي بعدين تدعون علي ..







أن قلت لكم الي جربته أنا وأخواتي والله شاهد


بس طبعا كل بشره تختلف عن الثانيه والي يناسبني يمكن مايناسب غيري ..




























الطريقه الثالثه للعلاج كريم طبي ينفع للبنات والمتزوجات صرفته طبيبة نساء شاطره
بس ماراح أكتب اسمه لين أسمع عن نتائجه من البنت الي تجربه هي صار لها كم يوم تستعمله ..
وبصراحه الكريم غالي وينفع مو بس لذيك المنطقه بعد ينفع كابديل لكريم الاساس في البيت ..وتصفية البشره
الي تبغي إسمه تقولي بس ماني مسؤله عن النتائج لأني للحين ماوصلتني نتائجه


النقطه المهمه :
لازم كل بنت يكون عندها علبة إسكينول مسحه منه على الاشفار الخارجيه كل يوم راح يخف من السمار ويفتح لونها .


تنظيف المنطقه الحساسه من الشعر
(راح أكتب لكم طريقتي وطبعا كل وحده لها طريقتها الخاصه والي ترتاح لها لو طريقتي ريحتكم تمام ولو مانسبتكم لاتدعو علي أنا بس حبيت أخدمكم )
طبعا هي مو سر أو غيرطرق الناس بس الحمد لله الطريقه هذي مريحتني وماتطلع حبوب ولاسواد ولاترهل المنطقه وغير كذا تخف نمو الشعر وإنتي بنفسك راح تلاحظي ..

أولا: لازم توفر الاشياء هذي :

حبات من السكر

قليل من زيت الزيتون

مخدر (بنج للأسنا )

قطن

بودرة الاطفال

حلاوة شهرزاد ..

الة براون لنزع الشعر وليس الحلق ...
أنا عندي مجموعة العروسه
بس تقدري تشتري براون للنزع لوحدها مو شرط مجموعة العروسه ..

براون لحلق الاماكن الصعبه في المنطقه الحساسه ..
هي على شكل قلم تجي مع مجموعة العروسه
وممكن تجي لوحدها ..

مرايه بس تكون أكبر من هذي
.............................. ..
الحين ياشطار جهزو الاغراض هذي كلها حتى نبتدي بالطريقه
والي أغراضها ناقصه لاتحضر عندي
>>تحلم بالتدريس

طريقة شيل الشعر :
1- أحسن وقت لشيل شعر المنطقه الحساسه هو في اليوم الاخير أو ماقبل الاخير من الدوره لان الام راح يكون أخف بس بشرط يكون الدم متوقف ..
2-ندهن المنطقه بزيت زيتون ونأخذ حبات السكر الخشن وندلك المنطقه بلطف هذه الطريقه تساعد على تقشير المنطقه وإخراج الجلد الميت والشعر الي تحت الجلد وبكذا لما نجي نشيل مايكون فيه شعر مستخبي 0
3-نترك زيت الزيتون على المنطقه لمدة ساعه وبعدها نغسله بالماء (يابنات زيت زيتون ومويه يعني سواد عشان كذا اذا استخدمتو الزيت لاتغسلوه إللا بعد ساعه )
طبعا نغسله بالماء وصابونة البابايا وبعدين ننشف المنطقه زين .
4- نجيب المخدر (بنج الاسنان )ونرش في قطنه لين تتعبى القطنه ونمسح على المنطقه الحساسه طبعا على أماكن نمو الشعر بس نبعد عن الفتحه ..
(اذا الشعر طويل قصيه عشان الشعر الطويل يتعب بالشيل ويعذبك وبرضو مايسمح للبشره تتشرب المخدر )
بعد مادهنا المخدر نترك المنطقه مفتوحه بدون ملابس لان الملابس راح تتشرب المخدر وكأننا ماسوينا شيء
يعني إجلسي بغرفتك خلصي كم شغله ولا إقري كتاب لين تمر نص ساعه ..
بعد النص ساعه جهزي عدة الشيل
(فيه بنات ماتخدر عندهم المنطقه إلا بعد ساعه ,,يمكن أو مره ماراح تعرفي إنتي كم محتاجه عشان تتخدر عندك المنطقه لكن بعدين راح تتعودين وتعرفي اذا نص ساعه ولاساعه )
5- عند الشيل راح نقسم المنطقه الحساسه الى ثلاث أقسام :
1-المنطقه الاماميه وهذي تنشال بالحلاوه .
2-منطقة الاشفار الكبيره وهذي تنشال بالأله .
3- المنطقه العميقه والقريبه من الفتحه وهذي تنشال بألة براون القلم .
1- شيل المنطقه الاماميه :
هذه المنطقه أكثر شيء يناسبها في الشيل الحلاوه
تعرفون ليه ؟؟!
انا أقولكم ..
لأنه هذه المنطقه لازم تكون ناعمه وخاليه من الشعر وبرضو بيضاء
واذا تزوجتي راح تفهمي كلامي أكثر
طبعا الموس على طول يسمر هذه المنطقه والأله تطلع حبوب وشعر تحت الجلد وألة الحلق يومين والشعر طالع
حطي في بالك إنك في يوم راح تكوني عروس وعلى الاقل الشعر لازم يجلس كم أسبوع ومايطلع فابدل ماتبهذلي بعدين تعلمي من الحين إنك تشيلي ..صح راح يكون فيه ألم ويمكن الي كانت تستخدم الموس الالم راح يكون أشد بس صدقوني أول مره ويمكن المره الثانيه وبعده خلاص تتعودين ..والمخدر راح يخف عنك ..ولاتقولو الحلاوه ترهل ..
الحلاوه ممكن ترهل لو أستخدمات للأشفار الكبيره أم المنطقه الاماميه أبدا ماتسبب ترهل ولا برود جنسي على قولتهم لأنه أساسا مافيه برود جنسي مثل ماذكرنا في الردود السابقه .


