فمان الله .. يا أخر سنين

الشقا ويا العذاب

فمان الله .. روح ولا

تلتفت بعد الغياب

فمان الروح اللي أدمتها

طعونك ..

فمان جروح اسقتني

يدينك ..

فمان الكذب اللي عشته

في عيونك ..

فمان هموم ورتني

سنينك ..

انا بدى عمر ثاني

بدونك ..

أبد ما احتاج فيه لمسة

يدينك ..

كنت احبك . .

كنت احس بالجرح فيك

لو مالمسته ..

كنت أشوف الحزن فعيونك

لو ماحكيته ..

كان الهم فقلبي كبير

ولعذابي طعم غير

لما أشوف فيك التعب

اللي يترجمه الغضب

لو ماشكيته ..

كنت من خوفي عليك

أحرم عيوني المنام

لين اطمئن انك بخير

وأحضنك في عيوني وانام

كان قلبي أشبه بركان

ثاير ..

وكان حبي من لهيبه

يحترق .!!

كان شي في داخلي

ضايع وحاير ..

مدري خوفي

والا خوفي

والا خوفي والأرق

قلبي حزين ومنكسر

وده يلوح للأمل
بس للأسف :

حتى الأمل

وجهه تحطم واندمر ..

صار الوجود مثل العدم

حتى السفر

صارت دروبه جمر ..

درب واحد ودايم نهايته الألم

حتى الفرح

لملم بقاياه ورحل

عن قلب هالك في الجروح

آآآآآآه وينك يالفرح . .

عن قلب مات في ليلة فرح