|
07-31-2011, 10:59 PM | #1 |
:: كاتبة مميزة :: |
بفالوفا
حلويات طعمها يجمع بين طعم الويفر من برة و المارشميلو من جوة
المقادير 4 بياض بيض 3\4 كوب سكر فائق النعومه يعني مابين العادي و البودرة معلقه صغيرة خل 1\2 معلقه كبيرة نشا فانيليا كريم شانتي للتزين فراوله للتزين الطريقه اولا لازم الطبق الي هنضرب فيه البيض يكون نضيف جدا و مفيهوش ذرة دهن و ممكن قبل ماتعملي فيه تمسحيه بنص لمونه و بعدين نجيب البياض نضربه بالميكسر الكهربي لحد ما يتقل خفيف و بعدين نبتدي نحط السكر معلقه معلقه مع استمرار الخفق لحد ما يتقل البياض اوي و يبقي مارينج ابيض زي الي في الصورة الاولانيه و بعدين نوقف خفق و نحط الخل و الفانيليا و النشا و بمعلقه نقلب بالراحه لحد ما يمتزجو بس منزودش التقليب عشان المارينج ميهبطش و نجيب صينيه نحط فيها ورقه زبدة و نرسم فيها دائرة قطرها 18 سم و نقلبها الناحيه التانيه و نفرد المارينج علي الدايرة بحيث الحروف تبقي اعلي من الوسط عشان بعد التسويه هنحط فيها الكريم شانتي و الفاكهه و بعدين نحطها في فرن حرارته 170 لمدة 5 دقايق و بعدين نوطي النار لحد 130 درجة و نسيبها حوالي ساعه الا ربع و نشوفها بتبقي من برة مقرمشه و لما تضغطي ضغطه خفيفه عليها تلاقيها طريه من جوة زي المارشميلو و تقفلي النار و تسيبيها جوة الفرن بس تفتحي باب الفرن فتحة صغيرة و تسيبيها لحد ما تبرد خالص و بعدين تطلعيها تزوقيها بالكريمه و الفاكهة قبل التقديم علطول و انا رشه عليها شويه كوكيز شوكولاته كمان و بتتاكل في يومها مبتستناش اكتر من يوم ... بالهنا و الشفا مواضيع ذات صلة |