نجيب حلاوة شهرزاد وناخذ قطعه كبيره ونجلس نلعب فيه لين يتغير لونها ..
بعد مايتغير لونها نحط القطعه على طرف الرجل لأنك لو حطيتيها في صحن أو ورق راح تسيح وتلصق فيه فالافضل على طرف رجلك ..
إجلسي ممده على رجولك بس إرفعيهم على طرف السرير مثلا
يعني شبه منسده وبكذا هذه المنطقه راح تكون مشدوده عندك ويسهل شيلها ..
خوذي من قطعة الحلاوه الكبيره الي جهزتيها خوذي منها حبه قد حبة اللبان (العلك )وشيلي فيها جزء صغير يعني إفرشيها على الشعر بإبهامك وعلى طول بإصبعك السبابه والابهام شيليها ..
لو ماطلع معك شعر كرري الطريقه بس مو على نفس المكان ولو حسيتي أن المنطقه ماتخدرت إنتظري بعد شوي ..
طبعا راح يطلع معك الشعر من جذوره وبمجرد ماتشوفيه راح تتشجعي أكثر وأكثر ..
يمكن شيل هذه المنطقه ياخذ منك وقت طويل لأنك مبتدئه لكن بعدين راح تشيليه بسرعه ويمكن بقطعه أكبر من حبة اللبان ..
ولو الحلاوه سالت بيدك رشي على يدك بودرة الاطفال راح تخف من الإلتصاق ..
ونصيحه مني لو أول مره تشيلي لاتشيلي المنطقه كلها مره وحده لأن ظهرك راح يتعب ..
إنتي شيلي المنطقه الاماميه يوم ومن بكرى شيلي الباقي ..
_بعد ماتشيلي المنطقه الاماميه بالحلاوه راح يبقى معك بعض الشعرات لاتضيع وقتك عليهم إتركيهم للمسات الاخيره .
وبكذا نتقل للمرحله الثانيه ..

2- شيل منطقة الاشفار الكبيره :
هذي المطقه زي ماقلنا ماينفع معها الحلاوه لأنها بترهل ولو إستعملنا لها الحلق بيصير شكلها بايخ تخيلو فوق يجلس اسابيع بدون شعر وهذا يومين والشعر طالع
عشان كذا أفضل شي استعمال الة براون لنزع الشعر يعني نتف مو حلق وألتي جاي معها راس خاص للمنطقه الحساسه

هنا عاد تعدلي جلستك وتجلسي مثل جلستك لقضاء الحاجه أعزكن الله وحطي المرايه تحتك حتى تشوفي وشغلي الاله على الهادي مو السريع ..
راح تحسي بألم فضيع اذا أول مره
إحتمال يكون مفعول المخدر خلص عشان الوقت راح على شيل المنطقه الأماميه عشان كذا أنصحكم تشيلو بيومين لين تتعودن
إستمري بالشيل ولامنع من التوقف وتبريد المنطقه بقماش فيه كيس ثلج بس تبريد خفيف عشان ماتموت الخلايا ..
بعد ماتخلصي من الاشفار الكبيره
نجي للمرحله الثالثه .

