|
#1 | |
:: كاتبة مميزة :: |
ورقة اللحمه
المقادير
حوالى من تلت الى نصف كيلو لحمه مقطعة شرائح صغنتوته خالص زى الشاورمه (بتشوحى بصلايه فى حته سمنه وتحطى عليها اللحمه وتسيبيها لغايه ما تستوى ممكن تحتاج شويه ميه صغيرين وتملحيها طبعا مع شويه فلفل اسود وحبهان ) بطاطس مقطعه شرائح بس تكون اتخن من الشيبسى شويه (انا هنا استخدمت ست بطاطسيات وكفت تلات اشخاص) جزر برضه شرائح ملح وفلفل اسود ملعقة سمنه ورق فويل كوب ماء عشان يتحط تحت الفويل الطريقه تجيبى الصينيه سواءمدورة او مستطيله وتجيبى ورقتين من الفويل وتحطى واحده بالعرض واحده فوقها بالطول زى الصورة اللى بعد دى فى الالبوم ويبقى شكل علامه الزائد وتعملى حسابك فى الزياده عشان التقفيل وبعدين تجيبى البطاطس والجزر وتكونى حاطه عليهم الملح والفلفل وتجطى نص الكميه فى الارضيه وبعدين مع حته سمنه وبعدين تحطى اللحمه بتاعتك وبعدين باقى كميه البطاطس والجزر وحته سمنه على الوش وبعدين تقفلى الفويل كويس اوى ومتخليش فيه اى فتحات لانها بتستوى على البخار وبعدين حطى كوبايه مايه فى الصينيه نفسها تحت الفويل عشان برضه تستوى على البخار وكمان عشان متنشفش من تحت فى الصينيه مش مع البطاطس مش تنسوا ودخليها الفرن حوالى ساعة وقبل ما تطلعيها افتحي فتحة صغنتوته فى الفويل وميلى الصينيه عشان تتاكدى انها شربيت ميتها كلها لان البطاطس والجزر بينزلز ميه لو لقيتى لسه فيها ميه سيبيها شويه كمان فى الفرن وطلعى وكليها مع ارز ابيض يالشعريه وبالهنا والشفا مواضيع ذات صلة |