ازياء, فساتين سهرة


العودة   ازياء - فساتين سهرة و مكياج و طبخ > الطبخ > اكلات رمضانية اطباق رمضان
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
اكلات رمضانية اطباق رمضان لازانيا رولز بحشو الفراخ يوجد هنا لازانيا رولز بحشو الفراخ اكلات رمضانية و اطباق رمضانية افضل أكلات رمضانية مميزة اكلات شهر رمضان و اطباق أكلات رمضانيه Ramadan Foods

فساتين العيد


 
قديم 08-02-2011, 07:53 AM   #1

ღ<نـدى الـعــمـر>ღ

:: كاتبة مميزة ::

الملف الشخصي
رقم العضوية: 170004
تاريخ التسجيـل: Jul 2011
مجموع المشاركات: 1,292 
رصيد النقاط : 5

لازانيا رولز بحشو الفراخ


لازانيا رولز بحشو الفراخ

المقادير والطريقة :
هنقسمها اربع حاجات :

** اولا صوص الطماطم :
-- نشوح فصين ثوم فى ملعقة زبدة ونزل عليهم بعصير طماطم كمية كويسة حوالى 4 طماطمات وملعقة صلصة وملح وفلفل وبابريكا وزعتر وده اساسى وبهارات ايطالية بتاعة الباستا والمكرونة لو عندك ونسيبها لحد ماتغلى وبعدين نوطى النار ونغطى عليها ونسيبها تتقل شوية وتسبك مش اوى يعنى تكون سايلة بس قوامها حلو

ياريت نبدأ بيها عشان بتاخد شوية وقت

** ثانيا الحشو (( الفراخ بالجزر والذرة )) :
-- نشوح بصلاية كبيرة مفرومة صغير وليست مبشورة ,, وبعدين عليها فصين توم كبار مفرومين ناعم ,, وبعدين جزراية كبيرة مبشورة وماتستكتريهاش عشان الجزر بيخس فى الحجم اوى وبيدبل ومش بيبان خالص بعد كده فكترى منه عشان يبان طعمه الجميل
وقلبى بحد مالجزر يدبل ,, انزلى بالفراخ المقطعة مكعبات صغيرة والمتبهرة على خفيف بفلفل وبابريكا ,, بهرى الخليط كله بالملح والفلفل والزعتر الناشف وبهارات الفراخ والجنزبيل البودر وشوحى الفراخ كويس لحد مالونها يتغير وتمسك نفسها كويس وبعدين انزلى عليها بالذرة الحلوة واللى ميعرفهاش هى اللى بتباع فروزن زى البسلة والخضار المجمد وطعمها حلو اوى بس خلوا بالكم مش المعلبة لان دى بتكون مستوية وجاهزة للاكل مش للطبخ ,, بنضيف من الذرة حوالى نصف كوب الى كوب حسب رغبتك وحسب كمية الفراخ وانا عن نفسى بحط منها كتير زى الجزر لانها بعد السواء مش بتبان اوى بس طعمها بيبقى باين
نقلب الحشو كله كويس ونغطى عليه ونوطى لمدة 5 دقايق هتلاقيه نزل مية من الذرة والفراخ شيلى الغطاء وعلى النار وقلبى لحد مايتشرب المية تانى كده هيكون قرب يستوى خالص ,, اطفى عليه


** ثالثا سلق اللازانيا :
-- بتسلق فى صينية كبيرة فيها مية مغلية فيها ملح وزيت لمدة ربع ساعة تقريبا او زى اللى مكتوب على العلبة وبتطلعيها على ورق فويل مش فوق بعضها وده اساسى رصيها جنب بعض بس ماتلمسش بعضها عشان لو لزقت وجيتى تفكيها بتقطع منك

** رابعا البشاميل :
تعمليه بطريقتك المعتمدة وانا شخصيا بستعمل البشاميل الجاهز بموت فيه بيكون تحفة وبحط عليه جبنة كيرى وكريمة خفق بيخلوه حلو اوى بس تقليه على اد ماتقدرى عشان اللازانيا ماتبقاش سايحة اوى متعرفيش تشيليها