3-شيل المنطقه العميقه والقريبه من الفتحه والمنطقه الي بين فتحة المهبل وفتحة الشرج وكذالك الخط الي بين طيات المؤخره لو فيه شعر ..
طبعا هذه المنطقه ضيقه وعميقه وحساسه بقوه وماينفع معاها لا موس والة نتف ولا حتى حلاوه لأن الجلد رقيق ..

عشان كذا نستخدم ألة براون الي حلى شكل قلم للحلق يعني إرتاحو مافيه ألم ونضفي المكان على كيفك ولايضيق صدرك من كم شعر تستخبي وإنتي ماتطوليها


وبكذا خلصنا من شيل المنطقه باقي اللمسه الاخيره وهي أخذ قطعه صغيره من الحلاوه ونزع الشعر الصغير والي ماإنشال معك أول مره ..
صح وإنتي تقرين الطريقه راح تقولي يوه طويله لكن لو عودتي نفسك عليها ماراح تاخذ من ساعتين مابين التخدير والتجهيز والنتف ..وساعتين يازينهم ولا عشر دقايق مع الموس وبلاويه هذا غير إذا جاء زواجك تبهذلتي ..
خليك من الحين متعوده وفرصه يخف نمو الشعر قبل الزواج ولايكون هو أكبر همك ..وتكوني زوجه نظيفه من برا وجو

لاتروحو لسا ماخلصنا ..


خلصنا من الشيل..
نجيب شوية ديتول مخف بمويه ونمسح فيه المنطقه عشان الجراثيم والحبوب ماتطلع وبعد ماينشف نجيب زيت زيتون وندهن المنطقه فيه وهذا سر تأخر نكو الشعر
السر بالزيت
يقولك دهن المنطقه بزيت الزيتون بعد النتف مباشره ولمدة ثلاث أيام يقل نمو الشعر بشكل كبير ..
نتركه ساعه بعدين نغسله
ولو حابين تبيضو المنطقه وتنعموها حطو عليها خليط (نشاء وليمون وماء ورد )
لو تعودتي على الطريقه هذي ..
أضمن لك النظافه أولا
الرائحه الزكيه ثانيا
تفتيح المنطقه ثالثا

طريقتي في إزالة الشعر من بقية أجزاء الجسم..

بالنسبه للأبط :
شيليه بالحلاوه بس نفس طريقتنا بذيك المنطقه نسوي قطعه كبيره من الحلاوه وناخذ منها قطع صغيره
بس الأبط مكان حساس مرره يمكن أشد من ذيك المنطقه يعني اذا شلتي جزء منه ومانظف لاترجعي تشيلي نفسك المكان لا روحي لمكان غيره بعدين اذا برد أرجعي شيليه ..
لأنه الشيل بقوه وتكرار راح يخلف لك بقعه زرقاء ولا خضراء وبعد أيام تقلب سوداء وتصيري بمشكله ثانيه ..
أنا بصراحه ماأستعمل البنج إلا لذيك المنطقه فقط ..
بس عشان تخفي من الالم جيبي قماش فيه كيس تلج وبردي الابط قبل الشيل وأثناء الشيل بس لايصير فيه مويه بعدين ماتلصق الحلاوه ولاتخليه مده طويله عالبشره يعني ثواني ..
وأهم شي في شيل الابط هو شد اليد عشان يكون الشيل بسرعه وأخف ألم وشدها يكون إنك ترفعي يدك وتحطيهي وراء راسك ..
ولو حصلتي أحد يشيلك بترتاحي أكثر ..
بعد الشيل بردي المنطقه و بعدين دهنيها بزيت زيتون ..
والافضل كل ليله تخلطي شويه من زيت اللوز المر مع كريم سودو وتدهني الابط يفتح المنطقه ..
ولا ننسى مسحه من الاسكينول ..

باقي الجسم :
فيه طريقتين للشيل :
الطريقه الاولى :
عن طريق حلاوه يجي معها قطع قماش تسخنيها بالميكرويف دقايق وبس تصير سايحه تفرديها على الجسم وتفرشي قطعه القماش عليها على طول واذا لصق القماش بالحلاوه تشيليه واذا إنشال الحلاوه تكون ماسكه بالشعر من الطرف الثاني وينشال معها الشعر ..
وهذي صورتها ..


ومميزات هذه الطريقه إنها سهله وسريعه وماتوسخ لك الدنيا لأن فيها روله في فتحتها ..
وعيوبها أنك ممكن تزودي درجة التسخين وتطلع من العلبه وتخرب عليك ..

الطريقه الثانيه :
اذا ماعندك هذا النوع تجيبي حلاوة شهرزاد وقماش أبيض تقصيه شرائح وملعقة خشب ..
تسخني الحلاوه في الميكرويف لين تصير دافيه وبملعقة الخشب تفري الحلاوه على جزء من الساق أو الذراع وتفرشي القماش عليه وتشيلي وهكذا ..
عيوب هذه الطريقه ..
إنها ممكن تحرقي بشرتك والدنيا تنعفس وممكن تبرد الحلاوه وإنتي تدهني بالملعقه وترجعي تسخنيها حوسه مو طبيعيه ..

طبعا فيه طريقة الشيل العاديه وهي طريقة السودانيات بالشيل بس مو الكل تضبط معاه ويمكن لو سوتها وحده مو شاطره تطلع لك حبوب تحت الجلد ..
عشان كذا ومن خلال تجربه أنا لو ماحصلت سودانيه تشيل لي أسوي الطريقه الاولى ..
بس المهم نقص من الشعر لو كان طويل ..
وبعد الشيل نكون خالطين مويه بارده مع نشاء بقاروره نتدهن فيها لين يبس النشاء ..
والاهم عمل سنفره قبل الشيل خصوصا للساقين ..
سواء سنفره عن طريق الليمون والملح
أو سنفرة المشمش >> السنفره هذي لايعلى عليها

وزي ما قلت أن ماأستعمل البنج إلا لذيك المنطقه فقط ..
لأن التبريد بالثلج ممكن يخف من ألم الشيل في المناطق الثانيه:11_3_2[1]:


تم بحمد لله
أسأل الله أن يكون فيه خير وفائده لجميع الفتيات ..



دمتم بود""

مواضيع ذات صلة
ثلاث طرق لأزالة الشعر الغير مرغوب فيه بدون الم
تحيه لكل بنت ما بتعرف تطبخ تحيه من القلب
وصفات لمعالجات نمو الشعر
البوتوكس و الفيللر- حقن التعبئة وسائل الشد بدون جراحة
تجربتي الشخصيه في استخدام الحلاوه لإزالة شعر المنطقه الحساسه
التخلص من الحبوب تحت الابط من برنامج the doctors
العنايه بالبشره بعد ازالة الشعر بالحلاوه
طرق حرق السعرات الحراية



 
قديم 07-07-2011, 01:21 PM   #2

بنت أبو متعب


رد: مهم لكل بنت متزوجة أو لم تتزوج . .


مهم لكل بنت متزوجة أو لم تتزوج . .

مشكورة يالغلا
بجد الموضوع فادني حيل

 
قديم 07-07-2011, 01:49 PM   #3

روح الأبدااع


رد: مهم لكل بنت متزوجة أو لم تتزوج . .


مهم لكل بنت متزوجة أو لم تتزوج . .

يسلمو حبيبتي ع المرور
نورت صفحتي بردج..


دمتي بود""

 
قديم 07-07-2011, 02:20 PM   #4

صفاء*


رد: مهم لكل بنت متزوجة أو لم تتزوج . .


مهم لكل بنت متزوجة أو لم تتزوج . .



[جميل]
انا اكون هنا لأقرأ موضوع مفيد جدا
و [الاجمل]
ان الموضوع من اناملك الرائعه
دمتي بود لا ينتهي
صفاء*



 
قديم 07-07-2011, 02:47 PM   #5

أم فطومه


رد: مهم لكل بنت متزوجة أو لم تتزوج . .


مهم لكل بنت متزوجة أو لم تتزوج . .

وعليكم السلام ورحمة الله وبركاته

واو

بقلب؟؟؟ تمقلت عيني وانا اقرا من غير النظاره<<<< (اكيد بسبب روعة طرحج)

ياقلبي

الف عافية على الموضوع المتخم بالفائده

وكلمة حق؟؟




^


^


^





حلمج يالتدريس يتحقق;)


تقبلي مروري

 

أدوات الموضوع



الساعة الآن توقيت السعودية الرياض و الدمام و القصيم و جدة 12:31 PM.

 

Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0