** خامسا تحضير الطبق للفرن :
-- نجيب طبق الفرن بتاعنا انا بحب يكون بيركس او بورسلين فى الحاجات اللى زى دى وطبعا براحتك ,,
خدى بقى تكاتى اللى بتميز اللازنيا بتاعتى :
ادهنى طبق الفرن بلحسة زبدة مش سمنة عشان ماتغيرش الطعم عنى خدى حتة زبدة صغنتوتة على طرف صبعك وادهنى بيها الطبق على خفيف وزعى فصين توم مهروسين على الزبدة

وزعى صوص الطماطم بحيث يغطى قاع الصينية تماما

حطى 3 ملاعق من البشاميل على حشو الفراخ واخلطيه كويس بحيث ان الحشو يتماسك تماما ويبقى كريمى شوية

هاتى شريحة اللازانيا وحطى على طرفها ملعقة كبيرة من الحشو وعليها ملعقة صوص الطماطم وعليها جبنة شيدر او موتزريلا مبشورة ولفى الشريحة على الحشو رول بحرص وبهدوء ومن غير ماتضغطى عليها عشان الحشو مايخرجش

رصى شرايح اللازانيا فى الصينية على صوص الطماطم

وزعى على اللازانيا صوص الطماطم اللى باقى كله يعنى ملعقة على كل واحدة عشان كده قلت فى الاول نعمل كمية كويسة من الصوص وعلى فكرة الصوص ده هو اكتر حاجة بتحليها وبيكسر طعم البشاميل

وفوق الصوص وزعى جبنة شيدر مبشورة كمية كويسة عشان الجبنة مهمة اوى فى اللازانيا ,, وعليها البشاميل بس مش كتير يعنى ماتخليهوش طبقة عالية خليه يادوب مغطيها وعلى وشه وزعى الجبنة سواء شيدر او موتزريلا

حطيها فى فرن متسخن على حرارة 210- 220 لمدة 40 دقيقة لحد مالجوانب كلها تحمر تماما والوش يبدأ يحمر وبعدين شغلي الشواية وحطيها على ارضية الفرن عشان تتحمر بهدوء من غير ماتلسع وعشان الجبنة تسيح مش تنشف

اول ماهتطلع هتكون سايحة اوى اوى ياريت تستنى عليها شوية حتى لو مستعجلة ع الاكل يعنى ربع ساعة بس هتهدا وتماسك وتعرفى تقطعيها وتطلعيها حتة على بعضها كمان طعم كل حاجة هيكون باين مش هيكون كله بشاميل فى بعضه

مم وهتدوقى لازانيا غير
حلوة اوى اوى اوى

مواضيع ذات صلة
طيقة عمل لازانيا باللحم المفروم
لفائف اللازانيا بالستيك الفيلي
صدور الفراخ بصوص الباربكيو تحفه
النجرسكو بالفراخ والباشميل
مكرونة بالفراخ مع كور البطاطس
شوربة الفراخ بالكريمة
لانشون الفراخ
البيض المغلف بالفراخ
توست باللازانيا - وجبة إفطار شهية ودسمة



 
قديم 08-02-2011, 05:03 PM   #2

NoOoNoOo


رد: لازانيا رولز بحشو الفراخ


لازانيا رولز بحشو الفراخ

تسلم ايديكي حبيبتي

 
قديم 08-31-2011, 02:08 PM   #3

دلع الحلوة


رد: لازانيا رولز بحشو الفراخ


لازانيا رولز بحشو الفراخ

تسلم ايديكي

 
قديم 09-01-2011, 03:10 PM   #4

كن مع الله


رد: لازانيا رولز بحشو الفراخ


لازانيا رولز بحشو الفراخ

يسلمو على الابداع
وصفة جميلة
ابداع متجدد
تقبلي مروري وردي

 
قديم 09-01-2011, 09:04 PM   #5

**الرمش الحزين**


رد: لازانيا رولز بحشو الفراخ


لازانيا رولز بحشو الفراخ

اشكرك من كل قلبي ع هذا الموضوع
انا دائما احب ان يكون جوابي صادق
نعم اكتبها من كل قلبي الطيب والصادق

 

أدوات الموضوع



الساعة الآن توقيت السعودية الرياض و الدمام و القصيم و جدة 10:23 PM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0